Tadbeer Institute

ریاستی مشینری چلانے والے افراد بیوروکریٹس کہلاتے ہیں۔ مقابلے کا امتحان پاس کر کے یہ لوگ اعلی عہدوں پر فائز ہوتے ہیں۔یہ امتحان سنٹرل سپیریئر سروسز(CSS)کہلاتا ہے۔ ہمیشہ مستقل مزاج نوجوان سی ایس ایس میں حصہ لیتے ہیں۔ ہر نوجوان اس مقابلہ میں تین مرتبہ شریک ہو سکتا ہے۔

اس امتحان میں شامل ہونے کیلئے جہاں محنت اور لگن سے پڑھنا ضروری ہوتا ہے وہیں فیسز کی ادائیگی کیلیے وسائل کی بھی ضرورت پڑتی ہے۔ اس لیے مالدار لوگ ہی اس میں زیادہ تر شرکت کرتے ہیں۔

کچھ نوجوان علماء بھی بیوروکریسی کا حصہ بننے کی خواہش رکھتے ہیں مگر اکیڈمیز کی بھاری بھر کم فیسیں، ہاسٹل اور کھانے کے اخراجات پورے کرنے سے قاصر ہوتے ہیں۔

ایسے علماء کو سی ایس ایس کی تیاری اب ہم کروائیں گے۔ پڑھائی سے لے کر قیام و طعام اور دیگر سہولیات مفت فراہم کریں گے۔ ان جوانوں کے ذمہ ایک ہی کام ہوگا۔ خوب محنت کریں۔یکسوئی سے پڑھیں اور اپنا مستقبل سنواریں۔

اعجاز حسین
پرنسپل: تدبیر انسٹی ٹیوٹ
جامعہ محمدیہ اسلام آباد

لنک برائے رجسٹریشن
https://forms.gle/QbhSLxbzHVygnsQc7

معزز مہمانان گرامی
جناب قبلہ ایاز احمد (چیئرمین اسلامی نظریاتی کونسل)
جناب سردار غضنفر خان (پرنسپل راولپنڈی لاء کالج)
جناب ڈاکٹر منیر احمد (ایچ او ڈی شعبہ اسلامیات الحمد یونیورسٹی )
و دیگر

شوکت زمان صاحب پچھلی ایک دہائی سے بین الاقوامی اسلامی یونیورسٹی میں انگلش کی تدریس کے فرائض سرانجام دے رہے ہیں۔ آج کل راولپنڈی لاء کالج میں بھی طلباء و طالبات کی ایک بڑی تعداد ان سے استفادہ کر رہی ہے۔ موصوف پنجاب یونیورسٹی کے گریجویٹ اور علم دوست شخصیت ہیں۔
خوشی کی بات یہ ہے کہ شوکت زمان صاحب تدبیر انسٹیٹیوٹ کے تحت جامعہ محمدیہ اسلام آباد میں جاری شارٹ انگلش لینگویج کورس میں بھی پڑھا رہے ہیں۔

یہ رضوان مجید ہیں۔ تدبیر انسٹی ٹیوٹ، جامعہ محمدیہ میں جاری انگلش کے شارٹ کورس میں دو اہم سکلز ریڈنگ اور رائٹنگ کی تدریس کر رہے ہیں۔ موصوف ناول نگار، فکشن رائٹر اور ایڈووکیٹ ہونے کے ساتھ ساتھ زبان و ادب کے بھی ماہر ہیں۔ یہ دو کتب کے مصنف بھی ہیں۔ آپ کی کتاب " میں نہیں ہوں" اس وقت علمی و ادبی حلقوں میں قارئین کی توجہ کا مرکز ہے۔ ایک کتاب مزید اس وقت طباعت کے مراحل سے گزر رہی ہے۔

