Shoba e taleem babul madina karachi

فار دامن اسلام سے وابستہ ہو چکے ہیں، لاکھوں لاکھ مسلمان بے عملی اور گناہوں بھری زندگی سے تائب ہو کر سرکار مدینہ منورہ، سردار مکہ مکرمہ صلی اللہ علیہ وسلم کی سنتوں کے مطابق زندگی گزارنے میں کوشاں ہیں۔ تادم تحریر دعوت اسلامی کم و بیش 92 شعبہ جات میں مدنی کاموں کی دھومیں مچا رہی ہے۔

انہی شعبہ جات میں ایک اہم ترین شعبہ، شعبۂ تعلیم بھی ہے۔ امیر اہلسنت دامت برکاتہم العالیہ نے اس اہم ترین شعبے کی طرف بھی توجہ فرمائی اور سکولز، کالجز، یونیورسٹیز اور دیگر تعلیمی اداروں سے وابستہ مسلمانوں کی اصلاح اور ان میں نیکی کی دعوت عام کرنے کے لئے دعوت اسلامی کے اس شعبے “شعبۂ تعلیم ” کو قائم کیا گیا۔ امیر اہلسنت دامت برکاتہم العالیہ فرماتے ہیں:

” طلباء ملک و ملت کا قیمتی سرمایہ ہوتےہیں، مستقبل میں قوم کی باگ دوڑ یہی سنبھالتے ہیں، اگر ان کی تربیت شریعت و سنت کے مطابق کردی جائے تو سارا معاشرہ خوف خدا اور عشق مصطفٰے صلی اللہ علیہ وسلم کا گہوارہ بن جائے۔ “

آج کے جدید دور میں جس طرح دیگر تمام شعبہ ہائے زندگی سے وابستہ افراد دنیاوی معاملات کی گہماگہمی میں مگن ہو کر آخرت کی تیاری کی سوچ سے غافل نظر آتے ہیں اسی طرح تعلیمی اداروں سے وابستہ طلباء اور اساتذہ کی زندگیوں میں بھی یہ کمی پائی جاتی ہے۔ دعوت اسلامی کی مجلس شعبہ ٔتعلیم کا مقصد تعلیمی اداروں سے وابستہ افراد میں فکر آخرت کی سوچ پیدا کرنا اور یہ ذہن دینا ہے کہ دنیاوی علوم و فنون حاصل کرنے کے ساتھ ساتھ بہ درجہ اولٰی علم دین، جس کا اپنے موجودہ حالات کے مطابق حاصل کرنا ہر مسلمان
پر فرض ہے، کے حصول کے لئے بھی کوشش کریں۔