Online Unique Qur'an Teaching Academy

شبِ برات اور اس کے تقاضے

سوال:
شبِ برات کیا ہے؟ اور کیا یہ بات صحیح ہے کہ اس رات رزق اور عمر کی تقسیم ہوتی ہے؟ قرآن اور حدیث کے حوالہ سے رہنمائی فرمائیں۔

جواب:
شعبان کی پندرہویں شب شبِ برات کہلاتی ہے، یعنی وہ رات جس میں مخلوق کو گناہوں سے بری کر دیا جاتا ہے۔

تقریباً دس صحابۂ کرام رضی اللہ عنہم سے اس رات کے متعلق احادیث منقول ہیں۔

1۔ حضرت عائشہ رضی اللہ تعالیٰ عنہا فرماتی ہیں کہ شعبان کی پندرہویں شب میں نے نبی کریم ﷺ کو اپنی آرام گاہ پر موجود نہ پایا۔ تلاش میں نکلی تو دیکھا کہ آپ ﷺ جنت البقیع (یعنی قبرستان) میں ہیں۔ پھر مجھ سے فرمایا:
آج شعبان کی پندرہویں رات ہے، اس رات میں اللہ تعالیٰ آسمانِ دنیا پر نزول فرماتا ہے اور قبیلہ بنی کلب کی بکریوں کے بالوں کی تعداد سے بھی زیادہ گناہ گاروں کی بخشش فرماتا ہے۔

2۔ دوسری حدیث میں ہے کہ اس رات میں اس سال پیدا ہونے والے ہر بچے کا نام لکھ دیا جاتا ہے، اس رات میں اس سال مرنے والے ہر آدمی کا نام لکھ دیا جاتا ہے، اس رات میں تمہارے اعمال اٹھائے جاتے ہیں اور تمہارا رزق اتارا جاتا ہے۔

3۔ ایک روایت میں ہے کہ اس رات میں تمام مخلوق کی مغفرت کر دی جاتی ہے، سوائے سات اشخاص کے۔ وہ یہ ہیں:
مشرک، والدین کا نافرمان، کینہ پرور، شرابی، قاتل، شلوار کو ٹخنوں سے نیچے لٹکانے والا، اور چغل خور۔
ان سات افراد کی اس عظیم رات میں بھی مغفرت نہیں ہوتی جب تک یہ اپنے جرائم سے توبہ نہ کر لیں۔

4۔ حضرت علی رضی اللہ تعالیٰ عنہ سے ایک روایت میں منقول ہے کہ اس رات میں عبادت کیا کرو اور دن میں روزہ رکھا کرو۔ اس رات سورج غروب ہوتے ہی اللہ تعالیٰ اپنے بندوں کی طرف متوجہ ہوتے ہیں اور اعلان ہوتا ہے:
کون ہے جو گناہوں کی بخشش کروائے؟
کون ہے جو رزق میں وسعت طلب کرے؟
کون مصیبت زدہ ہے جو مصیبت سے چھٹکارا حاصل کرنا چاہتا ہو؟

ان احادیثِ کریمہ اور صحابۂ کرام رضی اللہ عنہم اور بزرگانِ دین رحمہم اللہ کے عمل سے اس رات میں تین کام کرنا ثابت ہے:

1۔ قبرستان جا کر مردوں کے لیے ایصالِ ثواب اور مغفرت کی دعا کی جائے، لیکن یاد رہے کہ نبی کریم ﷺ سے ساری حیاتِ مبارکہ میں صرف ایک مرتبہ شبِ برات میں جنت البقیع جانا ثابت ہے۔
اس لیے اگر کوئی شخص زندگی میں ایک مرتبہ بھی اتباعِ سنت کی نیت سے چلا جائے تو اجر و ثواب کا باعث ہے، لیکن پھول پتیاں، چادر چڑھاوے اور چراغاں کا اہتمام کرنا، اور ہر سال جانے کو لازم سمجھنا، یا اس کو شبِ برات کے ارکان میں داخل کرنا ٹھیک نہیں۔
جو چیزیں نبی کریم ﷺ سے جس درجے میں ثابت ہیں، ان کو اسی درجے میں رکھنا چاہیے۔ اسی کا نام اتباعِ رسول اور دین ہے۔

