17/10/2023
قرآن کریم اللّٰہ کی طرف سے مسلمانوں کے لئے ایک انمول تحفہ ہے۔ قرآن کریم اللّٰہ نے آخری نبی حضرت محمدصَلَّى اللّٰهُ عَلَيْهِ وَسَلَّم پر نازل کیا۔ قرآن کریم میں اللّٰہ نے رہتی دنیا تک کے انسانوں کی ہدایت کے لئے پیغام بھیجا۔ قرآن کریم کا پڑھنا، سمجھنا اور اس پر عمل پیرا ہونا ہر مسلمان کا اوّلین فریضہ ہے۔ اللّٰہ نے قرآن کریم کی تلاوت کرنے والوں کو اجر کی نوید سنائی ہے۔
”حضرت عبد اﷲ بن مسعود رضی اللّٰہ عنہما سے روایت ہے کہ رسول اﷲ صلی اللہ علیہ وآلہ وسلم نے فرمایا: جس نےﷲ تعالیٰ کی کتاب سے ایک حرف پڑھا، اس کے لئے اس کے بدلہ میں ایک نیکی ہے اور یہ ایک نیکی دس نیکیوں کے برابر ہے۔ میں یہ نہیں کہتا کہ الم ایک حرف ہے بلکہ الف ایک حرف ہے، لام ایک حرف ہے اور میم ایک حرف ہے۔ (گویا صرف الم پڑھنے سے تیس نیکیاں مل جاتی ہیں)۔“
(رواه الترمذي وابن أبي شيبة والطبراني.)
اسی طرح ایک اور حدیث میں قرآن پڑھنے والوں کو خوشخبری سنائی گئی ہے۔
حضرت عبد اللہ رضی اللہ عنہ بیان کرتے ہیں کہ "خوشخبری ہو اس شخص کے لئے جس نے قرآن پڑھا۔“( رواه ابن أبي شيبة.)
Online Quran Academy
Call now to connect with business.
