Roshni e kausar

عالمی اخبار کے لیئے سمانہ رباب کی تحاریر - https://aalmiakhbar.com/archives/81269

پیغامِ تبریک و تشکر
بلا شبہ شہید سید علی خامنہ ای کوثر ہیں۔۔۔
شہید امت کانفرنس سید علی خامنہ ای کے کوثر ہونے کا منہ بولتا ثبوت ہے ۔♥️🌹♥️
ادارۂ روشنیِ کوثر کی جانب سے مینارِ پاکستان لاہور میں منعقدہ "شہیدِ اُمت کانفرنس" کے شاندار، منظم اور تاریخی انعقاد پر تحریکِ بیداریِ اُمت، متحدہ مجلسِ عمل، آئی ایس او، آئی او، آئی ڈی سی، علمائے کرام، معاون تنظیموں، رضاکاروں اور تمام شرکائے کانفرنس کو دلی مبارکباد پیش کرتےہیں۔ اور اس عظیم خدمت پر تہہ دل سے شکریہ بھی ادا کرتے ہیں۔تقریباً دو لاکھ افراد کی شرکت سے منعقد ہونے والی اس عظیم الشان کانفرنس نے امتِ مسلمہ کے اتحاد، شعور، بیداری اور اپنے قائدین سے والہانہ وابستگی کا بھرپور اظہار کیا۔ اجتماع کے بہترین انتظامات، مؤثر سکیورٹی، نظم و ضبط، شرکاء کے لیے سہولیات کی فراہمی اور قومی و بین الاقوامی سطح پر مؤثر میڈیا کوریج منتظمین کی شبانہ روز محنت، اخلاص اور بہترین منصوبہ بندی کا واضح ثبوت ہیں۔
ادارۂ روشنیِ کوثر اس کامیاب کانفرنس کے انعقاد میں تعاون پر حکومتِ پنجاب، ضلعی انتظامیہ، قانون نافذ کرنے والے اداروں اور تمام معاونین کا بھی خصوصی شکریہ ادا کرتا ہے، جن کی کاوشوں سے یہ عظیم اجتماع پُرامن، باوقار اور منظم انداز میں پایۂ تکمیل تک پہنچا۔
ہم بارگاہِ الٰہی میں دعاگو ہیں کہ اللہ تعالیٰ تمام منتظمین، رضاکاروں اور شرکاء کی خدمات کو شرفِ قبولیت عطا فرمائے، شہداء کے درجات بلند فرمائے اور ملتِ اسلامیہ کو اتحاد، بصیرت، استقامت اور عزت و سربلندی کی نعمتوں سے مالامال رکھے۔
ادارۂ روشنیِ کوثر
چیر پرسن
سمانہ رباب

"بیدم یہی تو پانچ ہیں مقصود کائنات,
خیر النسا حسین و حسن مصطفی ﷺ علی"
علیھم السلام

~ بیدم شاہ وارثی

جشن عید اکبر
عید الغدیر
منہاج القرآن ویمن لیگ خیبر پختونخوا میڈم روبینہ معین صاحبہ کی سر پرستی میں خانہ فرہنگ ایران پشاور ایک شاندار علمی کانفرنس کا انعقاد

پشاور سے تعلق رکھنے والی خواتین کی کثیر تعداد میں شرکت
پشاور کی سرکردہ رہنما خواتین ،اہل علم و ادب اور سماجی اور فلاحی کاموں سے وابستہ قابل فخر اور فعال خواتین کی شرکت

امام علی علیہ السلام صرف اسلامی تاریخ کی ایک عظیم شخصیت نہیں بلکہ عصرِ حاضر کے لیے علم، عدل، اخلاق اور انسانی وقار کا عالمگیر نمونہ ہیں۔ غدیرِ خم کا پیغام بھی یہی ہے کہ انسانی معاشروں کی کامیابی صالح، عادل اور علم دوست قیادت سے وابستہ ہے۔
سمانہ رباب
ادارہ روشنی کوثر

📢 شہید مجاہد امام حضرت آیت اللہ العظمیٰ خامنہ ایؒ کی خونیں شہادت کے حوالے سے مرکزی یادگاری کمیٹی کا اعلامیہ نمبر 2