2۔ اس رات میں نوافل، تلاوت اور ذکر و اذکار کا اہتمام کرنا۔ اس بارے میں یہ واضح رہے کہ نفل ایک ایسی عبادت ہے جس میں تنہائی مطلوب ہے۔ یہ خلوت کی عبادت ہے، جس کے ذریعے انسان اللہ کا قرب حاصل کرتا ہے۔
لہٰذا نوافل وغیرہ تنہائی میں اپنے گھر میں ادا کر کے اس موقع کو غنیمت جانیں۔ نوافل کی جماعت اور کوئی مخصوص طریقہ اپنانا درست نہیں۔
یہ فضیلت والی راتیں شور و شغب اور میلے ٹھیلے یا اجتماعات منعقد کرنے کی راتیں نہیں، بلکہ گوشۂ تنہائی میں بیٹھ کر اللہ سے تعلق استوار کرنے کے قیمتی لمحات ہیں۔ ان کو ضائع ہونے سے بچائیں۔

3۔ دن میں روزہ رکھنا بھی مستحب ہے۔ ایک تو اس بارے میں حضرت علی رضی اللہ عنہ کی روایت ہے، دوسرا یہ کہ نبی کریم ﷺ ہر ماہ ایامِ بیض (13، 14، 15) کے روزوں کا اہتمام فرماتے تھے۔ لہٰذا اس نیت سے روزہ رکھا جائے تو موجبِ اجر و ثواب ہوگا۔

باقی اس رات میں پٹاخے بجانا، آتش بازی کرنا اور حلوے کی رسم کا اہتمام کرنا یہ سب خرافات اور اسراف میں شامل ہیں۔ شیطان ان فضولیات میں انسان کو مشغول کر کے اللہ کی مغفرت اور عبادت سے محروم کرنا چاہتا ہے، اور یہی شیطان کا اصل مقصد ہے۔

بہرحال، اس رات کی فضیلت بے اصل نہیں، اور سلفِ صالحین نے اس رات کی فضیلت سے فائدہ اٹھایا ہے۔

مدرسہ دارالقرآ

*مِنْ أَيِّ شَيْءٍ خَلَقَهُ*

*اللہ نے انسان کو کس چیز سے پیدا کیا؟*

*مِنْ نُطْفَةٍ خَلَقَهُ فَقَدَّرَهُ*

*اللہ نے انسان کو ایک قطرے سے پیدا کیا، پھر اس کی تقدیر مقرر کی*

*ثُمَّ السَّبِيلَ يَسَّرَهُ*

*پھر اس کے لیے راستہ آسان کیا*

*ثُمَّ أَمَاتَهُ فَأَقْبَرَهُ*

*پھر اسے موت دی اور قبر میں پہنچایا*

*ثُمَّ إِذَا شَاءَ أَنْشَرَهُ*

*پھر جب وہ چاہے گا، اسے دوبارہ زندہ کر دے گا*

*كَلَّا بَلْ تُكَذِّبُونَ بِالدِّينِ*
*ہرگز ایسا نہیں ہونا چاہیے، بلکہ تم جزا و سزا کو جھٹلاتے ہو*

*وَإِنَّ عَلَيْكُمْ لَحَافِظِينَ*
*حالانکہ تم پر نگران (فرشتے) مقرر ہیں*

*كِرَامًا كَاتِبِينَ*
*جو معزز لکھنے والے ہیں*

*يَعْلَمُونَ مَا تَفْعَلُونَ*
*جو تمہارے تمام اعمال کو جانتے ہیں*

*غیر مسلموں کے مذہبی تہواروں، جیسے کرسمس، پر مبارکباد دینا یا ان تقریبات میں شریک ہونا ناجائز اور حرام ھے*

