Irfan-ul-Quran tutor

درود شریف کی کثرت سے مشکلات آسان اور غم دور
مفتی محمد تقی عثمانی مد ظلہ العالی کہتے ہیں کہ
ایک مرتبہ ہمارے حضرت ڈاکٹر عبدالحئ عارفی صاحب رحمۃ اللہ علیہ نے ارشاد فرمایا کہ
جب تم کسی مشکل اور پریشانی میں ہو تو اس وقت درود شریف کثرت سے پڑھا کرو
پھر اس کی وجہ بیان کرتے ہوئے فرمایا کہ
میرے ذوق میں ایک بات آتی ہے وہ یہ کہ حدیث شریف میں آتا ہے کہ
حضور اقدس ﷺ کا امتی جب بھی حضور ﷺ پر درود بھیجتا ہے تو وہ درود شریف حضور اقدس ﷺ کی خدمت میں فرشتے پہنچاتے ہیں ، اور جا کر عرض کرتے ہیں کہ آپ ﷺ کے فلاں امتی نے آپ ﷺ کی خدمت میں درود شریف کا یہ ہدیہ بھیجا ہے
اور دوسری طرف زندگی میں حضور اقدس ﷺ کی سنت تھی کہ جب کبھی کوئی شخص آپ ﷺ کی خدمت میں کوئی ہدیہ پیش کرتا تو آپ اس کی مکافات ضرور فرماتے تھے ، (یعنی اس کے بدلے میں اس کے ساتھ کوئی نیکی ضرور فرماتے تھے) ۔
ان دونوں باتوں کے ملانے سے یہ سمجھ میں آتا ہے کہ جب تم حضور اقدس ﷺ کی خدمت میں درود شریف بھیجو گے تو یہ ممکن نہیں ہے کہ سرکار ِ دو عالم ﷺ اس کا بدلہ نہ دیں ، بلکہ ضرور بدلہ دیں گے اور وہ بدلہ یہ ہوگا کہ آپ اس امتی کے حق میں دعا کریں گے کہ
اے اللہ ! یہ میرا امتی ، جو مجھ پر درود بھیج رہا ہے ، وہ فلاں مشکل اور پریشانی میں مبتلا ہے ، اے اللہ ! اس کی مشکل دور فرما دیجیے ، تو اس دعا کی برکت سے ان شاء اللہ ، اللہ تعالی تمہیں اس مشکل سے نجات عطا فرمائیں گے ، اس لیے جب کبھی کوئی پریشانی آئے تو اس وقت حضور اقدس ﷺ پر درود شریف کی کثرت کریں
صَلَّی اللّٰہُ عَلٰی حَبِیْبِہٖ مُحَمَّدٍ وَّاٰلِہٖ وَاَصْحَابِہٖ وَسَلَّمَ❤️
( اصلاحی خطبات ، ج : 10 ، ص : 179

Sheikh Hafiz Muhammad Bilal

islamicobituary.com