Iqra Now, Islamabad (2026)

24/03/2014

ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ ﺍﻟﻠﮧ
ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﮐﺎ ﭘﻮﺭﺍ ﻧﺎﻡ ﺍﺣﻤﺪ ﺑﻦ ﻣﺤﻤﺪ ﺑﻦ ﺣﻨﺒﻞ ﺗﮭﺎ۔
ﻓﻘﮧ ﺍﺳﻼﻣﯽ ﮐﮯ ﭼﺎﺭ ﺍﺋﻤﮧ ﻣﯿﮟ ﺳﮯ ﺍﯾﮏ ﮨﯿﮟ۔ ﺭﺑﯿﻊ ﺍﻻﻭﻝ
۱۶۴ﮪ ؁ ﻣﻄﺎﺑﻖ ﻧﻮﻣﺒﺮ ۷۸۰ﺀ ؁ ﻣﯿﮟ ﭘﯿﺪﺍ ﮨﻮﺋﮯ۔ ﺗﻌﻠﯿﻢ
ﮐﺎ ﺁﻏﺎﺯ ﺣﻔﻆ ﻗﺮﺁﻥ ﻣﺠﯿﺪ ﺳﮯ ﮐﯿﺎ۔ ﺍﺑﺘﺪﺍﺋﯽ ﺗﻌﻠﯿﻢ ﺑﻐﺪﺍﺩ ﮐﮯ
ﺍﺳﺎﺗﺬﮦ ﺳﮯ ﺣﺎﺻﻞ ﮐﯽ۔ ﺍﺱ ﮐﮯ ﺑﻌﺪ ﺑﺼﺮﮦ، ﮐﻮﻓﮧ، ﻣﮑﮧ،
ﻣﺪﯾﻨﮧ، ﯾﻤﻦ، ﺷﺎﻡ ﻭﻏﯿﺮﮦ ﮐﺎ ﺳﻔﺮ ﮐﯿﺎ۔ ﮨﺮ ﺟﮕﮧ ﮐﮯ ﻧﺎﻣﻮﺭ
ﻣﺤﺪﺛﯿﻦ ﺳﮯ ﺍﺳﺘﻔﺎﺩﮦ ﮐﯿﺎ ﺍﻭﺭ ۲۰ ﺳﺎﻝ ﮐﯽ ﻋﻤﺮ ﻣﯿﮟ ﻋﻠﻮﻡ
ﺍﺳﻼﻣﯿﮧ ﺳﮯ ﻓﺮﺍﻏﺖ ﭘﺎﺋﯽ۔
۱۸۷ﮪ ؁ ﻣﯿﮟ ﺣﺠﺎﺯ ﮐﺎ ﭘﮩﻼ ﺳﻔﺮ ﮐﯿﺎ، ﺍﻣﺎﻡ ﻣﺤﻤﺪ ﺑﻦ
ﺍﺩﺭﯾﺲ ﺷﺎﻓﻌﯽ ﺭﺣﻤﮧ ﺍﻟﻠﮧ ﺳﮯ ﻣﻼﻗﺎﺕ ﮨﻮﺋﯽ ﺍﻭﺭ ﺍﻥ ﺳﮯ
ﻓﻘﮧ ﻭﺍﺻﻮﻝ ﻓﻘﮧ ﻣﯿﮟ ﺍﺳﺘﻔﺎﺩﮦ ﮐﯿﺎ۔ ﺍﻣﺎﻡ ﺍﺣﻤﺪ ﺭﺣﻤﮧ ﺍﻟﻠﮧ ﮐﺎ
ﺷﺮﻭﻉ ﮨﯽ ﺳﮯ ﺣﺪﯾﺚ ﮐﯽ ﻃﺮﻑ ﺭﺟﺤﺎﻥ ﺯﯾﺎﺩﮦ ﺗﮭﺎ۔ ﭼﻨﺎﻧﭽﮧ
۲۰۴ﮪ ؁ ﻣﯿﮟ ﺟﺐ ﺍﻥ ﮐﯽ ﻋﻤﺮ ۴۰ ﺳﺎﻝ ﮨﻮﺋﯽ ﺗﺐ ﺣﺪﯾﺚ
ﮐﺎ ﺩﺭﺱ ﺩﯾﻨﺎ ﺷﺮﻭﻉ ﮐﯿﺎ۔ ﯾﮧ ﺑﮭﯽ ﺍﻥ ﮐﺎ ﮐﻤﺎﻝ ﺍﺗﺒﺎﻉ ﺳﻨﺖ ﺗﮭﺎ
ﮐﮧ ﺍﻧﮩﻮﮞ ﻧﮯ ﻋﻤﺮ ﮐﮯ ﭼﺎﻟﯿﺴﻮﯾﮟ ﺳﺎﻝ ﺟﻮ ﺳﻦ ﻧﺒﻮﺕ ﮨﮯ،
ﻋﻠﻮﻡ ﻧﺒﻮﺕ ﮐﯽ ﺍﺷﺎﻋﺖ ﺷﺮﻭﻉ ﮐﯽ۔ ﺍﻥ ﮐﮯ ﺩﺭﺱ ﻣﯿﮟ
ﺳﺎﻣﻌﯿﻦ ﮐﯽ ﺗﻌﺪﺍﺩ ﮐﺌﯽ ﮨﺰﺍﺭ ﺳﮯ ﻣﺘﺠﺎﻭﺯ ﮨﻮﺗﯽ ﺗﮭﯽ ﺍﻭﺭ ﺍﻥ
ﮐﯽ ﻣﺠﻠﺲ ﺑﮍﯼ ﺳﻨﺠﯿﺪﮦ ﺍﻭﺭ ﭘﺮ ﻭﻗﺎﺭ ﮨﻮﺗﯽ ﺗﮭﯽ۔
ﺯﮨﺪ ﻭ ﺗﻘﻮﯼ :
ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ ﺍﻟﻠﮧ ﮐﯽ ﺯﻧﺪﮔﯽ ﺯﮨﺪ ﻭﺗﻮﮐﻞ ﻣﯿﮟ
ﯾﮑﺘﺎﺋﮯ ﺭﻭﺯﮔﺎﺭ ﺗﮭﯽ۔ ﺍﻣﺎﻡ ﯾﺤﯿﮯٰ ﺑﻦ ﻣﻌﯿﻦ ﺭﺣﻤﮧ ﺍﻟﻠﮧ ﺟﻮ ﺍﻥ
ﮐﮯ ﮨﻢ ﻋﺼﺮ ﺗﮭﮯ، ﺍﻥ ﮐﮯ ﺑﺎﺭﮮ ﻣﯿﮟ ﻓﺮﻣﺎﺗﮯ ﮨﯿﮟ ﮐﮧ ﻣﯿﮟ ﻧﮯ
ﺍﻣﺎﻡ ﺍﺣﻤﺪ ﺭﺣﻤﮧ ﺍﻟﻠﮧ ﺟﯿﺴﺎ ﻧﮩﯿﮟ ﺩﯾﮑﮭﺎ۔ ﻣﯿﮟ ﭘﭽﺎﺱ ﺑﺮﺱ
ﺍﻥ ﮐﮯ ﺳﺎﺗﮫ ﺭﮨﺎ، ﺍﻧﮭﻮﮞ ﻧﮯ ﮐﺒﮭﯽ ﮨﻤﺎﺭﮮ ﺳﺎﻣﻨﮯ ﺍﭘﻨﯽ ﺻﻼﺡ
ﻭﺧﯿﺮ ﭘﺮ ﻓﺨﺮ ﻧﮩﯿﮟ ﮐﯿﺎ۔ ﺧﻠﯿﻔۃ ﺍﻻﻭﻟﯿﺎﺀ ۹؍۱۸۱ (
ﻋﻠﻢ ﻭ ﻓﻀﻞ:
ﺍﻣﺎﻡ ﺷﺎﻓﻌﯽ ﺭﺣﻤﮧ ﺍﻟﻠﮧ ﺍﻥ ﮐﮯ ﺑﮍﮮ ﻣﻌﺘﺮﻑ ﺍﻭﺭ ﻗﺪﺭﺩﺍﻥ ﺗﮭﮯ،
ﺑﻐﺪﺍﺩ ﺳﮯ ﺟﺎﺗﮯ ﮨﻮﺋﮯ ﺍﻧﮭﻮﮞ ﻧﮯ ﻓﺮﻣﺎﯾﺎ ﮐﮧ ’’ﻣﯿﮟ ﺑﻐﺪﺍﺩ ﮐﻮ
ﭼﮭﻮﮌ ﮐﺮ ﺟﺎ ﺭﮨﺎ ﮨﻮﮞ، ﺍﺱ ﺣﺎﻟﺖ ﻣﯿﮟ ﮐﮧ ﻭﮨﺎﮞ ﺍﺣﻤﺪ ﺑﻦ
ﺣﻨﺒﻞ ﺳﮯ ﺑﮍﮪ ﮐﺮ ﮐﻮﺋﯽ ﻣﺘﻘﯽ ﮨﮯ، ﻧﮧ ﮐﻮﺋﯽ ﻓﻘﯿﮧ۔‘‘ ) ﺗﺬﮐﺮۃ
ﺍﻟﺤﻔﺎﻅ ۲؍۱۸(
ﺍﻣﺎﻡ ﺷﺎﻓﻌﯽ ﺭﺣﻤﮧ ﺍﻟﻠﮧ ﮐﺎ ﯾﮧ ﺑﮭﯽ ﻓﺮﻣﺎﻥ ﮨﮯ ﮐﮧ ﺍﺣﻤﺪ ﺑﻦ
ﺣﻨﺒﻞ ﺍﻣﺎﻡ ﻓﯽ ﺛﻤﺎﻥ ﺧﺼﺎﻝ: ﺍﻣﺎﻡ ﻓﯽ ﺍﻟﺤﺪﯾﺚ، ﺍﻣﺎﻡ ﻓﯽ
ﺍﻟﻔﻘﮧ، ﺍﻣﺎﻡ ﻓﯽ ﺍﻟﻠﻐۃ، ﺍﻣﺎﻡ ﻓﯽ ﺍﻟﻘﺮﺁﻥ، ﺍﻣﺎﻡ ﻓﯽ ﺍﻟﻔﻘﺮ، ﺍﻣﺎﻡ
ﻓﯽ ﺍﻟﺰﮨﺪ، ﺍﻣﺎﻡ ﻓﯽ ﺍﻟﻮﺭﻉ، ﺍﻣﺎﻡ ﻓﯽ ﺍﻟﺴﻨۃ ) ﺣﯿﺎﺕ ﺍﻣﺎﻡ ﺍﺣﻤﺪ
ﺑﻦ ﺣﻨﺒﻞ ﺍﺑﻮ ﺯﮨﺮﮦ ﺹ۳(
ﺗﻮﺍﺿﻊ ﻭ ﻣﺴﮑﻨﺖ:
ﻣﺴﺌﻠﮧ ﺧﻠﻖ ﻗﺮﺁﻥ ﻣﯿﮟ ﺍﻥ ﮐﯽ ﺛﺎﺑﺖ ﻗﺪﻣﯽ ﮐﯽ ﻭﺟﮧ ﺳﮯ
ﺗﻤﺎﻡ ﻋﺎﻟﻢ ﺍﺳﻼﻡ ﺍﻥ ﮐﯽ ﺷﮩﺮﺕ ﺳﮯ ﻣﻌﻤﻮﺭ ﺗﮭﺎ۔ ﮨﺮ ﻃﺮﻑ ﺍﻥ
ﮐﯽ ﺗﻌﺮﯾﻒ ﺍﻭﺭ ﺍﻥ ﮐﮯ ﻟﺌﮯ ﺩﻋﺎ ﮐﺎ ﻏﻠﻐﻠﮧ ﺑﻠﻨﺪ ﺗﮭﺎ۔ ﺍﻟﻠﮧ ﺗﻌﺎﻟﯽٰ
ﻧﮯ ﺗﻮﺍﺿﻊ ﺍﻭﺭ ﻣﺴﮑﻨﺖ ﮐﮯ ﺳﺎﺗﮫ ﺍﻥ ﮐﻮ ﺭﻋﺐ ﻭﻭﻗﺎﺭ ﺑﮭﯽ ﺍﺗﻨﺎ
ﺑﺨﺸﺎ ﮐﮧ ﺍﮨﻞ
ﺣﮑﻮﻣﺖ ﺍﻭﺭ ﻓﻮﺟﯽ ﻭﺳﭙﺎﮨﯽ ﺑﮭﯽ ﺍﻥ ﺳﮯ ﻣﺮﻋﻮﺏ ﮨﻮ ﺟﺎﺗﮯ
ﺗﮭﮯ ﺍﻭﺭ ﺍﻥ ﮐﺎ ﺍﺣﺘﺮﺍﻡ ﮐﺮﻧﮯ ﭘﺮ ﻣﺠﺒﻮﺭ ﺗﮭﮯ۔
ﺗﺼﺎﻧﯿﻒ:
ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ ﺍﻟﻠﮧ ﺻﺎﺣﺐ ﺗﺼﺎﻧﯿﻒ ﮐﺜﯿﺮﮦ ﺗﮭﮯ۔
ﺍﻥ ﮐﯽ ﺗﺼﺎﻧﯿﻒ ﻣﯿﮟ ﺍﻥ ﮐﯽ ﻣﺸﮩﻮﺭ ﺗﺼﻨﯿﻒ ’’ ﻣﺴﻨﺪ ﺍﺣﻤﺪ