اِنَّ الۡاَبۡرَارَ لَفِىۡ نَعِيۡمٍ ۞
یقین جانو کہ نیک لوگ بڑی نعمتوں میں ہوں گے۔

عَلَى الۡاَرَآئِكِ يَنۡظُرُوۡنَ ۞
آرام دہ نشستوں پر بیٹھے نظارہ کر رہے ہوں گے۔

تَعۡرِفُ فِىۡ وُجُوۡهِهِمۡ نَضۡرَةَ النَّعِيۡمِ‌ۚ ۞
ان کے چہروں پر نعمتوں میں رہنے سے جو رونق آئے گی، تم اسے صاف پہچان لوگے۔

يُسۡقَوۡنَ مِنۡ رَّحِيۡقٍ مَّخۡتُوۡمٍ ۞
انہیں ایسی خالص شراب پلائی جائے گی جس پر مہر لگی ہوگی۔

خِتٰمُهٗ مِسۡكٌ ‌ؕ وَفِىۡ ذٰلِكَ فَلۡيَتَنَافَسِ الْمُتَنَافِسُوۡنَ ۞
اس کی مہر بھی مشک ہی مشک ہوگی۔ اور یہی وہ چیز ہے جس پر للچانے والوں کو بڑھ چڑھ کر للچانا چاہیے۔

وَ مِزَاجُهٗ مِنۡ تَسۡنِيۡمٍ ۞
اور اس شراب میں تسنیم کا پانی ملا ہوا ہوگا۔

عَيۡنًا يَّشۡرَبُ بِهَا الۡمُقَرَّبُوۡنَؕ ۞
جو ایک ایسا چشمہ ہے کہ جس سے الله کے مقرب بندے پانی پئیں گے۔

*وَيْلٌ لِلْمُطَفِّفِينَۙ*

*ناپ تول میں کمی کرنے والوں کے لیے سخت ہلاکت اور خرابی ہے*

*الَّذِينَ إِذَا اكْتَالُوا عَلَى النَّاسِ يَسْتَوْفُونَۙ*

*جو جب دوسروں سے ناپ کر لیتے ہیں تو پورا پورا لیتے ہیں*

*وَإِذَا كَالُوهُمْ اَوْ وَزَنُوْهُمْ يُخْسِرُوْنَۙ*

*اور جب دوسروں کے لیے ناپتے یا تولتے ہیں تو کمی کر دیتے ہیں*

*اَلَا يَظُنُّ اُولٰٓئِكَ اَنَّهُمْ مَبْعُوْثُوْنَۙ*
*کیا یہ لوگ نہیں سوچتے کہ انہیں دوبارہ زندہ کر کے اٹھایا جائے گا؟*

*لِيَوْمٍ عَظِيْمٍۙ*

*ایک بہت بڑے اور خوفناک دن کے لیے*

*رکوع اور سجدے کی دعائیں*

*رسول اللہ صلی اللہ علیہ وسلم رکوع اور سجدے میں یہ دعائیں بھی پڑھا کرتے تھے*

1) *سُبْحَانَ ذِي الْجَبَرُوتِ وَالْمَلَكُوتِ وَالْكِبْرِيَاءِ وَالْعَظَمَةِ*

’’پاک ہے وہ ذات جو غلبہ و قدرت، ملکوت ، کبریائی اور عظمت والی ہے۔‘‘
سنن ابی داؤد، حدیث 873

2) *سُبُّوحٌ قُدُّوسٌ رَبُّ الْمَلَائِكَةِ وَالرُّوحِ*
’’بہت پاک، نہایت مقدس، فرشتوں اور روح (یعنی جبریلؑ) کے ربّ۔‘
صحیح مسلم، حدیث 487

3) *سُبْحَانَكَ اللّٰهُمَّ رَبَّنَا وَبِحَمْدِكَ، اللّٰهُمَّ اغْفِرْ لِي*
’’اے اللہ! تو پاک ہے، اے ہمارے رب! ہم تیری ہی حمد بیان کرتے ہیں۔ اے اللہ! مجھے بخش دے۔‘‘
صحیح بخاری، حدیث 794

