16/01/2026
کراچی کے علاقے نارتھ ناظم آباد کے فیملی پارک سے اغوا ہونے والے 3 سالہ بچےکو بازیاب کرا لیا گیا، پولیس حکام کا کہنا ہے کہ بچے کو لیاقت آباد سے بازیاب کرایا گیا ہے،3 سالہ محمد انس 11 جنوری کو نارتھ ناظم آباد بلاک ایف فتح پارک سے لاپتہ ہوا تھا، بچے کی گمشدگی کا مقدمہ اس کے کزن کی مدعیت میں حیدری تھانے میں درج کیا گیا تھا۔بازیاب کرائے جانے والے بچے کو پولیس نے والدین کے حوالے کر دیا ہے۔
14/01/2026
نارتھ ناظم آباد میں قائم فتح پارک سے لاپتہ ہونے والے 4 سالہ بچے کے والد نے اپنے بیان میں کہا ہے کہ بچہ صرف بول سکتا ہے کہ میرا نام انس ہے، کسی کو ملے تو ہمارے نمبر 03138530028 پر رابطہ کرے، ایدھی یا پولیس اسٹیشن میں بتائے۔ والد کا کہنا ہے کہ میرا بچہ اتوار کی شام 7:30 بجے نارتھ ناظم آباد سے لاپتہ ہوا، پولیس نے احتجاج کے بعد ایف آئی آر لکھی، اس واقعہ کو 48 گھنٹے ہوچکے ہیں پولیس نے کارروائی کی لیکن بچہ ابھی تک نہیں ملا ہے۔ واضح رہے کہ کراچی کے علاقے نارتھ ناظم آباد میں قائم فتح پارک سے لاپتہ ہونے والے 4 سالہ بچے کا تین روز گزرنے کے باوجود کوئی سراغ نہ مل سکا۔
16/01/2026
14/01/2026