25/07/2026
انسان جي زندگي اڪثر شين جي پرک جي محور تي جاري ساري آهي پراهو عمل عقل ۽ سمجه تي منحصر رهي ٿو عقل جي ڪسوٽي عقيدي جي ٽڪراءُ ۾ صدين کان رهندو اچي پيو
سمجھ الحامي هرگز ناهي هوندو سمجھ پرجهه پروڙ ۽ پرک جي پيدوار آهي جيڪو اڪثر ڪري فارمل ۽ نان فارمل ذريعن سان سماج فطرت ۽ڪائناتي شين منجهان ذهن ۾ اپٽجي پڌرو ٿئي ٿو
اهڙيء طرح سنڌي ادب جي ادبي تخليق ۾ اديب شاعرن عالمن لکارين جي سهڻي سڀاء فطرت جي مزاجي ڍنگ جو تحقيقي ڇنڊ ڇاڻ جو شاندار جز شامل آهي اهڙين محققن جي فهرست ۾ محترم سائين نواز علي شوق جو نالو پڻ سونهري سٽ سان سرجيل نظر ايندو هن شاندار شخص جي نالي جو سڻائو منهنجي ڪنن تي پڙاڏو وانگر ان وقت کان ٻجھي ٻري رهيو هيو جنهن وقت آء لالو رائنڪ هاء اسڪول کان واپسيءَ ۾ اوڻيه صديءَ جي بيباڪ شاعر تارڪ دنيا حضرت علاما هدايت علي نجفي تارڪ جي درگاھ تي انبن ۽ ڄمونء وڻ جي گهاٽن ڳوڙهي ڇانوء ۾ بس جي انتظار ڪندي فقير قادن سائين سان ڪچهري ء ۾ ٻڌو هيم
جڏهن ڪراچي رهائش جو پروگرام ٿيو
اها رب پاڪ جي مهرباني ته پنهنجي خوء جي نظام ۾ مزاجي خصلت صالحن جي صحبت رهي آهي نتيجي طور ڊاڪٽر شير مهراڻي ضياء ابڙو شوڪت اڄڻ مختيار علي ابڙو حسن ضيا جاويد شيخ سجاد سولنگي ڊاڪٽر قدير ڪانڌڙو زبير ڪلوڙ۽ ٻيا ڪيترائي شاندار انسانن جي سڀا جي سڀاء ۾ رغبت ۽ چاه جي پاسداري جي وڙ منجهان هڙ حاصل ٿيندي رهي ٿي اهو سچ آهي ته ڏيئو ڏيئي منجهان روشن ٿيندو آهي اهڙن دوستن لاء ڀٽ ڌڻيءَ فرمايو
رات سهائي ڀون سنئين ڀائي گھرجي ڀل
آهر م ايلاچنئون چندن چري چل
هاهر ڪندو هل ته کجايون کـرن کي
اهڙي ريت پنهنجي سڀا جو ڇت
اڄ وري ٻيهر دل جي طلب ۾ موج اسرڻ سان اباس ۽ هير رچي راس ٿيو ۽ منڊلي مچائڻ لاء
علامه ھدايت علي تارڪ نجفي جي شاعري تي پي ايڇ ڊي ڪندڙ
سنڌ درتيء جو جھونو اديب محقق ڊاڪٽر نوازعلي شوق سان پڻ ڪچهريءَ جو رکيو سون ساڻن 1972ع کان وٺي 98ع تائين ڪراچي يونيورسٽيءَ جي حالتن سنڌي شعبو بابت تاريخي ڄاڻ ملي
سائين جن جي هن وقت عمر ڇهاسي سال اٿن اهڙن بزرگ انسانن لاء
ڀٽ ڌڻي فرمايو
تاڪي ساڻن اور جان آهين اوطاقن م
ڏھ ڏھ ڀيرا ڏينهن م پاڻ مٿانئن گھور
ويا جي هنگلور ته ڪرم ملندء ڪاپڙي
