Al Asar Foundation

ہر سال کی طرح، اس سال بھی، العصر فاؤنڈیشن کی زیرِ اہتمام، مستند علماء کرام کی نگرانی میں یہ وقف قربانی کا پروجیکٹ جاری رہے گا۔ اس گوشت کی تقسیم دور دراز پسماندہ علاقوں میں مستحق افراد تک ہوگی۔ آپ بھی ہر سال کی طرح اس بابرکت موقع پر اپنا وقف قربانی کا حصہ ضرور شامل کریں، تاکہ ہم سب مل کر ان ضرورت مندوں تک گوشت پہنچا سکیں۔ تفصیلات اور تعاون کے لیے دیے گئے نمبر پر رابطہ کریں۔
0307 9256364
اکاؤنٹ بینک آف پنجاب
PK21 BPUN 6020 2690 0140 0015

آج العصر فاؤنڈیشن کے زیرِ اہتمام حج و عمرہ تربیتی ورکشاپ کامیابی سے منعقد ہوئی، جس میں خواتین و حضرات نے بھرپور شرکت کی۔
ہمارے پہلے اسپیکر جناب محمد وقار حسین صاحب نے مدینہ منورہ اور اس کے آداب پر ایک بصیرت افروز گفتگو پیش کی۔
اس کے بعد سامعین کے سامنے العصر فاؤنڈیشن کی مختصر تعارفی ڈاکومنٹری پیش کی گئی۔
پھر العصر فاؤنڈیشن کے ڈائریکٹر مولانا فضل سبحان صاحب نے حج کے مکمل طریقۂ کار اور اس کی اہمیت پر جامع گفتگو کی۔
آخر میں سامعین کو جناب محمد وقار حسین صاحب کی تحریر کردہ دو کتب، مدینہ منورہ اور آدابِ زیارت بطور تحفہ پیش کی گئیں۔

جمعیت تعلیم القرآن ٹرسٹ قرآنی تعلیم کے فروغ کے لیے ایک ممتاز اور فعال ادارہ ہے، جس کے مکاتب ملک بھر کے شہروں اور مضافاتی علاقوں میں قائم ہیں۔ تعلیمِ قرآن کے ساتھ ساتھ کردار سازی اور ٹیچر ٹریننگ پروگرام بھی اس کے بنیادی مقاصد میں شامل ہیں۔
ادارے کے مرکزی دفتر میں گزشتہ روز 22 اپریل بروز بدھ العصر فاؤنڈیشن کے ڈائریکٹر، مولانا فضل سبحان صاحب کا ادارے کے سینئر اراکین اور ٹرینرز کے ساتھ ایک اہم تربیتی نشست منعقد ہوئی۔ اس سیشن میں بچوں کی مؤثر تعلیم کے جدید طریقوں اور کردار سازی کے اہم پہلوؤں پر مفصل گفتگو کی گئی۔
نشست کے اختتام پر پندرہ منٹ سوال و جواب کے لیے مختص کیے گئے، جہاں سامعین کی جانب سے مختلف اہم سوالات اٹھائے گئے، جن کے مولانا صاحب نے نہایت مدلل اور مفصل جوابات دیے۔ یہ حصہ شرکاء کے لیے خاص طور پر مفید اور رہنمائی کا باعث ثابت ہوا۔

العصر فاؤنڈیشن کے زیرِ اہتمام حج و عمرہ تربیتی ورکشاپ منعقد کی جا رہی ہے جہاں حج کے مسائل، طریقۂ ادائیگی اور ضروری رہنمائی مستند انداز میں فراہم کی جائے گی۔
📅 26 اپریل، بروز اتوار
📍 جامع مسجد یاسین، بہار کالونی لیاری کراچی
خواتین کے لیے باپردہ انتظام موجود ہے۔
🗓️ تاریخ نوٹ کرلیں، خود بھی شرکت کریں اور اپنے اہلِ خانہ و احباب تک یہ پیغام ضرور پہنچائیں۔
ممکن ہے آپ کی ایک شیئر کسی کے حج کو درست طریقے سے ادا کرنے کا سبب بن جائے۔
مزید معلومات کےلئے دیئے گئے نمبر پر رابطہ کریں
📞 رابطہ: 03079256364

حج و عمرہ کا سفر زندگی کا سب سے مقدس سفر ہے اور اس سفر کی صحیح تیاری نہایت ضروری ہے۔
اسی مقصد کے لیے العصر فاؤنڈیشن کے زیرِ اہتمام حج و عمرہ تربیتی ورکشاپ منعقد کی جا رہی ہے۔
اس ورکشاپ میں مرد و خواتین دونوں شرکت کر سکتے ہیں، جبکہ خواتین کے لیے مکمل باپردہ اور باوقار انتظام موجود ہوگا۔
اپنے گھر والوں، عزیز و اقارب اور دوست احباب کو اس مفید نشست میں شرکت کی دعوت دیں۔
آئیں! عبادت کے اس مقدس سفر کی تیاری علم کے ساتھ کریں۔