ﺑﻦ ﺣﻨﺒﻞ ‘‘ ﮨﮯ۔ ﺟﺲ ﮐﯽ ﻭﮦ ﺍﭘﻨﯽ ﺯﻧﺪﮔﯽ ﻣﯿﮟ ﺗﺮﺗﯿﺐ ﻭﺗﺒﻮﯾﺐ
ﻧﮩﯿﮟ ﮐﺮ ﺳﮑﮯ ﺗﮭﮯ ﺍﻭﺭ ﺍﺱ ﮐﯽ ﺗﺮﺗﯿﺐ ﻭﺗﺒﻮﯾﺐ ﺍﻥ ﮐﮯ
ﺻﺎﺣﺒﺰﺍﺩﮦ ﺍﻣﺎﻡ ﻋﺒﺪﺍﻟﻠﮧ ﺭﺣﻤﮧ ﺍﻟﻠﮧ ﻧﮯ ﮐﯽ۔ )ﺑﺴﺘﺎﻥ ﺍﻟﻤﺤﺪﺛﯿﻦ
ﺹ ۲۶(
ﻓﺘﻨﮧ ﺧﻠﻖ ﻗﺮﺁﻥ:
ﻋﺒﺎﺳﯽ ﺧﻠﻔﺎﺀ ﮐﮯ ﺩﻭﺭ ﻣﯿﮟ ﻋﺠﻤﯽ ﺭﻭﺡ ﮐﯽ ﮐﺎﺭﻓﺮﻣﺎﺋﯽ ﺍﻭﺭ
ﯾﻮﻧﺎﻧﯽ ﻣﻨﻄﻖ ﻭﻓﻠﺴﻔﮧ ﮐﮯ ﺍﺛﺮﺍﺕ ﻧﮯ ﻋﺮﺑﻮﮞ ﮐﮯ ﺳﺎﺩﮦ ﻣﺬﺍﻕ
ﻃﺒﯿﻌﺖ ﮐﻮ ﺑﺪﻝ ﺩﯾﺎ ﺍﻭﺭ ﻭﮦ ﺳﺎﺩﮦ ﺍﻭﺭ ﺳﮩﻞ ﺩﯾﻦ ﺣﻨﯿﻒ ﭘﺮ
ﻋﻘﯿﺪﮦ ﺭﮐﮭﻨﮯ ﮐﮯ ﺑﺠﺎﺋﮯ ﻻ ﯾﻌﻨﯽ ﻣﻮﺷﮕﺎﻓﯿﻮﮞ ﺍﻭﺭ ﻓﻠﺴﻔﮧ
ﻭﮐﻼﻡ ﮐﮯ ﻏﯿﺮ ﺿﺮﻭﺭﯼ ﻣﺒﺎﺣﺚ ﻣﯿﮟ ﺍﻟﺠﮫ ﮐﺮ ﻣﺨﺘﻠﻒ
ﮔﺮﻭﮨﻮﮞ ﻣﯿﮟ ﺑﭧ ﮔﺌﮯ، ﺍﻥ ﻣﯿﮟ ﻓﺮﻗﮧ ﻣﻌﺘﺰﻟﮧ ﺯﯾﺎﺩﮦ ﻣﺸﮩﻮﺭ
ﮨﮯ۔ ﺍﺱ ﻧﮯ ﺩﯾﻦ ﮐﯽ ﺣﻔﺎﻇﺖ ﻭﺧﺪﻣﺖ ﮐﺎ ﮐﺎﻡ ﺑﮭﯽ ﺍﻧﺠﺎﻡ ﺩﯾﺎ۔
ﻟﯿﮑﻦ ﺍﺱ ﮐﯽ ﺑﺪﻭﻟﺖ ﻣﺬﮨﺐ ﻣﯿﮟ ﻧﺌﮯ ﻧﺌﮯ ﺍﻭﺭ ﺑﮯ ﺑﻨﯿﺎﺩ
ﻣﺴﺎﺋﻞ ﺑﮭﯽ ﭘﯿﺪﺍ ﮨﻮﮔﺌﮯ۔ ﺍﺱ ﻟﺌﮯ ﻣﺤﺪﺛﯿﻦ ﮐﺎ ﻣﻘﺼﺪ ﺍﺣﯿﺎﺋﮯ
ﺳﻨﺖ ﺍﻭﺭ ﺭﺩ ﺑﺪﻋﺖ ﺗﮭﺎ۔ﻣﻌﺘﺰﻟﮧ ﮐﮯ ﻋﻘﺎﺋﺪ ﻭﺍﻓﮑﺎﺭ ﮐﮯ ﺧﻼﻑ
ﺻﻒ ﺁﺭﺍﺀ ﮨﻮ ﮔﺌﮯ۔ ﻣﻌﺘﺰﻟﮧ ﮐﮯ ﺍﻥ ﻣﺴﺎﺋﻞ ﻣﯿﮟ ﺧﻠﻖ ﻗﺮﺁﻥ ﮐﺎ
ﻣﺴﺌﻠﮧ ﺑﮭﯽ ﺗﮭﺎ۔
ﺧﻠﯿﻔﮧ ﮨﺎﺭﻭﻥ ﺍﻟﺮﺷﯿﺪ ﮐﮯ ﺯﻣﺎﻧﮧ ﺗﮏ ﺍﺱ ﻋﻘﯿﺪﮦ ﮐﻮ ﻣﺎﻧﻨﮯ
ﻭﺍﻟﮯ ﺑﮩﺖ ﮐﻢ ﻟﻮﮒ ﺗﮭﮯ ﺍﻭﺭ ﻭﮦ ﺑﮭﯽ ﺍﭘﻨﮯ ﻋﻘﯿﺪﮦ ﮐﺎ ﺍﻋﻼﻥ
ﻧﮩﯿﮟ ﮐﺮﺗﮯ ﺗﮭﮯ۔ ﮨﺎﺭﻭﻥ ﺍﻟﺮﺷﯿﺪ ﮐﮯ ﺑﻌﺪ ﻣﺎﻣﻮﻥ ﺍﻟﺮﺷﯿﺪ ﺧﻠﯿﻔﮧ
ﮨﻮﺍ۔ ﻣﺎﻣﻮﻥ ﺍﻟﺮﺷﯿﺪ ﺑﮍﺍ ﻋﻠﻢ ﻭﺍﺩﺏ ﻧﻮﺍﺯﺍﻭﺭ ﻋﻠﻤﺎﺀ ﻭﺷﻌﺮﺍﺀ ﮐﺎ
ﻗﺪﺭ ﺩﺍﻥ ﺗﮭﺎ۔ ﺍﺱ ﮐﮯ ﻋﮩﺪ ﺧﻼﻓﺖ ﻣﯿﮟ ﺍﺱ ﻓﺘﻨﮧ ﮐﻮ ﻋﺮﻭﺝ
ﺣﺎﺻﻞ ﮨﻮﺍ ﺍﻭﺭ ﻣﺎﻣﻮﻥ ﺍﻟﺮﺷﯿﺪ ﮐﮯ ﺑﻌﺪ ﻣﻌﺘﺼﻢ، ﺍﺱ ﮐﮯ ﺑﻌﺪ
ﺍﻟﻮﺍﺛﻖ ﮐﮯ ﻋﮩﺪ ﻣﯿﮟ ﺍﺱ ﻓﺘﻨﮧ ﻧﮯ ﺯﻭﺭ ﭘﮑﮍﺍ۔ ﺍﻥ ﺧﻠﻔﺎﺀ ﮐﮯ
ﻣﻌﺎﻭﻥ ﺍﺑﻦ ﺍﺑﯽ ﺩﺍﺅﺩ ﺍﻭﺭ ﺑﺸﺮﺍﻟﻤﺮﯾﺴﯽ ﺗﮭﮯ، ﻣﻨﺎﺳﺐ ﻣﻌﻠﻮﻡ
ﮨﻮﺗﺎ ﮨﮯ ﮐﮧ ﯾﮩﺎﮞ ﻣﺎﻣﻮﻥ ﺍﻟﺮﺷﯿﺪ، ﻣﻌﺘﺼﻢ، ﺍﻟﻮﺍﺛﻖ ﺍﻭﺭ ﺍﻥ ﮐﮯ
ﻣﻌﺎﻭﻥ ﻭﻣﺪﺩﮔﺎﺭ ﺍﺑﻦ ﺍﺑﯽ ﺩﺍﺅﺩ ﺍﻭﺭ ﺑﺸﺮ ﻣﺮﯾﺴﯽ ﮐﮯ ﻣﺨﺘﺼﺮﺍ
ﺣﺎﻻﺕ ﺩﺭﺝ ﮐﺮ ﺩﯾﮯ ﺟﺎﺋﯿﮟ۔
ﻣﺎﻣﻮﻥ ﺍﻟﺮﺷﯿﺪ:
ﻣﺎﻣﻮﻥ ﺍﻟﺮﺷﯿﺪ ﺟﺲ ﮐﺎ ﺍﺻﻞ ﻧﺎﻡ ﻋﺒﺪﺍﻟﻠﮧ ﺗﮭﺎ۔ ﺧﻠﯿﻔﮧ ﮨﺎﺭﻭﻥ
ﺍﻟﺮﺷﯿﺪ ﮐﺎ ﺑﯿﭩﺎ ﺗﮭﺎ۔ ﺍﭘﻨﮯ ﺑﮍﮮ ﺑﮭﺎﺋﯽ ﺍﻣﯿﻦ ﺍﻟﺮﺷﯿﺪ ﮐﮯ ﺑﻌﺪ
۶؍ﺻﻔﺮ ۱۹۸ﮪ ؁ ﻣﻄﺎﺑﻖ ۶ﺍﮐﺘﻮﺑﺮ ۸۱۳ﺀ ؁ ﮐﻮ ﺗﺨﺖ
ﻧﺸﯿﻦ ﮨﻮﺍ۔ ﻋﻠﻮﻡ ﻭﻓﻨﻮﻥ ﮐﺎ ﻭﺍﻟﮧ ﻭﺷﯿﺪﺍ ﺗﮭﺎ، ﺩﺍﺭﺍﻟﺤﮑﻤۃ ﻗﺎﺋﻢ
ﮐﯿﺎ۔ ﺟﺲ ﻣﯿﮟ ﺩﻭﺳﺮﮮ ﻣﻠﮑﻮﮞ ﮐﮯ ﻋﻠﻤﺎﺀ ﺟﻤﻊ ﮐﯿﮯ۔ ﺍﻥ ﺳﮯ
ﮐﺘﺎﺑﯿﮟ ﻟﮑﮭﻮﺍﺋﯿﮟ ﺍﻭﺭ ﺗﺮﺟﻤﮧ ﮐﺮﻭﺍﺋﯿﮟ، ﺧﺎﺹ ﻃﻮﺭﭘﺮ
ﺳﻨﺴﮑﺮﺕ ﺍﻭﺭ ﯾﻮﻧﺎﻧﯽ ﺯﺑﺎﻧﻮﮞ ﮐﯽ ﺑﯿﺴﯿﻮﮞ ﮐﺘﺎﺑﯿﮟ ﺍﺳﯽ ﻋﮩﺪ
ﻣﯿﮟ ﻋﺮﺑﯽ ﻣﯿﮟ ﻣﻨﺘﻘﻞ ﮨﻮﺋﯿﮟ، ﯾﮧ ﻣﻌﺘﺰﻟﯽ ﺧﯿﺎﻻﺕ ﮐﮯ
ﺷﺒﺎﺏ ﮐﺎ ﺯﻣﺎﻧﮧ ﺗﮭﺎ۔ ﻣﻨﺠﻤﻠﮧ ﺍﻭﺭ ﻋﻘﺎﺋﺪ ﮐﮯ ﻣﺘﻌﻠﻖ ﺍﻧﮩﻮﮞ ﻧﮯ
ﮐﮩﺎ ﮐﮧ ﻗﺮﺁﻥ ﻟﻔﻈﺎ ﻭﻣﻌﻨﺎ ﻣﺨﻠﻮﻕ ﮨﮯ۔ ﻣﺎﻣﻮﻥ ﻧﮯ ﺍﺱ ﻧﻈﺮﯾﮧ
ﮐﯽ ﺗﺎﺋﯿﺪ ﮐﯽ، ﻣﺎﻣﻮﻥ ﺍﻟﺮﺷﯿﺪ ﻧﮯ ۸؍ﺭﺟﺐ ۲۱۸ﮪ ؁
ﻣﻄﺎﺑﻖ ۳۰ ﺟﻮﻻﺋﯽ ۸۳۳ﺀ ؁ ﮐﻮ ﻭﻓﺎﺕ ﭘﺎﺋﯽ ﺍﻭﺭ ﻃﺮﻃﻮﺱ
ﻣﯿﮟ ﺩﻓﻦ ﮨﻮﺍ۔ ) ﺗﺎﺭﯾﺦ ﺍﻟﺨﻠﻔﺎﺀ ﺍﺯ ﺳﯿﻮﻃﯽ(
ﻣﻌﺘﺼﻢ ﺑﺎﻟﻠﮧ:
ﻣﺎﻣﻮﻥ ﺍﻟﺮﺷﯿﺪ ﮐﮯ ﺑﻌﺪ ﺍﺱ ﮐﺎ ﭼﮭﻮﭨﺎ ﺑﮭﺎﺋﯽ ﺍﻟﻤﻌﺘﺼﻢ ﺑﺎﻟﻠﮧ
ﺍﺱ ﮐﺎ ﺟﺎﻧﺸﯿﻦ ﮨﻮﺍ، ﺍﺱ ﮐﮯ ﻋﮩﺪ ﻣﯿﮟ ﻓﺘﻨﮧ ﺧﻠﻖ ﻗﺮﺁﻥ
ﻋﺮﻭﺝ ﭘﺮ ﺗﮭﺎ۔ ﻣﻌﺘﺼﻢ ﮐﯽ ﺍﯾﮏ ﺧﺼﻮﺻﯿﺖ ﯾﮧ ﮨﮯ ﮐﮧ ﺍﺱ ﮐﮯ
ﻋﮩﺪ ﮐﻮ ﺁﭨﮫ ﮐﮯ ﻋﺪﺩ ﺳﮯ ﺧﺎﺹ ﻟﮕﺎﺅ ﺭﮨﺎ، ﻣﺜﻼ: ﻭﮦ ۸ ﺷﻌﺒﺎﻥ
۱۸۰ﺀ ﮐﻮ ﭘﯿﺪﺍ ﮨﻮﺍ، ﻭﮦ ﺍﭘﻨﮯ ﺧﺎﻧﺪﺍﻥ ﮐﺎ ﺁﭨﮭﻮﺍﮞ ﺣﮑﻤﺮﺍﻥ ﺗﮭﺎ،
۲۱۸ ﻣﯿﮟ ﺗﺨﺖ ﭘﺮ ﺑﯿﭩﮭﺎ۔ ﺍﺱ ﻧﮯ ﺁﭨﮫ ﺟﻨﮕﻮﮞ ﻣﯿﮟ ﺣﺼﮧ ﻟﯿﺎ۔
