Quaid-i-Azam Academy

On 11 December 2025 an inter colleges Sketch Competition of Quaid organized jointly by Quaid-i-Azam Academy and Quaid-i-Azam Mazar Management Board in connection with birthday celebrations of Quaid-i-Azam

راچی (۔۔۔۔۔۔) بچوں نے آج اپنی صلاحیتوں کا بھرپور اظہار کرتے ہوئے جس جوش و جذبے سے قائدِ اعظم کا اسکیچ تیار کیا ہے، وہ انتہائی قابلِ ستائش ہے۔ ان خیالات کا اظہار مہمانِ خصوصی شہید بے نظیر بھٹو دیوان یونیورسٹی کورنگی کے وائس چانسلر پروفیسر اورنگ زیب خان نے مزارِ قائد کے احاطے میں قائم آڈیو ویژول ہال میں منعقدہ "بین الکلیاتی قائدِ اعظم اسکیچ مقابلہ" سے خطاب کرتے ہوئے کیا۔ یہ مقابلہ قائد اعظم اکادمی و قائد اعظم مزار مینجمنٹ بورڈ کے زیرِ اہتمام بانیٔ پاکستان قائد اعظم محمد علی جناح کے 149ویں یومِ ولادت کے سلسلے میں منعقد کیا گیا۔

پروگرام سے قائد اعظم مزار مینجمنٹ بورڈ کے ریزیڈنٹ انجینئر عبدالعلیم شیخ، معروف کالم نویس و ماہرِ تعلیم ارشد ملک اور دیگر مقررین نے بھی خطاب کیا اور قائد اعظم محمد علی جناح کو زبردست خراجِ عقیدت پیش کیا۔

پروفیسر اورنگ زیب خان نے کہا کہ طلبہ و طالبات نے قائد اعظم کے اسکیچ نہایت مہارت، خوبصورتی اور دلکش انداز میں ڈیزائن کیے، جو ان کی لگن اور فن سے محبت کا ثبوت ہے۔
عبدالعلیم شیخ نے اپنے خطاب میں کہا کہ اس مقابلے کا مقصد نوجوان نسل میں قائد اعظم کے افکار و نظریات کو اجاگر کرنا ہے۔
کالم نویس ارشد ملک نے کہا کہ قائد اعظم اکادمی اور قائد اعظم مزار مینجمنٹ بورڈ کا یہ اقدام بے حد قابلِ تعریف ہے اور اس روایت کو جاری رہنا چاہیے۔ انہوں نے طلبہ کو مخاطب کرتے ہوئے کہا کہ ’’آزاد پاکستان اللہ تعالیٰ کی عظیم نعمت ہے، آزادی کی قدر کریں، ہمت اور عزم کو مضبوط رکھیں، اور بانیِ پاکستان کی طرح دیانت داری کو اپنا شعار بنائیں‘‘۔

مقابلے کا آغاز تلاوتِ قرآنِ پاک اور نعتِ رسولِ مقبولؐ سے ہوا۔ نظامت کے فرائض عاصم خان نے انجام دیے۔ مقابلے میں کراچی کے مختلف کالجز کے فائن آرٹ کے طلبہ و طالبات نے بھرپور شرکت کی۔ جیوری میں معروف پینٹنگ آرٹسٹ مسعود اے خان، تنویر فاروقی اور پروفیسر امتیاز علی منگی شامل تھے۔

پروگرام کے اختتام پر اول، دوم اور سوم پوزیشن حاصل کرنے والے طلبہ کو ٹرافیاں دی گئیں، جبکہ معزز مہمانوں کو یادگاری شیلڈز اور اجرک کا تحفہ پیش کیا گیا۔ قائد اعظم اکادمی کے ریسرچ آفیسر زاہد حسین ابڑو نے تمام معزز مہمانوں کا شکریہ ادا کیا۔

