Haji muhammad fazal khan Public library Saltoro Goma Siachen

حاجی محمد فاضل خان میموریل ڈیجیٹل پبلک لائبریری، سلترو گونما، سیاچن
ڈی ڈی او ہائی سکول سیتھ سلترو، محترم حاجی غلام نبی صاحب، اور ہیڈ ماسٹر مڈل سکول سلترو گونما، محمد اختر صاحب نے لائبریری کا تفصیلی دورہ کیا اور بچوں کو اس سے بھرپور استفادہ حاصل کرنے کی ہدایت دی۔

حاجی محمد فاضل خان میموریل ڈیجیٹل پبلک لائبریری، سلترو گونما سیاچن
سلترو گونما سیاچن کے اسٹوڈنٹس لائبریری میں ناولز اور دیگر کتابوں کا مطالعہ کر رہے ہیں۔

حاجی محمد فاضل خان میموریل ڈیجیٹل پبلک لائبریری، سلترو گونما سیاچن
گورنمنٹ مڈل سکول سلترو گونما سیاچن کے ننھے منے بچے لائبریری میں ناولز اور دیگر کتابوں کا مطالعہ کر رہے ہیں۔

بسم اللہ الرحمٰن الرحیم
حاجی محمد فاضل خان میموریل ڈیجیٹل پیبلک لائبریری سلترو گونما سیاچن آج باقاعدہ طور پر عوام کے لیے کھول دی گئی۔ لائبریری کے افتتاح کے بعد مڈل اسکول سلترو گونما کے ننھے منے بچے، بیٹیاں اور نوجوان لائبریری کی کتابوں سے استفادہ حاصل کر رہے ہیں۔
ننھے منے بچوں اور علاقے سلترو گونما سیاچن کے نوجوانوں نے معزز ڈونر اور علم دوست شخصیت وقاص زاہد عباسی صاحب کا اس تعلیمی اقدام پر خصوصی شکریہ ادا کیا اور ان کے لیے نیک تمناؤں اور دعاؤں کا اظہار بھی کیا۔
ساتھ ہی لائبریری کے قیام کے لیے اپنے قیمتی وقت میں سے وقت نکال کر ڈونرز فراہم کرنے میں کردار ادا کرنے پر علم دوست شخصیت نوید صاحب اور سابق ڈپٹی کمشنر نگر و ڈپٹی سیکرٹری مائننگ گلگت وقاص جوہر صاحب کا بھی خصوصی شکریہ ادا کیا گیا۔

حاجی محمد فاضل خان میموریل ڈیجیٹل پبلک لائبریری، سلترو گونما کے کمیٹی ممبران،ہیڈ ماسٹر ہائی سکول سیتھ سلترو اسماعیل سعودی صاحب لائبریری نمائندہ ہذا محمد سلیم روزی، سینئر ممبر ایس ایس ڈبلیو ایس مظہر حسین، سی ای سی ممبر علی احمد، صدر ایس ایس ڈبلیو ایس سلترو یونٹ ثناء اللہ نیازی سرکردہ عمران اسماعیل اور اسد اللہ نے نئی تعینات ہونے والے لائبریرین کو لائبریری کے قوانین اور رول اینڈ ریگولیشن کے حوالے سے تفصیلی آگاہی دی۔ ساتھ ہی ہمارے پیارے بھائی، معزز ڈونر اور علم دوست شخصیت وقص زاہد عباسی کی طرف سے لائبریری کو دی گئی قیمتی اشیاء کے بارے میں بھی مکمل معلومات فراہم کی گئیں اور یہ تمام قیمتی اشیاء کمیٹی کے ارکان کی موجودگی میں نئی تعینات ہونے والے لائبریرین کے حوالے کر دی گئیں۔
کمیٹی کے ارکان نے کہا کہ کتابوں کی مکمل کیٹلاگنگ کروانے تک وہ لائبریرین کے ساتھ مل کر کام کریں گے، اور سب مل کر علاقے میں بہترین تعلیمی نظام کو فروغ دینے اور بچوں کو اس ڈیجیٹل پبلک لائبریری سے مستفید کرنے کے لیے تعاون کریں گے۔ آخر میں، سلترو گونما سیاچن کے بچوں کے لیے ایک خوبصورت اور شاندار لائبریری بنانے پر معزز ڈونر وقص زاہد عباسی صاحب کا خصوصی شکریہ ادا کیا گیا۔ اللہ تعالیٰ سے دعا ہے کہ ان کے کاروبار میں مزید برکت عطا فرمائے اور قوم و ملت کی خدمت کا مزید موقع دے، اور امید ظاہر کی گئی کہ علم دوست شخصیت وقص زاہد عباسی صاحب آئندہ بھی سیاچن کے بچوں کی حصولِ تعلیم کے لیے اسی طرح تعاون کرتے رہیں گے۔

