23/04/2026
To my incredible students,
“Bachas!!”
کل کا دن آپ کے لیے بہت خاص ہے - اور میرے لیے آج کا۔ مجھے لکھنا کبھی بھی اتنا مشکل نہیں لگا! آپكا اور میرا دس سال اور ہزاروں دن کا ساتھ-
اور ہر دن کی بیسیوں کہانیاں۔ وہ ساتھ پڑھنا لكھنا، وہ ساتھ كھیلنا كودنا، وہ كبھی كبھی كی ناراضگیاں اور وہ روز كے ہنسی مزاق اور لطیفے!!
كتنا كچھ ہے اور سب یاد ہے - ایك ایك لمحہ - ایك ایك پل - ہاں ، مگر لکھنا ممکن نہیں۔
وہ دن جب "ننھے منھے سے آپ " میرے آس پاس بیٹھے تھے۔ نہ آپ ٹھیک سے پنسل پکڑ پاتے تھے، نہ آپ سے اپنا لنچ ختم ہوتا تھا۔ سیڑھیاں اترتے چڑھتے ھاتھ پكڑتے تھے - دوڑتے تو گر جاتے تھے –
حروف لکھنا مشکل لگتا تھا، نمبر لکھنا مشکل لگتا تھا — لکھتے تھے، مٹاتے تھے اور کبھی کبھی تو آپ کو لگتا تھا کہ آپ لکھ ہی نہیں پائیں گے۔
مجھے اس دن بھی یقین تھا، بھروسہ تھا — "آپ پر "
یہ یقین کہ ایک دن آپ کے لیے کچھ مشکل نہیں رہے گا۔ ایک دن آے گا كہ آپ کو اپنی صلاحیتوں کے سامنے ہر مشکل چھوٹی لگے گی۔
اور آج جب آپ اپنی زندگی کا پہلا اہم امتحان دینے جا رہے ہیں تو آپ اعتماد، یقین اور صلاحیتوں سے مالا مال ہیں۔ وہی دس سال پہلے والے ننھے ننھے سے ہاتھ کل دو گھنٹے تک مسلسل لکھیں گے اور ان کا لکھا ہر صفحہ ذہانت اور محنت کا عکس ہوگا۔
ہم نے اس دن كیلیے دس سال تك انتہای ایمانداری سے محنت كی ہے - ہم نے علم كی اس روشنی كیلیے كبھی بھی خود كو كتابوں تك محدود نہیں ركھا –ہم نے امتحانوں سے ڈرنا نہیں سیكھا - ہم نے كبھی بھی گریڈ كی بنیاد پر زہانت كا تعین نہیں كیا - آج آپ میں سے ہر ایك اپنی منفرد زہانت كا مالك ہے اور یہی سب سے اہم ہے -
كل اپنی اسی منفرد زہانت، اپنی ہمت اور ایك فخر كیساتھ جایے - آپكے لیے كچھ بھی نا ممكن نہیں - نہ كل تھا ، نہ آج ہے ، نہ آیندہ كبھی ہو گا - میں نے دس سال تك، ہر ایك دن آپكو یہی سكھایا ہے - مجھے دس سال پہلے بھی یقین تھا - مجھے آج بھی یقین ہے - ساری كامیابیاں آپكی ہیں - ہمیشہ
– Your “sir”
08/03/2026
23/10/2025
11/10/2025
20/07/2025
30/03/2025
23/03/2025
02/03/2025
14/08/2024