Dr. Abubakar Siddique

29/07/2026

علامہ ہشام الٰہی ظہیر کی پاکستان کے سفیر عزت مآب ظفر اقبال سے ملاقات

اہم نکات

- جمعیت اہل حدیث پاکستان کے صدر علامہ ہشام الٰہی ظہیر نے کویت میں تعینات پاکستان کے سفیر عزت مآب ظفر اقبال سے سفارت خانۂ پاکستان میں ملاقات کی۔

- ملاقات میں جمعیت اہل حدیث پاکستان کے نائب صدر و ناظم امور خارجہ ڈاکٹر ابو بکر صدیق اور جمعیت اہل حدیث کویت کے چیف آرگنائزر جناب ماجد علی چوہدری بھی شریک تھے۔

- پاکستان اور کویت کے دیرینہ برادرانہ تعلقات، دوطرفہ تعاون اور عوامی سفارت کاری (Public Diplomacy) کے فروغ پر تفصیلی تبادلۂ خیال کیا گیا۔

- موجودہ علاقائی اور بین الاقوامی صورتحال کے تناظر میں دونوں ممالک کے درمیان تعاون کے نئے امکانات پر گفتگو ہوئی۔

- کویتی وزیر خارجہ کے حالیہ دورۂ پاکستان کو پاک۔کویت تعلقات کے لیے ایک مثبت اور اہم پیش رفت قرار دیا گیا۔

- دونوں ممالک کے درمیان سرکاری سطح کے ساتھ ساتھ عوامی، علمی، دینی، ثقافتی اور تعلیمی روابط کو مزید مضبوط بنانے پر اتفاق کیا گیا۔

- کویت میں مقیم پاکستانی کمیونٹی کی خدمات، مثبت کردار اور پاکستان کے روشن تشخص کو اجاگر کرنے میں ان کی کاوشوں کو سراہا گیا۔

- علامہ ہشام الٰہی ظہیر نے پاکستانی کمیونٹی کی خدمت اور دوطرفہ تعلقات کے فروغ کے لیے سفیر پاکستان عزت مآب ظفر اقبال کی خدمات کو خراجِ تحسین پیش کیا۔

- ملاقات میں عربی زبان کے فروغ، پاکستان میں عربی تعلیم کے معیار، علمی تبادلوں اور مشترکہ تعلیمی تعاون پر خصوصی گفتگو ہوئی۔

- علامہ ہشام الٰہی ظہیر نے اس امر کو سراہا کہ سفیر پاکستان عزت مآب ظفر اقبال عربی زبان پر عمدہ دسترس رکھتے ہیں اور عربی زبان و ادب سے خصوصی ذوق و شغف رکھتے ہیں، جو عرب دنیا کے ساتھ مؤثر سفارتی روابط کے لیے نہایت اہم ہے۔

- اس بات پر اتفاق کیا گیا کہ پاکستان اور کویت کے درمیان علمی، فکری، دینی اور ثقافتی تعاون مستقبل میں دوطرفہ تعلقات کو مزید مضبوط بنانے میں اہم کردار ادا کرے گا۔

- ملاقات کے اختتام پر دونوں برادر اسلامی ممالک کے درمیان امن، استحکام، ترقی، خیرسگالی اور باہمی تعاون کے فروغ کے عزم کا اعادہ کیا گیا۔

25/07/2026

21/07/2026

نوائے صدیق

پاکستان: قابل اعتماد دوست
(سعودی عرب سے دفاعی شراکت داری کے بعد کویت، بحرین اور اردن کی نئی ترجیحات)

