Arham Quran Academy اَرحَم قُرآن اَکیڈمی

اور تمہیں کیا پتہ کہ جزا و سزا کا دِن کیا چیز ہے؟ ہاں تمہیں کیا پتہ کہ جزا و سزا کا دِن کیا چیز ہے؟ یہ وہ دن ہوگا جس میں کسی دوسرے کے لئے کچھ کرنا کسی کے بس میں نہیں ہوگا، اور تمام تر حکم اُس دن اللہ ہی کا چلے گا۔
سورۃ الانفطار

اے انسان! تجھے کس چیز نے اپنے اُس پروردگار کے معاملے میں دھوکا لگادیا ہے جو بڑا کرم والا ہے، جس نے تجھے پیدا کیا، پھر تجھے ٹھیک ٹھیک بنایا، پھر تیرے اندر اِعتدال پیدا کیا؟ 'جس صورت میں چاہا، اُس نے تجھے جوڑ کر تیار کیا۔
سورۃ الانفطار

اُس کا معاملہ تو یہ ہے کہ جب وہ کسی چیز کا ارادہ کر لے تو صرف اتنا کہتا ہے کہ ہوجا بس وہ ہوجاتی ہے۔
سورۃ یس آیت نمبر 82

اور تم (اے پیغمبر!) یہ کہو کہ: ’’میرے پروردگار! ہماری خطائیں بخش دے، اور رحم فرمادے، تو سارے رحم کرنے والوں سے بڑھ کر رحم کرنے والاہے۔‘‘
سورۃ المؤمنون آیت نمبر 118

آسمانوں اور زمین کی بادشاہت اُسی کی ہے، وہی زندگی بخشتا اور موت دیتا ہے، اور وہ ہر چیز پر پوری قدرت رکھنے والا ہے۔ وہی اوّل بھی ہے، اور آخر بھی، ظاہر بھی ہے، اور چھپا ہوا بھی، اور وہ ہر چیز کو پوری طرح جاننے والا ہے۔
سورۃ الحدید

اچھا یہ بتاؤ کہ یہ پانی جو تم پیتے ہو، کیا اُسے بادلوں سے تم نے اُتارا ہے، یا اُتارنے والے ہم ہیں؟ اگر ہم چاہیں تو اُسے کڑوا بناکر رکھ دیں، پھر تم کیوں شکر اَدا نہیں کرتے؟
سورۃ الواقعۃ

اور تم اپنی بات چھپا کر کرو، یا زور سے کرو، (سب اُس کے علم میں ہے، کیونکہ) وہ دِلوں تک کی باتوں کا پورا علم رکھنے والا ہے۔ بھلا جس نے پیدا کیا وہی نہ جانے؟ جبکہ وہ بہت باریک بین، مکمل طور پر باخبر ہے
سورۃ الملک