حاجی محمد فاضل خان میموریل ڈیجیٹل پبلک لائبریری، سلترو، گونما سیاچن میں نئی لائبریرین کا تعیناتی
آج حاجی محمد فاضل خان ڈیجیٹل پبلک لائبریری، سلترو، گونما سیاچن میں نئی تعینات ہونے والی لائبریرین عبدالطیف نے باقاعدہ طور پر لائبریری کا چارج سنبھال لیا۔
ہیڈ ماسٹر اسماعیل سعودی، نمائندہ لائبریری سلیم روزی، سینئر ممبر ایس ایس ڈبلیو ایس مظہر حسین نے اپنے ہاتھوں سے لائبریری کا اپوائنٹمنٹ لیٹر اور لائبریری کی چابی نئی تعینات ہونے والی لائبریرین کے حوالے کی۔
اس موقع پر سرکردہ گونما عمران اسماعیل، سی ای سی ممبر علی احمد اور صدر ایس ایس ڈبلیو ایس ثنااللہ بھی موجود تھے۔
معززین نے نئی لائبریرین کو مبارکباد پیش کی اور امید ظاہر کی کہ وہ لائبریری کو بہترین طریقے سے چلائیں گی اور بچوں کو اس ڈیجیٹل لائبریری کے ذریعے سیکھنے میں مدد فراہم کریں گی، جو مستقبل کے لیے ایک اہم سنگِ میل ثابت ہوگی۔
اس موقع پر علم دوست شخصیت سی ای او وقاص زاہد عباسی کی خدمات کو سراہا گیا اور انہیں خراج تحسین پیش کیا گیا۔ معززین نے امید ظاہر کی کہ وہ مستقبل میں بھی سیاچن کے عوام کے لیے ایسے ہی تعاون جاری رکھیں گے۔
اور ساتھ ہی اس خوبصورت لائبریری کی قیام کے لیے بہت ہی اہم کردار ادا کرتے ہوئے ڈونرز کو لانے میں مدد کرنے والے سابق ڈپٹی کمشنر نگر و ڈپٹی سیکرٹری مائننگ وقاص جوہر صاحب اور علم دوست شخصیت نوید صاحب کا بھی خصوصی شکریہ ادا کیا گیا- اور ان تمام علم دوست شخصیت کے لیے خصوصی دعا بھی کیا گیا

فائنل میرٹ لسٹ
حاجی محمد فاضل خان ڈیجیٹل پبلک لائبریری سلترو گونما سیاچن کے لیے فائنل میرٹ لسٹ جاری کر دی گئی ہے۔
محمد لطیف ولد غلام محمد کو لائبریری میں لائبریرین اور چوکیدار کے عہدے پر تعینات کر دیا گیا ہے۔
محمد نسیم ولد فدا علی کو پہلے اور فاطمہ ولد عبداللہ کو ویٹنگ لسٹ میں دوسرے نمبر پر رکھا گیا ہے۔
سی ای او وقص زاہد عباسی
حاجی محمد فاضل خان ڈیجیٹل پیبلک لائبریری سلترو گونما سیاچن