ڈاکٹر ابوبکر صدیق - اسلام آباد

تاریخ کبھی ایک جیسی نہیں رہتی۔ کل کے فیصلے آج بدل جاتے ہیں، اور آج کی ترجیحات کل نئی شکل اختیار کر لیتی ہیں۔ بین الاقوامی سیاست میں کوئی ریاست ہمیشہ تنہا نہیں رہتی اور نہ ہی کوئی قوم ہمیشہ عالمی توجہ کا مرکز بنی رہتی ہے۔ اصل چیز کردار، صلاحیت اور وقت پر درست فیصلہ کرنے کی ہوتی ہے۔
ایک وقت ایسا بھی تھا جب یہ تاثر پیدا کرنے کی کوشش کی گئی کہ پاکستان کو علاقائی اور عالمی سیاست کے اہم فیصلوں سے دور رکھا جائے۔ کبھی معاشی دباؤ، کبھی سیاسی تنہائی اور کبھی سفارتی آزمائشوں کے ذریعے یہ گمان پیدا کیا گیا کہ شاید پاکستان کا کردار محدود ہو جائے گا۔ مگر تاریخ کا ایک اصول ہے کہ قوموں کی اصل طاقت ان کے وسائل سے پہلے ان کے حوصلے، ان کے اداروں اور اللہ تعالیٰ کی نصرت میں ہوتی ہے۔
قدرت نے پاکستان کو صرف ایٹمی قوت یا مضبوط افواج ہی نہیں عطا کیں بلکہ اسے ایک ایسی جغرافیائی حیثیت، پیشہ ور عسکری قیادت اور سفارتی صلاحیت بھی عطا کی جس کی اہمیت آج پوری دنیا دوبارہ محسوس کر رہی ہے۔

گزشتہ برس سعودی عرب اور پاکستان کے درمیان دفاعی شراکت داری نے اس حقیقت کو مزید واضح کر دیا۔ دونوں برادر ممالک کے درمیان قائم ہونے والا اسٹریٹجک دفاعی تعاون محض ایک معاہدہ نہیں بلکہ کئی دہائیوں پر محیط اعتماد، اخوت اور مشترکہ مفادات کا عملی اظہار ہے۔ پاکستانی افواج کی پیشہ ورانہ مہارت، تربیتی خدمات، دفاعی تعاون اور جدید عسکری صلاحیتوں نے سعودی عرب کے دفاعی نظام میں ایک اہم کردار ادا کیا ہے، اور یہ تعلق دونوں ممالک کے درمیان باہمی اعتماد کی مضبوط بنیاد پر استوار ہے۔

آج جب مشرقِ وسطیٰ نئی صورتحال کا سامنا کر رہا ہے تو سعودی عرب کے ساتھ پاکستان کے اس کامیاب دفاعی تعاون نے دوسرے ممالک کو بھی یہ سوچنے پر مجبور کیا ہے کہ پاکستان صرف ایک دوست ملک نہیں بلکہ ایک قابلِ اعتماد دفاعی شراکت دار بھی ہے۔

اسی پس منظر میں کویت، بحرین اور اردن کی جانب سے پاکستان کے ساتھ دفاعی تعاون میں دلچسپی کو سمجھنا چاہیے۔ یہ دلچسپی کسی وقتی سیاسی ضرورت کا نتیجہ نہیں بلکہ بدلتے ہوئے عالمی حالات کا منطقی اظہار ہے۔

تعلیم، تحقیق، صحافت اور بین الاقوامی روابط سے وابستہ اپنی تین دہائیوں کی مصروف زندگی میں مختلف ممالک کے سفر اور سفارت کاروں، پالیسی سازوں اور عسکری ماہرین سے ملاقاتوں کے دوران میں نے ایک حقیقت کو بارہا محسوس کیا ہے کہ دولت کسی بھی ملک کو خوشحال تو بنا سکتی ہے، لیکن محفوظ نہیں۔ حقیقی تحفظ اعتماد، وفاداری اور بروقت ساتھ کھڑے ہونے والے شراکت دار سے حاصل ہوتا ہے۔
مشرقِ وسطیٰ کے حالیہ بحرانوں نے اسی حقیقت کو نمایاں کیا ہے۔ اسرائیل کی مسلسل جارحانہ کارروائیاں، پراکسی تنازعات، بحیرۂ احمر اور خلیج میں کشیدگی، اور ایران و امریکہ کے درمیان پیدا ہونے والے تصادم نے یہ واضح کر دیا کہ ان بحرانوں کا اصل بوجھ خطے کے ممالک ہی کو اٹھانا پڑتا ہے۔ مالی نقصانات بھی انہی کے حصے میں آتے ہیں اور دفاعی خطرات بھی انہیں ہی درپیش ہوتے ہیں، جبکہ بڑی عالمی طاقتیں ہزاروں میل دور بیٹھ کر اپنے مفادات کے مطابق فیصلے کرتی ہیں۔