قائد اعظم اکادمی و قائد اعظم مزار مینجمینٹ بورڈ کے تحت بانی پاکستان قائد اعظم محمد علی جناح کے 149ویں یوم پیدائش کے حوالے سے پروگرام بین الکلیاتی تقریری مقابلہ قائد اعظم کا نظریہ اور پاکستانی جوانوں کے لیے اس کی عصری اہمیت کے عنوان سے مزار قائد کے احاطے میں قائم آڈیو ویزل ہال میں ہوا پروگرام کے مہمان خصوص پروفیسر ڈاکٹر نوید رب صدیقی سابق ڈائریکٹر جنرل ڈائریکٹوریٹ آف کالج سندھ و پرنسپل گورنمنٹ ڈگری بوائز سائنس اینڈ کامرس کالج گلستان جوہر کراچی تھے جبکہ نظامت کے فرائض عاصم خان نے بخوبی انجام دئے تقریری مقابلہ کا آغاز قاری شمس الدین نے تلاوت قرآن مجید سے کیا اور ابتدائی کلمات قائد اعظم مزار مینجمینٹ بورڈ کے انجینئر عبد العلیم شیخ نے پیش کئے مقابلہ میں آدم جی کالج، گورنمنٹ ڈگری کالج بلاک 6پی ای سی ایس ایچ، بام کالج پی ای سی ایس ایچ بلاک 6، گورنمنٹ ڈگری گرلز کالج گلستان جوہر بلاک 13، سینٹ لارنس گرلز کالج کے طلباء و طالبات نے تقریری مقابلہ میں حصہ لیا اسی طرح ججز میں پروفیسر منیب الحسن، پروفیسر محمد علی اور اسکالر طارق بن آزاد شامل تھے مقابلہ میں سینٹ لارنس گورنمنٹ گرلز ڈگری کالج کی طالبہ انوشاہ تسلیم نے پہلی پوزیشن، آدم جی کالج کے طالب علم عبد الحسیب نے دوسری پوزیشن اور بام کالج پی ای سی ایس ایچ بلاک 6 کی طالبہ مناہل رحمان نے تیسری پوزیش لی اور ٹرافی حاصل کی جبکہ مقابلے میں حصہ لینے والے تمام طلبہ و طالبات کو سرٹیفکیٹ پیش بھی کئے گئے اور مہمان خصوصی پروفیسر نوید رب صدیقی سمیت تینوں ججز کو شیلڈ و اجرک پیش کی گئی اس موقع پر پروفیسر نوید رب صدیقی، پروفیسر منیب الحسن و دیگر نے خطاب کرتے ہوئے قائد اعظم کو شاندار الفاظ میں خراج عقیدت پیش کیا اور کہا کہ کسی قوم کی ترقی کا سفر اسوقت تک شروع نہیں ہوتا جب تک وہ اپنے محسنوں کے نظریات کو سمجھ کر انہیں عملی زندگی میں نافذ نہ کرلیں تقریری مقابلہ جیت ہار کا نام نہیں بلکہ شعور بیدار کرنے کا ذریعہ ہے آخر میں قائد اعظم اکادمی کے روح رواں زاہد حسین ابڑو نے اظہار تشکر کرتے ہوئے معزز مہمانوں اور شرکاء کا شکریہ ادا کیا اور پاکستان کی ترقی و خوشحالی کے لیے دعا کی۔

On 10 December 2025 in connection with birthday celebrations of Quaid-i-Azam, a Speech competition organized jointly by Quaid-i-Azam Academy and Quaid-i-Azam Mazar Management Board. Colleges from different areas participated in the event

A permanent book stall is established for sale of publications of Quaid-i-Azam Academy at Mazar e Quaid

ائد اعظم اکادمی کے زیر اہتمام جشن عید میلاد نبی صلی اللہ علیہ وآلہ وسلم کا انعقاد

نبی کریم صلی اللہ علیہ وآلہ وسلم کی تعلیمات ہمارے لیے روشنی کا مینار ہے۔ ڈاکٹر محمد عارف خان ساقی و دیگر کا خطاب

اسلام کے اصول عدل و انصاف اور پاک دامنی ہیں٬ عمل و رد عمل کی مثال سیرت طیبہ سے ملتی ہے

