جامعۃ الامام عبداللہ بن عباس الاسلامیہ

الحمدللہ! عید الاضحیٰ اللہ تعالیٰ کی عظیم نعمت اور حضرت ابراہیم علیہ السلام کی عظیم قربانی کی یادگار ہے۔ اس مبارک موقع پر ہم سب کو چاہیے کہ سنتِ ابراہیمی کو زندہ کریں اور اللہ کے حضور شکر و بندگی کا مظاہرہ کریں۔
نمازِ عید کے اہم آداب و سنتیں:
✔ غسل کرنا اور صاف ستھرا لباس پہننا
✔ خوشبو لگانا
✔ عیدگاہ کی طرف پیدل جانا
✔ راستہ تبدیل کر کے واپس آنا
✔ تکبیراتِ تشریق بلند آواز سے پڑھنا
✔ نماز سے پہلے کچھ نہ کھانا (عید الاضحیٰ میں مستحب)
✔ نماز کے بعد قربانی کی سنت ادا کرنا (صاحبِ نصاب کے لیے)
اہم ہدایت برائے نمازِ عید:
تمام حضرات وقت کی پابندی کریں اور عیدگاہ جلدی پہنچیں تاکہ صفیں درست اور منظم ہوں۔ بچوں، بڑوں سب کو ساتھ لائیں مگر صفوں کا ادب اور نظم و ضبط ضرور ملحوظ رکھیں۔
عید صرف خوشی کا دن نہیں بلکہ اللہ کی اطاعت، صبر، اور قربانی کا درس ہے۔ اس دن اپنی زبان، دل اور عمل کو پاک رکھیں، غریبوں اور ضرورت مندوں کا خاص خیال رکھیں تاکہ ہماری عید حقیقی معنوں میں عید بن سکے۔
اللہ تعالیٰ ہم سب کی عبادات، نمازِ عید اور قربانیوں کو اپنی بارگاہ میں قبول فرمائے۔ آمین

الحمدللہ! جامعۃ الامام عبداللہ بن عباس الاسلامیہ میں عید الاضحیٰ کی تعطیلات کا آغاز ہوچکا ہے۔ یہ چند دن بچوں کے لیے آرام کے ساتھ ساتھ تربیت، عبادت اور اصلاحِ نفس کا بہترین موقع ہیں۔
ہم تمام والدینِ کرام سے مؤدبانہ گزارش کرتے ہیں کہ چھٹیوں کے دوران اپنے بچوں کی دینی و اخلاقی تربیت پر خصوصی توجہ فرمائیں، کیونکہ بچے گھر کے ماحول سے سب سے زیادہ سیکھتے ہیں۔
اپنے بچوں کو ان اعمال کا پابند بنائیں:
پانچ وقت نماز باجماعت ادا کروائیں۔
روزانہ قرآنِ کریم کی تلاوت اور سبق کی دہرائی کروائیں۔
صبح و شام کی دعاؤں اور مسنون اذکار کی عادت ڈالیں۔
والدین کی خدمت، ادب اور حسنِ اخلاق کی تلقین کریں۔
موبائل اور غیر ضروری مصروفیات سے حتی الامکان بچائیں۔
دینی کتب اور سیرتِ نبوی ﷺ کے مطالعہ کی ترغیب دیں۔
اچھے دوستوں اور صالح ماحول کا اہتمام کریں۔
عید الاضحیٰ کے ایام میں قربانی کی سنت اور اس کے فضائل سے آگاہ کریں۔
یاد رکھیں!
بچے صرف نصیحت سے نہیں بلکہ والدین کے عمل سے زیادہ سیکھتے ہیں۔ اگر گھر میں نماز، تلاوت، ادب اور دین کا ماحول ہوگا تو ان شاء اللہ بچے بھی دین سے محبت کرنے والے بنیں گے۔
رسول اللہ ﷺ نے فرمایا:
"تم میں سے ہر شخص نگہبان ہے اور اس سے اس کی رعیت کے بارے میں پوچھا جائے گا۔"
اللہ تعالیٰ ہم سب کو اپنی اولاد کی بہترین دینی تربیت کرنے کی توفیق عطا فرمائے، اور ہمارے بچوں کو دین و دنیا میں کامیاب فرمائے۔ آمین
انتظامیہ:
جامعۃ الامام عبداللہ بن عباس الاسلامیہ

🌙 *وقف قربانی 2026* 🌙

الحمدللہ!
ہمارے ادارے *جامعہ عمر* اور *جامعۃ الامام عبداللہ بن عباس الاسلامیہ* میں تقریباً *300 رہائشی طلبۂ کرام* زیرِ تعلیم ہیں، جن کے کھانے پینے اور ضروریات کا مکمل انتظام مدرسے میں کیا جاتا ہے۔