ﺍﺱ ﻧﮯ ﺍﭘﻨﮯ ﺯﻣﺎﻧﮧ ﺣﮑﻮﻣﺖ ﻣﯿﮟ ﺁﭨﮫ ﻣﺤﻞ ﺗﻌﻤﯿﺮ ﮐﺮﺍﺋﮯ۔ ﺍﺱ
ﮐﮯ ﺁﭨﮫ ﺑﯿﭩﮯ ﺍﻭﺭ ﺁﭨﮫ ﺑﯿﭩﯿﺎﮞ ﺗﮭﯿﮟ۔ ﺁﭨﮫ ﮨﺰﺍﺭ ﻏﻼﻡ ﺍﺱ ﮐﮯ
ﻣﺤﻞ ﻣﯿﮟ ﺭﮨﺘﮯ ﺗﮭﮯ۔ ﺍﺱ ﻧﮯ ۸ ﺳﺎﻝ ﺍﻭﺭ ۸ ﻣﺎﮦ ﺣﮑﻮﻣﺖ ﮐﺮﻧﮯ
ﮐﮯ ﺑﻌﺪ ۴۸ﺳﺎﻝ ﮐﯽ ﻋﻤﺮ ﻣﯿﮟ ۱۹ ﺭﺑﯿﻊ ﺍﻻﻭﻝ ۲۲۷ﮪ ﻣﻄﺎﺑﻖ ۵
ﻓﺮﻭﺭﯼ ۸۴۲ﺀ ؁ ﮐﻮ ﺍﻧﺘﻘﺎﻝ ﮐﯿﺎ۔ ﺍﻧﺘﻘﺎﻝ ﮐﮯ ﺑﻌﺪ ﺣﮑﻮﻣﺖ
ﮐﮯ ﺧﺰﺍﻧﮯ ﻣﯿﮟ ۸۰ ﮨﺰﺍﺭ ﺩﺭﮨﻢ ﺍﻭﺭ ۸۰ ﻻﮐﮫ ﺩﯾﻨﺎ ﺭ ﻣﻮﺟﻮﺩ ﺗﮭﮯ۔
) ﺗﺎﺭﯾﺦ ﺍﻟﺨﻠﻔﺎﺀ ﺳﯿﻮﻃﯽ (
ﺍﻟﻮﺍﺛﻖ ﺑﺎﻟﻠﮧ :
ﻣﻌﺘﺼﻢ ﮐﮯ ﺑﻌﺪ ﺍﺱ ﮐﺎ ﺑﯿﭩﺎ ﺍﻟﻮﺍﺛﻖ ﺑﺎﻟﻠﮧ ﺧﺎﻧﺪﺍﻥ ﻋﺒﺎﺳﯽ
ﮐﺎﻧﻮﺍﮞ ﺧﻠﯿﻔﮧ ﮨﻮﺍ۔ ﺍﺱ ﻧﮯ ﺗﻘﺮﯾﺒﺎ ﭘﻮﻧﮯ ﭼﮫ ﺳﺎﻝ ﺣﮑﻮﻣﺖ
ﮐﯽ، ﯾﮧ ﺑﮍﺍ ﻋﺎﻟﻢ، ﻓﺎﺿﻞ ﺍﻭﺭ ﺻﺎﺣﺐ ﺑﺼﯿﺮﺕ ﺗﮭﺎ۔ ﻓﺘﻨﮧ ﺧﻠﻖ
ﻗﺮﺁﻥ ﺍﺱ ﮐﮯ ﻋﮩﺪ ﻣﯿﮟ ﺑﮭﯽ ﺭﮨﺎ۔ ﻟﯿﮑﻦ ﺍﺱ ﻣﯿﮟ ﮐﭽﮫ ﮐﻤﯽ
ﺁﮔﺌﯽ ﺗﮭﯽ۔ ﺫﯼ ﺍﻟﺤﺠﮧ ۲۳۲ﮪ ؁ ﻣﻄﺎﺑﻖ ﺍﮔﺴﺖ ۸۴۷ﺀ ﻣﯿﮟ
ﺍﻧﺘﻘﺎﻝ ﮐﯿﺎ۔ )ﺗﺎﺭﯾﺦ ﺍﻟﺨﻠﻔﺎﺀ ﺳﯿﻮﻃﯽ(
ﺑﺸﺮﺍﻟﻤﺮﯾﺴﯽ:
ﺑﺸﺮﺍﻟﻤﺮﯾﺴﯽ ﻋﮩﺪ ﮨﺎﺭﻭﻥ ﺍﻟﺮﺷﯿﺪ ﮐﺎ ﻣﺸﮩﻮﺭ ﺻﺎﺣﺐ ﻋﻠﻢ ﺍﻭﺭ
ﻗﺎﺿﯽ ﺍﺑﻮ ﯾﻮﺳﻒ ﮐﺎ ﺷﺎﮔﺮﺩ ﺗﮭﺎ۔ ﺧﻠﻖ ﻗﺮﺁﻥ ﮐﺎ ﻋﻘﯿﺪﮦ
ﺩﺭﺍﺻﻞ ﺟﮩﻢ ﺑﻦ ﺻﻔﻮﺍﻥ ﻧﮯ ﺷﺮﻭﻉ ﮐﯿﺎ ﺗﮭﺎ ﺍﻭﺭ ﺑﺸﺮ ﺑﮭﯽ ﺍﺱ
ﮐﺎ ﮨﻤﻨﻮﺍ ﮨﻮ ﮔﯿﺎ ﺗﮭﺎ۔ ﺧﻠﯿﻔﮧ ﮨﺎﺭﻭﻥ ﺍﻟﺮﺷﯿﺪ ﮐﻮ ﺟﺐ ﻣﻌﻠﻮﻡ ﮨﻮﺍ
ﮐﮧ ﺑﺸﺮ ﻣﺮﯾﺴﯽ ﺑﮭﯽ ﺧﻠﻖ ﻗﺮﺁﻥ ﮐﺎ ﻗﺎﺋﻞ ﮨﮯ ﺗﻮ ﺍﺱ ﻧﮯ ﻗﺴﻢ
ﮐﮭﺎﺋﯽ ﮐﮧ ﺍﮔﺮ ﯾﮧ ﺷﺨﺺ ﻣﺠﮫ ﮐﻮ ﻣﻞ ﮔﯿﺎ ﺗﻮ ﻣﯿﮟ ﺍﺳﮯ
ﻧﮩﺎﯾﺖ ﺑﯿﺪﺭﺩﯼ ﺳﮯ ﻗﺘﻞ ﮐﺮﺍ ﮈﺍﻟﻮﮞ ﮔﺎ۔ ﺍﺱ ﮐﺎ ﺍﻧﺘﻘﺎﻝ ﺑﻐﺪﺍﺩ
ﻣﯿﮟ ۲۱۸ﮪ ؁ ﻣﻄﺎﺑﻖ ۸۳۲ﺀ ﮨﻮﺍ۔ )ﺗﺬﮐﺮﮦ ﺍﺑﻮﻟﮑﻼﻡ ﺹ ۴۰۸
ﺣﻮﺍﺷﯽ(
ﺍﺑﻦ ﺍﺑﻮ ﺩﺍﺅﺩ: ﺍﺱ ﮐﺎ ﭘﻮﺭﺍ ﻧﺎﻡ ﺍﺣﻤﺪ ﺑﻦ ﺍﺑﯽ ﺩﺍﺅﺩ ﺗﮭﺎ۔ ۱۶۰ﮪ
ﻣﻄﺎﺑﻖ ۷۷۶ﺀ ؁ ﭘﯿﺪﺍ ﮨﻮﺍ۔ ﺍﭘﻨﮯ ﻋﻠﻢ ﻭﻓﻀﻞ ﺍﻭﺭ ﻣﻌﺘﺰﻟﯽ
ﺧﯿﺎﻻﺕ ﮐﮯ ﺑﺎﻋﺚ ﻣﺎﻣﻮﻥ ﺍﻟﺮﺷﯿﺪ ﮐﺎ ﻣﻌﺘﻤﺪ ﻋﻠﯿﮧ ﺑﻦ ﮔﯿﺎ۔ ﺍﻭﺭ
ﺍﺱ ﮐﮯ ﺑﻌﺪ ﺍﻟﻤﻌﺘﺼﻢ ﮐﮯ ﻋﮩﺪ ﻣﯿﮟ ﻗﺎﺿﯽ ﮐﮯ ﻋﮩﺪﮦ ﭘﺮ ﻓﺎﺋﺰ
ﮨﻮﺍ۔ ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ ﺍﻟﻠﮧ ﮐﮯ ﺳﺎﺗﮫ ﺣﮑﻮﻣﺖ ﻭﻗﺖ
ﻧﮯ ﺟﻮ ﻧﺎﺭﻭﺍﺳﻠﻮﮎ ﮐﯿﺎ ﺍﺱ ﻣﯿﮟ ﺍﺱ ﮐﺎ ﺑﮍﺍ ﮨﺎﺗﮫ ﺗﮭﺎ۔ ﺑﻠﮑﮧ
ﻓﺘﻨﮧ ﺧﻠﻖ ﻗﺮﺁﻥ ﮐﺎ ﺑﮩﺖ ﺣﺪ ﺗﮏ ﺑﺎﻧﯽ ﮨﯽ ﯾﮧ ﺗﮭﺎ ﻟﯿﮑﻦ ﺍﺱ ﮐﺎ
ﺍﻧﺠﺎﻡ ﺑﮩﺖ ﻋﺒﺮﺕ ﻧﺎﮎ ﮨﻮﺍ۔ ﺍﻟﻤﻌﺘﺼﻢ ﮐﮯ ﺑﻌﺪ ﺍﻟﻮﺍﺛﻖ ﮐﮯ
ﺯﻣﺎﻧﮯ ﻣﯿﮟ ﺑﮭﯽ ﯾﮧ ﻗﺎﺿﯽ ﺗﮭﺎ۔ ﺍﺱ ﮐﮯ ﺟﺎﻧﺸﯿﻦ ﺧﻠﯿﻔﮧ
ﺍﻟﻤﺘﻮﮐﻞ ﻧﮯ ﺍﺱ ﮐﻮ ﻗﯿﺪ ﮐﺮ ﺩﯾﺎ ﺍﻭﺭ ﺍﺱ ﮐﯽ ﺳﺎﺭﯼ ﺟﺎﺋﯿﺪﺍﺩ
ﺿﺒﻂ ﮐﺮ ﻟﯽ۔ ﺍﺱ ﮐﻮ ﺭﮨﺎﺋﯽ ﺗﻮ ﻣﻞ ﮔﺌﯽ ﻟﯿﮑﻦ ﺯﯾﺎﺩﮦ ﻋﺮﺻﮧ
ﺯﻧﺪﮦ ﻧﮧ ﺭﮨﺎ۔ ﻣﺤﺮﻡ ۲۴۰ﮪ ﻣﻄﺎﺑﻖ ﺟﻮﻥ ۸۵۴ﺀ ﻣﯿﮟ ﺍﻧﺘﻘﺎﻝ ﮐﺮ
ﮔﯿﺎ۔ ) ﺗﺬﮐﺮۃ ﺍﺑﻮﺍﻟﮑﻼﻡ ﺹ ۴۰۸ﺣﻮﺍﺷﯽ (
ﺍﻣﺎﻡ ﺍﺣﻤﺪ ﺍﺑﺘﻼﺀ ﻭ ﺍﻣﺘﺤﺎﻥ ﻣﯿﮟ :
ﺟﺐ ﻣﻌﺘﺰﻟﮧ ﻧﮯ ﻋﻘﯿﺪﮦ ﺧﻠﻖ ﻗﺮﺁﻥ ﮐﻮ ﮐﻔﺮ ﻭﺍﯾﻤﺎﻥ ﮐﺎ ﻣﻌﯿﺎﺭ
ﺑﻨﺎ ﺩﯾﺎ ﺍﻭﺭ ﺍﺗﻔﺎ ﻗﺎ ﻣﺬﮨﺐ ﺍﻋﺘﺰﺍﻝ ﮐﻮ ﺣﮑﻮﻣﺖ ﮐﯽ ﺳﺮ
ﭘﺮﺳﺘﯽ ﺣﺎﺻﻞ ﮨﻮ ﮔﺌﯽ ﺗﮭﯽ ﺍﻭﺭ ﺧﻠﯿﻔﮧ ﻣﺎﻣﻮﻥ ﺍﻟﺮﺷﯿﺪ ﺍﺱ
ﻣﺴﺌﻠﮧ ﮐﺎ ﭘﺮ ﺟﻮﺵ ﺩﺍﻋﯽ ﺍﻭﺭ ﻣﺒﻠﻎ ﺑﻦ ﮔﯿﺎ۔ ۲۱۸ﮪ ؁ ﻣﯿﮟ
ﻭﺍﻟﯽ ﺑﻐﺪﺍﺩ ﺍﺳﺤﺎﻕ ﺑﻦ ﺍﺑﺮﺍﮨﯿﻢ ﮐﮯ ﻧﺎﻡ ﺍﯾﮏ ﻣﻔﺼﻞ ﻓﺮﻣﺎﻥ
ﺑﮭﯿﺠﺎ۔ ﺟﺲ ﻣﯿﮟ ﻋﺎﻣۃ ﺍﻟﻤﺴﻠﻤﯿﻦ ﺍﻭﺭ ﺑﺎﻟﺨﺼﻮﺹ ﻣﺤﺪﺛﯿﻦ
ﮐﺮﺍﻡ ﺭﺣﻤﮧ ﺍﻟﻠﮧ ﮐﯽ ﺳﺨﺖ ﻣﺬﻣﺖ ﺍﻭﺭ ﺣﻘﺎﺭﺕ ﺁﻣﯿﺰ ﺗﻨﻘﯿﺪ
ﮐﯽ۔ ﺍﻥ ﮐﻮ ﺧﻠﻖ ﻗﺮﺁﻥ ﮐﮯ ﻋﻘﯿﺪﮦ ﺳﮯ ﺍﺧﺘﻼﻑ ﮐﺮﻧﮯ ﮐﯽ ﻭﺟﮧ
ﺳﮯ ﺗﻮﺣﯿﺪ ﻣﯿﮟ ﻧﺎﻗﺺ، ﻣﺮﺩﻭﺩ ﺍﻟﺸﮩﺎﺩۃ، ﺳﺎﻗﻂ ﺍﻻﻋﺘﺒﺎﺭ ﺍﻭﺭ
ﺷﺮﺍﺭﺍﻣﺖ ﻗﺮﺍﺭ ﺩﯾﺎ ﺍﻭﺭ ﺣﺎﮐﻢ ﮐﻮ ﺣﮑﻢ ﺩﯾﺎ ﮐﮧ ﺟﻮ ﻟﻮﮒ ﺍﺱ
