Al-Qlam Institute

آن لائن حفظ کلاسز کا آغاز کیا جا رہا ہے! الحمد للہ

میں نے آن لائن اکیڈمی شروع کی مگر صرف ترجمہ وتفسیر کا سلسلہ ہی چلتا رہا 2018 سے....
کچھ لوگوں نے ناظرہ پڑھانے کے لیے رابطہ کیا.. ان سے معذرت کی کچھ نے حفظ کروانے کے لیے ان سے بھی معذرت کی اور لطافت اکیڈمی جوائن کرنے کا مشورہ دیا ۔
اس کی سب سے بڑی وجہ یہ تھی کہ میں چاہتی تھی کوئی ایسا استاد ملے جو نہ صرف اچھا پڑھائے بلکہ فکر مندی سے پڑھائے، ساتھ میں تربیت بھی کرے ۔ بچے ذوق و شوق سے پڑھیں بس اچھا رزلٹ نظر آئے ۔ اور اکیڈمی کی نیک نامی پہ بھی حرف نہ آئے ۔
پھر الحمد للہ ناظرہ کے لیے ایسی ہی ٹیچر میسر آ گئی وہ بچہ ایک گاؤں سے تعلق رکھتا تھا ۔ قاری صاحب کے پاس پڑھ رہا تھا مگر گزشتہ تین سال سے قاعدے سے آگے نہیں بڑھ رہا تھا ۔
اللہ تعالیٰ جزایے خیر دے معلمہ حمیرہ کو جنہوں نے اتنی محنت سے پڑھایا کہ بچے کی دادی اور اماں نے بہت خوشی کا اظہار کیا... معلمہ نے مجھے بتایا تھا کہ بچہ بہت ضدی ہے ۔ دوران کلاس کبھی میوٹ کر دیتا ہے ۔ کبھی کال ہی ڈسکنیکٹ کر دیتا ہے پھر والدہ اور دادی کو بھی ہدایات دینی پڑیں ۔
بس اللہ نے کرم کیا اور بچے نے درست تلفظ کے ساتھ قرآن مکمل بھی کر لیا.... فللہ الحمد..
ناظرہ قرآن کا سلسلہ چل نکلا ۔
پھر معلمہ کا انتظام کر کے چھوٹے بچوں کے لیے ترجمہ وتفسیر کی کلاس شروع کی گئی میں نے بچیوں کی ویڈیو بھی شئر کی تھی کتنے پیارے انداز میں وہ بچی لفظ بہ لفظ ترجمہ سیکھ رہی ہے ۔ ان کی دیکھا دیکھی دیگر کزنز کو بھی شوق پیدا ہوا اور الحمدللہ بچیوں کی ایک بڑی کلاس بن گئی ۔
اب الحمد للہ
حفظ القرآن کے لیے بھی ایک اچھے معلم کا انتظام اللہ نے فرما دیا ہے ۔ جو خود بھی ماشاء اللہ عالم باعمل ہیں، درد دل رکھنے والے انسان ہیں ۔ میری ریکؤسٹ پہ وہ کلاسز لینے کے لیے آمادہ ہیں جو لوگ بھی بچوں کو پڑھانا چاہتے ہیں،. قرآن حفظ کی کلاس ان لائن لینا چاہتے ہیں ۔ وہ ان باکس بات کر لیں!!
فـــⷽــⷨــᷝــⷮــⷽــᷥـــاطمہ زبیـᷢــᷝــᷧــᷨــᷴــᷦـــر

جادوگروں کے بارے میں قرآن کہتا ہے ۔
ولا یفلح الساحر حیث اتی ( سورہ طہ)
جادوگر کبھی کامیاب نہیں ہوتے جہاں سے بھی وار کریں ۔انجام جادوگروں کا ہی برا ہوتا ہے ۔
یہ قرآن کی کتنی بڑی دلیل ہے ۔ ان لوگوں کے لیے خاص طور پر جو جادوگروں سے عاملوں سے اپنے مسائل حل کرواتے ہیں ۔ اللہ تعالیٰ تو کہہ رہے ہیں یہ خود کامیاب نہیں ہوتے تمہیں کہاں سے کامیاب کریں گے ۔
حضرت موسیٰ علیہ السلام کے مقابلے میں جو جادو لایا گیا تھا اس کے بارے میں قرآن کہتا ہے وجآءو بسحر عظیم
وہ بڑا جادو لائے تھے..
مگر اتنے بڑے جادو کی حقیقت بھی قرآن بتا رہا ہے کہ
یخیل الیہ من سحرھم انھا تسعی
وہ صرف دیکھنے میں لگ رہا تھا کہ رسیاں سانپ بن کے دوڑ رہی ہیں حقیقت میں وہ سانپ نہیں تھیں ۔
اس سے پتا چلتا ہے کہ جادو کے ذریعے کسی چیز کی حقیقت کو تبدیل نہیں کیا جا سکتا ۔
یہ تو شعبدے بازی ہوتی ہے جس کے ذریعے کسی بھی انسان کا دماغ کیپچر کر لیا جاتا ہے ۔ ہمیں لگ ایسا رہا ہوتا ہے کہ ماہیت کی بدل گئی ہے ۔ جب کہ اصل میں ایسا نہیں ہوتا ۔
ایک جادو جنات کے ذریعے بھی ہوتا ہے ۔ اس کی وجہ انسان کے قوت ارادی اور اعمال کا کمزور ہونا ہے ۔ اگر ہم باقاعدگی سے صبح و شام کے اذکار کریں ،سورہ فلق، اور سورہ الناس پڑھیں تو اس کا اثر بھی نہیں ہوتا ۔
اس لیے سب سے پہ اپنا اعتقاد عاملوں سے ختم کریں ۔ ان کے پاس ایک بار جو جاتا ہے وہ جاتا ہی رہتا ہے۔ بہتر یہی ہے کہ سنت طریقہ اختیار کریں ۔ پاک رہیں، حلال کھائیں، اعمال درست رکھیں، اذکار کریں خصوصاً آیۃ الکرسی، سورہ الفلق اور سورہ الناس کا اہتمام رکھیں...
لیکچر سورہ طہ

فـــⷽــⷨــᷝــⷮــⷽــᷥـــاطمہ زبیـᷢــᷝــᷧــᷨــᷴــᷦـــر

اچھی چیزوں کو آگے پھیلانا صدقہ جاریہ ہے