عید الاضحیٰ کے موقع پر آپ کی *وقف قربانی* ان معصوم اور دین کے طالب علم بچوں کے لیے کئی دنوں تک گوشت کا بہترین ذریعہ بنتی ہے۔
یہ طلبہ قرآنِ کریم، حدیثِ نبوی ﷺ اور علومِ دینیہ کی خدمت میں مصروف ہیں۔ ان کو کھلانا، دراصل دین کی خدمت میں حصہ ڈالنا ہے۔

📖 *قرآنِ کریم میں اللہ تعالیٰ فرماتے ہیں:*
*"لَن تَنَالُوا الْبِرَّ حَتّٰی تُنْفِقُوا مِمَّا تُحِبُّونَ"*
(آل عمران: 92)
“تم ہرگز نیکی کو نہیں پہنچ سکتے جب تک اپنی محبوب چیزوں میں سے خرچ نہ کرو۔”

📖 ایک اور مقام پر فرمایا:
*"فَكُلُوا مِنْهَا وَأَطْعِمُوا الْبَائِسَ الْفَقِيرَ"*
(الحج: 28)
“پس خود بھی کھاؤ اور محتاج و فقیر کو بھی کھلاؤ۔”

🌹 *حدیث شریف:*
رسول اللہ ﷺ نے فرمایا:
*"أَحَبُّ الْأَعْمَالِ إِلَى اللَّهِ سُرُورٌ تُدْخِلُهُ عَلَى مُسْلِمٍ"*
“اللہ کے نزدیک سب سے محبوب عمل کسی مسلمان کے دل میں خوشی داخل کرنا ہے۔”
✨ آپ کی قربانی کا گوشت:
✔️ طلبۂ کرام کے کھانے میں استعمال ہوگا
✔️ غریب و مستحق خاندانوں تک پہنچایا جائے گا
✔️ صدقۂ جاریہ اور عظیم اجر کا ذریعہ بنے گا
📍 پتہ:
جامعۃ الامام عبداللہ بن عباس الاسلامیہ
قصبہ موڑ نزد چاٹی ہوٹل، اورنگی ٹاؤن کراچی
📞 رابطہ نمبر:
03212217072
🤲 آئیں! اپنی قربانی کے ذریعے دین کے طالب علم بچوں کی خوشیوں میں حصہ ڈالیں۔

آج ہفتہ 28 ذوالقعدہ 1447ھ 16 مئی 2026ء ہے
قربانی کرنے والے احباب کو یاددہانی کروانی ھے کہ ان شاء اللّٰہ کل 17 مئی 2026 بروز اتوار کو پاکستان میں 29 ذوالقعدہ ھوگی اور ذوالحجہ کا چاند نظر آسکتا ھے۔
جن احباب نے قربانی کرنی ہے وہ اپنے ناخن اور بال اتوار کے دن، مغرب سے پہلے پہلے تک تراش لیں کیونکہ ذوالحجہ کاچاند نظر آنے کے بعد قربانی تک ناخن اور بال نہ تراشنا مستحب ہے
آپ مفادعامہ اور اپنے صدقہ جاریہ کے لیے اس میسج کو آگے بھی بھیجیے

اس عید قربانی کو صرف رسم نہیں… عبادت بنائیے
قربانی حضرت ابراہیمؑ کی سنت، اللہ کی رضا اور تقویٰ کے اظہار کا عظیم ذریعہ ہے۔
اللہ تعالیٰ فرماتے ہیں:
"اللہ کو نہ ان کا گوشت پہنچتا ہے نہ خون، بلکہ تمہارا تقویٰ پہنچتا ہے۔"
اسی جذبے کے ساتھ جامعۃ الامام عبداللہ بن عباس میں مکمل شرعی اصولوں، دیانت اور صاف شفاف نظام کے تحت اجتماعی قربانی کا اہتمام کیا گیا ہے۔
معیاری و صحت مند جانور
شرعی طریقے سے ذبح
مکمل صفائی و شفافیت
گوشت کی کٹنگ اور پیکنگ
قصائی، ذبح، کٹنگ اور صفائی — تمام انتظام مدرسے کی طرف سے ہوگا۔
آپ کو کسی پریشانی کی ضرورت نہیں…
بس تشریف لائیے اور اپنا تیار گوشت وصول کیجئے۔
اپنی قربانی ایک بااعتماد اور منظم ادارے کے ساتھ ادا کیجئے۔
📞 رابطہ: 03152525785