21/03/2020
ایک نوجوان نے پوسٹ کی؛ مصافحہ کرنا سنت ہے، دین پر سے عمل سے موت آتی ہے تو سو بار آ جائے، ہم ضرور کریں گے.
عرض کیا؛ کیا کوڑھی سے بھی مصافحہ کریں گے؟
کہنے لگا؛ ضرور کریں گے، کیونکہ نبی کریم صلی اللہ علیہ وسلم نے تو کوڑھی کے ساتھ کھانا کھایا ہے.
عرض کیا؛ یہ روایت تو ثابت نہیں، البتہ کوڑھی سے دور بھاگنے کا حکم اور کوڑھی سے ہاتھ ملا کر بیعت لینے سے نبی کریم صلی اللہ علیہ وسلم کا رک جانا اور اسے دور سے واپس چلے جانے کا فرمانا بالکل ثابت ہے، اور یہ احادیث معتبر ترین کتابوں، صحیح بخاری ومسلم میں موجود ہیں.
الحمد للہ، اسے بات سمجھ آئی اور موقف بدل لیا.
اللہ کے لیے غور کیجیے، مستند علماء سے دین سیکھیے، جہال سے سنی سنائی باتیں دنیا وآخرت میں بیڑا غرق کر دیتی ہیں.
کنفرم کیسز اور جن کے بارے میں وائرس سے متاثر ہونے کا شبہ ہو، ان سے مصافحہ قطعا جائز نہیں، اگر بظاھر تندرست سے مصافحہ کریں تو بھی سینی ٹائزر استعمال کریں یا ہاتھوں کو اچھی طرح صابن سے دھوئیں.
اسلام عقل وخرد والوں کا مذہب ہے...
حافظ ابو یحیی نورپوری حفظہ اللہ
