گوشۂ تحقیقاتِ اسلامی

گوشۂ تحقیقاتِ اسلامی Contact information, map and directions, contact form, opening hours, services, ratings, photos, videos and announcements from گوشۂ تحقیقاتِ اسلامی, Education Website, Islamabad.

عربی ترجمہ المھلبخطۂ پاکستان میں اسلام کے ابتدائی نقوش پر ابتدائی مصادرِ حدیث، سیرت اور تاریخ سے مدلل انداز پر بحث کرتی ...
26/02/2026

عربی ترجمہ المھلب
خطۂ پاکستان میں اسلام کے ابتدائی نقوش پر ابتدائی مصادرِ حدیث، سیرت اور تاریخ سے مدلل انداز پر بحث کرتی کتاب کا عربی ترجمہ لنک میں ملاحظہ کریں۔ اس کتاب میں نہ صرف روایات بلکہ روایات پر تاریخی نقد اور تنقیح روایت کی جستجو بھی بخوبی سرانجام دی گئی ہے۔ جدید دور کے تقاضوں کو سامنے رکھتے ہوئے نئی اور پرانی علاقائی حدود کے نقشے بھی منسلک کئے گئے ہیں تاکہ قوم کے مستقبل کے معماروں بالخصوص نوجوان طلبہ وطالبات کے اندر تاریخ اسلام کے اس گمشدہ پہلو کو نمایاں کیا جائے۔
اس کتاب کے مصنف جسٹس ڈاکٹر سید محمد انور -حفظه الله ـ ہیں
درج ذیل لنک پر کتاب کا تفصیلی مطالعہ کیا جاسکتا ہے۔
https://archive.org/details/al-muhallab-complete-book-updated-on-14-08-2024

10/12/2025

محققین اسلامیات کے لیے ویلاگز بطور میدان تحقیق
1- تحقیق کی بنیاد یقیناً کتب کی طرف رجوع ہے۔ لیکن معاصر ابلاغی وسائل میں وی لاگز بھی متعدد وجوہ (انٹرٹینمنٹ کے علاوہ ذریعہ معاش وغیرہ) کی بنا پر توجہ کا مرکز بننے کے ساتھ ساتھ معاشرے سے تاثر اور تاثیر کا تعلق قائم کئے ہوئے ہیں۔ مسلم معاشرے کی بات کی جائے تو فیملی وی لاگز پر متعدد پہلوؤں سے محققین اسلامیات وی لاگرز، سوشل میڈیا سے متعلق حکومتی اداروں پر تحقیقات منعقد کر سکتے ہیں۔
2- فیملی ویلاگز کے پیش کردہ مواد، پیش کش کے انداز، معاشرے پر پیش کش کے اثرات، وی لاگرز پر معاشرے کی طرف سے پڑنے والے اثرات کو مسئلہ تحقیقی بنایا جاسکتا ہے۔ "دعا کے ابا" جیسے متاثر کن فیملی ویلاگرز کے ساتھ دیگر فیملی وی لاگرز کے پیش کرنے کے انداز کا مقارنہ ایک اہم گوشہ تحقیق ہوسکتا ہے۔
3- اس سلسلے میں قرآن مجید کی سورت الحجرات وغیرہ اور سنت مطہرہ کی تربیت اولاد اور پردہ پوشی سے متعلق تعلیمات کو بنیاد بنا کر ڈجیٹل تربیتی اور دعوتی میادین کی صورت میں موجود مواقع اور مسائل کو سامنے رکھا جاستا ہے۔
4- پاکستانی پس منظر میں آئین پاکستان بطور خاص شق 36 ا(تحفظ خاندان) اور بطور عام 29-40 کی شقوں کو بنیاد بنا کر اصولی راہنمائی لی جاسکتی ہے۔ آئین کی ان شقوں کی بنیاد پر بننے والے عائلی، ابلاغی اور دیگر قوانین کا ستر کے جدید صورت "ڈجیٹل پرائیویسی"، کے علاوہ تمسخر، الزام تراشی، تمسخر وغیرہ سے متعلق تعلیمات اسلام اور قوانین پاکستان کی روشنی میں کام پیش کیا جسکتا ہے۔
5- امریکا، فرانس اور آسٹریلیا نے متعد قوانین متعارف کرائے ہیں جہاں جین زی، الفا جنریشن یا مستقبل کے معمار "بچوں" کا فیملی ویلاگز میں شریک ہونا مربی کی اجازت سے مشروط یا کلیۃً ممنوع قرار دیا گیا ہے۔ اسلام کے نظر میں تربیت اولاد اور بچے کی کفالت والدین یا ریاست کا ذمہ ہے۔ دنیا بھر میں فیملی ویلاگز یا سوشل میڈیا سے منسلک بچوں کے تربیتی، نفسیاتی اور مالی حقوق شد ومد کے ساتھ زیر بحث ہیں۔ اس پس منظر سے مقننہ کی طرف سے پاکستان میں ہونے والی پیش رفت یا اداروں کی طرف سے تنفیذ کو مسئلہ تحقیق بنایا جاسکتا ہے۔
6- اس موضوع کی وسعت اتنی زیادہ ہے محقق اپنی استعداد اور مسئلے کی مناسبت سے معیاری اور مقداری یا دونوں طرح سے ڈیٹا جمع کرکے جانچ سکتا ہے۔

