Patriotic Association of Private Schools - Pakistan

“Patriotic Association of Private School - Pakistan”
"منشور"
• تمام عہدیدار کی حلف برداری مسجد میں ہوگی۔
• پیٹریاٹک ایسوسی ایشن آف پرائیوٹ اسکولز فقظ پاکستان کے تمام پرائیوٹ اسکولز کی مدد اور اسکی رہنمائی کے لیئے معرضِ وجود میں آئی ہے اور انشاءاللہ PAPS کے سب عہدیدار اللہ کی مدد سے ایک دوسرے کی مدد کرتے ہوئے اپنےاساتذہ، اسکولز پرنسپلزاور طلباء کو بہترین تعلیم و تربیت دے کر انکی مدد اور رہ

نمائی کرکے پاکستان کو تعلیم کے ذریعے مزیدمضبوط بنانے میں کوشاں رہینگے۔ انشاءاللہ
• جذبہِ پاکستانیت کے ساتھ حکومت کے تمام قوانین کی پاسداری کی جائے گی اور کوئی ایسا عمل یا بات نہیں کی جائے گی جوریاستِ پاکستان کے خلاف ہو۔ ریاستِ پاکستان ، افواجِ پاکستان اور دیگر پاکستان کے لیئے قربانیاں دینے والوں کے خلاف بات کرنے والوں کی حوصلہ شکنی کی جائے گی۔
• رنگ، نسل، مذہب، زبان، فرقے اور علاقائی تعصب سے بالاتر ہوکر فقط انسانیت اور فروغِ تعلیم کے لیئے کام کیا جائے گا اورتمام تر ذاتی مفادات کو پسِ پشت ڈال کر تمام عہدار فقط انسانیت اور فروغِ تعلیم کے لیئے اپنی خدمات بروئے کار لائینگے۔
• مالی آمدورفت کا سالانہ باقاعدہ آڈیٹر سے آڈٹ کرایا جائے گا اور اسے پبلک کیاجائے گا۔
• اسکولز کی اساتذہ اور پرنسپل کو اعزاری ممبر بنائینگے خاص طور پر طلباء کو تاکہ طلباء PAPS ویب سائٹ پر اسٹوڈنٹس کارنر سے استفادہ کرسکیں۔
• ممبر اسکولز خاص کر کم وسائل والے اسکولز کی پرنسپلز اور اساتذہ کو مینجمنٹ، تعلیمی مسائل اور معیاری تعلیم کیسے طلباء کو فراہم کی جائے کے حوالے سے PAPS کے طرف سے بہترین ٹرینرز سے مفت ٹرینگ کی سہولت مہیا کی جائے گی کیونکہ کم وسائل والے اسکولز کم وسائل کی وجہ سے اپنی پرنسپلز اور اساتذہ کو بہترین ٹرینر سے ٹرینگ دلانے سے قاصر ہوتے ہیں۔
• انسانیت اور فروغِ تعلیم کے لیئے اور تمام اسکولز کے (چاہے PAPS کے ممبر ہوں یا نا ہوں) جائز اور قانونی کاموں کے حل لیئے ہر ممکن کوشش کی جائے گی اور جہاں ضرورت پڑی ممبر اسکولز کوقانونی امداد فراہم کی جائے گی۔
• ممبرز اسکولز کے اساتذہ اور پرنسپل کو جدید تعلیمی نظام کی تربیت فراہم کرنے میں PAPS کی طرف سے انکی بھرپور مددفراہم کی جائے گی ۔
• پاکستان کے ہر قومی دن پر ممبر اسکولز میں پرچم کشائی کا اہتمام۔
• PAPS ویب سائٹ کے ذریعےمیٹرک تک کے طلباء کو مختلف پیشوں میں رہنمائی اور مختلف شعبہ جات کے حوالے سے مختلف پیشہ ورانہ ٹیم کے ذریعے سوالات کے جوابات کی سہولت دی جائے گی۔
• PAPS ویب سائٹ کے ذریعےکلاس 7 سے میٹرک تک کے طلباء کو اساتذہ کی ٹیم سے کسی بھی سبجیکٹ کے حوالے سے رہنمائی دی جائے گی۔
• طلباء PAPS ویب سائٹ پر اپنے اردو/ انگریزی میں آرٹیکلز، شارٹ اسٹوریز، اپنی کامیابیاں اور مختلف جدت پسندتحاریر پوسٹ کرسکتے ہیں جس پر بہترین تحریر لکھنے والے طالبعلم کی مذید حوصلہ افزائی کے لیئے تعریفی اسناد اور کیش انعامات دیئے جائینگے، جس سے طلباء میں لکھنے کا عمل مضبوط ہوگا اور الفاظ کے ذخیرے میں مذیداضافہ ہوگا جو کہ ان کے مستقبل کے لیئے کارآمد ثابت ہوگا۔
• میٹرک کےطلباء جو مسلح افواج میں جانا چاہتے ہیں ان کی آئی ایس ایس بی کے حوالے سے رہنمائی کی جائے گی۔ طلباء کو مختلف قومی اور بین الاقوامی تقریری مقابلوں میں شرکت کے مواقعے دیئے جائنگے۔
• ممبراسکولز میں PAPS کی طرف سےاسکاؤٹ کلب بنایا جائے گا اور طلباء کو اسکاؤٹنگ کی تربیت دی جائے گی اور مختلف اسکاؤٹنگ کیمپس میں شرکت کرائی جائے گی۔ بہترین اسکاؤٹ کو تعریفی سند اور کیش انعام دیا جائے گا۔
• اساتذہ اور طلباء کو کشمیر کے حوالے سے ایجوکیٹ کیا جائے گا اور کشمیر کے حوالے سے تقاریری مقابلوں کا انعقاد کیا جائے گا جس میں بہترین تقریر کرنے والے طالبعلم کو "ستارہِ انسانیت" کی شیلڈ یا کیش انعام دیا جائے گا۔ پرنسپلز اور اساتذہ کو کشمیر کے حوالے سے بہترین آرٹیکل لکھنے پر شیلڈ / کیش انعام دیا جائے گا۔
• ممبراسکولز کے طلباء کے والدین کی تعلیمی کونسلنگ کی جائے گی تاکہ کم پڑھے لکھے والدین اپنے بچے/ بچوں کی تعلیمی مسائل میں مدد کرسکیں۔
• انشاء اللہ طلباء کو بہترین انسان اور باشعور پاکستانی بنانے میں PAPS ، پرنسپلز، اساتذہ اور والدین مل کر کوشش کرینگے تاکہ ہم پاکستان کو باشعور معاشرہ فراہم کرسکیں۔
• انشاءاللہ سب سے گزارش کرکے اس بات کو یقینی بنائیں گے کہ اسکولز میں اسمبلی سے پہلے اور بعدمیں پاکستان زندہ باد کے بچوں سے نعرے لگوائیں جس سے بچوں میں جذبہِ حب الوطنی کو فروغ ملے۔"