کراچی ( ) شعبہ علوم اسلامیہ جامعہ کراچی کے تعاون سے قائد اعظم اکادمی قومی ورثہ و ثقافت ڈویژن حکومت پاکستان کے زیر اہتمام نبی کریم صلی اللہ علیہ وسلم کے 1500ویں جشن عید میلاد نبی صلی اللہ علیہ وآلہ وسلم کے سلسلے میں شعبہ علوم اسلامیہ کے آڈیٹوریم ہال میں جشن عید میلاد نبی صلی اللہ علیہ وآلہ وسلم کا انعقاد ہوا جس سے کراچی کی مختلف جامعات کے معزز اساتذہ کرام نے خطاب کیا مقررین میں ڈاکٹر محمد عارف خان ساقی٬ ڈاکٹر محمد شعیب٬ ڈاکٹر اورنگ زیب٬ ڈاکٹر سمیہ رفیق٬ ڈاکٹر سید عزیز الرحمٰن٬ ڈاکٹر زاہد علی زاہد اور قائد اعظم اکادمی کے روح رواں و میزبان جشن عید میلاد نبی صلی اللہ علیہ وسلم زاہد حسین ابڑو شامل تھے جشن عید میلاد نبی صلی اللہ علیہ وآلہ وسلم کا اغاز طالب علم محمد عاطف کمال نے قران مجید کی تلاوت سے کیا اور بارگاہ رسالت مآب میں گل ہائے عقیدت کا نذرانہ طالب علم سید نور اللہ شاہ نے پیش کیا مقررین نے کہا کہ اسلام کسی مذہب میں مداخلت کی اجازت نہیں دیتا نبی کریم صلی اللہ علیہ وآلہ وسلم کے اصولوں پر سوشل میڈیا کا استعمال کرنا چاہیے اسلام کے اصول عدل و انصاف اور پاک دامنی ہیں نبی کریم صلی اللہ علیہ وآلہ وسلم نے انسان کے پیچیدہ مسائل کا حل پیش فرمایا اسلام نے اصول طے کردئے سیرت طیبہ کا مطالعہ کرتے ہیں تو اس میں ہر چیز کے مسائل کا حل موجود ملتا ہے عمل و رد عمل کی مثال سیرت طیبہ سے ملتی ہے نبی کریم صلی اللہ علیہ وآلہ وسلم علم نفسیات کے ماہر تھے مقررین کا کہنا تھا کہ جدید انسانی مسائل کا حل سیرت طیبہ میں موجود ہے اسلام ایک مکمل ضابطہ حیات ہے نبی کریم صلی اللہ علیہ وآلہ وسلم نے انسان کو انفرادی زندگی سے لیکر اجتماعی زندگی تک ہر میدان میں رہنمائی عطا فرمائی نبی کریم صلی اللہ علیہ وآلہ وسلم کی تعلیمات ہمارے لیے روشنی کا مینار ہے اس موقع پر قائد اعظم اکادمی کی جانب سے مہمان مقررین کو اجرک کے تحفے اور شیلڈ بھی پیش کی گئیں۔

As a gesture of thanksgiving and jubilation for the Strategic Mutual Defense Agreement between Pakistan and Kingdom of Saudi Arabia, the building of Quaid-i-Azam Academy was illuminated

A Seminar with the title Quaid-i-Azam: Babai Qaum Kyon was organized by Quaid-i-Azam Academy on 17.09.2025 in collaboration with Government Degree Girls College, Gulistan e Jauhar in connection with death anniversary of Quaid-i-Azam

ٹ ڈگری گرلز کالج گلستان جوہر کے تعاون سے قائد اعظم اکادمی قومی ورثہ و ثقافت ڈویژن حکومت پاکستان کے زیر اہتمام قائد اعظم محمد علی جناح کی 77ویں برسی کے سلسلے کی مناسبت سے اکادمی کی تیسری و آخری تقریب میں گورنمنٹ ڈگری گرلز کالج کے آڈیٹوریم ہال میں ایک سیمینار قائد اعظم بابائے قوم کیوں کے عنوان سے منعقد ہوا جس کی صدارت پرنسپل گورنمنٹ ڈگری گرلز کالج محترمہ نور افشاں نے کی جبکہ پروفیسر مجتبیٰ فاطمہ اور خدیجہ بتول نے بخوبی نظامت کے فرائض انجام دئے اسی طرح مقررین میں زاہد حسین ابڑو٬ پروفیسر ڈاکٹر سید منہاج موسوی٬ پروفیسر عبد الشکور چانڈیو٬ پروفیسر زاہد حسین منگی٬ پروفیسر ڈاکٹر حنا خان٬ پروفیسر کنول اسرار سمیت طالباء یسریٰ٬ فاطمہ و دیگر شامل تھی اور ملی نغمہ گانے والوں میں مائرہ و مختلف طالبات تھی سیمینار کا آغاز تلاوت قرآن مجید سے طالبہ عروہ نے کیا جس کے بعد بارگاہ رسالت مآب میں گل ہائے عقیدت کا نذرانہ طالبہ زینب فاروق نے پیش کیا سیمینار سے مقررین نے خطاب کرتے ہوئے قائد اعظم کی عظمت کو سلام پیش کرتے ہوئے انہیں شاندار الفاظ میں خراج عقیدت پیش کیا اور کہا کہ قائد اعظم ملک کے عظیم رہنما تھے ان کے عظیم کارنامے انہیں بابائے قوم ثابت کرتے ہیں ان کے کارناموں میں پاکستان کی بانی جماعت آل انڈیا مسلم لیگ کو برصغیر کے مسلمانوں کی واحد جماعت بنانا ہے مقررین کا کہنا تھا کہ قائد اعظم نے اپنی انتھک محنت اور جدوجہد سے پاکستان کے قیام کا عظیم کارنامہ انجام دیکر ایک الگ وطن کے تصور کو حقیقت بنایا میزبان سیمینار و روح رواں
قائد اعظم اکادمی نے صدر سیمینار محترمہ نور افشاں سمیت تمام مقررین و مہمانوں کو اجرک کے تحفے اور شیلڈ پیش کیں اور طالبات میں سرٹیفیکٹ پیش کیے سیمینار کے اختتام پر صدر سیمینار محترمہ نور افشاں نے سب معزز مہمانوں کا شکریہ ادا کیا آخر میں شرکاء سیمینار نے کھڑے ہوکر قومی ترانہ پڑا اور ملکی سلامتی کے لیے کسی بھی قربانی سے دریغ نہ کرنے کا عزم کیا۔