https://al-hadees.com/الحدیث ویب سائٹ قرآن وسنت کی تحقیق سے وابسطہ افراد کے لیے متعدد سہولیات سموئے ہوئے ہے۔ قرآن مجید ک...
24/09/2024

https://al-hadees.com/
الحدیث ویب سائٹ قرآن وسنت کی تحقیق سے وابسطہ افراد کے لیے متعدد سہولیات سموئے ہوئے ہے۔ قرآن مجید کے سلسلے میں مادہ اصلیہ کے لحاظ سے آیات کی تلاش میں معاون ہے یعنی: ر ح م سے بننے والے کون کون سے الفاظ کس کس آیت میں وارد ہوئے ہیں۔ تراجم کے سلسلے میں وسعت پائی جاتی ہے جہاں مختلف فکر کے مترجمین کے تراجم موجود ہیں جبکہ تفاسیر کے سلسلے میں جن مفسرین کو اختیار کیا گیا ہے ان میں: حضرت ابن عباس، امام راغب اصفہانی، امام ابو بکر جصاص، ابن کثیر، حافظ صلاح الدین یوسف، کیلانی، بھٹوی، مفتی محمد شفیع، ڈاکٹر اسرار، ابو الاعلی مودودی، اور مفتی تقی عثمانی شامل ہیں۔
بنیادی مصادر سنت / احادیث سرچ/ ایڈوانس سرچ کی سہولت موجود ہیں یہ تمام کتبِ تفسیر، تراجم اور احادیث مع اردو انگریزی ترجمہ شامل ہیں۔ بعض کتب کے تحت تشریح اور تخریج کی سہولت بھی فراہم کی گئی ہے۔
فیس بک اور سوشل میڈیا پر شیئر کرنے کے لیے اس ویب سائٹ پر حدیث پڑھنے کے بعد بہترین تصویری پوسٹر کی شکل میں بحوالہ وترجمہ شیئر کی جاستی ہے۔
https://al-hadees.com/

سندھ کے کئی اہل علم نے فارسی، عربی اور سندھی کے ساتھ ساتھ اردو میں بھی تحریر وتقریر کی۔ بر صغیر کے مشہور عالم اور با عمل...
06/09/2024

سندھ کے کئی اہل علم نے فارسی، عربی اور سندھی کے ساتھ ساتھ اردو میں بھی تحریر وتقریر کی۔ بر صغیر کے مشہور عالم اور با عمل صوفی حضرت شاہ فقیر الله علوی (وفات 1195ھ) نے بھی قدیم اردو زبان میں متعدد اشعار وابیات تحریر کیے۔ ربیع الاول کی نسبت سے حاجی صاحب کی تحریر کردہ نعت مبارکہ بنام "مناجات بحضورﷺ" پیش خدمت ہے۔ یہ نعت نہ فقط شاعر کی محبت رسول پر دلیل ہے بلکہ ساتھ ساتھ اس زمانے کی قدیم اردو کی مٹھاس اور چاشنی سموئے ہوئے ہے۔ لسانیات کے ضمن میں یہ کلام اردو کے فارسی اور سنسکرت سے روابط کی ایک بہترین مثال ہے۔

جشن آزادی منانے کے مختلف طریقے ہیں۔ اہل علم کا یہاں بھی انداز نرالا رہا ہے۔ آج کے مبارک دن پر درج ذیل کتاب کی طباعت واشا...
14/08/2024

