12/04/2025
گورنمينٽ اسڪول قربان علي ٽانوري ۾ سالانه رزلٽ پروگرام ٿي گذريو جنهن ۾ مھمان خاص طور ڊپٽي ڊي او نوشهروفيروز پرائمري ايڊيو ڪيشن سائين محمد يونس ڍلو، چئرمين ٽائون ڪاميٽي ڪنڊيارو سائين غلام مرتضا شاھ، ايس ايم سي چئرمين سائين خدمت علي شاھ، ھيڊ ماسٽر پڊعيدن سائين خان محمد راڄپر، ، ھيڊ ماسٽر گرلس اسڪول سائين عرفان علي عباسي، ، ھيڊ ماسٽر باقر شاھ سائين فرحان علي سومرو، ھيڊ ماسٽر محرابپور ممتاز علي سومرو ۽ والدين شرڪت ڪئي. پروگرام دوران پوزيشن ماڻيندڙ شاگردن ٽرافيون, ميڊل ۽ ڪيش انعام خاص مھمانن، ھيڊ ماسٽر صاحبان ۽استاد صاحبان ھٿان ورهايا ويا جنھن تي شاگردن ۽ والدين ۾ خوشي جي لھر ڏٺي وئي. معزز مھمانن پنھنجن خيالن جو اظهار ڪيو اسڪول جي ھيڊ ماستر سائين امام دين جي ڪاوشن کي ساراهيو ۽ استاد صاحبان جي محنت ۽ جذبي کي پڻ ساراهيو. والدين مطابق اسڪول جي پڙھائي ۽ ماحول پرائيويٽ اسڪولن کان تمام بھتر آھي والدين يقين ڏياريو ته اھي پنھجي عزيزن کي پڻ چوندا تہ ھن اسڪول ۾ پنھنجي ٻارن کي داخل ڪرائي معياري ۽ مفت تعليم حاصل ڪن جتي ڪورس پڻ مفت ڏنو وڃي ٿو. ان دوران اسڪول انتظاميا سائين غلام مرتضا شاھ صاحب کان سولر سسٽم، آر او پلانٽ ۽ صفائي جي عملي جي گھرج ڪئي جنھن لاء سائين پوري تعاون ۽ ڀرپور مالي سپورٽ جو واعدو ڪيو ۽ ھڪ جي گھرج تي ٻه سوئيپر ڏيڻ جو اعلان ڪيو. سائين غلام مرتضا شاھ صاحب جي اعلان کانپوءِ شاگردن، والدين ۽ استادن ۾ خوشي جي لھر پکڙجي وئي. سائين امام دين شاھ تمام آيل مھمانن جو دل سان شڪريو ادا ڪيو.
