Awan thoughts

💌پر امن پیغام💌
اصحاب محمدﷺ حق کے علمبردار تھے انہوں نے ہم تک نبوی دین پہنچایا۔ خوشی و غم میں اصحاب محمدﷺ کے طریقہ کار کو اپنائیں۔ یقیناً محبت و عقیدت میں دنیا کا کوئی انسان صحابہ کرام رضوان اللہ اجمعین سے نہیں بڑھ سکتا۔ ادب و محبت میں اعلیٰ و ارفع مقام رکھنے والے اصحاب محمدﷺ ہمارے لیے نشان منزل ہیں

”محبت کا معیار نعرہ بازی نہیں اور نہ عشق کا تقاضا ریاکاری اور دکھلاوا ہے، محبت زمانی اور مکانی نہیں ہوتی، الفت دائمی تعلق کا نام ہے جو عاشق کے دل پر اور اس کی زندگی پر ہمیشہ غالب رہے۔ محبت رسول صلی اللہ علیہ وسلم کا نعرہ لگانا آسان ہے لیکن محبّ بننا مشکل، اگر محبّ بننا ہو تو صحابہ کرام، مہاجرین عظام، انصارِ مدینہ، شہدائے احد، مجاہدینِ بدر اور خصوصاً مکی زندگی میں اسلام قبول کرنے والے فرشتہ صفت لوگوں کی شیفتگی اور والہانہ عقیدت اور سراپا جانثاری سے سبق لینا ہو گا۔ محبت موسمی چیز نہیں کہ ربیع الاول میں تو سیلاب بن کر آئے اور باقی سارا سال آپ کو احساس تک نہ ہو کہ آپ کا کوئی رسول بھی ہے۔“

(مولانا اسماعیل سلفی رحمه الله || فتاویٰ سلفیہ : 21)

’’نار تین طرح کی ہوتی ہے۔
پہلی جو صرف روشن کرتی ہے اور اس میں گرمائش نہیں ہوتی جیسے چاند ہے، جو روشن کرتا ہے لیکن جلاتا نہیں ہے۔
دوسری جو روشن بھی کرتی ہے اور جلاتی بھی ہے جیسے سورج اور ہماری دنیا کی آگ ہے، جو روشنی بھی دیتی ہے اور جلا بھی دیتی ہے۔
تیسری جو صرف جلاتی ہے لیکن اس میں روشنی نہیں ہے۔ جیسے جہنم کی آگ جو سخت اندھیری اور تاریکیوں میں لپٹی ہوگی اور جلا کر راکھ کر دے گی۔‘‘

[الحافظ ابن القيم رحمه الله | مختصر الصواعق لابن الموصلي: ١/‏٤٢٤، وانظر : مجموع الفتاوى لابن تيمية : ٦/ ٣٨٧]

موبائلی مسلماں

*سنت اور بدعت میں آسان فہم فرق*

سنت:نبی کریم صلی اللہ علیہ وسلم سے محبت کا اظہار کرنا/نبی کریم صلی اللہ علیہ وسلم کے احکامات پر عمل پیرا ہونا نبی کریم صلی اللہ علیہ وسلم کی پسند کے مطابق

بدعت:نبی کریم صلی اللہ علیہ وسلم سے محبت کا اظہار کرنا/نبی کریم صلی اللہ علیہ وسلم کے احکامات پر عمل پیرا ہونا اپنی پسند کے مطابق

اسرائیلی مصنوعات سمیت ایسے لوگوں کا بھی بائیکاٹ ضروری ہے۔ جو مسئلہ فلسطین کو سیاسی ایشو سمجھتے ہیں، یہ ایمانی اور انسانی مسئلہ ہے۔ اگر آپ کو معصوم بچوں کے لاشے سونے نہیں دیتے، بےچین نہیں کرتے تو اپنے اندر دل تلاش کریں کہیں مردہ تو نہیں ۔