21/08/2026
عمران خان کو طبی وجوہات پر شفا ہسپتال منتقل کرنے کی خبروں کا طوفان دراصل کوئی بے ساختہ پیش رفت نہیں بلکہ ایک نپا تلا سیاسی اسکرپٹ تھا اس چار سے پانچ روزہ میڈیا ہائپ کا عام عوام سے کوئی سروکار نہیں تھا اور اگر عوام کو یہ سارا کھیل سمجھ نہیں آ رہا تو انہیں الجھنے کی قطعی ضرورت نہیں کیونکہ یہ منظرنامہ عوام کے لیے ترتیب دیا ہی نہیں گیا تھا
اس پورے عمل کے ذریعے مقتدرہ کی جانب سے ایک مخصوص حلقے کو ایک طاقتور اور واضح پیغام پہنچانا مقصود تھا جس فریق کو یہ سگنل دینا تھا اس تک بات بروقت پہنچ گئی اس نے حالات کی نزاکت کو سمجھا پیغام کو ہضم کیا تسلیم کیا اور بالآخر اپنی پوزیشن واضح کرتے ہوئے معذرت بھی کر لی یہی بنیادی وجہ بنی کہ مسلسل کئی دن تک شفا انٹرنیشنل ہسپتال کا غوغا برپا رکھنے کے باوجود عمران خان کو وہاں منتقل نہیں کیا گیا بلکہ مقصد پورا ہوتے ہی پمز ہسپتال میں مختصر سا معائنہ کرا کے فوراً واپس اڈیالہ جیل بھیج دیا گیا یہ سارا ڈرامائی منظرنامہ طاقت کے توازن اور شرائط منوانے کے لیے دکھایا گیا محض ایک ابتدائی ٹریلر تھا جس نے ثابت کیا کہ اصل کھیل عوام کی نظروں سے اوجھل اور مخصوص دائروں کے مابین تھا
تحریر وقار خالد