رضوان صاحب کمپینین سے بھی وابستہ ہیں۔ کمپینین اور تعلیم کا چولی دامن کا ساتھ ہے۔ یہ ادارہ عرصہ سے مختلف تعلیمی پروگرام چلا رہا ہے۔ ماضی میں بھی کمپینین کے تحت نہ صرف کئی لینگویج اور کمپیوٹر کورس فری میں کروائے گئے بلکہ بہت سے دیگر فلاحی پروگرامات بھی کروائے جاتے رہے۔ لینگویج کے اس کورس میں بھی کمپینین ریڑھ کی ہڈی کا کردار ادا کر رہا ہے۔ ریسورس پرسن کی فراہمی اور دیگر انتظامات کر کے کمپینین نے اپنی حسین روایات کو برقرار رکھا ہے۔ اللہ کمپینین اور اس سے وابستہ تمام علم دوست ہستیوں کو اس کا بہترین بدلہ دے۔

ان سے ملیے۔ یہ ہیں محترم علی شہاب!!
انگلینڈ میں پڑھا اور وہیں کے کوینزبری کالج میں پڑھایا بھی۔ اب یہیں پاکستان میں ہوتے ہیں۔ موصوف سی ایس پیز، کپس اور نووا جیسی نامی گرامی اکیڈمیز میں سی ایس ایس اور مقابلے کے دیگر امتحانات کی انگلش پڑھانے کا وسیع تجربہ رکھنے کے ساتھ ساتھ فاسٹ یونیورسٹی میں بھی تدریسی فرائض سرانجام دے رہے ہیں۔ کسی بھی استاد کی کل کمائی اس کے شاگرد ہوتے ہیں، ان کے شاگرد بھی آج ان کی شناخت اور فخر کا ذریعہ ہیں۔

ہمارے لیے یہ اعزاز کی بات ہے کہ تدبیر انسٹیٹیوٹ، جامعہ محمدیہ میں جاری انگلش لینگویج کورس انہی کی تیارکردہ آوٹ لائن اور ہدایات کی روشنی میں کامیابی سے جاری ہے۔ لسننگ، سپیکنگ، ریڈنگ اور رائٹنگ چاروں مہارتوں پر اس وقت خوب محنت جاری ہے۔ ملٹی میڈیا کلاسز اور اسائنمنٹس سے طلباء کی ان مہارتوں کو پالش کیا جاتا ہے۔ اللہ کی ذات سے پوری امید ہے کہ کورس کی تکمیل پر طلباء وہ سب فری میں سیکھ چکے ہوں گے جو باہر بھاری فیسیں دے کر سیکھنا بھی شاید اب ایک خواب ہے!!

لیں جی! ایک اور خوشخبری حاضر ہے۔ مدارس کے طلباء اب یہ پچیس روزہ لینگویج + کمپیوٹر کورس کریں اور ایچ ای سی سے Recognise یونیورسٹی کا سرٹیفکیٹ حاصل کریں۔ 25 روزہ اس کورس کی سب سے بڑی خوبی یہ ہے کہ اس کا کونٹینٹ اور آوٹ لائن PGD Tesol, Canterbury انگلینڈ کے گریجویٹ محترم علی شہاب صاحب نے تیار کی ہے۔ موصوف اسلام آباد کی نامور اکیڈمیز میں سی ایس ایس کے امتحانات کی تیاری کروانے کا وسیع تجربہ رکھتے ہیں۔ خوشی کی بات یہ ہے کہ لینگویج سکلز کے ساتھ ساتھ ایک گھنٹہ کمپیوٹر سکھانے کے لیے بھی مقرر کیا گیا ہے۔ جس میں مائیکروسافٹ آفس، پی پی ٹی اور ایکسل جیسے ضروری پروگرام بھی اس کورس کا حصہ ہیں۔

وہ طلباء جو اپنی ان چھٹیوں کو قیمتی بنانا چاہتے ہیں، دیر مت لگائیں۔ اشتہار پر موجود نمبرز پر 26 فروری 2023ء کی شام تک رابطہ کر کے اپنی رجسٹریشن کروا لیں۔ یاد رکھیے! داخلے پہلے آئیے پہلے پائیے کی بنیاد پر محدود نشستوں پر کیے جائیں گے۔

Thank you very much Mr. Khalid Mahmood for your contributions ❣ May Allah bless you.

Today, InshaAllah
29th January 2023