20/02/2023
محترم والدین
السلامُ علیکم
امید کرتے ہیں کہ آپ بخیریت ہوں گے۔
الحمدللہ رب العالمین کے فضل و کرم سے سیشن 2022-2023 کے امتحانات اپنے اختتام کو پہنچے، ان شاءاللہ 27 فروری کو نتائج کے ساتھ پی ٹی ایم (PTM) ہوگی اور یکم مارچ سے سیشن 2023-2024 کا آغاز ہو جائے گا۔ اپنے بچوں کی کتابوں اور یونیفارم کے لیے جلدازجلد کیمپس سے رابطہ کریں تاکہ طلباء کی کتابیں جلد کے لیے دی جا سکیں اور وقت ضائع کیے بغیر پڑھائی شروع ہو سکے۔
طالب علم کی بہترین کارکردگی کے لیے اسکے استاد اور والدین دونوں کا برابر کردار ہوتا ہے، بچے ہمارے پاس چھے گھنٹے جبکہ باقی اٹھارہ گھنٹے آپ کے پاس ہوتے ہیں اور ان دنوں تقریبآ دس دن تعطیلات کے دوران بچوں کی انجوائے منٹ کے ساتھ ساتھ تربیت کا بھی خیال رکھیں، نماز پنج گانہ، تلاوت قرآن پاک، اردو اور انگلش لکھائی (خوشخطی) کے لیے مشق جاری کروائیں، بڑے بچوں کو تازہ اردو یا انگلش اخبار پڑھنے کی مشق کروائیں، رات اپنے ساتھ بٹھا کر نیوز سنوائیں۔
ہم بطورسکول انتظامیہ اس بات کی یقین دہانی کرواتے ہیں کہ جو چھ گھنٹے آپ کا بچہ ہمارے پاس ہوتا ہے وہاں ہم اپنی پوری انرجی صرف کرتے ہیں،یہاں سارے کانسپٹ کلئیر کروا کر اور تمام سبق سمجھا کر گھر بھیجا جاتا ہے۔اب گھر جا کراس سبق کو یاد کروانا اور اس علم کے مطابق عمل کروانا آپکی ذمہ داری ہے۔ہم امید کرتے ہیں کہ آپ اپنی ذمہ داری کو پورا کریں گے اور اپنے بچے کو خود وقت دیں گے کیونکہ آپ سے بڑھ کر کوئی بھی اسکا ہمدرد نہیں ہوسکتا۔ معاملات کی نزاکت کو سمجھنے گزرا ہوا وقت کبھی ہاتھ نہیں آیا،اور اس وقت آپکے بچے کو سب سے زیادہ آپکی ضرورت ہے۔جو کام بچے کو سکول میں دیا جائے، اسکو یاد کروا کر بھیجیں ۔کلاس ٹیچر کے ساتھ مسلسل رابطے میں رہیں۔آئندہ ماہ سے ہم جس سیشن کا آغاز کر رہے ہیں اسکے بہترین نتائج کے لئے ہمارا ساتھ دیں۔
اس کے ساتھ ہی بچے کے کردار کی تعمیر میں اپنا مثبت بھرپور رول ادا کریں. ہم امید کرتے ہیں کہ آپ ہمارے پیغام پر فکر مند ہوں گے۔خدا ہمارا، آپ کا حامی و ناصر ہو۔ آمین
والسلام
منجانب
*پروفیسر ذوالفقار علی سلیمی*
پرنسپل