بسم اللہ الرحمٰن الرحیم

امامِ مجاہد شہید حضرت آیت اللہ العظمیٰ خامنہ ای قدس اللہ نفسہ الزکیہ اور رہبرِ انقلاب اسلامی کے خانوادے کے شہداء کی وداع، تشییع اور تدفین کی تقریبات کے شایانِ شان انعقاد کے لیے وسیع پیمانے پر کی گئی منصوبہ بندی کے پیشِ نظر، عوامِ محترم کو مطلع کیا جاتا ہے کہ ان تقریبات کے وقت اور دیگر تفصیلات کے بارے میں ملک کے اندر اور بیرونِ ملک ذرائع ابلاغ میں گردش کرنے والی قیاس آرائیاں اور افواہیں، جن کے باعث اس عظیم اجتماع میں شرکت کے خواہش مند افراد میں ابہام پیدا ہوا ہے، کسی بھی اعتبار سے مستند نہیں ہیں۔
شہید رہبرِ انقلاب اسلامی اعلیٰ اللہ مقامہ الشریف کی اس سیرت کو مدنظر رکھتے ہوئے کہ وہ سید و سالارِ شہیدان حضرت امام حسین علیہ السلام کے ایامِ عزا کے احیاء اور انعقاد کو خصوصی اہمیت دیتے تھے، اور محرم الحرام کے ان دنوں میں ایران اور دنیا کے مختلف خطوں میں جاری عزاداری کی مجالس کے احترام کے پیشِ نظر، اس عظیم المرتبت
کی تقریبات عشرۂ اولِ محرم کے اختتام کے بعد منعقد کی جائیں گی۔ اس سلسلے میں متعلقہ اداروں اور عوامی تنظیموں کی جانب سے عزادار عوام کو بہترین خدمات کی فراہم۴ی کے لیے حتمی انتظامات بھی مکمل کیے جا رہے ہیں۔
🔹 ان تقریبات کی تفصیلی معلومات مناسب وقت پر اسی کمیٹی کی جانب سے بعد میں جاری کی جائیں گی۔
دفتر حفظ و نشر آثارِ رہبرِ شہیدِ انقلاب اسلامی

🥇 *شعری مقابلہ*

پاکستان بھر کے شعراء و شاعرات کو دعوتِ فکر و سخن دی جاتی ہے کہ وہ درج ذیل موضوعات پر اپنا کلام ارسال کریں:

🔹رهبر شہید امام سید علی خامنہ ای
🔹 میناب اسکول کے بچے

منتخب اشعار اور شعری مجموعوں کو مرتب کرکے کتابی صورت میں شائع کیا جائے گا، جس میں منتخب شعراء کا تعارف بھی شامل ہوگا۔

📅 کلام ارسال کرنے کی آخری تاریخ: 10 جون 2026

شرائط و ہدایات:

۱۔ عمر کی کوئی پابندی نہیں۔

۲۔ اشعار کی تعداد پر کوئی حد مقرر نہیں۔

۳۔ کلام اردو، فارسی یا انگریزی زبان میں ارسال کیا جا سکتا ہے۔

۴۔ شعراء دونوں موضوعات یا کسی ایک موضوع پر کلام ارسال کر سکتے ہیں۔

۵۔ کلام کے ساتھ اپنا مختصر تعارف، سوانحِ حیات (CV) اور ایک معیاری تصویر ضرور ارسال کریں تاکہ اسے کتاب میں شامل کیا جا سکے۔

📩 اپنے اشعار درج ذیل واٹس ایپ نمبر پر ارسال کریں:

📱 +923062246577

🏆 مقابلے کے اختتام پر خانۂ فرہنگ جمهوری اسلامی ایران کراچی میں ایک خصوصی ادبی کانفرنس منعقد کی جائے گی، جس میں ممتاز ادباء، شعراء اور اہلِ قلم شرکت کریں گے۔ اس موقع پر مقابلے کے منتخب اور نمایاں شعراء کو انعامات اور اعزازی اسناد سے نوازا جائے گا۔

عید الاضحی تمام اہل اسلام کو مبارک ہو۔
قربانی کی اصل روح، اخلاص، ایثار اور خدا کے سامنے کامل بندگی ہے۔
شہید امت رہبر عزیز سید علی خامنہ ای