Wasi Naat Academy

27/09/2026

قبر پر ٹائل/ماربل لگانا یا پانی ڈالنا کیسا؟
قبر کو پکا کرنا یا نام کی تختی لگانا کیسا؟

قبر اور اس سے متعلق شرعی احکام کے بارے میں ہمیں اپنی رائے کے بجائے قرآن و سنّت اور مستند علمائے کرام کی رہنمائی کو پیشِ نظر رکھنا چاہیے۔

ایسے مسائل میں افراط و تفریط سے بچتے ہوئے، ادبِ قبر ملحوظ رکھتے ہوئے شرعی طریقہ اختیار کرنا ضروری ہے۔

دین کا معاملہ ہے، اس لیے مستند عالمِ دین سے مسئلہ ضرور معلوم کریں۔

21/09/2026

21/09/2026

با ادب، با نصیب
بے ادب، بے نصیب

محفلِ نعت کوئی میوزیکل کنسرٹ نہیں،
یہ ذکرِ مصطفٰے ﷺ کی محفل ہے۔
یہ وہ مقام ہے جہاں عاشقانِ رسول ﷺ
ادب و احترام کے ساتھ بیٹھتے ہیں
اور اپنے آقا و مولا، رحمتِ عالم
حضرت محمد مصطفیٰ ﷺ کا
ذکرِ خیر سنتے ہیں۔

ہم تو یہ عقیدہ رکھتے ہیں کہ ایسی بابرکت محافل میں حضورِ اکرم ﷺ کی خصوصی رحمتیں اور برکتیں نازل ہوتی ہیں
پھر کیا یہ مقام نوٹ اچھالنے، گڈیوں کی گڈیاں نچھاور کرنے، شور و ہنگامے
اور تماشے کا ہے؟

ذرا سوچیے

ایک طرف پاکستان کا غریب آدمی مہنگائی کے بوجھ تلے دبا ہوا ہے۔
گھروں کے چولہے مشکل سے جل رہے ہیں، مساجد کو تعمیر و مرمت کی ضرورت ہے،
ائمہ و مؤذنین کی خدمت کے لیے وسائل کم ہیں، مدارس میں پڑھنے والے بچوں کی کفالت مشکل ہے، دینی و تعلیمی ادارے مالی مشکلات کا شکار ہیں اور بہت سے مستحق خاندان بنیادی ضروریات کے لیے پریشان ہیں۔

اور دوسری طرف ایک ہی رات میں لاکھوں روپے، بلکہ بعض اوقات کروڑوں روپے، صرف نوٹ نچھاور کرنے اور نمود و نمائش پر خرچ کر دیے جاتے ہیں۔

اگر یہی مال

مساجد کی تعمیر و آبادکاری پر خرچ ہو،
مدارس کے طلبہ کی کفالت پر خرچ ہو،
قرآن پڑھنے والے بچوں کے کھانے
اور تعلیم پر خرچ ہو،
ائمہ و اساتذہ کی خدمت پر خرچ ہو،
غریب اور مستحق خاندانوں کی مدد پر خرچ ہو،
اور نئے تعلیمی و دینی ادارے قائم کرنے پر خرچ ہو

تو کتنی دعائیں مل سکتی ہیں،
کتنی زندگیاں سنور سکتی ہیں
اور کتنا صدقۂ جاریہ بن سکتا ہے

نعت خواں حضرات بھی ہمارے محترم ہیں
اور نعتِ رسول ﷺ ہمارے لیے
عقیدت و محبت کا سرمایہ ہے،
لیکن محبت کے ساتھ ادب بھی ضروری ہے۔

نعت کو تماشہ نہ بنائیں،
محفلِ نعت کو مقابلۂ دولت نہ بنائیں،
اور محبتِ رسول ﷺ کو نمود و نمائش سے نہ جوڑیں۔

یاد رکھیے

محبتِ رسول ﷺ صرف آواز بلند کرنے کا نام نہیں،
بلکہ ادب، عاجزی، سنت کی پیروی، خدمتِ دین اور خدمتِ خلق بھی محبت کا حصہ ہیں۔

محفلِ نعت میں ادب پیدا کریں،
نمود و نمائش نہیں۔
با ادب، با نصیب
بے ادب، بے نصیب
✍️ فقیر شیخ وصی احمد اویسی غفرلہ

20/09/2026

شیڈ فاؤنڈیشن کے زیر اہتمام
عید میلادالنّبی صلی اللہُ علیہ وآلہ وسلّم
کے موقع پر سالانہ مقابلہ نعت خوانی کا انعقاد کیا گیا۔
اس موقع پر مہمان خصوصی
پرنسپل وصی نعت اکیڈمی
بانی رکن سپریم کونسل
آدابِ محافلِ نعت فیڈریشن پاکستان
حلقہ فروغ نعت خوانی و آداب نعت خوانی میں طویل اور مسلسل خدمات انجام دینے پر
استاد نعت خواں
محترم محمد قمر خان رحمانی صاحب
کو وثیقہ اعتراف بھی پیش کیا گیا۔
تقریب سے خصوصی خطاب سے
محترم محمد قمر خاں رحمانی صاحب
نے "آدابِ نعت خوانی و انتخاب کلام"
پر گفتگو کی۔

18/09/2026

آستاں ہے یہ کس شاہِ ذیشان کا ، مرحبا مرحبا
قلب ہیبت سے لرزاں ہے انسان کا ، مرحبا مرحبا
ہے اثر بزم پر کس کے فیضان کا ، مرحبا مرحبا
گھر بسانے مری چشمِ ویران کا ، مرحبا مرحبا
چاند نکلا حسن کے شبستان کا ، مرحبا مرحبا