جشن آزادی منانے کے مختلف طریقے ہیں۔ اہل علم کا یہاں بھی انداز نرالا رہا ہے۔ آج کے مبارک دن پر درج ذیل کتاب کی طباعت واشاعت یقیناً جشن منانے کے علمی اور تحقیقی انداز کو متعارف کرانے کی ایک کوشش ہوگی۔ درج ذیل کا سرسری مطالعہ کرنے سے معلوم ہوا کہ یہ کتاب خطۂ پاکستان میں اسلام کے ابتدائی نقوش پر ابتدائی مصادرِ حدیث، سیرت اور تاریخ سے مدلل انداز پر بحث کرتی ہے۔ نہ صرف روایات بلکہ روایات پر تاریخی نقد اور تنقیح روایت کی جستجو بھی بخوبی سرانجام دی گئی ہے۔ جدید دور کے تقاضوں کو سامنے رکھتے ہوئے نئی اور پرانی علاقائی حدود کے نقشے بھی منسلک کئے گئے ہیں تاکہ قوم کے مستقبل کے معماروں بالخصوص نوجوان طلبہ وطالبات کے اندر تاریخ اسلام کے اس گمشدہ پہلو کو نمایاں کیا جائے۔
اس کتاب کے مصنف جسٹس ڈاکٹر سید محمد انور -حفظه الله ـ ہیں، جو ملکی سطح پر مختلف قومی اداروں میں اپنی خدمات سر انجام دے چکے ہیں۔ اس وقت آپ وفاقی شرعی عدالت پاکستان میں بطور جج خدمات سر انجام دے رہے ہیں۔ 2022 میں سود کے خلاف فیصلہ بھی آپ ہی کی علمی وتحقیقی کاوشوں کا نتیجہ تھا۔ فجزاہ اللہ خيرا
درج ذیل لنک پر کتاب کا تفصیلی مطالعہ کیا جاسکتا ہے۔
https://archive.org/details/al-muhallab-complete-book-updated-on-14-08-2024

08/08/2024

حضرت شاھ فقیر الله علویؒ
از پروفیسر امین الله علوی
https://archive.org/details/haji-faqeerullah-alvi-prof-aminullah-alvi/mode/1up
خطہ پاک وہند کے علمی اور ادبی مرکز شکار پور سندھ کی عظیم علمی اور روحانی شخصیت حضرت شاہ فقیر اللہ علوی رحمة الله عليه کے مختصر تعارف اور علمی خدمات پر مشتمل مضمون منسلک لنک کے ذریعے ہدیہ قارئین کیا جارہا ہے۔ اس امید کے ساتھ کہ اہل اللہ کے اعلیٰ اخلاقی تعلیمات پر راہ نمائی کرنے اور ان سے حقیقی طور پر مستفیض ہونے میں ممد ومعاون ثابت ہوگا۔ آمین!

برادر ملک افغانستان میں سن 1981ء میں بر صغیر کی معروف علمی شخصیت حاجی فقیر الله علوی شکارپوری کا دو سو سالہ یوم وصال پر ...
08/08/2024

برادر ملک افغانستان میں سن 1981ء میں بر صغیر کی معروف علمی شخصیت حاجی فقیر الله علوی شکارپوری کا دو سو سالہ یوم وصال پر علمی کانفرنس منعقد کی گئی تھی۔ جس میں محققین نے اپنی آراء اور علمی تحقیقت پیش کیں۔ درج ذیل میں ایک اخبار کا عکس ہدیہ قارئین کیا جارہا ہے۔

https://www.chughtailibrary.com/digital_libraryچغتائی پبلک لائبری لاہور پاکستان، اپنی نوعیت کی ایک ممتاز لائبرری ہے۔ یہ...
24/04/2024

https://www.chughtailibrary.com/digital_library
چغتائی پبلک لائبری لاہور پاکستان، اپنی نوعیت کی ایک ممتاز لائبرری ہے۔ یہاں كتب مطالعہ کرنے کے ساتھ ساتھ ڈجیٹل خدمات بھی میسر ہیں۔ اس ڈجیٹل سہولت کے ذریعے لائبرری میں موجود بر صغیر کی دو سو سال سے زائد علمی میراث جس میں کتب شعر وادب رسائل وجرائد، خطوط وٹیلیگراف، تقریریں اور خطابات وغیرہ کا گھر بیٹھے مطالعہ کیا جاسکتا ہے۔ اس لائبرری میں دین و مذہب کے علاوہ ادب، تہذیب ثقافت، تاریخ، فلسفہ، سائنس، صحت اور قانون سمیت دیگر شعبہ جات پر ہزاروں کتب موجود ہیں۔ مطالعہ کے لیے لائبرری کی ویب سائٹ پر اکاونٹ بنانا ضروری ہے جس کے بعد مطالعہ کرناآسان ہوجاتا ہے۔

https://web.analyzequran.com/explorer/1 کسی موضوع یا لفظ کے اصل مادہ سے بننے والے الفاظ واصطلاحات پر آیات جمع کرنے کے لی...
23/03/2024

