15/07/2026
ضلعہ دادو میں جونیئر سائنس ٹیچر امیدواروں کا بھرپور احتجاج
ضلعہ دادو میں جونیئر سائنس ٹیچر کے امیدواروں نے بھرپور احتجاجی مظاہرہ کیا۔ مظاہرین کا کہنا تھا کہ 2021 میں PST اور JEST امیدواروں کو 32، 33 اور 40 نمبروں پر بھی بھرتی کیا گیا، جبکہ ہم نئے گریجویٹس ہیں اور جونیئر سائنس ٹیچر کی ٹیسٹ ایک وسیع اور ملٹی سبجیکٹ امتحان تھا، جس میں ہم نے 50 سے 54 نمبر حاصل کیے، جو معیاری اور قابلِ قدر نمبر ہیں۔
امیدواروں نے مزید کہا کہ آئندہ ہونے والے امتحانات، جیسے ٹیچنگ لائسنس ٹیسٹ، میں بھی سندھ حکومت نے 50+ نمبروں کو معیار مقرر کیا ہے۔ لہٰذا ہم وزیراعلیٰ سندھ سید مراد علی شاہ، وزیرِ تعلیم سید سردار علی شاہ، اسپیکر سندھ اسمبلی اور وزیرِ داخلہ ضیاء الحسن لنجار سے مطالبہ کرتے ہیں کہ جونیئر سائنس ٹیچر 2026 کے لیے بھی پاسنگ مارکس 50 مقرر کیے جائیں، 5,200 مزید آسامیاں شامل کی جائیں، اور سندھ کے سرکاری اسکولوں میں سائنس اساتذہ کی کمی کو دور کیا جائے تاکہ طلبہ میں سائنسی علم اور تخلیقی سوچ کو فروغ مل سکے۔
