01/01/2026
امتزاج کے شمارہ نمبر 25 کے لیے مقالے درج ذیل ای میل پر بھیجے جاسکتے ہیں۔
[email protected]
ہدایات سے ہٹ کر بھیجا گیا کوئی بھی مقالہ اشاعت کے لیے ناقابلِ قبول ہوگا۔مقالہ نگاروں کی ذاتی آرا اور بیانات و نتائج سے ’’امتزاج‘‘ کی مجلسِ ادارت کا متفق ہونا ضروری نہیں۔
· 'امتزاج' اُردو زبان و ادب کا تحقیقی مجلہ ہے اس میں بھیجا جانے والا مقالہ اُردوزبان و ادب سے متعلق کسی موضوع پر ہوناچاہیے۔مضمون کی نوعیت بھی خالصتاً تحقیقی (کیفیتی یا کمیتی)ہو
· مقالہ ایم ایس ورڈ(MS Word) میں کمپوزہونا چاہیے۔ایم ایس ورڈ میں اس کا فونٹ ' (jameel noori nastaleeq) ہو، اورفونٹ سائز 12ہو۔
· مقالے کے پہلے صفحے پر درج ذیل معلومات بالترتیب درج کی جائیں:
مقالہ نگارکا مکمل نام، تاریخِ ولادت، عہدہ، ادارہ، ڈاک کا پتا، گھر/دفتر کا فون نمب، موبائل/واٹس اپ نمبر، برقی ڈاک کا پتا، مقالے کے غیر مطبوعہ ہونے کی تصدیق اور مع دستخط۔
· ہر مقالے کے ساتھ اس کا انگریزی اور اردو خلاصہ بھی ارسال کیا جائے جو کم از کم 100 اور زیادہ سے زیادہ 200 الفاظ پر مشتمل ہو۔
· خلاصے میں ان الفاظ کو خط کشیدہ ہونا چاہیے جو انٹرنیٹ سرچ کے لیے کلیدی الفاظ (کی ورڈز) کے طور پر استعمال ہوسکیں۔ کم از کم پانچ ایسے الفاظ خلاصے میں شامل کیے جائیں جو مقالے کے مختلف پہلوؤں کو محیط ہوں۔ مثلاً اگر کوئی مقالہ جنوبی ایشیا کے ادب سے متعلق ہے تو لفظ ساؤتھ ایشین لٹریچر خط کشیدہ ہونا چاہیے۔ اگر اس میں کسی خاص شخصیت یا صنف کا ذکر ہے تو اس شخصیت یا صنف کا نام خط کشیدہ کردیا جائے۔ اسی طرح مقالہ جن موضوعات کا احاطہ کرتا ہے انھیں بھی خط کشیدہ کیا جانا چاہیے۔
· مقالے میں جب پہلی بار کسی اہم شخصیت کا ذکر آئے تو قوسین میں اس کی تاریخِ ولادت اور تاریخِ وفات حسبِ موقع درج کی جائے۔ حکمران کے تذکرے کی صورت میں اس کے دورِ حکومت کے سنین اور کسی اہم کتاب کی صورت میں اس کا سالِ اشاعت لکھا جائے۔
· اردو کے علاوہ دیگر زبانوں میں شخصیات کے نام یا کتب کے عنوانات قوسین میں انگریزی حروف میں بھی درج کیے جائیں۔ ان شخصیات کی ولادت ووفات کی تاریخ بھی لکھی جائے۔
· مقالہ بھیجنے سے پہلے تصدیق کر لیں کہ آپ نے ’’امتزاج‘‘ کی پالیسیزکو پڑھ لیا ہے۔
• مقالہ پروف کی اغلاط سے پاک ہو۔
• مقالہ سرقے سے پاک ہو کیونکہ اشاعت سے پہلے اسے TURNITINسافٹ ویئر میں باقاعدہ چیک کیا جائے گا۔ اگر طے شدہ حد19فیصد سے زیادہ سرقہ پایا گیا تو مقالہ ناقابلِ اشاعت ہوگا۔
’’ امتزاج‘‘کو مقالہ بھجنے کے بعد جب تک اس کے قابلِ اشاعت/ناقابلِ اشاعت ہونے کی بابت مجلسِ ادارت کی طرف سے اطلاع موصول نہ ہواُسے کسی اور جگہ اشاعت کے لیے نہ بھیجاجائے۔
مقالہ نگار کا نام، مقالے کا عنوان ، تلخیص(abstract)اور کلیدی الفاظ(keywords)اُردو اور انگریزی دونوں زبانوں میں دیے جائیں اورمقالے کی تلخیص ڈیڑھ سو سے دو سو الفاظ پر مشتمل ہو. مقالے کے آخر میں حوالہ جات ،حواشی اور تعلیقات لازمی دیے جائیں۔حوالہ جات اُردو میں ہونے کی صورت میں اختتامی صفحے پر ان کو رومن میں بھی درج کرکے بھیجا جائے۔
کتاب کا حوالہ:
’’امتزاج‘‘ میں حوالہ جات کا اندراج ترابین سٹائل میں کیا جاتا ہے۔ مقالے میں حوالہ جات کے اندراج کا مندرجہ ذیل طریقہ اختیار کیا جائے۔
مثال: گوپی چند نارنگ، ساختیات، پس ساختیات اور مشرقی شعریات، (لاہور: سنگِ میل پبلی کیشنز، ۱۹۸۵ء)، ۷۸۔
اگر ایک ہی کتاب سے دویا تین دفعہ حوالہ آئے تو بار بار مکمل حوالہ لکھنے کی بجائے مصنف کا نام، کتاب کا نام اور صفحہ نمبر لکھنا کافی ہوگا۔
رسالے کا حوالہ:
مصنف کا نام، مضمون کا عنوان، مشمولہ:رسالے کا نام ،جلد نمبر، شمارہ نمبر، بریکٹ میں شہر کا نام، ادارۂ اشاعت،سنِ اشاعت، صفحہ نمبر
اگر انٹرنیٹ سے کسی آن لائن فائل کا حوالہ دیا جائے تو سائیٹیشن کی تاریخ کے ساتھ وقت لکھنا بھی ضروری ہے اور یو آر ایل کا اندراج بھی۔
مقالے کے حواشی و مآخذات رومن میں بھی دیے جائیں۔