https://web.analyzequran.com/explorer/1
کسی موضوع یا لفظ کے اصل مادہ سے بننے والے الفاظ واصطلاحات پر آیات جمع کرنے کے لیے کسی زمانے میں کتاب "المعجم المفهرس لألفاظ القرآن الكريم" استعمال ہوا کرتی تھی۔ قرآنیات میں نصوصِ پر تحقیق کرنے والے اہل علم کے لیے اس سلسلے ایک بہترین ویب سائٹ "اینالائز قرآن" نہایت آسان اور سہل الاستفاہ ہے۔ جہاں اردو، انگریزی، فارسی، ترکی، انڈونیشی اور دیگر زبانوں میں قرآن مجید کے تراجم سے استفادہ کیا جاسکتا ہے۔ کسی بھی لفظ پر کلک کرکے اس کے ہر لفظ کے اصل مادہ کو جانا جاکستا ہے بعد ازاں مادہ پر کلک کرکے تمام متعلقہ آیات منتخب کردہ ترجمے کے ساتھ مطالعہ یا نقل کی جاسکتی ہیں۔ اس طرح کی دیگر ویب سائٹس بھی ہیں مگر اس ویب سائٹ کی دو خصوصیات ہیں ایک یہ کہ یہاں مکمل آیت تلاش ہوکر سامنے آتی ہے اور دوسری خوبی یہ ہے کہ یہاں اردو تراجم کے ساتھ یہ سہولت موجود ہے جو کسی اور روٹ ورڈ ویب سائٹ / ایپ پر دستیاب نہیں۔ جبکہ کاپی کرنے کے ساتھ ریفرنس / حوالۂ آیات بھی نقل ہوجاتا ہے۔ایک

https://ar.total.lib.eshia.ir/کتاب بات سے بات میں واصف علی واصف نے کہا ہے "دشمن ہمیں شیعہ سنی کی نگاہ سے نہیں بلکہ بطور ...
22/03/2024

https://ar.total.lib.eshia.ir/
کتاب بات سے بات میں واصف علی واصف نے کہا ہے "دشمن ہمیں شیعہ سنی کی نگاہ سے نہیں بلکہ بطور مسلمان دیکھتا اور رویہ رکھتا ہے۔" لہذا عام مسلمانوں کے علاوہ علم وفن اور تحقیق کے میدان میں اس امر کی خاصی ضرورت ہوتی ہے کہ دونوں جگہوں کے علوم وفنون اور اہل علم کی صلاحیتوں سے مستفید ہوا جائے۔ اس سلسلے میں مدرسہ فقاہت کی ویب سائٹ نہایت اہمیت کی حامل ہے جہاں دونوں طرف کی کتب یکجا ملتی ہیں۔ اہل سنت کی تقریبا 6838 کتب جن میں تقریبا 27424 ذیلی مضامین جبکہ اہل تشیع کی تقریبا 7570 بنیادی اور ثانوی کتب جن میں 17366 ذیلی مضامین تلاش کی سہولت کے ساتھ موجود ہیں۔ اہل تحقیق کے ذوق کے مطابق یہاں علوم اسلامیہ کے مختلف ضمنی موضوعات پر کتب موجود ہیں۔ جن میں بطور خاص
قرآن، تفسیر اور علوم القرآن
فقه اور اصول فقہ
حدیث اور علوم حديث
آدب ،
عقيدة
تاریخ اورسیرة
سلوک اور اخلاق
دعوة اور مسلم معاشروں کے حالات
جوامع وعلمی مجلات
اہل علم شخصیات کے حالات زندگی وغیرہ۔

https://journals.ekb.eg/الدوريات المصرية مصر کی علوم اسلامیہ میں تحقیقات سے باخبر رہنے کے لیے درج بالا ویب سائٹ سے استفا...
21/03/2024

https://journals.ekb.eg/
الدوريات المصرية
مصر کی علوم اسلامیہ میں تحقیقات سے باخبر رہنے کے لیے درج بالا ویب سائٹ سے استفادہ کیا جاسکتا ہے۔ یہاں مصر سے شایع ہونے والے 984 کے قریب تحقیقی مجلات اور ان کے 327,740 مقالہ جات ومضامین ڈاؤن لوڈ کی سہولت کے ساتھ موجود ہیں۔ علوم اسلامیہ سے شغف رکھنے والے اہل علم وتحقیق کے لیے یہاں 26 کے قریب اسلامی علوم سے متعلق مجلات بھی موجود ہیں۔

Address

Islamabad

Telephone

+923180539753

Website

Alerts

Be the first to know and let us send you an email when گوشۂ تحقیقاتِ اسلامی posts news and promotions. Your email address will not be used for any other purpose, and you can unsubscribe at any time.

Contact The School

Send a message to گوشۂ تحقیقاتِ اسلامی:

Shortcuts

Share

Category