IQRA Online Quran Academy

اچھے اَخلاق کے فضائل
ام المومنین حضرت عائشہ صدیقہ رضی اللّٰہ عنہا فرماتی ہیں کہ میں نے رسول اللہ صلی اللہ علیہ وسلم کو ارشاد فرماتے ہوئے سنا: مومن اپنے اچھے اخلاق کی وجہ سے روزہ رکھنے والے اور رات بھر عبادت کرنے والے کے درجہ کو حاصل کرلیتا ہے۔(ابوداؤد)
حضرت ابو ہریرہ رضی اللّٰہ عنہ روایت کرتے ہیں کہ رسول اللہ صلی اللہ علیہ وسلم نے ارشاد فرمایا: ایمان والوں میں کامل ترین مومن وہ ہے جس کے اخلاق سب سے اچھے ہوں اور تم میں سے وہ لوگ سب سے بہتر ہیں جو اپنی بیویوں کے ساتھ (برتاؤ میں) سب سے اچھے ہوں۔(مسند احمد)
ام المومنین حضرت عائشہ صدیقہ رضی اللّٰہ عنہا روایت کرتی ہیں کہ رسول اللہ صلی اللہ علیہ وسلم نے ارشاد فرمایا: کامل ترین ایمان والوں میں سے وہ شخص ہے جس کے اخلاق سب سے اچھے ہوں اور جس کا برتاؤ اپنے گھر والوں کے ساتھ سب سے زیادہ نرم ہو۔(ترمذی)
حضرت عبداللہ بن عمرو رضی اللّٰہ عنہ فرماتے ہیں کہ میں نے رسول اللہ صلی اللہ علیہ وسلم کو یہ ارشاد فرماتے ہوئے سنا: وہ مسلمان جو شریعت پر عمل کرنے والا ہو، اپنی طبیعت کی شرافت اور اپنے اچھے اخلاق کی وجہ سے اس شخص کے درجہ کو پالیتا ہے جو رات کو بہت زیادہ قرآن کریم نماز میں پڑھنے والا اور بہت روزے رکھنے والا ہو۔(مسند احمد)
حضرت ابودرداء رضی اللّٰہ عنہ سے روایت ہے کہ نبی کریم صلی اللہ علیہ وسلم نے ارشاد فرمایا: (قیامت کے دن) مومن کے ترازو میں اچھے اخلاق سے زیادہ بھاری کوئی چیز نہیں ہوگی۔(ابوداؤد)
(حقوق العباد اور ان کی اہمیت)

لَا تُظْهِرِ الشَّمَاتَةَ لِاَخِيكَ فَيَرْحَمَهُ اللّٰهُ وَيَبْتَلِيْكَ

اپنے بھائی کو مصیبت میں دیکھ کر خوش نہ ہوا کرو، ممکن ہے کہ اللہ تعالی اس پر رحم فرمائیں اور تمہیں اس میں مبتلا کردے

Do not rejoice over the mishaps of your brother so that Allah has mercy on him and subjects you to trials.

(سنن الترمذی: 2506)

پریشانیاں ہر ایک کی زندگـی میں موجـود ہیں، کوئی بھـی ایک مکمـل پرفیکٹ زندگی نہیـں گزار رہا

️ بس فرق وہـــاں پہ آتـا ہـــے جب انســـان اپنے معاملات اللہ کـــے حوالے کرتـــا ہے اور مطمئن ہوجاتـــا ہے اور کہتـــا ہے

حَسْبُنَــــا اللّٰهُ وَنِعْــــمَ الْوَكِيْلُ

پیغامِ قرآن

‏دنیا میں بہترین مشغولیت مطالعہ کتب

امام ابن القيم الجوزیہ رحمہ اللہ فرماتے ہیں کہ میں نے خواب میں حسن بن احمد الہمدانی رحمہ اللہ کو دیکھا کہ ان کے اگرد کتب کا ڈھیر لگا ہوا ہے اور وہ ان کے مطالعے میں مشغول ہیں۔ میں نے پوچھا کہ حضرت یہ کیا ہے؟
انھوں نے جواب دیا کہ میں نے اللہ تعالیٰ سے سوال کیا کہ میری ایسے کام کی طرف راہنمائی فرما، جو دنیا میری بہترین مشغولیت کا باعث ہو تو اللہ تعالیٰ نے مجھ میں مطالعے کا ذوق پیدا فرما دیا۔

(طبقات الحنابلة:1/ 319)

هُوَ الَّذِیْ یُصَوِّرُكُمْ فِی الْاَرْحَامِ كَیْفَ یَشَآءُ١ؕ لَاۤ اِلٰهَ اِلَّا هُوَ الْعَزِیْزُ الْحَكِیْمُ

وہی ہے جو ماؤں کے پیٹ میں جس طرح چاہتا ہے تمہاری صورتیں بناتا ہے، اس کے سوا کوئی معبود نہیں، وہ زبردست اقتدار کا بھی مالک ہے، اعلی درجے کی حکمت کا بھی
(آل عمران)

اللّٰه کے نزدیک عافیت کا سوال کرنا، تمام دعاؤں سے زیادہ محبوب و پسندیدہ ہے؛ اِس لیے کہ ہر قسم کے شَر اور اُس کے اسباب سے بچاؤ کیلئے عافیت کا کلمہ بہت جامع ہے!"
امام ابنِ القيم رحمه اللہ
(شفاء العلیل : 111)

رسول اللہﷺ کی دعاؤں میں سے ایک دعاء یہ تھی:

" اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ وَتَحَوُّلِ عَافِيَتِكَ وَفُجَاءَةِ نِقْمَتِكَ وَجَمِيعِ سَخَطِكَ"

"اے اللہ! میں تیری پناہ چاہتا ہوں؛ تیری نعمت کے زوال سے، تیری عافیت کے ہٹ جانے سے، تیری ناگہانی سزا سے، اور تیری ہر طرح کی ناراضگی سے!"
سیدنا عبداللہ بن عمر رضی اللہ عنہما
(صحيح مسلم : 6944)

والدین بیٹی کو بیٹا کہہ کر پُکار لیتے ہیں مگر بیٹے کو بیٹی کہہ کر نہیں پُکارا جاتا کیونکہ بیٹیاں خاص ہوتی ہیں وہ وقت آنے پر بیٹا بھی بن کر دیکھاتی ہیں اور بیٹیوں کا کردار بھی بخوبی نبھاتی ہیں کبھی والدین کی عزت کی خاطر آٹے میں آنسو گوندھتی ہیں تو کبھی گھر کی بقاء کے لئے مرد کے شانہ بشانہ چلتی ہیں بے شک یہ اللّٰہ تعالیٰ کی کی رحمت ہیں انکی نا قدری مت کیجئے اللّٰہ تعالیٰ سب کی بیٹیوں کے نصیب اچھے کرے۔

آمین ثم آمین یارب العالمیـــــــن

جب بنانے والے نے لَقَدْ خَلَقْنَا الاَّنسَانَ فِی اَحْسَنَ تَقْوِیم کہا ہے تو پھر تم کون ہوتے ہو بدصورت کہنے والے۔

مومن کی کیفیت ایسی ہونی چاہیے کہ اپنی ہر نیکی کو الله تعالیٰ کا فضل تصور کرے اور اپنے عِلم ، عَمل اور تقویٰ پر زرا بھی غرور نہ کرے اور غلطی اور گناہ پر توبہ کرتا رہے۔