ہے عجب حسن کا بانکپں سامنے ، اک چمن سامنے
اہل تطہیر ہیں خیمہ زن سامنے ، پنجتن سامنے
ہے یہ رُوۓ حسن کی پھبن سامنے ، یا حسن سامنے
جلوہ فرما ہیں غوثِ زمن سامنے ، ضَوفگن سامنے
دیکھۓ کیا بنے چشمِ حیران کا ، مرحبا مرحبا

گُلشنِ مصؐطفیٰ کی پھبن اور ہے ، یہ چمن اور ہے
شاہِؐ ابرار کی انجمن اور ہے ، یہ چمن اور ہے
بُوۓ گُلدستۂ پنجتن اور ہے ، یہ چمن اور ہے
شانِ آلِ حسین و حسن اور ہے ، یہ چمن اور ہے
سرمدی رنگ ہے اِس گلستان کا ، مرحبا مرحبا

فقر کی سلطنت طُرفہ سامان ہے ، رحمت ایوان ہے
اِس کے زیرِنگیں قلبِ انسان ہے ، عجز عنوان ہے
کس کا دستِ نظر کا سہ گردان ہے ، عقل حیران ہے
اِک ولی زیب اورنگِ عرفان ہے ، واہ کیا شان ہے
سر جُھکے ہے یہاں میر و سُلطان کا ، مرحبا مرحبا

ہر گھڑی مہرباں ذاتِ باری رہے ، فیض جاری رہے
خاک بوسی پہ بادِ بہادری رہے ، فیض جاری رہے
عالمِ کیف میں بزم ساری رہے ، فیض جاری رہے
بیخودی تیرے مستوں پہ طاری رہے ، فیض جاری رہے
مینہ برستا رہے تیرے احسان کا ، مرحبا مرحبا

عرشِ اسرار تک جس کی پرواز ہے ، طرفہ انداز ہے
علمِ لاہوت کا حاصل اعزاز ہے ، طرفہ انداز ہے
زہد و تقوٰی میں یکتا و مُمتاز ہے ، طرفہ انداز ہے
آبروۓ چمن قامتِ ناز ہے ، طرفہ انداز ہے
پیر مہرِ علی قُطبِ دوران کا ، مرحبا مرحبا

گولڑے کی زمیں کتنی مسعود ہے ، خطۂ جود ہے
ابن مولا علی جس میں موجود ہے ، خطۂ جود ہے
کیا حسیں منظرِ شانِ معبود ہے ، خطۂ جود ہے
ہر ایاز اِس کا ہمدوشِ محمود ہے ، خطۂ جود ہے
اوج پایا ہے بِر جِیس و کَیوان کا ، مرحبا مرحبا

تیرے دیوانے حاضر ہیں سرکار میں ، آج دربار میں
ست جُھکاۓ جنابِ گُہرَبار میں ِ آج دربار میں
بن کے سائل تری بزمِ انوار میں ، آج دربار میں
یُوسف مصرِ دل تیرے بازار میں ، آج دربار میں
جشن ہے کیا دل افروز عرفان کا ، مرحبا مرحبا

دربدر مفت کی ٹھوکریں کھاۓ کیوں ، ہاتھ پھیلاۓ کیوں
مانگنے کُوۓ اغیار میں جاۓ کیوں ، ہاتھ پھیلاۓ کیوں
اُسکے ناموسِ غیرت پہ حرف آۓ کیوں ، ہاتھ پھیلاۓ کیوں
دل قناعت کی ضَو سے نہ چمکاۓ کیوں ، ہاتھ پھیلاۓ کیوں
جو نمک خوار ہو پیرِ پیران کا ، مرحبا مرحبا

وارثِ خاتَمُ المرسلیں آپ ہیں ، بلیقیں آپ ہیں
قصرِ زہرا کا نقشِ حسیں آپ ہیں ، بلیقیں آپ ہیں
دینِ بر حق کے محی و مُعیں آپ ہیں ، بلیقیں آپ ہیں
بزمِ عرفاں کے مسند نشیں آپ ہیں ِ بلیقیں آپ ہیں
ہر ولی طفل ہے اِس دبستان کا ، مرحبا مرحبا

بزمِ کون و مکاں کو سجایا گیا ، آج صلِ علیٰ
سائباں رحمتوں کا لگایا گیا ، آج صلِ علیٰ
انبیا اولیا کو بُلایا گیا ،آج صلِ علیٰ
ابنِ زہرا کو دُولہا بنایا گیا ،آج صلِ علیٰ
عُرس ہے آج محبوبِ سُبحان کا ، مرحبا مرحبا

شاہِ جیلاں کی چوکھٹ سلامت رہے، تا قیامت رہے
نقشِ پا کا چمن پُر کرامت رہے، تا قیامت رہے
خَلعتِ اِجتبازیب قامت رہے ، تا قیامت رہے
سر پہ ولیوں کا تاجِ امامت رہے ، تا قیامت رہے
سلسلہ غوثِ اعظم کے فیضان کا ، مرحبا مرحبا

مظہرِ ذاتِ ربِ قدیر آپ ہیں ، دستگیر آپ ہیں
کاروانِ کرم کے امیر آپ ہیں ، دستگیر آپ ہیں
شاہِ بغداد پیرانِ پیر آپ ہیں ، دستگیر آپ ہیں
اِس نصیرِؔ حزیں کے نصیر آپ ہیں ، دستگیر آپ ہیں
کوئی ہمسر نہیں آپ کی شان کا ، مرحبا مرحبا