Jauhar Model School

خدا کرے میری ارض پاک پر اترے
وہ فصلِ گل جسے اندیشہء زوال نہ ہو

عید الاضحی مبارک!

اپنے بچوں کو قربانی کی حقیقت سے روشناس کرائیں کہ یہ صرف جانور ذبح کرنے اور گوشت تقسیم کرنے کا نام نہیں، بلکہ اپنی خواہشات، لالچ اور انا کی قربانی دینے کا درس ہے۔ یہ تو درحقیقت "اپنی ہر پیاری چیز کو اللہ کی راہ میں قربان کر دینے" کا سبق ہے۔

جس طرح حضرت اسماعیل علیہ السلام کی قربانی کا واقعہ ہمیں "سر تسلیم خم کر دینے" کی تعلیم دیتا ہے، اسی طرح ہمیں بھی اپنی انا، ضد، لالچ اور خود غرضی کو اللہ کے سامنے قربان کرنا ہوگا۔

قربانی کا گوشت بانٹیں. مگر یاد رکھیں، حقیقی قربانی تو وہ ہے جب ہم اپنے دل کی سختی، غرور اور مفاد پرستی کو ذبح کر دیں۔

سلامت رہیں، سلامتی کا باعث بنیں۔
محتشم نقوی

انا للّٰہ وانا الیہ راجعون

انتہائی افسوس کے ساتھ اطلاع دی جاتی ہے کہ ہماری محترم اُستاد غزالہ ایوب (سابق پرنسپل جوہر ماڈل سکول)، جنہوں نے اپنی زندگی علم و تربیت کے لیے وقف کی، آج اپنے رب کے حضور حاضر ہو گئی ہیں۔
ان کی نمازِ جنازہ آج صبح 10 بجے سبزہ زار ، خانپور میں ادا کی جائے گی۔

اللہ تعالیٰ سے دعا ہے کہ وہ مرحومہ کی مغفرت فرمائے، ان کے درجات بلند کرے اور انہیں جنت الفردوس میں اعلیٰ مقام عطا فرمائے۔ تمام احباب سے درخواست ہے کہ نمازِ جنازہ میں شرکت فرما کر مرحومہ کے لیے دعائے مغفرت کریں۔

Happy independence Day 🇵🇰🇵🇰🇵🇰

یوم تکبیر 28 مئی؛
آج کے دن ہم ان سائنسدانوں اور انجینئروں کو خراج تحسین پیش کرتے ہیں خصوصا ڈاکٹر عبدل قدیر خان اور ان کے ساتھیوں کو خراج تحسین پیش کرتے ہیں جنہوں نے پاکستان کے ایٹمی پروگرام کو ممکن بنایا۔ اسے پاکستان کی دفاعی اور سیکورٹی صلاحیتوں کی علامت کے طور پر بھی دیکھایا۔
یوم تکبیر پاکستان کے پہلے جوہری تجربات کی یاد میں منایا جاتا جو 28 مئی 1998 کو بلوچستان میں چاغی کی پہاڑیوں پر کیے گئے تھے اس دن پاکستان ایٹمی ہتھیاروں کا کامیاب تجربہ کرنے والا ساتواں ملک بن گیا اور ایسا کرنے والا مسلم دنیا کا پہلا ملک بن گیا۔ یہ تجربات مئی 1998 میں بھارت کے جوہری تجربات کے جواب میں کیے گئے تھے۔

زاہد کو اگر فخر ہے سجدے کے نشاں پر ۔
مزدور کے چھالے بھی بڑے غور طلب ہیں ۔

( يكم مئی یوم مزدور )

ڈاکٹر سر علامہ محمد اقبال کی وفات
Apr 21, 1938
ڈاکٹر سر علامہ محمد اقبال 9 نومبر 1877ء کو سیالکوٹ میں پیدا ہوئے تھے۔ 1899ء میں انہوں نے گورنمنٹ کالج لاہور سے فلسفے میں ایم اے کا امتحان پاس کیا اور پھر تدریس کے شعبے سے وابستہ ہوئے۔ 1905ء میں وہ یورپ چلے گئے جہاں انہوں نے کیمبرج یونیورسٹی سے بیرسٹری کا امتحان پاس کیا اور میونخ یونیورسٹی سے پی ایچ ڈی کی ڈگری حاصل کی۔ وطن واپسی کے بعد آپ وکالت کے پیشے سے کل وقتی طور پر وابستہ ہوگئے۔ علامہ اقبال کی شاعری کا آغاز زمانۂ طالب علمی ہی سے ہوچکا تھا۔ ابتدا میں انہوں نے داغ دہلوی سے اصلاح لی۔ 1910ء کی دہائی میں آپ نے شکوہ، جواب شکوہ، شمع اور شاعر اور خضر راہ جیسی یادگار نظمیں تحریر کیں۔ اسی زمانے میں آپ کی فارسی مثنویاں اسرار خودی اور رموز بے خودی شائع ہوئی۔ 1922ء میں حکومت برطانیہ نے آپ کو سر کا خطاب عطا کیا۔ 1930ء میں آپ نے الٰہ آباد کے مقام پر آل انڈیا مسلم لیگ کے صدر کی حیثیت سے جو خطبہ دیا اس میں مسلمانوں کی ایک علیحدہ مملکت کا مطالبہ پیش کیا جس کا نتیجہ بالآخر قیام پاکستان کی صورت میں برآمد ہوا۔
علامہ سر محمد اقبال کا انتقال 21 اپریل 1938ء کو لاہور میں ہوا۔ آپ کو بادشاہی مسجد کی سیڑھیوں کے پاس سپرد خاک کیا گیا۔
علامہ اقبال کے شعری مجموعوں میں بانگ درا، ضرب کلیم، بال جبرئیل، اسرار خودی، رموز بے خودی، پیام مشرق، زبور عجم، جاوید نامہ، پس چے چہ باید کرد اے اقوام شرق اور ارمغان حجاز کے نام شامل ہیں۔ انہیں بیسویں صدی کا سب سے بڑا اردو شاعرتسلیم کیا جاتا ہے .