Ambition Academy Kandiaro

22/08/2026

وڇڙيو آهين، وسريو ناهين...

ساهتي پرڳڻي جي ڪنڊيارو شهر سان تعلق رکندڙ، انتهائي ذهين، باوقار ۽ سحرانگيز شخصيت، مرحوم ممتاز گهانگهرو (DC Customs)، شهيد ڊاڪٽر اڪبر گهانگهرو جو ننڍو ڀاءُ هو.

مرحوم ممتاز گهانگهرو 22 آگسٽ 2017ع تي مٽياري–حيدرآباد روڊ تي هڪ روڊ حادثي ۾ اسان کان هميشه لاءِ وڇڙي ويو. سندس اوچتو وڇوڙو خاندان، دوستن، ساٿين ۽ کيس سڃاڻندڙ هر دل لاءِ هڪ وڏو صدمو هو.

سندس شاندار شخصيت، محبت ڀريا لاڳاپا، خلوص ۽ يادون اڄ به دلين ۾ زنده آهن. وقت گذرڻ سان وڇوڙي کي سال گذري ويا، پر سندس ياد اڄ به اوتري ئي تازگي سان دلين ۾ موجود آهي.

سندس نائين ورسي جي موقعي تي کيس عقيدت، احترام ۽ محبت سان ڀيٽا پيش ڪجي ٿي.

رب پاڪ مرحوم ممتاز گهانگهرو جي مغفرت فرمائي، کيس جنت الفردوس ۾ اعليٰ مقام عطا فرمائي ۽ سندس پونئيرن کي صبرِ جميل عطا فرمائي.

آمين يا رب العالمين....

20/08/2026

Admissions are Open

13/08/2026

11/08/2026

Many congratulations to Rubab Tunio

Professor Muhammad Arif Tunio, sent sweets to the faculty of Ambition Academy Kandiaro to celebrate the remarkable achievement of his daughter, Rubab Tunio.

Rubab Tunio has been selected for the Fulbright FLTA Scholarship and will begin her new academic journey at Arizona State University.

Rubab Tunio prepared for her Entry Test at Ambition Academy Kandiaro.

We extend our heartfelt congratulations to Rubab Tunio, her respected father Professor Muhammad Arif Tunio, and the entire family on this outstanding achievement.

Rubab Tunio — Proud Alumni of Ambition Academy Kandiaro

08/08/2026

جهڙا گل گلاب جا...
پروفيسر محمد جمن سامٽيو صاحب جن جي زندگي جو مختصر پروفائيل پروفيسر عبدالستار ابڙو پاران پيش ڪيو ويو

07/08/2026

Received from Mr.Haq Nawaz Burero

07/08/2026

جهڙا گل گلاب جا...

پروفيسر محمد جمن سامٽيو

(23 فيبروري 1952ع – 07 آگسٽ 2022ع)

سنڌ جي نامور تعليمدان، فزڪس جي ماهر، علم دوست شخصيت ۽ هزارين شاگردن جي رهنما، مرحوم پروفيسر محمد جمن سامٽيو پنهنجي علمي، تدريسي ۽ سماجي خدمتن سبب هميشه عزت، احترام ۽ محبت سان ياد رکيا ويندا.
سندن سموري زندگي علم جي واڌاري، شاگردن جي تربيت ۽ تعليم جي خدمت لاءِ وقف رهي.

نالو: پروفيسر محمد جمن سامٽيو
والد جو نالو: اميد علي سامٽيو
جنم جو هنڌ: ڳوٺ ارباب علي سامٽيو، تعلقو محرابپور
جنم جي تاريخ: 23 فيبروري 1952ع

تعليمي سفر

- پرائمري تعليم: گورنمينٽ مين سنڌي پرائمري اسڪول، محرابپور
- ميٽرڪ: گورنمينٽ هاءِ اسڪول، سوڀوديرو (1969ع)
- انٽرميڊيئيٽ: گورنمينٽ ممتاز ڪاليج، خيرپور ميرس (1971ع)
- B.Sc: گورنمينٽ سپيريئر سائنس ڪاليج، خيرپور ميرس
- M.Sc (Physics): يونيورسٽي آف سنڌ، ڄامشورو (1975ع)

نوڪري جي شروعات.

1977ع ۾ سنڌ پبلڪ سروس ڪميشن جو امتحان ڪاميابي سان پاس ڪري گورنمينٽ مهراڻ ڪاليج مورو ۾ ليڪچرار (فزڪس) طور مقرر ٿيا.

1978ع ۾ سندن بدلي گورنمينٽ ڊگري ڪاليج ڪنڊيارو ٿي، جتي ڪيترن ئي سالن تائين فزڪس جي تدريس ڪندي هزارين شاگردن جي علمي ۽ اخلاقي رهنمائي ڪئي.

