24/09/2026
WhatsApp Channel: https://whatsapp.com/channel/0029Va9mKjjCxoAmxabJDa0Q
بسم اللہ الرحمن الرحیم
🌿 ہر سوال کا جواب جاننا ضروری نہیں
ہم دنیا میں اکثر پوچھتے ہیں:
❓️قیامت کب آئے گی؟
❓️ جنات کا رہن سہن کیسا ہے؟
❓️غیب میں اور کیا کچھ ہو رہا ہے؟
❤️ مگر قرآن ہمیں ایک اور سوال سکھاتا ہے:
❔️جو کچھ اللہ نے نہیں بتایا، کیا ہمیں واقعی اس کی ضرورت ہے؟
⚠️ قرآن ہمیں غیب کی بہت سی حقیقتوں سے آگاہ کرتا ہے، مگر سب کچھ نہیں بتاتا۔
اللہ تعالیٰ فرماتے ہیں:
عٰلِمُ الْغَيْبِ فَلَا يُظْهِرُ عَلٰى غَيْبِهٖۤ اَحَدًا اِلَّا مَنِ ارْتَضٰى مِنْ رَّسُوْلٍ
"(وہ) غیب کا جاننے والا ہے، اپنے غیب پر کسی کو مطلع نہیں کرتا۔ سوائے (اس کے) جس کو وہ پسند کرتا ہے رسولوں میں سے۔"
📖 الجن 72:26-27
ہم تو اپنے ایمان کی ابتدا ہی اس طرح کرتے ہیں:
الَّذِيْنَ يُؤْمِنُوْنَ بِالْغَيْبِ
جو غیب پر ایمان لاتے ہیں
📖 البقرۃ 2:3
‼️ یعنی مومن کا تعلق غیب سے تجسس کے ذریعے نہیں، ایمان کے ذریعے ہے۔ اللہ اکبر
⚠️ لوگوں نے رسول اللہ ﷺ سے قیامت کے وقت کے بارے میں سوال کیا۔ قرآن نے واضح کر دیا:
يَسْئَلُوْنَكَ عَنِ السَّاعَةِ اَيَّانَ مُرْسٰهَا فِيْمَ اَنْتَ مِنْ ذِكْرٰهَا اِلٰى رَبِّكَ مُنْتَهٰهَا
"وہ آپؐ سے پوچھتے ہیں قیامت کی بابت کہ کب (ہوگا) اس کا قیام۔ تمہیں کیا کام اس کے ذکر سے؟ تمہارے رب کی طرف ہے اس کی انتہا۔"
📖 النازعات 79:42-44
اور نبی ﷺ نے بھی فرمایا کہ قیامت کے وقت کا علم ان چیزوں میں سے ہے جن کا علم اللہ تعالیٰ کے سوا کسی کو نہیں۔
📖 صحیح البخاری 4697، صحیح مسلم ( حدیثِ جبریل )
⚠️ یہاں ایک بہت ہی خوبصورت سبق ہے:
اللہ تعالیٰ "العلیم" ہے، سب کچھ جانتا ہے، لیکن ہمیں سب کچھ نہیں بتایا۔ کیوں؟ کیونکہ ہر نامعلوم چیز کا علم ہماری ضرورت نہیں ہے۔ سبحان اللہ
❌️ اس کا مطلب یہ نہیں کہ قرآن میں کوئی کمی ہے۔ نعوذ باللہ
📌 قرآن نے وہ سب کچھ بتایا جو ہدایت کے لیے ضروری ہے۔ الحمدللہ، ثم الحمد للہ
اللہ تعالیٰ فرماتے ہیں:
مَا فَرَّطْنَا فِى الْكِتٰبِ مِنْ شَىْءٍ
" ہم نے کتاب میں کوئی چیز نہیں چھوڑی۔"
📖 الأنعام 6:38
اس آیت کو قرآن کے ہدایت والے مقصد کے ساتھ سمجھنا چاہیے: یعنی انسان کی رہنمائی کے لیے تمام ضروری باتیں اللہ تعالٰی نے قرآن کے ذریعے ہمیں بتا دیں اور کچھ نہیں چھوڑا۔ سبحان اللہ