ﻣﺴﺌﻠﮧ ﮐﮯ ﻗﺎﺋﻞ ﻧﮧ ﮨﻮﮞ ﺍﻥ ﮐﻮ ﺍﻥ ﮐﮯ ﻋﮩﺪﻭﮞ ﺳﮯ ﻣﻌﺰﻭﻝ ﮐﺮ
ﺩﯾﺎ ﺟﺎﺋﮯ ﺍﻭﺭ ﺧﻠﯿﻔﮧ ﮐﻮ ﺍﺱ ﮐﯽ ﺍﻃﻼﻉ ﮐﯽ ﺟﺎﺋﮯ۔
ﻣﺎﻣﻮﻥ ﺍﻟﺮﺷﯿﺪ ﮐﮯ ﺍﺱ ﻓﺮﻣﺎﻥ ﮐﯽ ﻧﻘﻠﯿﮟ ﺗﻤﺎﻡ ﺍﺳﻼﻣﯽ
ﺻﻮﺑﻮﮞ ﮐﮯ ﮔﻮﺭﻧﺮﻭﮞ ﮐﻮ ﺑﮭﯿﺠﯽ ﮔﺌﯿﮟ ﺍﻭﺭ ﮔﻮﺭﻧﺮﻭﮞ ﮐﻮ
ﮨﺪﺍﯾﺖ ﮐﯽ ﮔﺌﯽ ﮐﮧ ﻭﮦ ﺍﺱ ﻓﺮﻣﺎﻥ ﭘﺮ ﻓﻮﺭﯼ ﻃﻮﺭ ﭘﺮ ﻋﻤﻞ
ﮐﺮﯾﮟ ﺍﻭﺭ ﺟﻮ ﺧﻠﻖ ﻗﺮﺁﻥ ﮐﺎ ﻗﺎﺋﻞ ﻧﮧ ﮨﻮ ﺍﺱ ﮐﻮ ﻓﻮﺭﺍ ﺍﺱ ﮐﮯ
ﻋﮩﺪﮮ ﺳﮯ ﮨﭩﺎﺩﯾﺎ ﺟﺎﺋﮯ۔
ﻣﺤﺪﺛﯿﻦ ﮐﯽ ﺍﯾﮏ ﺟﻤﺎﻋﺖ ﻧﮯ ﺧﻠﻖ ﻗﺮﺁﻥ ﮐﻮ ﺗﺴﻠﯿﻢ ﮐﺮﻧﮯ
ﺳﮯ ﺍﻧﮑﺎﺭ ﮐﺮ ﺩﯾﺎ۔ ﭼﻨﺎﻧﭽﮧ ﺍﻥ ﮐﻮ ﮔﺮﻓﺘﺎﺭ ﮐﺮ ﻟﯿﺎ ﮔﯿﺎ ﺍﻭﺭ ﺍﻥ ﮐﻮ
ﻣﺎﻣﻮﻥ ﺍﻟﺮﺷﯿﺪ ﮐﮯ ﭘﺎﺱ ﺑﮭﯿﺞ ﺩﯾﺎ ﮔﯿﺎ۔ ﻣﺎﻣﻮﻥ ﺍﻟﺮﺷﯿﺪ ﻧﮯ ﺍﻥ
ﺳﮯ ﺧﻠﻖ ﻗﺮﺁﻥ ﮐﮯ ﻣﺘﻌﻠﻖ ﺳﻮﺍﻝ ﮐﯿﺎ ﺍﻥ ﺳﺐ ﻧﮯ ﺍﺱ ﺳﮯ
ﺍﺗﻔﺎﻕ ﮐﯿﺎ ﺍﻭﺭ ﺍﻥ ﺳﺐ ﮐﻮ ﺑﻐﺪﺍﺩ ﻭﺍﭘﺲ ﺑﮭﯿﺞ ﺩﯾﺎ ﮔﯿﺎ ﻣﮕﺮ
ﭼﺎﺭ ﺍﺋﻤﮧ ﮐﺮﺍﻡ ﻧﮯ ﺧﻠﻖ ﻗﺮﺁﻥ ﮐﻮ ﺗﺴﻠﯿﻢ ﻧﮧ ﮐﯿﺎ ﺍﻭﺭ ﻭﮦ ﺍﭘﻨﯽ
ﺭﺍﺋﮯ )ﻋﺪﻡ ﺧﻠﻖ ﻗﺮﺁﻥ( ﭘﺮ ﻗﺎﺋﻢ ﺭﮨﮯ۔ ﯾﮧ ﭼﺎﺭ ﺍﺋﻤﮧ ﮐﺮﺍﻡ ﺍﻣﺎﻡ
ﺍﺣﻤﺪ ﺑﻦ ﺣﻨﺒﻞ، ﺳﺠﺎﺩﮦ، ﻗﻮﺍﺭﯾﺮﯼ ﺍﻭﺭ ﻣﺤﻤﺪ ﺑﻦ ﻧﻮﺡ ﺗﮭﮯ۔
ﺩﻭﺳﺮﮮ ﺩﻥ ﺳﺠﺎﺩﮦ ﺍﻭﺭ ﺗﯿﺴﺮﮮ ﺩﻥ ﻗﻮﺍﺭﯾﺮﯼ ﻧﮯ ﺑﮭﯽ ﺍﭘﻨﯽ
ﺭﺍﺋﮯ ﺳﮯ ﺭﺟﻮﻉ ﮐﯿﺎ۔ ﺻﺮﻑ ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺍﻭﺭ ﻣﺤﻤﺪ
ﺑﻦ ﻧﻮﺡ ﺑﺎﻗﯽ ﺭﮨﮯ۔
ﺍﻥ ﺩﻭﻧﻮﮞ ﮐﯽ ﺍﺑﮭﯽ ﻣﺎﻣﻮﻥ ﺍﻟﺮﺷﯿﺪ ﮐﮯ ﺳﺎﻣﻨﮯ ﭘﯿﺸﯽ ﻧﮩﯿﮟ
ﮨﻮﺋﯽ ﺗﮭﯽ ﮐﮧ ﻣﺎﻣﻮﻥ ﮐﺎ ﺍﻧﺘﻘﺎﻝ ﮨﻮ ﮔﯿﺎ۔ ﭼﻨﺎﻧﭽﮧ ﺍﻥ ﺩﻭﻧﻮﮞ ﮐﻮ
ﻭﺍﭘﺲ ﺑﻐﺪﺍﺩ ﺑﮭﯿﺞ ﺩﯾﺎ ﮔﯿﺎ۔ ﻣﺤﻤﺪ ﺑﻦ ﻧﻮﺡ ﻧﮯ ﺭﺍﺳﺘﮧ ﻣﯿﮟ
ﻭﻓﺎﺕ ﭘﺎﺋﯽ ﺍﻭﺭ ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺗﻨﮩﺎ ﺑﻐﺪﺍﺩ ﭘﮩﻨﭻ ﮔﺌﮯ۔
ﻣﺎﻣﻮﻥ ﺍﻟﺮﺷﯿﺪ ﻧﮯ ﺍﭘﻨﮯ ﺟﺎﻧﺸﯿﻦ ﻣﻌﺘﺼﻢ ﮐﻮ ﻭﺻﯿﺖ ﮐﯽ
ﺗﮭﯽ ﮐﮧ ﻭﮦ ﺧﻠﻖ ﻗﺮﺁﻥ ﮐﮯ ﻣﺴﺌﻠﮧ ﭘﺮ ﺳﺨﺘﯽ ﺳﮯ ﭘﺎﺑﻨﺪ ﺭﮨﮯ
ﺍﻭﺭ ﺍﺱ ﮐﯽ ﭘﺎﻟﯿﺴﯽ ﭘﺮ ﻋﻤﻞ ﮐﺮﮮ۔ ﺍﻭﺭ ﻗﺎﺿﯽ ﺍﺑﻦ ﺍﺑﯽ ﺩﺍﺅﺩ
ﮐﻮ ﺑﺪﺳﺘﻮﺭ ﺍﭘﻨﺎ ﻣﺸﯿﺮ ﺍﻭﺭ ﻭﺯﯾﺮ ﺑﻨﺎﺋﮯ ﺭﮐﮭﮯ۔ ﭼﻨﺎﻧﭽﮧ ﻣﻌﺘﺼﻢ
ﻧﮯ ﺍﻥ ﺩﻭﻧﻮﮞ ﻭﺻﯿﺘﻮﮞ ﭘﺮ ﭘﻮﺭﺍ ﭘﻮﺭﺍ ﻋﻤﻞ ﮐﯿﺎ۔
ﺍﺏ ﻣﺴﺌﻠﮧ ﺧﻠﻖ ﻗﺮﺁﻥ ﮐﯽ ﻣﺨﺎﻟﻔﺖ ﺍﻭﺭ ﻋﻘﯿﺪﮦ ﺻﺤﯿﺤﮧ ﮐﯽ
ﺣﻤﺎﯾﺖ ﺍﻭﺭ ﺣﮑﻮﻣﺖ ﻭﻗﺖ ﮐﮯ ﻣﻘﺎﺑﻠﮧ ﮐﯽ ﺫﻣﮧ ﺩﺍﺭﯼ ﺗﻨﮩﺎ
ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﮐﮯ ﺍﻭﭘﺮ ﺗﮭﯽ۔ ﻭﮦ ﻣﺤﺪﺛﯿﻦ ﮐﮯ ﺍﻣﺎﻡ ﺍﻭﺭ
ﺳﻨﺖ ﻭﺷﺮﯾﻌﺖ ﮐﮯ ﺍﺱ ﻭﻗﺖ ﺍﻣﯿﻦ ﺗﮭﮯ۔ ﭼﻨﺎﻧﭽﮧ ﺍﻣﺎﻡ
ﺻﺎﺣﺐ ﮐﻮ ﺑﯿﮍﯾﺎﮞ ﭘﮩﻨﺎ ﮐﺮ ﻣﻌﺘﺼﻢ ﮐﮯ ﺳﺎﻣﻨﮯ ﭘﯿﺶ ﮐﯿﺎ ﮔﯿﺎ۔
ﺗﯿﻦ ﺩﻥ ﻣﺴﺌﻠﮧ ﺧﻠﻖ ﻗﺮﺁﻥ ﭘﺮ ﻣﻨﺎﻇﺮﮦ ﮨﻮﺍ ﺍﻭﺭ ﻣﺴﺌﻠﮧ ﺧﻠﻖ
ﻗﺮﺁﻥ ﮐﮯ ﻗﺎﺋﻞ ﻻﺟﻮﺍﺏ ﮨﻮ ﮔﺌﮯ۔ ﺍﻣﺎﻡ ﺻﺎﺣﺐ ﮐﻮ ۲۸ ﮐﻮﮌﮮ
ﻣﺎﺭﮮ ﮔﺌﮯ، ﺍﯾﮏ ﺗﺎﺯﮦ ﺟﻼﺩ ﺻﺮﻑ ﺩﻭ ﮐﻮﮌﮮ ﻣﺎﺭﺗﺎ، ﺩﻭﺳﺮﺍ
ﺟﻼﺩ ﺑﻼﯾﺎ ﺟﺎﺗﺎ، ﺁﭖ ﮨﺮ ﮐﻮﮌﮮ ﭘﺮ ﻓﺮﻣﺎﺗﮯ ’’ :ﺍﻋﻄﻮﻧﯽ ﺷﮯﺋﺎ
ﻣﻦ ﮐﺘﺎﺏ ﺍﻟﻠﮧ ﺍﻭ ﺳﻨۃ ﺭﺳﻮﻟﮧ ﺣﺘﯽ ﺍﻗﻮﻝ ﺑﮧ’’‘‘ ﻣﯿﺮﮮ ﺳﺎﻣﻨﮯ
ﺍﻟﻠﮧ ﺗﻌﺎﻟﯽ ﮐﯽ ﮐﺘﺎﺏ ﯾﺎ ﺍﺱ ﮐﮯ ﺭﺳﻮﻝ ﮐﯽ ﺳﻨﺖ ﺳﮯ ﮐﭽﮫ
ﭘﯿﺶ ﮐﺮﻭ ﺗﻮ ﻣﯿﮟ ﺍﺱ ﮐﻮ ﺗﺴﻠﯿﻢ ﮐﺮﻟﻮﮞ ۔‘‘ )ﺍﻟﺒﺪﺍﯾﮧ ﻭﺍﻟﻨﮩﺎﮮۃ
۱۰؍۳۳۶ (
ﻭﺍﻗﻌﮧ ﮐﯽ ﺗﻔﺼﯿﻼﺕ ﺍﻣﺎﻡ ﺍﺣﻤﺪ ﺭﺣﻤﮧ ﺍﻟﻠﮧ ﮐﯽ ﺯﺑﺎﻥ ﺳﮯ:
ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ ﺍﻟﻠﮧ ﻧﮯ ﺍﺱ ﻭﺍﻗﻌﮧ ﮐﻮ ﺧﻮﺩ
ﺗﻔﺼﯿﻞ ﺳﮯ ﺑﯿﺎﻥ ﮐﯿﺎ ﮨﮯ، ﻭﮦ ﻓﺮﻣﺎﺗﮯ ﮨﯿﮟ : ﻣﯿﮟ ﺟﺐ ﺍﺱ
ﻣﻘﺎﻡ ﭘﺮ ﭘﮩﻨﭽﺎ ﺟﺲ ﮐﺎ ﻧﺎﻡ ﺑﺎﺏ ﺍﻟﺒﺴﺘﺎﻥ ﮨﮯ ﺗﻮ ﻣﯿﺮﮮ ﻟﺌﮯ
ﺳﻮﺍﺭﯼ ﻻﺋﯽ ﮔﺌﯽ ﺍﻭﺭ ﻣﺠﮫ ﮐﻮ ﺳﻮﺍﺭ ﮨﻮﻧﮯ ﮐﺎ ﺣﮑﻢ ﺩﯾﺎ ﮔﯿﺎ۔
