بزمِ ادبیات

اب کے ہماری جنگ ہے خود اپنے آپ سے
یعنی کہ جیت ہار کی وقعت نہیں رہی
عادت اکیلے پن کی جو پہلے عذاب تھی
اب لُطف بن گئی ہے اذیت نہیں رہی

رفاقتوں میں پشیمانیاں تو ہوتی ہیں

کہ دوستوں سے بھی نادانیاں تو ہوتی ہیں

اداسیوں کا سبب کیا کہیں بجز اس کے

یہ زندگی ہے پریشانیاں تو ہوتی ہیں....

علم و ادب کے سارے خزانے گزر گئے

کیا خوب تھے وہ لوگ جو پُرانے گزر گئے

باقی ہے زمیں پہ فقط آدمی کی بھیڑ

انسان کو مرے ہوئے تو زمانے گزر گئے

میرے احباب مجھ سے مخلص ہیں....

مجھ کو یوسف کے بھائیوں کی قسم