DAS Jinnah Garden

دارارقم سکول جناح گارڈن میں تقریب تکمیل حفظ قران کا اہتمام کیا گیا

; ;

مرد پیدا ہوا، واسطہ پڑا عورت سے جو کہ ہے ماں، حکم ہوا:
اف تک نہ کہو، جس جنت کو پانے کے لیے ساری زندگی عبادت و پرہیزگاری کرنے کا حکم ہے وہ اس عورت کے قدموں تلے ہے جسے ماں کہتے ہیں۔

مرد بڑا ہوا، واسطہ پڑا ایک اور عورت سے جو کہ ہے بہن، حکم ہوا:
تمہارے نبی کریم صلی اللہ علیہ وسلم کی رضاعی بہن تشریف لائیں تو آپ صلی اللہ علیہ وسلم اپنی نشست سے کھڑے ہو گئے، اس کے لیے چادر بچھائی اور واپسی پر اسے باہر تک چھوڑنے آئے۔

مرد اور بڑا ہوا، واسطہ پڑا ایک اور عورت سے جو کہ ہے بیوی، حکم ہوا:
تم میں سے بہترین وہ ہے جو اپنے اہل کے لیے اچھا ہے. اس عورت کے کھانے پینے، پہننے، عزت و آبرو، آسانی کا ذمہ اس مرد کے کھاتے میں ہے۔ چاہے دھوپ ہو، چھاؤں ہو، آندھی ہو طوفان ہو، مرے یا جئے لیکن اس عورت کے لیے آسانی کا بندوبست مرد کے ذمہ لگا دیا۔

مرد مزید بڑا ہوا، واسطہ پڑا ایک اور عورت سے جو کہ ہے بیٹی، حکم ہوا:
جس نے دو بیٹیوں کی اچھے سے پرورش کی وہ اپنے نبی صلی اللہ علیہ وسلم کے ساتھ جنت میں ایسے ہوگا جیسے دو انگلیاں قریب ہوتی ہیں۔