ﻣﺠﮭﮯ ﺍﺱ ﻭﻗﺖ ﮐﻮﺋﯽ ﺳﮩﺎﺭﺍ ﺩﯾﻨﮯ ﻭﺍﻻ ﻧﮩﯿﮟ ﺗﮭﺎ ﺍﻭﺭ ﻣﯿﺮﮮ
ﭘﺎﺅﮞ ﻣﯿﮟ ﺑﻮﺟﮭﻞ ﺑﯿﮍﯾﺎﮞ ﺗﮭﯿﮟ، ﺳﻮﺍﺭ ﮨﻮﻧﮯ ﮐﯽ ﮐﻮﺷﺶ ﻣﯿﮟ
ﮐﺌﯽ ﻣﺮﺗﺒﮧ ﺍﭘﻨﮯ ﻣﻨﮧ ﮐﮯ ﺑﻞ ﮔﺮﺗﮯ ﮔﺮﺗﮯ ﺑﭽﺎ۔ ﺁﺧﺮ ﮐﺴﯽ ﻧﮧ
ﮐﺴﯽ ﻃﺮﺡ ﺳﻮﺍﺭ ﮨﻮﺍ ﺍﻭﺭ ﻣﻌﺘﺼﻢ ﮐﮯ ﻣﺤﻞ ﻣﯿﮟ ﭘﮩﻨﭽﺎ۔
ﻣﺠﮭﮯ ﺍﯾﮏ ﮐﻮﭨﮭﮍﯼ ﻣﯿﮟ ﺩﺍﺧﻞ ﮐﺮ ﺩﯾﺎ ﮔﯿﺎ ﺍﻭﺭ ﺩﺭﻭﺍﺯﮦ ﺑﻨﺪ ﮐﺮ
ﺩﯾﺎ ﮔﯿﺎ۔ ﺁﺩﮬﯽ ﺭﺍﺕ ﮐﺎ ﻭﻗﺖ ﺗﮭﺎ ﺍﻭﺭ ﻭﮨﺎﮞ ﮐﻮﺋﯽ ﭼﺮﺍﻍ ﻧﮩﯿﮟ
ﺗﮭﺎ۔ ﻣﯿﮟ ﻧﮯ ﻧﻤﺎﺯ ﮐﮯ ﻟﺌﮯ ﻣﺴﺢ ﮐﺮﻧﺎ ﭼﺎﮨﺎ ﺍﻭﺭ ﮨﺎﺗﮫ ﺑﮍﮬﺎﯾﺎ ﺗﻮ
ﭘﺎﻧﯽ ﮐﺎ ﺍﯾﮏ ﭘﯿﺎﻟﮧ ﺍﻭﺭ ﻃﺸﺖ ﺭﮐﮭﺎ ﻣﻼ، ﻣﯿﮟ ﻧﮯ ﻭﺿﻮ ﮐﯿﺎ
ﺍﻭﺭ ﻧﻤﺎﺯ ﭘﮍﮬﯽ۔ ﺍﮔﻠﮯ ﺩﻥ ﻣﻌﺘﺼﻢ ﮐﺎ ﻗﺎﺻﺪ ﺁﯾﺎ ﺍﻭﺭ ﻣﺠﮭﮯ
ﺧﻠﯿﻔﮧ ﮐﮯ ﺩﺭﺑﺎﺭ ﻣﯿﮟ ﻟﮯ ﮔﯿﺎ۔ ﻣﻌﺘﺼﻢ ﺑﯿﭩﮭﺎ ﮨﻮﺍ ﺗﮭﺎ، ﻗﺎﺿﯽ
ﺍﻟﻘﻀﺎۃ ﺍﺑﻦ ﺍﺑﯽ ﺩﺍﺅﺩ ﺑﮭﯽ ﻣﻮﺟﻮﺩ ﺗﮭﺎ۔ ﺍﻭﺭ ﺍﻥ ﮐﮯ ﮨﻢ ﺧﯿﺎﻟﻮﮞ
ﮐﯽ ﺍﯾﮏ ﺑﮍﯼ ﺟﻤﻌﯿﺖ ﺗﮭﯽ۔ ﺍﺑﻮ ﻋﺒﺪﺍﻟﺮﺣﻤﺎﻥ ﺍﻟﺸﺎﻓﻌﯽ ﺑﮭﯽ
ﻣﻮﺟﻮﺩ ﺗﮭﮯ، ﺍﺳﯽ ﻭﻗﺖ ﺩﻭ ﺁﺩﻣﯿﻮﮞ ﮐﯽ ﮔﺮﺩﻧﯿﮟ ﺑﮭﯽ ﺍﮌﺍﺋﯽ
ﺟﺎ ﭼﮑﯽ ﺗﮭﯿﮟ۔ ﻣﯿﮟ ﻧﮯ ﺍﺑﻮ ﻋﺒﺪﺍﻟﺮﺣﻤﺎﻥ ﺍﻟﺸﺎﻓﻌﯽ ﺳﮯ ﮐﮩﺎ ﮐﮧ
ﺗﻢ ﮐﻮ ﺍﻣﺎﻡ ﺷﺎﻓﻌﯽ ﺳﮯ ﻣﺴﺢ ﮐﮯ ﺑﺎﺭﮮ ﻣﯿﮟ ﮐﭽﮫ ﯾﺎ ﺩ ﮨﮯ۔
ﺍﺑﻦ ﺍﺑﻮ ﺩﺍﺅﺩ ﻧﮯ ﮐﮩﺎ ﮐﮧ ﺍﺱ ﺷﺨﺺ ﮐﻮ ﺩﯾﮑﮭﻮ ﮐﮧ ﺍﺱ ﮐﯽ
ﮔﺮﺩﻥ ﺍﮌﺍﺋﯽ ﺟﺎﻧﮯ ﻭﺍﻟﯽ ﮨﮯ۔ ﺍﻭﺭ ﯾﮧ ﻓﻘﮧ ﮐﯽ ﺗﺤﻘﯿﻖ ﮐﺮ ﺭﮨﺎ ﮨﮯ۔
ﻣﻌﺘﺼﻢ ﻧﮯ ﮐﮩﺎ ﮐﮧ ﺍﻥ ﮐﻮ ﻣﯿﺮﮮ ﭘﺎﺱ ﻻﺅ ، ﻭﮦ ﺑﺮﺍﺑﺮ ﻣﺠﮭﮯ
ﺑﻼﺗﺎ ﺭﮨﺎ، ﯾﮩﺎﮞ ﺗﮏ ﮐﮧ ﻣﯿﮟ ﺍﺱ ﮐﮯ ﺑﮩﺖ ﻗﺮﯾﺐ ﮨﻮ ﮔﯿﺎ۔ ﺍﺱ
ﻧﮯ ﮐﮩﺎ ﺑﯿﭩﮫ ﺟﺎﺅ، ﻣﯿﮟ ﺑﯿﮍﯾﻮﮞ ﺳﮯ ﺗﮭﮏ ﮔﯿﺎ ﺗﮭﺎ ﺍﻭﺭ ﺑﻮﺟﮭﻞ
ﮨﻮ ﺭﮨﺎ ﺗﮭﺎ، ﺗﮭﻮﮌﯼ ﺩﯾﺮ ﮐﮯ ﺑﻌﺪ ﻣﯿﮟ ﻧﮯ ﮐﮩﺎ ﮐﮧ ﻣﺠﮭﮯ ﮐﭽﮫ
ﮐﮩﻨﮯ ﮐﯽ ﺍﺟﺎﺯﺕ ﮨﮯ؟ ﺧﻠﯿﻔﮧ ﻧﮯ ﮐﮩﺎ، ﮐﮩﻮ، ﻣﯿﮟ ﻧﮯ ﮐﮩﺎ ﮐﮧ
ﻣﯿﮟ ﭘﻮﭼﮭﻨﺎ ﭼﺎﮨﺘﺎ ﮨﻮﮞ ﮐﮧ ﺍﻟﻠﮧ ﮐﮯ ﺭﺳﻮﻝ ﻧﮯ ﮐﺲ ﭼﯿﺰ ﮐﯽ
ﻃﺮﻑ ﺩﻋﻮﺕ ﺩﯼ ﮨﮯ؟ ﺗﮭﻮﮌﯼ ﺩﯾﺮ ﮐﯽ ﺧﺎﻣﻮﺷﯽ ﮐﮯ ﺑﻌﺪ ﺍﺱ
ﻧﮯ ﮐﮩﺎ ﮐﮧ ﻻﺍﻟﮧ ﺍﻻ ﺍﻟﻠﮧ ﮐﯽ ﺷﮩﺎﺩﺕ ﮐﯽ ﻃﺮﻑ۔ ﺗﻮ ﻣﯿﮟ ﻧﮯ ﮐﮩﺎ
ﺗﻮ ﻣﯿﮟ ﺍﺱ ﮐﯽ ﺷﮩﺎﺩﺕ ﺩﯾﺘﺎ ﮨﻮﮞ۔ ﭘﮭﺮ ﻣﯿﮟ ﻧﮯ ﮐﮩﺎ ﮐﮧ ﺁﭖ
ﮐﮯ ﺟﺪﺍ ﻣﺠﺪ ﺍﺑﻦ ﻋﺒﺎﺱ ﺭﺿﯽ ﺍﻟﻠﮧ ﮐﯽ ﺭﻭﺍﯾﺖ ﮨﮯ ﮐﮧ ﺟﺐ
ﻗﺒﯿﻠﮧ ﻋﺒﺪﺍﻟﻘﯿﺲ ﮐﺎ ﻭﻓﺪ ﺁﻧﺤﻀﺮﺕ ﷺ ﮐﯽ ﺧﺪﻣﺖ ﻣﯿﮟ ﺣﺎﺿﺮ
ﮨﻮﺍ۔ ﺗﻮ ﺍﻧﮩﻮﮞ ﻧﮯ ﺍﯾﻤﺎﻥ ﮐﮯ ﺑﺎﺭﮮ ﻣﯿﮟ ﺁﭖ ﺳﮯ ﺳﻮﺍﻝ ﮐﯿﺎ،
ﻓﺮﻣﺎﯾﺎ ﺗﻤﮩﯿﮟ ﻣﻌﻠﻮﻡ ﮨﮯ ﮐﮧ ﺍﯾﻤﺎﻥ ﮐﯿﺎ ﮨﮯ؟ ﺍﻧﮩﻮﮞ ﻧﮯ ﮐﮩﺎ ﮐﮧ
ﺍﻟﻠﮧ ﺍﻭﺭ ﺍﺱ ﮐﮯ ﺭﺳﻮﻝ ﮐﻮ ﺯﯾﺎﺩﮦ ﻣﻌﻠﻮﻡ ﮨﮯ، ﻓﺮﻣﺎﯾﺎ ﺍﺱ ﺑﺎﺕ
ﮐﯽ ﮔﻮﺍﮨﯽ ﮐﮧ ﺍﻟﻠﮧ ﮐﮯ ﺳﻮﺍ ﮐﻮﺋﯽ ﻣﻌﺒﻮﺩ ﻧﮩﯿﮟ ﺍﻭﺭ ﻣﺤﻤﺪ ﷺ
ﺍﻟﻠﮧ ﮐﮯ ﺭﺳﻮﻝ ﮨﯿﮟ۔ ﻧﻤﺎﺯ ﮐﯽ ﭘﺎﺑﻨﺪﯼ، ﺯﮐﻮٰۃ ﮐﯽ ﺍﺩﺍﺋﯿﮕﯽ، ﺍﻭﺭ
ﻣﺎﻝ ﻏﻨﯿﻤﺖ ﺳﮯ ﭘﺎﻧﭽﻮﺍﮞ ﺣﺼﮧ ﻧﮑﺎﻟﻨﺎ، ﺍﺱ ﭘﺮ ﻣﻌﺘﺼﻢ ﻧﮯ
ﮐﮩﺎ : ﺍﮔﺮ ﺗﻢ ﻣﯿﺮﮮ ﭘﯿﺶ ﺭﻭ ﮐﮯ ﮨﺎﺗﮫ ﻣﯿﮟ ﭘﮩﻠﮯ ﻧﮧ ﺁﮔﺌﮯ ﮨﻮﺗﮯ
ﺗﻮ ﻣﯿﮟ ﺗﻢ ﺳﮯ ﺗﻌﺮﺽ ﻧﮧ ﮐﺮﺗﺎ۔ ﭘﮭﺮ ﻋﺒﺪﺍﻟﺮﺣﻤﻦ ﺑﻦ ﺍﺳﺤﺎﻕ
ﮐﯽ ﻃﺮﻑ ﻣﺨﺎﻃﺐ ﮨﻮ ﮐﺮ ﮐﮩﺎ ﮐﮧ ﻣﯿﮟ ﻧﮯ ﺗﻢ ﮐﻮ ﺣﮑﻢ ﻧﮩﯿﮟ
ﺩﯾﺎ ﺗﮭﺎ ﮐﮧ ﺍﺱ ﺁﺯﻣﺎﺋﺶ ﮐﻮ ﺧﺘﻢ ﮐﺮﻭ۔ ﺍﻣﺎﻡ ﺍﺣﻤﺪ ﮐﮩﺘﮯ ﮨﯿﮟ
ﮐﮧ ﻣﯿﮟ ﻧﮯ ﮐﮩﺎ، ﺍﻟﻠﮧ ﺍﮐﺒﺮ۔ ﺍﺱ ﻣﯿﮟ ﺗﻮ ﻣﺴﻠﻤﺎﻧﻮﮞ ﮐﮯ ﻟﺌﮯ
ﮐﺸﺎﺋﺶ ﮨﮯ۔ ﺧﻠﯿﻔﮧ ﻧﮯ ﺣﺎﺿﺮﯾﻦ ﻋﻠﻤﺎﺀ ﺳﮯ ﮐﮩﺎ ﮐﮧ ﺍﻥ ﺳﮯ
ﻣﻨﺎﻇﺮﮦ ﮐﺮﻭ ﺍﻭﺭ ﮔﻔﺘﮕﻮ ﮐﺮﻭ۔ )ﯾﮩﺎﮞ ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺍﺱ
ﻣﻨﺎﻇﺮﮦ ﮐﯽ ﺗﻔﺼﯿﻞ ﺑﯿﺎﻥ ﮐﺮﺗﮯ ﮨﯿﮟ(
ﺍﯾﮏ ﺁﺩﻣﯽ ﺑﺎﺕ ﮐﺮﺗﺎ ﺍﻭﺭ ﻣﯿﮟ ﺍﺱ ﮐﺎ ﺟﻮﺍﺏ ﺩﯾﺘﺎ۔ ﺩﻭﺳﺮﺍ