2007ع ۾ گريڊ 19 ۾ ترقي بعد ڪجهه عرصو گورنمينٽ مهراڻ ڊگري ڪاليج مورو ۾ ايسوسيئيٽ پروفيسر طور خدمتون سرانجام ڏنيون، جنهن کان پوءِ ٻيهر گورنمينٽ ڊگري ڪاليج ڪنڊيارو موٽي اچي تدريس جو سلسلو جاري رکيو.

نومبر 2011ع ۾ گريڊ 20 ۾ پروفيسر طور ترقي ماڻي گورنمينٽ اسلاميا ڪاليج سکر ۾ مقرر ٿيا.

22 فيبروري 2012ع تي گورنمينٽ اسلاميا ڪاليج سکر مان پروفيسر طور باعزت ريٽائرمينٽ حاصل ڪيائون.

ايمبيشن اڪيڊمي ڪنڊيارو (المعروف جمن سامٽيو سينٽر) جو قيام

1989ع ۽ 1990ع ڌاري، ڪنڊيارو ۾ رهائش دوران، پروفيسر محمد جمن سامٽيو شام جي وقت پتمبر هاسٽل ۾ پروفيسر بدرالدين ڪولاچي، پروفيسر بسنت لال اوڏ ۽ پروفيسر عبدالرشيد ڏاهري سان گڏجي شاگردن کي ٽيوشن پڙهائيندا هئا.

ان وقت گورنمينٽ ڊگري ڪاليج ڪنڊيارو، جيڪو 1975ع ۾ پتمبر هاسٽل ۾ قائم ٿيو هو، بعد ۾ 1977ع ۾ پنهنجي نئين عمارت ۾ منتقل ٿي ويو.

ان کان پوءِ پروفيسر محمد جمن سامٽيو، پروفيسر عبدالرشيد ڏاهري، پروفيسر محمد هارون سومرو، پروفيسر دين محمد شيخ، پروفيسر نيڪ محمد شيخ ۽ پروفيسر امام الدين ابڙو گڏجي ايمبيشن اڪيڊمي ڪنڊيارو (المعروف جمن سامٽيو سينٽر) جو بنياد وڌو، جيڪو اڄ به ڪنڊيارو سول اسپتال ڀرسان علم جي روشني پکيڙي رهيو آهي.

هي ادارو نوشهروفيروز ضلعي سميت سنڌ جي مختلف علائقن جي شاگردن لاءِ ميڊيڪل ۽ انجنيئرنگ يونيورسٽين ۾ داخلا جي تياري جو اهم مرڪز بڻيو. هتان هزارين شاگرد اعليٰ تعليم حاصل ڪري اڄ ملڪ جي مختلف سرڪاري ۽ نجي ادارن توڙي دنيا جي مختلف ملڪن ۾ اهم ذميواريون نڀائي رهيا آهن.

وفات

07 آگسٽ 2022ع تي هي عظيم استاد، محسنِ تعليم ۽ علم جو روشن مينار هن فاني جهان مان لاڏاڻو ڪري ويو.

سندن آخري آرامگاهه محرابپور ڀرسان ڳوٺ ارباب علي سامٽيو ۾ واقع آهي.

اولاد

مرحوم کي چار فرزند آهن:

- حسرت علي سامٽيو — B.E (Civil)
- جواد احمد سامٽيو — B.E (Civil)
- سجاد حسين سامٽيو — MBA، ۽ مهراڻ يونيورسٽي ڄامشورو مان M.Phil (English)
- فواد حسين سامٽيو — يونين ڪائونسل ۾ سيڪريٽري طور سرڪاري خدمتون سرانجام ڏئي رهيو آهي.

خراجِ عقيدت

پروفيسر محمد جمن سامٽيو صاحب جي زندگي علم، سادگي، ايمانداري، محنت، شاگردن سان محبت ۽ تعليمي خدمت جو روشن مثال هئي. سندن شخصيت هزارين شاگردن لاءِ رهنمائي جو سرچشمو ۽ استادن لاءِ هڪ مثالي ڪردار رهي.

سندن بي لوث خدمتون، اعليٰ اخلاق، علم سان عشق ۽ شاگردن جي علمي تربيت هميشه ياد رهندي. سندن نالو سنڌ جي تعليمي تاريخ ۾ عزت، احترام ۽ فخر سان هميشه روشن رهندو.

الله تعاليٰ مرحوم کي جنت الفردوس ۾ اعليٰ مقام عطا فرمائي، سندن درجات بلند فرمائي، ۽ پونئرن کي صبرِ جميل عطا فرمائي. آمين.

07/08/2026

ايمبيشن اڪيڊمي ڪنڊيارو پاران مرحوم پروفيسر محمد جمن سامٽيو جي چوٿين ورسي جي يادگار تقريب اڄ بتاريخ 07 آگسٽ 2026ع منعقد ڪئي وئي.

