GBPS Muhammad Hayat Bozdar

استاد ھڪ عظيم ھستي آھي، ھن معاشري جي بھتري ۽ ڀلائي لاء پنھنجو ڪردار ادا ڪري ٿو. ھو ڪھڙين مشڪلاتن کي منھن ڏيئي ٿو اھو صرف ھڪ استاد ڄاڻي ٿو تہ ھو ھڪ ٻار کي بھتر شاگرد ڪيئن ٿو بڻائي. تنھن استاد جو بہ حق آھي تہ ھن معاشري جي باشعور ماڻھن پاران انھن جي حوصلا افزائي ڪئي وڃي.
اڄ گورنمينٽ بوائز پرائمري اسڪول محمد حيات بوزدار ۾ استادن جي بھترين ڪارڪردگي ۽ گھٽ سھولتن باوجود شاگردن جي ھڪ وڏي انگ کي تعليم ۽ شعور ڏيندڙ سڀني مانوارن استادن کي اسڪول جي ايس ايم سي جي ٽيم طرفان ايپريسييشن سرٽيفڪيٽ سان نوازيو ويو ۽ ان موقعي تي ڪجھ وقت پھرين ھن اسڪول ۾ آيل ھڪ نئين معزز استاد عابد حسين قائمخاني کي اجياڻي طور ڳوٺ جي نيڪ مرد عبدالعظيم بوزدار پاران اجرڪ پارائي ويلڪم پڻ ڪيو ويو. ان موقعي تي ايس ايم سي چيئرمين عبدالعزيز ۽ ميمبرن مان اسد علي، نياز محمد، رضا علي، ڪاشف علي ۽ عبدالقدير شرڪت ڪئي.

جي بي پي ايس محمد حيات بوزدار

اڄ اسڪول ۾ ايوارڊ تقريب منعقد ڪئي وئي، جنهن ۾ ڪي جي کان ڪلاس پنجين تائين جي شاگردن ۾ انعام ورهايا ويا. هر شاگرد پنهنجي نتيجي جو بيچيني سان انتظار ڪري رهيو هو، ڇو ته اهڙا پروگرام شاگردن جي حوصلا افزائي جو اهم ذريعو هوندا آهن.
حوصلہ افزائي وارا پروگرام شاگردن جي ذهني صلاحيتن کي وڌائين ٿا ۽ انهن ۾ صحتمند مقابلي سان گڏ تخليقي صلاحيتن کي به اجاگر ڪن ٿا.
پروگرام ۾ ڳوٺ جي معزز شخصيتن شرڪت ڪئي، جن ۾ عبدالعظيم بوزدار، اسڪول مينيجمينٽ ڪاميٽي (SMC) جي چيئرمين عبدالعزيز بوزدار ۽ اسد علي بوزدار رضا علي ، ڪاشف علي ،نياز محمد بوزدار ،عبدالقدير شامل هئا.
مهمانن ۽ استادن جي هٿان سڀني شاگردن کي انعام ورهايا ويا، جنهن سان شاگردن ۾ خوشي ۽ جوش ڏسڻ وٽان هو.

پاران جي بي پي ايس محمد حيات بوزدار

جي بي پي ايس محمد حيات بوزدار

ڪلاس ٽين جي شاگردن کي ڇهن گروپن ۾ ورهايو ويو. انهن کي سبق "وتايو فقير جون ڳالهيون" گروپ پڙهڻ ۽ گڏيل ڊسڪشن ڪرڻ جو موقعو ڏنو ويو، جيئن شاگرد رڳو پڙهڻ تائين محدود نه رهن، پر سبق بابت سمجهه به حاصل ڪن.
هر گروپ کي سبق جي پريزنٽيشن پيش ڪرڻ لاءِ همٿايو ويو، جنهن سان شاگردن جي اعتماد، اظهار ۽ ڄاڻ ۾ واڌ آئي.

اهڙي طريقي سان شاگردن کي پڙهائي ڏانهن وڌيڪ راغب رکڻ سان سندن ذهن کلي ٿو، تخليقي سوچ وڌي ٿي ۽ نوان خيال پيدا ٿين ٿا

پڙهائيندڙ استاد عبدالرزاق راڄڙ

جي بي پي ايس محمد حيات بوزدار ۾ باقاعده ميڊ ٽرم پيپرن جو آغاز
تاريخ =08/12/2025

اڄ گورنمينٽ بوائز پرائمري اسڪول محمد حيات بوزدار ۾ باقاعده ميڊ ٽرم پيپرن جو سلسلو شروع ڪيو ويو، جنهن ۾ سڀني شاگردن ڀرپور حصو ورتو.

ڪلاس وائز پيپر هن ريت ورتا ويا:

ڪلاس پنجون: ميٿ (Math) جو پيپر ورتو ويو۔

ڪلاس چوٿون:(Math) جو پيپر منظم طريقي سان ورتو ويو۔

ڪلاس ٽيون: سڀني سبجيڪٽ کي گڏائي جنرل هڪ گڏيل پيپر تيار ڪيو ويو۔

ڪلاس ٻيون: جنرل سبجيڪٽ جو هڪڙو پيپر ورتو ويو۔

ڪلاس پهريون: جنرل جو لکت وارو پيپر ورتو ويو۔

معاملن موجب پيپر وٺڻ جو مقصد شاگردن کي امتحاني طريقيڪار سان واقف ڪرائڻ ۽ ايندڙ وقت ۾ پريشاني کان بچائڻ هو. پيپرن جي ذريعي شاگردن جي قابليت، ذهني تيزي ۽ لکڻي جي سڌائي جو به جائزو ورتو ويو، جنهن سان استادن جي محنت جو به واضح اندازو ملي ٿو ته سندن ڪوششن جو ڪيترو اثر پيو آهي.

پاران: جي بي پي ايس محمد حيات بوزدار

جي بي پي ايس محمد حيات بوزدار

سردي کان بچاءَ لاءِ پوري ايس ايم سي ٽيم خاص ڪري ميمبر علي بوزدار صاحب جا دل جي گهراين سان ٿورائتا آهيون، جن پنهنجي هارين جي ذريعي نگراني ڪندي اسڪول اچي پَتَر لڳرائي ڏنا، جيئن اسان جا معصوم ٻار سخت سردي کان محفوظ رهي سکن ۽ پنهنجي تعليم مناسب ۽ آرامده ماحول ۾ حاصل ڪري سگهن.

هن ڳوٺ وارا اسڪول جي لاءِ ڪڏهن به ڪنهن ڪم ۾ پوئتي نه رهيا آهن . ڳوٺ واسين هميشه پنهنجي مدد پاڻ تحت وڻن جي پوک هجي يا ٻيا ضروري ڪم—همٿ، جذبي ۽ سهڪار سان مڪمل ڪيا آهن.

پاران: جي بي پي ايس محمد حيات بوزدار

اڄ جي بي پي ايس محمد حيات بوزدار

اڄ سرڪاري اسڪول بي پي ايس محمد حيات بوزدار ۾ هلندڙ ويڪسين مهم تحت ڊاڪٽر مختيار چوهاڻ جي نگراني ۾ ٻارن کي اورڙي (Measles) جا ٽڪا لڳايا ويا.

اسڪول جي هيڊ ماسٽر مختيار علي بوزدار ۽ استادن مڪمل تعاون ڪيو. اسڪول ۾ پنج سالن جي عمر وارن سڀني ٻارن کي ويڪسين ڏني وئي، جن ۾ 43 ڇوڪرا ۽ 13 ڇوڪريون شامل هيون.

پاران جي بي پي ايس محمد حيات بوزدار