ﺑﺎﺕ ﮐﺮﺗﺎ ﺗﻮ ﻣﯿﮟ ﺍﺱ ﮐﺎ ﺟﻮﺍﺏ ﺩﯾﺘﺎ، ﻣﻌﺘﺼﻢ ﮐﮩﺘﺎ ﺍﺣﻤﺪ! ﺗﻢ
ﭘﺮ ﺧﺪﺍ ﺭﺣﻢ ﮐﺮﮮ، ﺗﻢ ﮐﯿﺎ ﮐﮩﺘﮯ ﮨﻮ؟ﻣﯿﮟ ﮐﮩﺘﺎ ﮨﻮﮞ
ﺍﻣﯿﺮﺍﻟﻤﻮﻣﻨﯿﻦ ! ﻣﺠﮭﮯ ﮐﺘﺎﺏ ﺍﻟﻠﮧ ﯾﺎ ﺳﻨﺖ ﺭﺳﻮﻝ ﷺ ﺳﮯ ﮐﭽﮫ
ﺩﮐﮭﺎﮮﺋﮯ ﺗﻮ ﻣﯿﮟ ﺍﺱ ﮐﺎ ﻗﺎﺋﻞ ﮨﻮ ﺟﺎﺅﮞ ﮔﺎ۔ ﻣﻌﺘﺼﻢ ﮐﮩﺘﺎ ﮨﮯ
ﮐﮧ ﺍﮔﺮ ﯾﮧ ﻣﯿﺮﯼ ﺑﺎﺕ ﻗﺒﻮﻝ ﮐﺮﻟﯿﮟ ﺗﻮ ﻣﯿﮟ ﺍﭘﻨﮯ ﮨﺎﺗﮫ ﺳﮯ ﺍﻥ
ﮐﻮ ﺁﺯﺍﺩ ﮐﺮﺩﻭﮞ ﺍﻭﺭ ﺍﭘﻨﮯ ﻟﺸﮑﺮ ﮐﮯ ﺳﺎﺗﮫ ﺍﻥ ﮐﮯ ﭘﺎﺱ ﺟﺎﺅﮞ
ﺍﻭﺭ ﺍﻥ ﮐﮯ ﺁﺳﺘﺎﻧﮧ ﭘﺮ ﺣﺎﺿﺮ ﮨﻮﮞ، ﭘﮭﺮ ﮐﮩﺘﺎ ﺍﺣﻤﺪ ! ﻣﯿﮟ ﺗﻢ ﭘﺮ
ﺑﮩﺖ ﺷﻔﯿﻖ ﮨﻮﮞ ﺍﻭﺭ ﻣﺠﮭﮯ ﺗﻤﮩﺎﺭﺍ ﺍﯾﺴﺎ ﺧﯿﺎﻝ ﮨﮯ ﺟﯿﺴﮯ
ﺍﭘﻨﮯ ﺑﯿﭩﮯ ﮨﺎﺭﻭﻥ ﮐﺎ۔ ﺗﻢ ﮐﯿﺎ ﮐﮩﺘﮯ ﮨﻮ؟ ﻣﯿﮟ ﻭﮨﯽ ﺟﻮﺍﺏ ﺩﯾﺘﺎ
ﮐﮧ ﻣﺠﮭﮯ ﮐﺘﺎﺏ ﺍﻟﻠﮧ ﯾﺎ ﺳﻨﺖ ﺭﺳﻮﻝ ﷺ ﻣﯿﮟ ﺳﮯ ﮐﭽﮫ ﺩﮐﮭﺎﺅ
ﺗﻮ ﻣﯿﮟ ﻗﺎﺋﻞ ﮨﻮﮞ ﮔﺎ۔ ﺟﺐ ﺑﮩﺖ ﺩﯾﺮ ﮨﻮ ﮔﺌﯽ ﺗﻮ ﺑﮩﺖ ﺍﮐﺘﺎ ﮔﯿﺎ
ﺍﻭﺭ ﮐﮩﺎ ﺟﺎﺅ، ﻣﺠﮭﮯ ﻗﯿﺪ ﮐﺮ ﺩﯾﺎ ﺍﻭﺭ ﻣﯿﮟ ﺍﭘﻨﯽ ﭘﮩﻠﯽ ﺟﮕﮧ ﭘﺮ
ﻭﺍﭘﺲ ﮐﺮ ﺩﯾﺎ ﮔﯿﺎ۔ ﺍﮔﻠﮯ ﺩﻥ ﭘﮭﺮ ﻣﺠﮭﮯ ﻃﻠﺐ ﮐﯿﺎ ﮔﯿﺎ ﺍﻭﺭ
ﻣﻨﺎﻇﺮﮦ ﮨﻮﺗﺎ ﺭﮨﺎ ﺍﻭﺭ ﻣﯿﮟ ﺳﺐ ﮐﺎ ﺟﻮﺍﺏ ﺩﯾﺘﺎ ﺭﮨﺎ۔ ﯾﮩﺎﮞ ﺗﮏ
ﮐﮧ ﺯﻭﺍﻝ ﮐﺎ ﻭﻗﺖ ﮨﻮ ﮔﯿﺎ ﺟﺐ ﺍﮐﺘﺎ ﮔﯿﺎ ﺗﻮ ﮐﮩﺎ ﺍﻥ ﮐﻮ ﻟﮯ ﺟﺎﺅ،
ﺗﯿﺴﺮﯼ ﺭﺍﺕ ﮐﻮ ﻣﯿﮟ ﺳﻤﺠﮭﺎ ﮐﮧ ﮐﻞ ﮐﭽﮫ ﮨﻮ ﮐﺮ ﺭﮨﮯ ﮔﺎ، ﻣﯿﮟ
ﻧﮯ ﮈﻭﺭﯼ ﻣﻨﮕﻮﺍﺋﯽ۔ ﺍﻭﺭ ﺍﺱ ﺳﮯ ﺍﭘﻨﯽ ﺑﯿﮍﯾﻮﮞ ﮐﻮ ﮐﺲ ﻟﯿﺎ ﺍﻭﺭ
ﺟﺲ ﺁﺯﺍﺭ ﺑﻨﺪ ﺳﮯ ﻣﯿﮟ ﻧﮯ ﺑﯿﮍﯾﺎﮞ ﺑﺎﻧﺪﮪ ﺭﮐﮭﯽ ﺗﮭﯿﮟ ﺍﺳﮯ
ﺍﭘﻨﮯ ﭘﺎﺋﺠﺎﻣﮧ ﻣﯿﮟ ﭘﮭﺮ ﮈﺍﻝ ﺩﯾﺎ ﮐﮧ ﮐﮩﯿﮟ ﮐﻮﺋﯽ ﺳﺨﺖ ﻭﻗﺖ
ﺁﺋﮯ ﺍﻭﺭ ﻣﯿﮟ ﺑﺮﮨﻨﮧ ﻧﮧ ﮨﻮ ﺟﺎﺅﮞ۔ ﺗﯿﺴﺮﮮ ﺭﻭﺯ ﻣﺠﮭﮯ ﭘﮭﺮ
ﻃﻠﺐ ﮐﯿﺎ ﮔﯿﺎ، ﻣﯿﮟ ﻧﮯ ﺩﯾﮑﮭﺎ ﮐﮧ ﺩﺭﺑﺎﺭ ﺑﮭﺮﺍ ﮨﻮﺍ ﮨﮯ، ﻣﯿﮟ
ﻣﺨﺘﻠﻒ ﮈﯾﻮﮌﮬﯿﺎﮞ ﺍﻭﺭ ﻣﻘﺎﻣﺎﺕ ﻃﮯ ﮐﺮﺗﺎ ﮨﻮﺍ ﺁﮔﮯ ﺑﮍﮬﺎ۔ ﮐﭽﮫ
ﻟﻮﮒ ﺗﻠﻮﺍﺭﯾﮟ ﻟﺌﮯ ﮐﮭﮍﮮ ﺗﮭﮯ، ﮐﭽﮫ ﻟﻮﮒ ﮐﻮﮌﮮ ﻟﺌﮯ۔ ﭘﮩﻠﮯ ﺩﻭ
ﺩﻧﻮﮞ ﮐﮯ ﺑﮩﺖ ﺳﮯ ﻟﻮﮒ ﺁﺝ ﻧﮩﯿﮟ ﺗﮭﮯ۔ ﺟﺐ ﻣﻌﺘﺼﻢ ﮐﮯ ﭘﺎﺱ
ﭘﮩﻨﭽﺎ، ﺗﻮ ﮐﮩﺎ ﺑﯿﭩﮫ ﺟﺎﺅ، ﭘﮭﺮ ﮐﮩﺎ ﺍﻥ ﺳﮯ ﻣﻨﺎﻇﺮﮦ ﮐﺮﻭ ﺍﻭﺭ
ﮔﻔﺘﮕﻮ ﮐﺮﻭ۔ ﻟﻮﮒ ﻣﻨﺎﻇﺮﮦ ﮐﺮﻧﮯ ﻟﮕﮯ۔ ﻣﯿﮟ ﺍﯾﮏ ﮐﺎ ﺟﻮﺍﺏ ﺩﯾﺘﺎ،
ﭘﮭﺮ ﺩﻭﺳﺮﮮ ﮐﺎ ﺟﻮﺍﺏ ﺩﯾﺘﺎ، ﻣﯿﺮﯼ ﺁﻭﺍﺯ ﺳﺐ ﭘﺮ ﻏﺎﻟﺐ ﺗﮭﯽ،
ﺟﺐ ﺩﯾﺮ ﮨﻮ ﮔﺌﯽ ﺗﻮ ﻣﺠﮭﮯ ﺍﻟﮓ ﮐﺮ ﺩﯾﺎ ﮔﯿﺎ ﺍﻭﺭ ﺍﻥ ﮐﮯ ﺳﺎﺗﮫ
ﺗﺨﻠﯿﮧ ﻣﯿﮟ ﮐﭽﮫ ﺑﺎﺕ ﮐﯽ، ﭘﮭﺮ ﺍﻥ ﮐﻮ ﮨﭩﺎﺩﯾﺎ ﺍﻭﺭ ﻣﺠﮭﮯ ﺑﻼ
ﻟﯿﺎ ﭘﮭﺮ ﮐﮩﺎ ﺍﺣﻤﺪ! ﺗﻢ ﭘﺮ ﺧﺪﺍ ﺭﺣﻢ ﮐﺮﮮ۔ ﻣﯿﺮﯼ ﺑﺎﺕ ﻣﺎﻥ ﻟﻮ۔
ﻣﯿﮟ ﺗﻢ ﮐﻮ ﺍﭘﻨﮯ ﮨﺎﺗﮫ ﺳﮯ ﺭﮨﺎ ﮐﺮ ﺩﻭﮞ ﮔﺎ، ﻣﯿﮟ ﻧﮯ ﭘﮩﻼ ﺳﺎ
ﺟﻮﺍﺏ ﺩﯾﺎ۔ ﺍﺱ ﭘﺮ ﺍﺱ ﻧﮯ ﺑﺮﮨﻢ ﮨﻮ ﮐﺮ ﮐﮩﺎ ﮐﮧ ﺍﻥ ﮐﻮ ﭘﮑﮍﻭ
ﺍﻭﺭﮐﮭﯿﻨﭽﻮ ﺍﻭﺭ ﺍﻥ ﮐﮯ ﮨﺎﺗﮫ ﺍﮐﮭﯿﮍ ﺩﻭ۔ ﻣﻌﺘﺼﻢ ﮐﺮﺳﯽ ﭘﺮ ﺑﯿﭩﮫ
ﮔﯿﺎ ﺟﻼﺩﻭﮞ ﺍﻭﺭ ﺗﺎﺯﯾﺎﻧﮧ ﻟﮕﺎﻧﮯ ﻭﺍﻟﻮﮞ ﮐﻮ ﺑﻼﯾﺎ، ﺟﻼﺩﻭﮞ ﺳﮯ
ﮐﮩﺎ ﺁﮔﮯ ﺑﮍﮬﻮ، ﺍﯾﮏ ﺁﺩﻣﯽ ﺁﮔﮯ ﺑﮍﮬﺘﺎ ﺍﻭﺭ ﻣﺠﮭﮯ ﺩﻭ ﮐﻮﮌﮮ
ﻣﺎﺭﺗﺎ۔ ﻣﻌﺘﺼﻢ ﮐﮩﺘﺎ: ﺯﻭﺭ ﺳﮯ ﮐﻮﮌﮮ ﻟﮕﺎﺅ ﭘﮭﺮ ﻭﮦ ﮨﭧ ﺟﺎﺗﺎ
ﺍﻭﺭ ﺩﻭﺳﺮﺍ ﺁﺗﺎ، ﺩﻭ ﮐﻮﮌﮮ ﻟﮕﺎﺗﺎ )۱۹ ( ﮐﻮﮌﻭﮞ ﮐﮯ ﺑﻌﺪ ﻣﻌﺘﺼﻢ
ﻣﯿﺮﮮ ﭘﺎﺱ ﺁﯾﺎ ﺍﻭﺭ ﮐﮩﺎ ﮐﮧ ﺍﺣﻤﺪ! ﮐﯿﻮﮞ ﺍﭘﻨﯽ ﺟﺎﻥ ﮐﮯ
ﭘﯿﭽﮭﮯ ﭘﮍﮮ ﮨﻮ! ﺑﺨﺪﺍ ﻣﺠﮭﮯ ﺗﻤﮩﺎﺭﺍ ﺑﮍﺍ ﺧﯿﺎﻝ ﮨﮯ۔ ﺍﯾﮏ
ﺷﺨﺺ ﻋﺠﯿﻒ ﻣﺠﮭﮯ ﺍﭘﻨﯽ ﺗﻠﻮﺍﺭ ﮐﮯ ﺩﺳﺘﮯ ﺳﮯ ﭼﮭﯿﮍﺗﺎ ﺍﻭﺭ
ﮐﮩﺘﺎ ﮐﮧ ﺗﻢ ﺍﻥ ﺳﺐ ﭘﺮ ﻏﺎﻟﺐ ﺁﻧﺎ ﭼﺎﮨﺘﮯ ﮨﻮ۔ ﺩﻭﺳﺮﺍ ﮐﮩﺘﺎ، ﺍﻟﻠﮧ
ﮐﮯ ﺑﻨﺪﮮ! ﺧﻠﯿﻔﮧ ﺗﻤﮩﺎﺭﮮ ﺳﺮ ﭘﺮ ﮐﮭﮍﺍ ﮨﮯ۔ ﮐﻮﺋﯽ ﮐﮩﺘﺎ
ﺍﻣﯿﺮﺍﻟﻤﻮﻣﻨﯿﻦ ﺁﭖ ﺭﻭﺯﮮ ﺳﮯ ﮨﯿﮟ۔ ﺁﭖ ﺩﮬﻮﭖ ﻣﯿﮟ ﮐﮭﮍﮮ
ﮨﻮﺋﮯ ﮨﯿﮟ۔ ﻣﻌﺘﺼﻢ ﭘﮭﺮ ﻣﺠﮫ ﺳﮯ ﺑﺎﺕ ﮐﺮﺗﺎ ﺍﻭﺭ ﻣﯿﮟ ﺍﺱ ﮐﻮ