Quaid-i-Azam Academy organized an Inter-Departmental Speech Competition in collaboration with Benazir Bhutto Shaheed University Lyari in connection with death anniversary of Quaid-i-Azam

قائد اعظم کی برسی کی مناسبت سے بین الشبعہ جاتی تقریری مقابلہ
راچی ( ) قائد اعظم اکادمی قومی ورثہ و ثقافت ڈویژن حکومت پاکستان کے زیر اہتمام قائد اعظم محمد علی جناح کی 77ویں برسی کے سلسلے کی مناسبت سے دوسرا پروگرام بینظیر بھٹو شہید یونیورسٹی لیاری کے تعاون سے یونیورسٹی کے آڈیو ویژل ہال میں بین الشبعہ جاتی تقریری اردو اور سندھی زبانوں میں مقابلہ قائد کے سنہری اصول کے موضوع پر منعقد ہوا جس کے مہمان خصوصی شہید بینظیر بھٹو دیوان یونیورسٹی کورنگی کے وائس چانسلر ڈاکٹر اورنگ زیب خان تھے جبکہ وی سی بینظیر بھٹو شہید یونیورسٹی پروفیسر سید حسین مہدی نے صدارت کی تقریب تقریری مقابلہ میں مقررین نے قائد اعظم کو شاندار الفاظ میں خراج عقیدت پیش کیا اور قائد کے سنہرے اصول پر عمل کرنے کا عزم کیا مہمان خصوصی ڈاکٹر اورنگزیب خان نے اپنے خیالات کا اظہار کرتے ہوئے کہا کہ اس قسم کی تقریری مقابلے کی تقریبات سے طلبہ کو بحث و مباحثے کی دنیا میں آنے کی ترغیب ملتی ہے ایسی تقریبات ہوتی رہنا چاہیے انہوں نے طلبہ کی کوششوں کی تعریف بھی کی قائد اعظم اکادمی کے روح رواں اور تقریب کے میزبان زاہد حسین ابڑو نے بھی اس موقع پر اپنے خیالات کا اظہار کیا اور قائد کی شخصیت مشن اور ان کے سفر آزادی کے حوالے سے آگاہی فراہم کرنے کے لیے نوجوانوں کی تقریبات کے انعقاد میں قائد اعظم اکادمی کے انتظامات کا ذکر کیا تقریر کے موضوع پر طلبہ و طالبات نے اردو اور سندھی زبانوں میں اپنے فکر انگیز اور بصیرت افروز خطبات پیش کیے اور جیوری سے داد وصول کی تقریب کا اختتام طلبہ میں سرٹیفیکٹ کی تقسیم کے ساتھ ساتھ ٹاپ تھری جیتنے والوں کے لیے نقد انعامات و شیلڈ کے ساتھ ہوا اسی طرح سے مہمان خصوصی و مقررین کو اجرک کے تحفے اور شیلڈ بھی پیش کی گئیں آخر میں پروفیسر سید حسین مہدی نے اظہار تشکر کرتے طلبہ و طالبات کی حوصلہ افزائی کی مقررین میں پروفیسر عبد الرحیم و دیگر شامل تھے۔

A Mushaira was organized by Quaid-i-Azam Academy in collaboration with Wafaqi Urdu University in connection with death anniversary of Quaid-i-Azam