سلترو گونما سیاچن:
سی ای او وقاص زاہد عباسی کی ہدایات کی روشنی میں آج حاجی محمد فاضل خان ڈیجیٹل پبلک لائبریری سلترو گونما سیاچن کی لائبریرین کی تعیناتی کے لیے انٹرویو منعقد کیا گیا۔
انٹرویو ایس ایس ڈبلیو ایس کے سینئر ممبران نے لیا۔ انٹرویو پینل میں مندرجہ ذیل ایجوکیشنسٹ شامل تھے:
محمد درویش، نوجوان اسلامی اسکالر و سینئر ممبر ایس ایس ڈبلیو ایس (گھپکور)
حسن ساحل، ایجوکیشنسٹ و ٹیچر، ہائی سکول سیتھ و سینئر ممبر ایس ایس ڈبلیو ایس (غاغلو)
محمد لطیف، ایجوکیشنسٹ و ٹیچر و سینئر ممبر ایس ایس ڈبلیو ایس (گھپکور)
معزز انٹرویو پینل میں چیرمین کے فرائض بوا درویش نے انجام دیے جبکہ حسن ساحل اور محمد لطیف ممبران کے طور پر شامل تھے۔
لائبریری انتظامیہ اپنے معزز پینل کا دلی شکریہ ادا کرتی ہے کہ انہوں نے اپنی قیمتی وقت میں سے وقت نکال کر دور دراز گاؤں سے سفر کر کے تشریف لائی اور انٹرویو کے عمل کو کامیاب بنایا۔

انٹرویو کی اطلاع
تمام شارٹ لسٹ امیدواران کو اطلاع دی جاتی ہے کہ حاجی محمد فاضل خان ڈیجیٹل پبلک لائبریری، سلترو، گونما، سیاچن میں لائبریرین کے عہدے کے لیے انٹرویو کل بروز اتوار، 5 اپریل کو منعقد ہوگا۔
انٹرویو کی تفصیلات:
وقت: شام 4:00 بجے
تاریخ: 5 اپریل، بروز اتوار
مقام: حاجی محمد فاضل خان ڈیجیٹل پبلک لائبریری، سلترو، گونما، سیاچن
تمام امیدواران سے گزارش ہے کہ وہ وقت پر پہنچیں۔

حاجی محمد فاضل خان ڈیجیٹل پبلک لائبریری سلترو گونما سیاچن، کی لائبریرین کی پوسٹ کی انٹرویو کے لیے شارٹ لسٹ ہونے والے امیدواروں کی فہرست:
انٹرویو کے لیے شارٹ لسٹ ہونے والے تمام امیدواروں کو اطلاع دی جاتی ہے کہ وہ 5 اپریل 2026 بروز اتوار کو انٹرویو کے لیے لائبریری ہذا میں حاضر ہوں۔

حاجی محمد فاضل خان ڈیجیٹل پبلک لائبریری سلترو گونما سیاچن
حاجی محمد فاضل خان ڈیجیٹل پبلک لائبریری سلترو گونما سیاچن کے منتظمین نے سی ای او وقص زاہد عباسی کے احکامات کی روشنی میں لائبریری کے لیے لائبریرین کی تعیناتی کے لیے انٹرویو پینل تشکیل دے دیا گیا ہے۔
انٹرویو پینل میں شامل افراد درج ذیل ہیں:
1: ماسٹر نجم الدین محمد، ٹی جی ٹی ایجوکیشنسٹ
2: ماسٹر مظہر حسین، بانی ایس ڈبلیو ایس و ایجوکیشنسٹ
3: منور منظور، جنرل سیکرٹری ایس ایس ڈبلیو ایس و آئی ٹی ایکسپرٹ
لائبریرین کا انٹرویو بروز اتوار، 5 اپریل 2026، لائبریری ہذا میں منعقد ہوگا۔