*رکوع اور سجدے میں سبحان ربی العظیم اور سبحان ربی الاعلی کے ساتھ یہ دعائیں بھی پڑھنی چاہییں*

*فَلَاۤ اُقۡسِمُ بِالشَّفَقِۙ ۞*

*میں قسم کھاتا ہوں شفق کی*

*وَالَّيۡلِ وَمَا وَسَقَۙ‏ ۞*

*اور رات کی اور ان تمام چیزوں کی جنہیں وہ سمیٹ لے*

*وَالۡقَمَرِ اِذَا اتَّسَقَۙ ۞*

*اور چاند کی جب وہ پورا ہوجائے*

*لَتَرۡكَبُنَّ طَبَقًا عَنۡ طَبَقٍؕ ۞*

*کہ تم سب ایک منزل سے دوسری منزل کی طرف چڑھتے جاؤ گے*

*يٰۤاَيُّهَا الۡاِنۡسَانُ اِنَّكَ كَادِحٌ اِلٰى رَبِّكَ كَدۡحًا فَمُلٰقِيۡهِ‌ۚ ۞*

*اے انسان ! تو اپنے پروردگار کے پاس پہنچنے تک مسلسل کسی محنت میں لگا رہے گا، یہاں تک کہ اس سے جا ملے گا*

تشریح

*انسان کی پوری زندگی کسی نہ کسی کوشش میں خرچ ہوتی ہے۔ جو نیک لوگ ہیں، وہ الله تعالیٰ کے احکام کی تعمیل میں محنت کرتے ہیں، اور جو دنیا پرست ہیں، وہ صرف دنیا کے فوائد حاصل کرنے کے لیے محنت کرتے رہتے ہیں، یہاں تک کہ ہر انسان کا آخری انجام یہ ہوتا ہے کہ وہ محنت کرتا کرتا الله تعالیٰ کے پاس پہنچ جاتا ہے*

*بَلۡ هُوَ قُرۡاٰنٌ مَّجِيۡدٌ ۞*

(ان کے جھٹلانے سے قرآن پر کوئی اثر نہیں پڑتا)

*بلکہ یہ بڑی عظمت والا قرآن ہے*

*فِىۡ لَوۡحٍ مَّحۡفُوۡظٍ ۞*

*جو لوح محفوظ میں درج ہے*

*بَلِ الَّذِيۡنَ كَفَرُوۡا فِىۡ تَكۡذِيۡبٍۙ ۞*

*بلکہ کافر تو جھٹلانے میں لگے ہوئے ہیں*

*وَّاللّٰهُ مِنۡ وَّرَآئِهِمۡ مُّحِيۡطٌۚ ۞*

*حالانکہ الله انہیں ہر طرف سے گھیرے ہوئے ہے*

*وَالسَّمَآءِ ذَاتِ الرَّجۡعِۙ‏ ۞*

*قسم ہے بارش والےآسمان کی*

*وَالۡاَرۡضِ ذَاتِ الصَّدۡعِۙ ۞*
*اور پھٹ جانے والی زمین کی*

*اِنَّهٗ لَقَوۡلٌ فَصۡلٌۙ ۞*
*کہ یہ (قرآن) ایک فیصلہ کن بات ہے*

*وَّمَا هُوَ بِالۡهَزۡلِؕ ۞*
*اور یہ کوئی مذاق نہیں ہے*

*اِنَّهُمۡ يَكِيۡدُوۡنَ كَيۡدًا ۞*
*بیشک یہ (کافر لوگ) چالیں چل رہے ہیں*

*وَّاَكِيۡدُ كَيۡدًا ۞*
*اور میں بھی ایک تدبیر کر رہا ہوں*

*فَمَهِّلِ الۡكٰفِرِيۡنَ اَمۡهِلۡهُمۡ رُوَيۡدًا ۞*
*لہذا آپ ان کافروں کو ڈھیل دو ، انہیں تھوڑے دنوں اپنے حال پر چھوڑ دو*