12/09/2026
بسم اللہ الرحمن الرحیم
🌹 جشنِ عید میلادالنبی ﷺ و عرسِ حضرت سوہنا سائیں رحمۃ اللہ علیہ 🌹
10 ستمبر، بعد نمازِ عشاء جشنِ عید میلادالنبی ﷺ و عرسِ حضرت سوہنا سائیں رحمۃ اللہ علیہ کے سلسلے میں ایک پُروقار، روحانی اور بابرکت پروگرام منعقد ہوا۔ اس روحانی محفل میں عاشقانِ رسول ﷺ، خلفائے کرام، علماء ، فقراۓ کرام اور جماعت کے عہدیداران و ممبران نے بھرپور شرکت کی۔
پروگرام کا باقاعدہ آغاز تلاوتِ کلامِ پاک سے ہوا، جس کی سعادت عبداللہ طاہری نے حاصل کی۔ تلاوتِ قرآنِ مجید کے بعد مقامی نعت خواں حضرات نے بارگاہِ رسالت مآب ﷺ میں عقیدت و محبت کے پھول نچھاور کرتے ہوئے نعتِ رسولِ مقبول ﷺ کے خوبصورت نذرانے پیش کیے، جبکہ مختلف احباب نے منقبت کے نذرانے بھی پیش کیے۔
اس موقع پر سائیں امداد حسین طاہری نے خصوصی طور پر نعتِ رسولِ مقبول ﷺ اور منقبت کا نذرانہ پیش کیا۔ آپ خصوصی طور پر بلوچستان سے تشریف لائے تھے۔ ان کی شرکت سے محفل کی روحانی رونق اور بھی بڑھ گئی۔
بعد ازاں پروگرام میں خطابات کا سلسلہ شروع ہوا۔ مقررین و علماء کرام نے جشنِ میلادالنبی ﷺ، دینی و روحانی تعلیمات اور بزرگانِ دین سے محبت و عقیدت کے مختلف پہلوؤں پر اپنے قیمتی خیالات کا اظہار فرمایا۔
اس موقع پر حضرت علامہ مولانا محمد اسلم طاہری نے حضرت سوہنا سائیں رحمۃ اللہ علیہ کا مختصر تعارف پیش کیا اور ان کی دینی و روحانی خدمات کے حوالے سے حاضرین کو آگاہ فرمایا۔ بعد ازاں حضرت علامہ مولانا وزیر احمد آلکانی صاحب نے بھی خطاب فرمایا، جس سے شرکائے محفل نے استفادہ کیا۔
پروگرام میں خلفائے کرام، علماء اور روحانی شخصیات کی خصوصی شرکت رہی۔ بالخصوص حضرت علامہ و مولانا خلیفہ سائیں عبدالحکیم طاہری، حضرت علامہ و مولانا خلیفہ سائیں شاہد طاہری اور محترم زبیر اللہ طاہری صاحب، صوبائی جنرل سیکریٹری روحانی طلبہ جماعت سندھ زون 2 نے خصوصی شرکت فرمائی۔
ان کے علاوہ دیگر علماء کرام، خلفائے عظام اور فقراۓ کرام نے بھی محفل میں شرکت فرما کر اس بابرکت اجتماع کی رونق کو دوبالا کیا۔
پروگرام کے اختتامی مرحلے میں خلفائے کرام کی جانب سے شرکائے محفل کو ذکرِ قلبی کی نعمت سے نوازا گیا، جس سے حاضرین نے روحانی فیض حاصل کیا۔ یوں یہ بابرکت محفل ذکر و فکر، نعت و منقبت اور روحانی فیض کے حسین امتزاج کے ساتھ نہایت پُرسکون اور روحانی ماحول میں اختتام پذیر ہوئی۔
اس بابرکت پروگرام میں جماعت اصلاح المسلمین و روحانی طلبہ جماعت ضلع کورنگی کے ضلعی عہدیداران و ذمہ داران نے بھی بھرپور شرکت فرمائی اور پروگرام کی کامیابی میں اپنا کردار ادا کیا۔
یہ عظیم الشان پروگرام جماعت اصلاح المسلمین و روحانی طلبہ جماعت، برانچ ابراہیم حیدری کے زیرِ اہتمام منعقد ہوا،
