Al-Shaoor

عشره ذوالحجہ میں کرنے کے کام

یہاں کچھ اہم کام ہیں جو دس ذوالحجہ میں کرنا بہت فضیلت رکھتا ہے، جیسے روزہ رکھنا، دعا کرنا قرآن مجید کی تلاوت اور استغفار روزہ رکھ کر روحانی فوائد حاصل کریں اور دعاؤں کے ذریعے اللہ سے قربت بڑھائیں۔ اپنے روزمرہ کی زندگی میں ان اعمال کو شامل کریں اور ایک مبارک دن گزاریں۔ کیا آپ نے کبھی ایسا عمل کیا ہے؟ اپنا تجربہ شیئر کریں۔

کبھی ہم یہ سمجھتے ہیں کہ بڑی عبادت کے لیے خاص وقت، خاص حالت اور مکمل یکسوئی ضروری ہے… مگر دین ہمیں ایک ایسا راستہ دکھاتا ہے جو سادہ بھی ہے اور عظیم بھی۔l

رسول اللہ ﷺ نے صحابہؓ سے دریافت فرمایا:
"کیا میں تمہیں ایسا عمل نہ بتاؤں جو تمہارے رب کے نزدیک سب سے زیادہ پاکیزہ، تمہارے درجات کو سب سے زیادہ بلند کرنے والا، اور دشمن سے جہاد کرنے سے بھی افضل ہو؟"

صحابہؓ نے اشتیاق سے عرض کیا: "یا رسول اللہ! ضرور ارشاد فرمائیں۔"
آپ ﷺ نے فرمایا:
✨ "اللہ کا ذکر۔"

ہم اکثر یہ سوچ کر ذکر کو مؤخر کر دیتے ہیں کہ ہمارے پاس وقت نہیں، یا ہم مکمل توجہ کے ساتھ نہیں بیٹھ سکتے۔ مگر حقیقت یہ ہے کہ ذکر کا حسن یہی ہے کہ اسے زندگی کے ہر لمحے میں سمویا جا سکتا ہے۔

🌿 ہماری روزمرہ زندگی میں ایسے بے شمار لمحات ہوتے ہیں جہاں ہاتھ مصروف ہوتے ہیں مگر زبان آزاد:

🧺 کپڑے استری کرتے ہوئے ہاتھ کام میں ہوں، مگر زبان سبحان اللہ سے تر ہو سکتی ہے۔

🍳 کھانا پکاتے یا برتن دھوتے ہوئے دل اللہ کی حمد سے جڑ سکتا ہے۔

🚶‍♀️ سیڑھیاں چڑھتے اترتے ہر قدم اللہ اکبر کی صدا بن سکتا ہے۔

🔄 ایک کام سے دوسرے کام کے بیچ کے لمحے استغفراللہ سے بھرے جا سکتے ہیں۔

دنیا کا کام ہے ازمانا تمہارا کام ہے ثابت قدم رہنا

یہ وہی دنیا ہے جس نے یوسف علیہ السلام کو کنویں میں پھینکا، پھر حقیر قیمت پر بیچ ڈالا، جس کا گناہ صرف یہ تھا کہ وہ حسین تھا، سچا تھا، محبوب تھا،
یہ وہی دنیا ہے جس نے ابراہیم علیہ السلام کو آگ میں پھینک دیا، صرف اس لئے کہ انہوں نے کہا:
"میرا رب اللہ ہے"، آگ بھی ٹھنڈی ہو گئی، مگر لوگوں کے دل نہ پگلے،
یہ وہی دنیا ہے جس نے موسیٰ علیہ السلام کو مصر سے نکال دیا، دربدر کر دیا،اور فرعون کے لشکر کو ان کے پیچھے لگا دیا، ان کا قصور صرف یہ تھا کہ وہ ظلم کے خلاف کھڑے ہو گئے،
یہ وہی دنیا ہے جس نے محمد رسول اللہ صلی اللہ علیہ والہ وسلم کو طائف میں پتھر مارے، یہاں تک کہ جوتے مبارک خون سے بھر گئے، انہوں نے معافی مانگی، بدعا نہ دی، اور یہی دنیا تھی جس نے آپ صلی اللہ علیہ والہ وسلم پر جادو گر، مجنون، جھوٹے الزام لگائے،
دنیا سچے لوگوں کو کبھی کندھوں پر نہیں اٹھاتی،
وہ انہیں ٹھوکریں مارتی ہے،کیونکہ سچ ان کی جھوٹی عمارت کو ہلا دیتا ہے، دنیا مخلص لوگوں کو سر پر نہیں بٹھاتی، وہ انہیں تنہا کر دیتی ہے، کیونکہ مخلص لوگ اس کے حساب کتاب بگاڑ دیتے ہیں،
اگر تم نے یوسف علیہ السلام کا راستہ چنا ہے، تو کنویں کے لیے تیار رہو، اگر تم نے موسیٰ علیہ السلام کا راستہ چنا ہے، تو دربدر ہونےکے لیے تیار رہو،
اگر تم محمد صلی اللہ علیہ والہ وسلم کا راستہ چنا ہے، تو طائف کے پتھروں کے لیے تیار رہو،
جو دنیا نے انبیاء کے ساتھ کیا، وہ تمہارے ساتھ کیا نہیں کرے گی؟ تم کون ہو جو اس سے وفا کی امید رکھو؟
امید اس سے باندھو جس نے یوسف علیہ السلام کو کنویں سے نکال کر تخت پر بیٹھایا،
امید اس سے باندھو جس نے ابراہیم علیہ السلام کے لیے آگ کو گلزار بنا دیا،
امید اس سے باندھو جس نے موسیٰ علیہ السلام کے لیے سمندر چیر دیا،
امید اس سے باندھو جس نے نبی کریم صلی اللہ علیہ والہ وسلم کو طائف کے بعد فتح مکہ عطا کی،
یہ دنیا تمہیں گرائے گی، وہ اٹھائے گا، دنیا تمہیں اکیلا کرے گی، وہ ساتھ دے گا، دنیا تمہیں بھولے گی،
وہ یاد رکھے گا،
دنیا کا کام ہے آزمانا، تمہارا کام ہے ثابت قدم رہنا،
دنیا کا کام ہے پتھر مارنا، تمہارا کام ہے مسکرا کر دعا دینا:
"اے اللہ ان کو ہدایت دے، یہ جانتے نہیں"،