ڪنڊيارو: ايمبيشن اڪيڊمي ڪنڊيارو جي اهتمام هيٺ سنڌ جي نامور پروفيسر، تعليمدان ۽ علم دوست شخصيت مرحوم پروفيسر محمد جمن سامٽيو صاحب جي چوٿين ورسي جي موقعي تي هڪ پروقار ۽ يادگار تقريب منعقد ڪئي وئي، جنهن ۾ استادن، شاگردن، دوستن، عزيزن، اقاربن ۽ مرحوم جي فرزندن وڏي انگ ۾ شرڪت ڪري کيس ڀرپور خراجِ عقيدت پيش ڪيو.

07/08/2026

مرحوم پروفيسر محمد جمن سامٽيو صاحب جي مغفرت لاءِ اجتماعي دعا

ايمبيشن اڪيڊمي ڪنڊيارو پاران منعقد ڪيل مرحوم پروفيسر محمد جمن سامٽيو صاحب جي چوٿين ورسي جي يادگار تقريب جي پڄاڻي تي استادن، شاگردن، دوستن، عزيزن ۽ شهرين وڏي عقيدت سان گڏجي مرحوم جي مغفرت، بلند درجات ۽ جنت الفردوس ۾ اعليٰ مقام لاءِ خصوصي دعائون گهريون.

الله پاڪ مرحوم کي پنهنجي جوارِ رحمت ۾ جاءِ عطا فرمائي، سندس نيڪ خدمتن کي قبول فرمائي، درجات بلند فرمائي ۽ پونئرن کي صبرِ جميل عطا فرمائي. آمين.

07/08/2026

ايمبيشن اڪيڊمي ڪنڊيارو پاران مرحوم پروفيسر محمد جمن سامٽيو جي چوٿين ورسي جي يادگار تقريب منعقد

ڪنڊيارو: ايمبيشن اڪيڊمي ڪنڊيارو جي اهتمام هيٺ سنڌ جي نامور پروفيسر، تعليمدان ۽ علم دوست شخصيت مرحوم پروفيسر محمد جمن سامٽيو صاحب جي چوٿين ورسي جي موقعي تي هڪ پروقار ۽ يادگار تقريب منعقد ڪئي وئي، جنهن ۾ استادن، شاگردن، دوستن، عزيزن، اقاربن ۽ مرحوم جي فرزندن وڏي انگ ۾ شرڪت ڪري کيس ڀرپور خراجِ عقيدت پيش ڪيو.

تقريب کي خطاب ڪندي پروفيسر عبدالرشيد ڏاهري، پروفيسر غلام شبير شاهه، پروفيسر محمد صفر سهتو، پروفيسر عبدالستار ابڙو، پروفيسر نذير احمد کوسو، سائين محمد مرتضىٰ ڪونڌر، پروفيسر نجم الدين گهانگهرو، پروفيسر صاحب گهانگهرو، پروفيسر ميان محمد عباس عباسي ۽ مرحوم جا فرزند حسرت علي سامٽيو ، جواد حسين سامٽيو، پروفيسر مجاهد حسين وساڻ ۽پروفيسر عبدالستار جتوئي جن پاران مرحوم پروفيسر محمد جمن سامٽيو جي علمي، تدريسي، سماجي ۽ اخلاقي خدمتن تي تفصيلي روشني وڌي ۽ کين زبردست خراجِ تحسين پيش ڪيو.

مقررن چيو ته مرحوم پروفيسر محمد جمن سامٽيو نه رڳو هڪ بهترين فزڪس جي استاد هئا، پر هو هزارين شاگردن جا محسن، اعليٰ اخلاق جا مالڪ، علم جا سچا خادم ۽ سماج لاءِ هڪ مثالي شخصيت پڻ هئا. سندن ڪيل علمي ۽ تعليمي خدمتون هميشه ياد رکيون وينديون، جڏهن ته سندن تربيت يافته شاگرد اڄ ملڪ جي مختلف شعبن ۾ نمايان خدمتون سرانجام ڏئي رهيا آهن.

مقررن ان ڳالهه تي زور ڏنو ته پروفيسر محمد جمن سامٽيو جهڙا علم دوست، باوقار ۽ باڪردار انسان صدين ۾ پيدا ٿيندا آهن. سندن زندگي ايندڙ نسلن لاءِ علم، اخلاق، خدمت ۽ انسانيت جو روشن مثال آهي.

تقريب جي سموري ڪارروائي پروفيسر عبدالستار ابڙو نهايت احسن نموني هلائي، جڏهن ته آخر ۾ مرحوم جي مغفرت، بلند درجات ۽ پونيئرن لاءِ خصوصي دعا گهري وئي.