ایسے ماحول میں پاکستان نے نہایت متوازن کردار ادا کیا۔ اس نے اپنے قومی دفاع کا بھرپور مظاہرہ بھی کیا، اپنی خودمختاری کا مؤثر تحفظ بھی کیا، اور ساتھ ہی کشیدگی میں کمی اور سفارتی رابطوں کی حمایت بھی جاری رکھی۔ یہی متوازن طرزِ عمل پاکستان کے عالمی وقار میں اضافے کا سبب بنا۔

اسی لیے آج کویت، بحرین اور اردن پاکستان کو صرف اسلحہ فراہم کرنے والے ملک کے طور پر نہیں بلکہ ایک ایسے قابلِ اعتماد شراکت دار کے طور پر دیکھ رہے ہیں جو عسکری تربیت، دفاعی صنعت، انٹیلی جنس تعاون، ٹیکنالوجی اور اسٹریٹجک منصوبہ بندی میں بھی مؤثر کردار ادا کر سکتا ہے۔

پاکستان کے لیے بھی یہ ایک تاریخی موقعہ ہے۔ اگر وہ سعودی عرب کے ساتھ اپنے کامیاب دفاعی تعاون کے تجربے کو سامنے رکھتے ہوئے کویت، بحرین، اردن، قطر، ترکی اور مصر جیسے برادر ممالک کے ساتھ مل مشترکہ دفاعی اور اقتصادی تعاون کو مزید وسعت دیتا ہے تو نہ صرف پاکستان کی معیشت اور دفاع مضبوط ہوگا بلکہ اسلامی دنیا میں ایک ایسا بااعتماد تعاون بھی فروغ پائے گا جو مشترکہ سلامتی، ترقی اور استحکام کی بنیاد بن سکتا ہے۔

یہ شراکت داریاں کسی کے خلاف محاذ آرائی کے لیے نہیں بلکہ امن کے تحفظ، علاقائی استحکام اور مشترکہ خوشحالی کے لیے ہونی چاہییں۔ مضبوط دوستیاں ہمیشہ مضبوط دفاع کی بنیاد بنتی ہیں، اور مضبوط دفاع ہی پائیدار امن کی ضمانت ہوتا ہے۔

آج دنیا پاکستان کو ایک نئے زاویے سے دیکھ رہی ہے۔ یہ اعتماد کسی مہم کا نتیجہ نہیں بلکہ کردار، صلاحیت، ذمہ دار سفارت کاری اور اللہ تعالیٰ کے فضل کا ثمر ہے۔ اگر پاکستان اسی بصیرت کے ساتھ آگے بڑھتا رہا تو وہ نہ صرف اسلامی دنیا بلکہ پورے خطے میں امن، استحکام اور باہمی تعاون کا ایک مرکزی ستون بن سکتا ہے۔


#پاکستان

20/07/2026

Dear Sir/Madam,

I hope this message finds you well.

My name is Prof. Dr. Abubakar Siddique, a Pakistani author, researcher, leadership strategist, and international public speaker based in Islamabad, Pakistan.

I am currently working on a research and literary project entitled "100 Inspiring Pakistanis in Kuwait." The objective of this project is to document the inspiring journeys, achievements, leadership, and contributions of outstanding Pakistanis who have excelled in various fields while living and working in Kuwait.

I would be grateful for your support in identifying distinguished Pakistanis whose stories deserve to be preserved for future generations. If you know any such individual, kindly share the following information:

Full Name
Profession / Field of Expertise
Brief Biography
Major Achievements
Contact Details (if available)
Photographs, newspaper articles, interviews, or any supporting material (if available)

This publication aims to recognize the valuable contributions of the Pakistani community in Kuwait and inspire future generations through their remarkable achievements.

Your recommendation will be highly appreciated and may become part of this important national and literary initiative.

Thank you for your valuable time and support.

Kind regards,

Prof. Dr. Abubakar Siddique
Pakistani Author | Researcher | International Public Speaker
Islamabad, Pakistan

📱 WhatsApp: +92 334 5149405
📧 Email: [email protected]