کتنا مہربان ہے نا ہمارا رب!
ہمیں اتنی نعمتوں کے خزانے عطا فرمائے اور ہمیں اتنی محبت کے ساتھ اپنی عبادت کے طریقے سکھاۓ ۔۔۔ کہ کس طرح ہم کم سے کم وقت میں ڈھیروں اجر کما سکتے ہیں اور اپنے رب کو راضی کر سکتے ہیں۔
سبحان اللّٰه!
🌹 *سال کے سب سے بہترین دن آنے والے ہیں۔۔الحمدللہ*۔
ہمیں ابھی سے انکی تیاری میں مصروف ہوجانا چاہئے کیونکہ جس کام کو تیاری کے بغیر کیا جائے اسکا نتیجہ مختلف ہوتا ہے اور جو کام باقاعدہ تیاری اور پلاننگ کے ساتھ کیا جائے اسکا نتیجہ بالکل مختلف ہوتا ہے۔

اللّٰه ہمیں بہترین عبادات اور بہترین حقوق العباد ادا کرنے کی توفیق عطا فرمائے اور ہم سب سے راضی ہو جائے اور تمام مؤمنین و مؤمنات کی مغفرت فرمادے۔
اللّٰہ ہمارا سفر جو جنت الفردوس میں اسکے دیدار تک کا سفر ہے وہ ہم سب کے لیے آسان کردے اے ہمارےرحیم اللہ تو ہم سب سے راضی ہو جا
آمین یا رب العالمین
جزاکم اللّٰه خيرًا

لبیك اللّٰھم لبیك
جس کی استطاعت ہو، اس پر حج فرض ہے

صالحین وہ نہیں ہوتے جن سے گناہ نہ ہوں۔
صالحین وہ ہوتے ہیں جن کے گناہ انہیں پریشان رکھتے ہیں۔ وہ بڑی مشکل سے تنکا تنکا کر کے اپنی نیکیوں کا گھونسلہ تعمیر کرتے ہیں، مگر کسی کمزور لمحے میں منہ زور نفس کی آندھی چلتی ہے، اور گھونسلہ بکھر جاتا ہے۔

پھر وہ اس بکھرے ہوئے آشیانے کے گرد بیٹھ کر گریۂ ندامت کرتے ہیں، انابت کے ٹسوے بہاتے ہیں، اعتراف کی آہیں بھرتے ہیں۔ اور پھر سے نیکیوں کی تلاش میں نکل کھڑے ہوتے ہیں۔

یاد رکھیں، المجاهد من جاهد نفسه! زندگی ایک مستقل جہاد ہے۔ ایسا نہیں ہو سکتا کہ آپ رات کو سوئیں اور صبح جبریلِ امین بن کر اٹھیں۔ آپ نے بارہا سمٹنا ہے اور بارہا بکھرنا ہے۔ یہ نفس اس شرارتی بکری کی طرح ہے جو ریوڑ سے بار بار الگ ہوتی ہے، اور آپ اس چرواہے کی طرح جو اس کو ریوڑ کی طرف لانے میں ہلکان ہو جاتا ہے۔

الحياة في سبيل الله أصعب من الممات في سبيل الله!!
اللہ کے راستے میں جینا اللہ کے راستے میں مرنے سے کہیں مشکل ہے۔ جی ہاں! ... انسان ساری زندگی گھونسلہ تعمیر کرنے میں لگا دے۔ ہر روز تھکے، لیکن تھک ہار کر بیٹھے نہیں۔ شاخِ دل پر خزاں نہ اترنے دے۔ یہ آسان نہیں ہے!
نیک بننے کی کوشش میں خود کو تھکا دینا ہی نیکی ہے۔