❗️ ہم کبھی کبھی اُن سوالات میں اتنے مصروف ہوجاتے ہیں جن کے جواب اللہ نے ہمیں نہیں دیے کہ اُن سوالات کو بھول جاتے ہیں جن کے جواب قرآن نے ہمیں دیے ہیں:
❔️ میں اللہ سے اپنا تعلق کیسے مضبوط کروں؟
❔️ میں اپنے رب کا شکر کیسے ادا کروں؟
❔️ میں نماز میں کیا سمجھ کر کھڑا ہوں؟
❔️ میں لوگوں کے حقوق کیسے ادا کروں؟
❔️ میں غصے، حسد، تکبر اور خواہشات کو کیسے سنبھالوں؟
❔️ میں قرآن اور سنتِ رسول ﷺ کو اپنی زندگی میں کیسے اتاروں؟
💡 یہ وہ سوالات ہیں جن کے جواب کے لیے قرآن ہمارے پاس ہے۔ الحمدللہ
یاد رکھیے، قرآن کا مقصد ہمیں کائنات کے ہر پوشیدہ راز کی تفصیل بتانا نہیں۔
اس کا مقصد ہمیں اللہ تک پہنچنے، صحیح اور غلط میں فرق کرنے، اپنے نفس کو سنوارنے اور زندگی گزارنے کا صحیح ترین راستہ دکھانا ہے۔ اللہ اکبر
⚠️ اس لیے کبھی یہ بھی سوچیے:
❕️جس بات کا جواب اللہ نے مجھے نہیں دیا، شاید اس کے بجائے اللہ مجھے کسی ایسی بات پر توجہ دلانا چاہتا ہے جس کا جواب مجھے دے دیا گیا ہے۔ الحمدللہ
❌️ یعنی ہمیں ہر غیب جاننے کی ضرورت نہیں۔
💡 الحمدللہ، آج ہم نے سیکھا ہے کہ قرآن معلومات کی فہرست نہیں، ہدایت کی کتاب ہے۔ اور ہم نے توجہ اور تدبر صرف اُس بات پر دینی ہے جو ہمیں دیا گیا۔ یعنی ہمیں اتنا ہی دیا گیا ہے جتنا ہمیں اللہ کے سامنے بہترین بندہ بننے کے لیے درکار ہے۔ سبحان اللہ
🤲 آیئے ہم سب مل کر ایک دوسرے کے لیے دعا کریں کہ:
یا اللہ کریم! ہمیں اپنے کلام کو سمجھنے، اس پر ایمان لانے اور اسے اپنی زندگی میں نافذ کرنے کی توفیق عطا فرما، اور بے فائدہ تجسس سے بچا کر اُن حقیقتوں پر توجہ دے جو ہمارے لیے نفع بخش ہیں۔ آمین، ثم آمین!
---
📖 الفلاح منزل ٹرسٹ کے QC کورسز اسی سفر کی دعوت ہیں۔ آیئے، قرآن کو سمجھیں، اس پر غور کریں اور اسے زندگی میں نافذ کریں۔
🌙🌿 اپنا قرآن فہمی کا مقدس سفر ابھی شروع کیجیے۔ آسان اور مؤثر انداز میں۔ ان شاء اللہ!
🌍 آن لائن کلاسز عالمی سطح پر دستیاب ہیں۔
📅 QC Course Calendar:
https://calendar.alfalahmanzil.net/
📞 Tel: 051-8483394
📱 WhatsApp (Gents): +923328583210
📱 WhatsApp (Ladies): +923367777270
📍 الفلاح منزل ٹرسٹ، سٹریٹ نمبر 26، E-11/4، اسلام آباد، پاکستان
Alfalah Manzil Trust
Street 26, NPF, E-11/4, Islamabad
☎️ 051-8483394
🤝 Islamic Community Center at Alfalah Manzil Trust | Alfalah Manzil Trust | UnderstandQuran.com
#تدبر
