14/03/2026
*فلسفہ تلاشِ لیلتہ القدر*
ارشادِ ربّانی ھے: *اِنَّاۤ اَنۡزَلۡنٰهُ فِىۡ لَيۡلَةِ الۡقَدۡرِ❣️ (القدر: 1)*
*"ہم نے اِس (قرآن) کو شبِ قدر میں نازل کیا ہے"*
بے شک یہ بہت عظمت والی رات ہے جس میں قرآن نازل ہوا, جو ربِّ کائنات کا اہل زمین کے لیۓ ایک عظیم تحفہ ہے.
اس رات کی اہمیت اتنی زیادہ ہے کہ اسے 'ہزار ماہ' کی عبادت سے بہتر قرار دیا گیا ہے.
مگر راتوں کو جاگ کر "تہجّد کی عبادت" افضل ترین عبادت ہے, جو نبیِ اکرم صلّی اللّہ علیہ وسلّم کے لیے تو لازم تھی اور امّت کے لیۓ انتہائی پسندیدہ یعنی مستحبّ قرار دی گئی، فرمایا گیا:-
*قْمِ اللّٙیلٙ اِلّٙا قٙلِیلآo نِّصۡفَهٗۤ اَوِ انْقُصۡ مِنۡهُ قَلِيۡلًاo اٙوْ زِد عٙلٙیہِ. ( المزّمّل: 3 - 5)*
*"آپ (اللّٰہ کے حضور) کھڑے ہوں، آدھی رات، کچھ کم یا کچھ زیادہ"*
احادیث میں رمضان کی آخری عشرہ کی 10 راتوں کو بھی بلحاظِ مجموعی بہت مبارک بتایا گیا ھے, علاوہ ازیں سورة الفجر میں ماہِ ذو الحجّ کی ابتدائی 10 راتوں کی بڑی خاص فضیلت بتائی گئی ھے اور جفت و طاق دونوں ہی راتوں کو خصوصی اہمیت دی گئی ھے، فرمایا گیا ھے:-
*وَلَيَالٍ عَشۡرٍۙ ۞ وَّالشَّفۡعِ وَالۡوَتۡرِۙo (الفجر: 2 - 3)*
*"اور دس راتوں کی قسم اور جفت اور طاق کی"* پھر اسی سورت کے آخر میں فرمانبرداروں اور عبادت گزاروں کو ''نفسِ مطمئنّة'' کے حامل قرار دیا گیا یے اور انعامات سے نوازنے کی خوشخبری دی گئی ہے، ارشادِ الٰہی ھے:-
*يٰۤاَيَّتُهَا النَّفۡسُ الۡمُطۡمَئِنَّةُ (الفجر: 27)*
*"اے نفسِ مطمئنّہ - - - - - -"!*
اللّٰہ نے یہ خاص کرم فرمایا ہے کہ ہماری کم محنت کو بھی ہزاروں گنا بڑھا کر اس کا صلہ بخشا، فی الحقیقت وہ رحمان و رحیم ہے اور اس نے اپنے اوپر رحمت کو خود لازم کر لیا ہے.
*كَتَبَ عَلٰى نَفۡسِهِ الرَّحۡمَةَ*❣️ *(الانعام: 12)*
دیکھا جاۓ تو وہ ہماری عام نیکیوں کو بھی کئی گنا بڑھا دیتا ہے, *10 سے 700 گنا تک*
ضرورت اس امر کی ہے کہ اسلام کی حکمت کو سمجھا جاۓ, نہ کہ نیکی کمانے کے شارٹ کٹ کو, کیونکہ حکمت ہی خیر کثیر ہے:-
*وٙ مَنۡ يُّؤۡتَ الۡحِكۡمَةَ فَقَدۡ اُوۡتِىَ خَيۡرًا كَثِيۡرًا❣️ (البقرة: 269)*
*"اور جس کو حکمت ملی، اُسے حقیقت میں خیرِ کثیر (بڑی دولت) مل گئی*
84 سال کے برابر اجر رکھنے کے پیچھے بھی بڑی حکمت ہے، انسان کی اوسط عمر قریباْ 80 برس ہے, مگر عبادت کا وقت جوان ہونے کے بعد 70 سے زیادہ نہیں، اگر وہ ہر برس 10 راتوں کی عبادت کا اہتمام کر لے تو یہ قریباْ 700 ہی بن جاتی ہیں.
اگر کوئی ایک رات یعنی ستائسویں ہی مقرّر کر دی جاتی تو ثواب ایک رات ہی کا مِل پاتا. چنانچہ اس رات کو خفیہ رکھنے میں اللّٰہ نے ہمارے لیے اس رات کو پانے کے مواقع (chances) 70 گنا بڑھا دیے ہیں, تب ہی تو کوئی *نفسِ مطمئنّہ* کا درجہ پا سکتا ہے.
ساتھ یہ بھی ذہن میں رہے کہ نیکی گِننے کی چیز نہیں بلکہ تولنے کی اور قدر (value addition) کا تقاضا کرتی ہے، قرآنِ کریم میں ہے:-
*اۨلَّذِىۡ خَلَقَ الۡمَوۡتَ وَ الۡحَيٰوةَ لِيَبۡلُوَكُمۡ اَيُّكُمۡ اَحۡسَنُ عَمَلاْ❣️ (الملک: 2)*
*"جس نے موت اور زندگی کو پیدا کیا تاکہ تم لوگوں کو آزما کر دیکھے کہ تم میں سے کون بہتر عمل کرنے والا ہے"*.
*ACHIEVING EXCELLENCE*
لہٰذا کوشش کرنی چاہئے کہ ہم اپنےکم وقت *(70 سال)* کا بھر پور استعمال کریں اور کوئی رات بالخصوص ماہِ رمضان المبارک کی *10راتیں* عبادت بلکہ *احسن عبادت* سے خالی نہ چھوڑیں.
یہ تب ہی ممکن ہے کہ ہم زندگی میں صرف ایک رات کے پانے کا نہیں بلکہ اللّٰہ کی عطا کردہ ہر گھڑی کو احسن طور پر استعمال کریں. وفّقنا اللّٰہ، آمین ثمّ آمین!
*طالب دعا*