ﻭﮨﯽ ﺟﻮﺍﺏ ﺩﯾﺘﺎ ﭘﮭﺮ ﻭﮦ ﺟﻼﺩ ﮐﻮ ﺣﮑﻢ ﺩﯾﺘﺎ ﮐﮧ ﭘﻮﺭﯼ ﻗﻮﺕ
ﺳﮯ ﮐﻮﮌﮮ ﻟﮕﺎﺅ۔ ﺍﻣﺎﻡ ﮐﮩﺘﮯ ﮨﯿﮟ ﮐﮧ ﭘﮭﺮ ﺍﺱ ﺍﺛﻨﺎﺀ ﻣﯿﮟ ﻣﯿﺮﮮ
ﺣﻮﺍﺱ ﺟﺎﺗﮯ ﺭﮨﮯ۔ ﺟﺐ ﻣﯿﮟ ﮨﻮﺵ ﻣﯿﮟ ﺁﯾﺎ ﺗﻮ ﺩﯾﮑﮭﺎ ﮐﮧ
ﺑﯿﮍﯾﺎﮞ ﮐﮭﻮﻝ ﺩﯼ ﮔﺌﯽ ﮨﯿﮟ۔ ﺣﺎﺿﺮﯾﻦ ﻣﯿﮟ ﺳﮯ ﺍﯾﮏ ﺷﺨﺺ
ﻧﮯ ﮐﮩﺎ ﮐﮧ ﮨﻢ ﻧﮯ ﺗﻢ ﮐﻮ ﺍﻭﻧﺪﮬﮯ ﻣﻨﮧ ﮔﺮﺍﺩﯾﺎ، ﺗﻢ ﮐﻮ ﺭﻭﻧﺪﺍ۔
ﺍﺣﻤﺪ ﮐﮩﺘﮯ ﮨﯿﮟ ﮐﮧ ﻣﺠﮫ ﮐﻮ ﮐﭽﮫ ﺍﺣﺴﺎﺱ ﻧﮩﯿﮟ ﮨﻮﺍ۔ )ﺗﺎﺭﯾﺦ
ﺩﻋﻮﺕ ﻭﻋﺰﯾﻤﺖ ﺍﺯ ﻣﻮﻻﻧﺎ ﺍﺑﻮﺍﻟﺤﺴﻦ ﻧﺪﻭﯼ ۹۶۱۔۹۹، ﺑﺤﻮﺍﻟﮧ
ﺗﺎﺭﯾﺦ ﺍﻻﺳﻼﻡ ﻟﻠﺬﮨﺒﯽ ﺗﺮﺟﻤﮧ ﺍﻣﺎﻡ ﺍﺣﻤﺪ ﺹ ۴۱۔۴۹(
ﺍﻣﺎﻡ ﺍﺣﻤﺪ ﮐﯽ ﺑﮯ ﻧﻈﯿﺮ ﻋﺰﯾﻤﺖ ﻭ ﺍﺳﺘﻘﺎﻣﺖ :
ﻣﻮﻻﻧﺎ ﺍﺑﻮﺍﻟﮑﻼﻡ ﺁ ﺯﺍﺩ ﺭﺣﻤﮧ ﺍﻟﻠﮧ ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ
ﺍﻟﻠﮧ ﮐﯽ ﻋﺰﯾﻤﺖ ﻭﺍﺳﺘﻘﺎﻣﺖ ﮐﮯ ﺑﺎﺭﮮ ﻣﯿﮟ ﻓﺮﻣﺎﺗﮯ ﮨﯿﮟ ﮐﮧ:
ﺗﯿﺴﺮﯼ ﺻﺪﯼ ﮐﮯ ﺍﻭﺍﺋﻞ ﻣﯿﮟ ﺟﺐ ﻓﺘﻨﮧ ﺍﻋﺘﺰﺍﻝ ﻭﺗﻌﻤﻖ ﻓﯽ
ﺍﻟﺪﯾﻦ ﺍﻭﺭ ﺑﺪﻋﺖ ﻣﻀﻠﮧ، ﺗﮑﻠﻢ ﺑﺎﻟﻔﻠﺴﻔﮧ ﻭﺍﻧﺤﺮﺍﻑ ﻋﻦ
ﺍﻋﺘﺼﺎﻡ ﺍﻟﺴﻨﮧ ﻧﮯ ﺳﺮ ﺍﭨﮭﺎﯾﺎ ﺍﻭﺭ ﺻﺮﻑ ﺍﯾﮏ ﮨﯽ ﻧﮩﯿﮟ ﺑﻠﮑﮧ
ﻟﮕﺎﺗﺎﺭ ﺗﯿﻦ ﻋﻈﯿﻢ ﺍﻟﺸﺎﻥ ﻓﺮﻣﺎﻧﺮﻭﺍﺅﮞ ﯾﻌﻨﯽ ﻣﺎﻣﻮﻥ، ﻣﺘﺼﻢ
ﺍﻭﺭ ﻭﺍﺛﻖ ﺑﺎﻟﻠﮧ ﮐﯽ ﺷﻤﺸﯿﺮ ﺍﺳﺘﺒﺪﺍﺩ ﺍﻭﺭ ﻗﮩﺮ ﺣﮑﻮﻣﺖ ﻧﮯ
ﺍﺱ ﻓﺘﻨﮯ ﮐﺎ ﺳﺎﺗﮫ ﺩﯾﺎ۔ ﺣﺘﯽ ﮐﮧ ﺑﻘﻮﻝ ﻋﻠﯽ ﺑﻦ ﻣﺪﯾﻨﯽ ﮐﮯ
ﻓﺘﻨﮧ ﺍﺭﺗﺪﺍﺩ ﻭﻣﻨﻊ ﺯﮐﻮٰۃ )ﺑﻌﮩﺪ ﺣﻀﺮﺕ ﺍﺑﻮ ﺑﮑﺮ ﺭﺿﯽ ﺍﻟﻠﮧ
ﻋﻨﮧ( ﮐﮯ ﺑﻌﺪ ﯾﮧ ﺩﻭﺳﺮﺍ ﻓﺘﻨﮧ ﻋﻈﯿﻢ ﺗﮭﺎ ﺟﻮ ﺍﺳﻼﻡ ﮐﻮ ﭘﯿﺶ
ﺁﯾﺎ۔ ﺗﻮ ﮐﯿﺎ ﺍﺱ ﻭﻗﺖ ﻋﻠﻤﺎﺋﮯ ﺍﻣﺖ ﺍﻭﺭ ﺍﺋﻤﮧ ﺷﺮﯾﻌﺖ ﺳﮯ ﻋﺎﻟﻢ
ﺍﺳﻼﻡ ﺧﺎﻟﯽ ﮨﻮ ﮔﯿﺎ ﺗﮭﺎ۔ ﻏﻮﺭ ﺗﻮ ﮐﺮﻭ۔ ﮐﯿﺴﮯ ﮐﯿﺴﮯ ﺍﺳﺎﻃﯿﻦ
ﻋﻠﻢ ﻭﻓﻦ ﺍﻭﺭ ﺍﮐﺎﺑﺮ ﻓﻀﻞ ﻭﮐﻤﺎﻝ ﺍﺱ ﻋﮩﺪ ﻣﯿﮟ ﻣﻮﺟﻮﺩ ﺗﮭﮯ۔
ﺧﻮﺩ ﺑﻐﺪﺍﺩ ﺍﮨﻞ ﺳﻨﺖ ﻭﺣﺪﯾﺚ ﮐﺎ ﻣﺮﮐﺰ ﺗﮭﺎ۔ ﻣﮕﺮ ﺳﺐ ﺩﯾﮑﮭﺘﮯ
ﮨﯽ ﺭﮦ ﮔﺌﮯ ﺍﻭﺭ ﻋﺰﯾﻤﺖ ﺩﻋﻮﺕ ﻭﮐﻤﺎﻝ ﻣﺮﺗﺒﮧ ﻭﺭﺍﺛﺖ ﻧﺒﻮﺕ
ﻭﻗﯿﺎﻡ ﺣﻖ ﻭﮨﺪﺍﯾﺖ ﻓﯽ ﺍﻻﺭﺽ ﻭﺍﻻﻣﺖ ﮐﺎ ﻭﮦ ﺟﻮ ﺍﯾﮏ
ﻣﺨﺼﻮﺹ ﻣﻘﺎﻡ ﺗﮭﺎ ﺻﺮﻑ ﺍﯾﮏ ﮨﯽ ﻗﺎﺋﻢ ﻻﻣﺮ ﺍﻟﻠﮧ ﺍﻥ ﮐﮯ
ﺣﺼﮯ ﻣﯿﮟ ﺁﯾﺎ ۔ ﯾﻌﻨﯽ ﺳﯿﺪ ﺍﻟﻤﺠﺪﺩﯾﻦ ﻭﺍﻣﺎﻡ ﺍﻟﻤﺼﻠﺤﯿﻦ،
ﺣﻀﺮﺕ ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ ﺍﻟﻠﮧ۔
ﺍﭘﻨﮯ ﺍﭘﻨﮯ ﺭﻧﮓ ﻣﯿﮟ ﺳﺐ ﺻﺎﺣﺐ ﻣﺮﺍﺗﺐ ﻭﻣﻘﺎﻣﺎﺕ ﺗﮭﮯ ﻟﯿﮑﻦ
ﺍﺱ ﻣﺮﺗﺒﮯ ﻣﯿﮟ ﺗﻮ ﮐﺴﯽ ﮐﻮ ﺳﺎﺟﮭﺎﻧﮧ ﺗﮭﺎ۔
ﺑﻌﻀﻮﮞ ﻧﮯ ﺭﻭ ﭘﻮﺷﯽ ﺍﺧﺘﯿﺎﺭ ﮐﯽ ﺍﻭﺭ ﮔﻮﺷﮧ ﻧﺸﯿﻨﯽ ﺍﺧﺘﯿﺎﺭ
ﮐﺮﻟﯽ۔ ﺟﺐ ﮐﮧ ﺗﻤﺎﻡ ﺍﺻﺤﺎﺏ ﮐﺎ ﺭﻭﻃﺮﯾﻖ ﮐﺎ ﯾﮧ ﺣﺎﻝ ﮨﻮ ﺭﮨﺎ
ﺗﮭﺎ ﺍﻭﺭ ﻭﮦ ﺩﯾﻦ ﺧﺎﻟﺺ ﮐﯽ ﺑﻘﺎﺀ ﻭﻗﯿﺎﻡ ﺟﯿﺴﯽ ﻋﻈﯿﻢ ﺍﻟﺸﺎﻥ
ﻗﺮﺑﺎﻧﯽ ﮐﺎ ﻃﻠﺐ ﮔﺎﺭ ﺗﮭﺎ۔ ﺻﺮﻑ ﺍﻣﺎﻡ ﻣﻮﺻﻮﻑ ﮨﯽ ﺗﮭﮯ ﺟﻦ
ﮐﻮ ﻓﺎﺗﺢ ﻭﺳﻠﻄﺎﻥ ﻋﮩﺪ ﮨﻮﻧﮯ ﮐﺎ ﺷﺮﻑ ﺣﺎﺻﻞ ﮨﻮﺍ۔ ﺍﻧﮩﻮﮞ ﻧﮯ
ﻧﮧ ﺗﻮ ﺩﻋﺎۃ ﻓﺘﻦ ﻭﺑﺪﻋﺖ ﮐﮯ ﺁﮔﮯ ﺳﺮ ﺟﮭﮑﺎﯾﺎ، ﻧﮧ ﺭﻭ ﭘﻮﺷﯽ
ﻭﺧﺎﻣﻮﺷﯽ ﻭﮐﻨﺎﺭﮦ ﮐﺸﯽ ﺍﺧﺘﯿﺎﺭ ﮐﯽ ﺍﻭﺭ ﻧﮧ ﺻﺮﻑ ﺑﻨﺪ
ﺣﺠﺮﻭﮞ ﮐﮯ ﺍﻧﺪﺭ ﺩﻋﺎﺅﮞ ﺍﻭﺭ ﻣﻨﺎﺟﺎﺗﻮﮞ ﭘﺮ ﻗﻨﺎﻋﺖ ﮐﺮﻟﯽ ﺑﻠﮑﮧ
ﺩﯾﻦ ﺧﺎﻟﺺ ﮐﮯ ﻗﯿﺎﻡ ﮐﯽ ﺭﺍﮦ ﻣﯿﮟ ﺍﭘﻨﮯ ﻧﻔﺲ ﻭﻭﺟﻮﺩ ﮐﻮ
ﻗﺮﺑﺎﻥ ﮐﺮﺩﯾﻨﮯ ﺍﻭﺭ ﺗﻤﺎﻡ ﺧﻠﻒ ﺍﻣﺖ ﮐﮯ ﻟﺌﮯ ﺛﺒﺎﺕ ﻭﺍﺳﺘﻘﺎﻣﺖ
ﻋﻠﯽ ﺍﻟﺴﻨۃ ﮐﯽ ﺭﺍﮦ ﮐﮭﻮﻝ ﺩﯾﻨﮯ ﮐﮯ ﻟﺌﮯ ’’ ﻓﺎﺻﺒﺮ ﮐﻤﺎ ﺻﺒﺮ ﺍﻭﻟﻮ
ﺍﻟﻌﺰﻡ ﻣﻦ ﺍﻟﺮﺳﻞ ‘‘ ﺍﭨﮫ ﮐﮭﮍﮮ ﮨﻮﺋﮯ۔ ﺍﻥ ﮐﻮ ﻗﯿﺪ ﮐﯿﺎ ﮔﯿﺎ، ﻗﯿﺪ
ﺧﺎﻧﮯ ﻣﯿﮟ ﭼﻠﮯ ﮔﺌﮯ، ﺑﻮﺟﮭﻞ ﺑﯿﮍﯾﺎﮞ ﭘﺎﺅﮞ ﻣﯿﮟ ﮈﺍﻟﯽ ﮔﺌﯿﮟ،
ﭘﮩﻦ ﻟﯿﮟ۔ﻟﯿﮑﻦ ﺍﺱ ﭘﯿﮑﺮ ﺣﻖ، ﺍﺱ ﻣﺠﺴﻤﮧ ﺳﻨﺖ، ﺍﺱ ﻣﺆﯾﺪ
ﺑﺎﻟﺮﻭﺡ ﺍﻟﻘﺪﺱ، ﺍﺱ ﺻﺎﺑﺮ ﺍﻋﻈﻢ ﮐﻤﺎ ﺻﺒﺮﻭ ﺍﻭ ﻟﻮ ﺍﻟﻌﺰﻡ ﻣﻦ
