09/09/2026
ماں
آج اپنی والدہ کی قبر پر حاضر ہوا تو دل نے محسوس کیا کہ ماں کی موجودگی کتنی بڑی دولت تھی۔ وہ ماں جو ہماری تکلیف پر تڑپتی تھی، ہماری خوشی پر خوش ہوتی تھی، ہماری غلطیوں کو معاف کرتی تھی اور ہر حال میں ہمارے لیے دعائیں کرتی تھی۔
آج وہ قبر میں ہے…
اور میرے پاس اس کے لیے صرف دعا، فاتحہ اور آنکھوں کے آنسو ہیں۔
جن کے والدین حیات ہیں، ان سے دل کی ایک گزارش ہے:
ان کی قدر کیجیے، ان کا ادب کیجیے، ان کی بات برداشت کیجیے، ان کے ساتھ وقت گزاریے اور ان کی دعائیں لیجیے۔
ماں اگر بار بار بلاتی ہے تو چلے جائیے،
والد اگر کوئی بات سمجھاتے ہیں تو تحمل سے سنیے،
ان کی خدمت کو بوجھ نہیں بلکہ سعادت سمجھیے۔
کیونکہ ایک دن ایسا بھی آتا ہے کہ ماں بلانے کے لیے نہیں ہوتی، صرف قبر ہوتی ہے۔
پھر انسان چاہتا ہے کہ کاش ایک بار ماں آواز دے…
کاش ایک بار اس کے ہاتھ چوم لوں…
کاش ایک بار اس کے پاس بیٹھ سکوں…
مگر اس وقت قَفِ افسوس کے سوا ہاتھ کچھ نہیں آتا۔
اس لیے اگر آپ کے والدین زندہ ہیں تو آج ہی ان کی قدر کرلیجیے۔
کل کا انتظار مت کیجیے، کیونکہ والدین کی محبت کا سب سے خوبصورت وقت "ابھی" ہے۔
اللہ پاک میری والدہ سمیت تمام مرحوم والدین کی مغفرت فرمائے اور تمام زندہ والدین کا سایہ انکے بچوں کےسروں پر سلامت رکھے۔ آمین 🤲🏻
مزار کالونی A.C Wah واہ کینٹ پنجاب پاکستان میری والدہ کی قبر
