Raza islamia school and college

علامہ ثقلین جمیل کو شاندار کامیابی پر دلی مبارکباد! 🌹🎉

ماڈل مدرسہ رضا اسلامیہ کالج میں بزمِ رضا کے انتخابات خوش اسلوبی سے پائے تکمیل کو پہنچے۔

طلبہ نے جمہوری انداز میں اپنے حقِ رائے دہی کا استعمال کرتے ہوئے علامہ ثقلین جمیل کو 86 فیصد ووٹ دے کر بھاری اکثریت سے کامیاب قرار دیا۔

ان شاء اللہ نو منتخب قیادت طلبہ کی نمائندگی کرتے ہوئے ادارے کی ترقی، نظم و ضبط اور تعلیمی سرگرمیوں کے فروغ میں مؤثر کردار ادا کرے گی۔

چیئرمین ماڈل مدرسہ رضا اسلامیہ کالج علامہ محمد حسن رضا کی زیرِ صدارت جملہ اسٹاف ممبران کا ماہانہ اجلاس منعقد ہوا، جس میں ادارے کے تعلیمی، انتظامی اور تربیتی امور پر تفصیلی گفتگو کی گئی۔

اجلاس میں ادارے کی کارکردگی، مستقبل کے منصوبوں اور تعلیمی معیار کو مزید بہتر بنانے کے حوالے سے اہم امور زیرِ بحث آئے۔

اس موقع پر علامہ قمرالاسلام سیفی، علامہ یعقوب چشتی، علامہ مبشر رضا سیفی، علامہ مبشر فاروقی، قاری طفیل نقشبندی، قاری ارشد حسین اور قاری طیب علی بھی موجود تھے۔

شرکائے اجلاس نے ادارے کی ترقی اور طلبہ کی بہترین تعلیم و تربیت کے لیے اپنی تجاویز پیش کیں اور باہمی مشاورت کے ذریعے آئندہ کے لائحۂ عمل پر اتفاق کیا۔

اللہ تعالیٰ ادارے کو مزید ترقی، برکت اور کامیابیاں عطا فرمائے۔ آمین۔

اسلام آباد:-چیف ڈینٹل سرجن جاوید اقبال کی علامہ محمد حسن رضا چیئرمین رضا اسلامیہ کالج اسلام آبادسے ملاقات۔

اس موقع پر رضا فاؤنڈیشن اور ہیومن ویلفیئر اینڈ ڈویلپمنٹ آرگنائزیشن کے زیرِ اہتمام جاری پروجیکٹ ماڈل مدرسہ رضا اسلامیہ کالج کا وزٹ کیا گیا، جہاں تعلیمی معیار کی بہتری، طلبہ کی تربیت اور فلاحی خدمات کے فروغ پر اہم گفتگو ہوئی۔

اللہ کریم ہمارے اداروں کو دن دگنی رات چوگنی ترقی عطا فرمائے اور ہمیں دین و قوم کی خدمت کا بہترین ذریعہ بنائے۔ آمین۔