ﺍﻟﺮﺳﻞ ﮐﯽ ﺯﺑﺎﻥ ﺻﺪﻕ ﺳﮯ ﺻﺮﻑ ﯾﮩﯽ ﺟﻮﺍﺏ ﻧﮑﻠﺘﺎ ﺗﮭﺎ :
ﺍﻋﻄﻮﻧﯽ ﺷﮯﺋﺎ ﻣﻦ ﮐﺘﺎﺏ ﺍﻟﻠﮧ ﻭ ﺳﻨۃ ﺭﺳﻮﻟﮧ ﺣﺘﯽ ﺍﻗﻮﻝ ﺑﮧ‘‘
ﺍﻟﻠﮧ ﮐﯽ ﮐﺘﺎﺏ ﻣﯿﮟ ﺳﮯ ﮐﭽﮫ ﺩﮐﮭﻼ ﺩﻭ ﯾﺎ ﺍﺱ ﮐﮯ ﺭﺳﻮﻝ ﮐﺎ
ﮐﻮﺋﯽ ﻗﻮﻝ ﭘﯿﺶ ﮐﺮﺩﻭ ﺗﻮ ﻣﯿﮟ ﺍﻗﺮﺍﺭ ﮐﺮ ﻟﻮﮞ ﮔﺎ، ﺍﺱ ﮐﮯ ﺳﻮﺍ
ﻣﯿﮟ ﺍﻭﺭ ﮐﭽﮫ ﻧﮩﯿﮟ ﺟﺎﻧﺘﺎ۔
ﺟﻮ ﻏﻼﻡ ﺁﻓﺘﺎﺑﻢ ﮨﻤﮧ ﺯ ﺁﻓﺘﺎﺏ ﮔﻮﯾﻢ
ﻧﮧ ﺷﺒﻢ ﻧﮧ ﺷﺐ ﭘﺮﺳﺘﻢ ﮐﮧ ﺣﺪﯾﺚ ﺧﻮﺏ ﮔﻮﯾﻢ
) ﺗﺬﮐﺮۃ ﺍﺑﻮﺍﻟﮑﻼﻡ ﻣﻄﺒﻮﻋﮧ ﻣﮑﺘﺒﮧ ﺟﻤﺎﻝ ﺹ ۱۳۳؍۱۳۷؍۱۳۹(
ﺍﻣﺎﻡ ﺍﺣﻤﺪ ﺭﺣﻤﮧ ﺍﻟﻠﮧ ﮐﺎ ﮐﺎﺭﻧﺎﻣﮧ ﺍﻭﺭ ﺍﺱ ﮐﺎ ﺻﻠﮧ:
ﻣﻌﺘﺼﻢ ﻧﮯ ﺍﻣﺎﻡ ﺻﺎﺣﺐ ﮐﻮ ﺭﮨﺎ ﮐﺮ ﺩﯾﺎ ﺍﻭﺭ ﺍﻣﺎﻡ ﺻﺎﺣﺐ ﺍﭘﻨﮯ
ﮔﮭﺮ ﭘﮩﻨﭻ ﮔﺌﮯ۔ ﺗﺎﮨﻢ ﺍﻥ ﮐﻮ ﺍﭘﻨﮯ ﮔﮭﺮ ﻣﯿﮟ ﻧﻈﺮ ﺑﻨﺪ ﮐﺮ ﺩﯾﺎ ﮔﯿﺎ
ﺍﻭﺭ ﻧﻘﻞ ﻭﺣﺮﮐﺖ ﭘﺮ ﭘﺎﺑﻨﺪﯼ ﻟﮕﺎ ﺩﯼ ﮔﺌﯽ۔ ﺍﻣﺎﻡ ﺻﺎﺣﺐ ﮐﯽ ﺑﮯ
ﻧﻈﯿﺮ ﺍﺳﺘﻘﺎﻣﺖ ﺍﻭﺭ ﺛﺎﺑﺖ ﻗﺪﻣﯽ ﺳﮯ ﯾﮧ ﻓﺘﻨﮧ ﺧﻠﻖ ﻗﺮﺁﻥ
ﮨﻤﯿﺸﮧ ﮐﮯ ﻟﺌﮯ ﺧﺘﻢ ﮨﻮ ﮔﯿﺎ ﺍﻭﺭ ﻣﺴﻠﻤﺎﻥ ﺍﯾﮏ ﺑﮍﮮ ﺧﻄﺮﮮ
ﺳﮯ ﻣﺤﻔﻮﻅ ﮨﻮ ﮔﺌﮯ۔ ﺟﻦ ﻟﻮﮔﻮﮞ ﻧﮯ ﺍﺱ ﺩﯾﻨﯽ ﺍﺑﺘﻼﺀ ﻣﯿﮟ
ﺣﮑﻮﻣﺖ ﮐﺎ ﺳﺎﺗﮫ ﺩﯾﺎ ﺗﮭﺎ ﺍﻭﺭ ﻣﻮﻗﻊ ﭘﺮﺳﺘﯽ ﺍﻭﺭ ﻣﺼﻠﺤﺖ
ﺷﻨﺎﺳﯽ ﺳﮯ ﮐﺎﻡ ﻟﯿﺎ ﺗﮭﺎ۔ ﻭﮦ ﻟﻮﮔﻮﮞ ﮐﯽ ﻧﮕﺎﮨﻮﮞ ﻣﯿﮟ ﮔﺮ ﮔﺌﮯ
ﺍﻭﺭ ﺍﻥ ﮐﺎ ﺩﯾﻨﯽ ﻭﻋﻠﻤﯽ ﻭﻗﺎﺭ ﺟﺎﺗﺎ ﺭﮨﺎ۔ ﺍﺱ ﮐﮯ ﻣﻘﺎﺑﻞ ﺍﻣﺎﻡ
ﺻﺎﺣﺐ ﮐﯽ ﺷﺎﻥ ﺩﻭ ﺑﺎﻻ ﮨﻮ ﮔﺌﯽ، ﺍﻥ ﮐﯽ ﻣﺤﺒﺖ ﺍﮨﻞ ﺳﻨﺖ
ﺍﻭﺭ ﺻﺤﯿﺢ ﺍﻟﻌﻘﯿﺪﮦ ﻣﺴﻠﻤﺎﻧﻮﮞ ﮐﺎ ﺷﻌﺎﺭ ﺍﻭﺭ ﻋﻼﻣﺖ ﺑﻦ ﮔﺌﯽ۔
ﺍﻥ ﮐﮯ ﻣﻌﺎﺻﺮﯾﻦ ﺟﻨﮩﻮﮞ ﻧﮯ ﺍﺱ ﻓﺘﻨﮧ ﮐﯽ ﻋﺎﻟﻢ ﺁﺷﻮﺑﯽ
ﺩﯾﮑﮭﯽ ﺗﮭﯽ، ﺍﻥ ﮐﮯ ﺍﺱ ﮐﺎﺭﻧﺎﻣﮧ ﮐﯽ ﻋﻈﻤﺖ ﮐﺎ ﺑﮍﯼ
ﻓﺮﺍﺧﺪﻟﯽ ﺳﮯ ﺍﻋﺘﺮﺍﻑ ﮐﯿﺎ ﮨﮯ ﺍﻭﺭ ﺍﺱ ﮐﻮ ﺩﯾﻦ ﮐﯽ ﺑﺮﻭﻗﺖ
ﺣﻔﺎﻇﺖ ﺍﻭﺭ ﻣﻘﺎﻡ ﺻﺪﯾﻘﯿﺖ ﺳﮯ ﺗﻌﺒﯿﺮ ﮐﯿﺎ ﮨﮯ۔ ﺍﻣﺎﻡ ﺍﺣﻤﺪ
ﮐﮯ ﺍﯾﮏ ﮨﻢ ﻋﺼﺮ ﺍﻭﺭ ﻣﺤﺪﺙ ﻭﻗﺖ ﺍﻣﺎﻡ ﻋﻠﯽ ﺑﻦ ﻣﺪﯾﻨﯽ
) ﺍﺳﺘﺎﺩ ﺍﻣﺎ ﺑﺨﺎﺭﯼ ﺭﺣﻤﮧ ﺍﻟﻠﮧ ( ﻓﺮﻣﺎﺗﮯ ﮨﯿﮟ: ﺍﻟﻠﮧ ﺗﻌﺎﻟﯽٰ ﻧﮯ ﺍﺱ
ﺩﯾﻦ ﮐﮯ ﻏﻠﺒﮧ ﻭﺣﻔﺎﻇﺖ ﮐﺎ ﮐﺎﻡ ﺩﻭ ﺷﺨﺼﻮﮞ ﺳﮯ ﻟﯿﺎ ﮨﮯ ﺟﺲ
ﮐﺎ ﮐﻮﺋﯽ ﺗﯿﺴﺮﺍ ﮨﻤﮧ ﻧﻈﺮ، ﻧﻈﺮ ﻧﮩﯿﮟ ﺁﺗﺎ۔ ﺍﺭﺗﺪﺍﺩ ﮐﮯ ﻣﻮﻗﻊ ﭘﺮ
ﺍﺑﻮ ﺑﮑﺮ ﺻﺪﯾﻖ ﺭﺿﯽ ﺍﻟﻠﮧ ﻋﻨﮧ ﺍﻭﺭ ﻓﺘﻨﮧ ﺧﻠﻖ ﻗﺮﺁﻥ ﮐﮯ
ﺳﻠﺴﻠﮧ ﻣﯿﮟ ﺍﺣﻤﺪ ﺑﻦ ﺣﻨﺒﻞ ﺭﺣﻤﮧ ﺍﻟﻠﮧ ) ﺗﺎﺭﯾﺦ ﺑﻐﺪﺍﺩ ۴؍۴۲۱(
ﻧﻈﺮ ﺑﻨﺪﯼ ﺳﮯ ﻧﺠﺎﺕ :
ﺍﻟﻮﺍﺛﻖ ﺑﺎﻟﻠﮧ ﮐﯽ ﻭﻓﺎﺕ ﮐﮯ ﺑﻌﺪ ﺍﺱ ﮐﺎ ﭼﮭﻮﭨﺎ ﺑﮭﺎﺋﯽ ﺍﻟﻤﺘﻮﮐﻞ
ﺗﺨﺖ ﺧﻼﻓﺖ ﭘﺮ ﺑﯿﭩﮭﺎ۔ ﺍﺱ ﻧﮯ ﺍﻣﺎﻡ ﺍﺣﻤﺪ ﺭﺣﻤﮧ ﺍﻟﻠﮧ ﮐﯽ
ﻧﻈﺮ ﺑﻨﺪﯼ ﺧﺘﻢ ﮐﺮ ﺩﯼ۔ ﺍﻟﻤﺘﻮﮐﻞ ﺍﻣﺎﻡ ﺻﺎﺣﺐ ﮐﯽ ﺑﮩﺖ ﻗﺪﺭ
ﺍﻭﺭ ﺍﺣﺘﺮﺍﻡ ﮐﺮﺗﺎ ﺗﮭﺎ۔ ﺍﻥ ﺳﮯ ﻣﻌﺎﻣﻼﺕ ﺳﻠﻄﻨﺖ ﺍﻭﺭ ﺍﮨﻢ ﺍﻣﻮﺭ
ﻣﯿﮟ ﻣﺸﻮﺭﮮ ﻃﻠﺐ ﮐﺮﺗﺎ۔ ﻣﺎﻝ ﻭﺩﻭﻟﺖ ﺍﻭﺭ ﺍﻧﻌﺎﻡ ﻭﺍﮐﺮﺍﻡ ﺳﮯ
ﻣﺎﻻ ﻣﺎﻝ ﮐﺮﻧﺎ ﭼﺎﮨﺘﺎ ﺗﮭﺎ ﻟﯿﮑﻦ ﺍﻣﺎﻡ ﺻﺎﺣﺐ ﻧﮯ ﮐﺒﮭﯽ ﺑﮭﯽ
ﺍﺱ ﮐﺎ ﮐﻮﺋﯽ ﺗﺤﻔﮧ ﻗﺒﻮﻝ ﻧﮧ ﮐﯿﺎ۔
ﺧﻠﯿﻔﮧ ﺍﻟﻤﺘﻮﮐﻞ ۳ ﺷﻮﺍﻝ ۲۴۷ﮪ ؁ ﻣﻄﺎﺑﻖ ۱۰ ﺩﺳﻤﺒﺮ
۸۶۱ﺀ ؁ ﺍﯾﮏ ﺗﺮﮎ ﮐﮯ ﮨﺎﺗﮭﻮﮞ ﻗﺘﻞ ﮨﻮﺍ۔ ﻋﺒﺎﺳﯽ ﺧﺎﻧﺪﺍﻥ ﮐﺎ
ﯾﮧ ﭘﮩﻼ ﻗﺘﻞ ﺗﮭﺎ۔ ) ﺗﺎﺭﯾﺦ ﺍﻟﺨﻠﻔﺎﺀ ﺳﯿﻮﻃﯽ(
ﻭﻓﺎﺕ:
ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ۷۷ ﺳﺎﻝ ﮐﯽ ﻋﻤﺮ ﻣﯿﮟ ۱۲ﺭﺑﯿﻊ ﺍﻻﻭﻝ
۲۴۱ﮪ ؁ ﻣﻄﺎﺑﻖ ۳۱ﺟﻮﻻﺋﯽ ۸۵۵ﺀ ؁ ﺑﻐﺪﺍﺩ ﻣﯿﮟ ﻭﻓﺎﺕ
ﭘﺎﺋﯽ۔ ﺍﻧﺎ ﻟﻠﮧ ﻭﺍﻧﺎ ﺍﻟﯿﮧ ﺭﺍﺟﻌﻮﻥ۔ﺟﻨﺎﺯﮦ ﻣﯿﮟ ۸ ﻻﮐﮫ ﻣﺮ ﺩﺍﻭﺭ ۶۰
ﮨﺰﺍﺭ ﻋﻮﺭﺗﯿﮟ ﺷﺮﯾﮏ ﺗﮭﯿﮟ۔ )ﺗﺎﺭﯾﺦ ﺍﺑﻦ ﺧﻠﮑﺎﻥ ۱۰؍۴۸(۔

Iqra Now

Share

Location

Category

Telephone

Website

Address