Government Graduate College Isa Khel

05/08/2026

01/08/2026

ہمارے طلبہ ۔۔۔۔۔۔ قابل طلبہ
گورنمنٹ گریجویٹ کالج عیسی خیل کے بی ایس انگلش کے چوتھے سیمسٹر کے طلباء محمد دانش اور زوہیب حسن شاہ نے گورنمنٹ گریجویٹ کالج میانوالی میں ایچ ای ڈی کی طرف سے منعقد ہونے والی سپورٹس (تیسرے سالانہ مقابلہ جات) میں شوٹنگ والی بال میں حصہ لیا گیم کے دوران اعلی کارکردگی کی وجہ سے ان طلباء کو ڈویژن لیول پر ہونے والے مقابلوں کے لیے منتخب کر لیا گیا ہے۔ سرکاری کالجز میں اچھا کھیلنے والے طلباء کو مسلسل ضلع، ڈویژن اور حتی کہ صوبائی لیول پر کھیلنے کا موقع فراہم کیا جاتا ہے۔

01/08/2026

گورنمنٹ گریجویٹ کالج عیسی خیل

ایک نئی تاریخ رقم ۔۔۔۔
کالج کی تاریخ میں پہلی دفعہ بی ایس انگلش کے فرسٹ سیمسٹر کے رزلٹ میں تمام ٹاپ پوزیشنز پر طالبات کی برتری ۔۔۔۔۔۔۔
آپ دیکھ سکتے ہیں کہ موقع ملنے پر عیسی خیل کی بیٹیاں نہ صرف کامیابی سے ہم کنار ہوتی ہیں بلکہ سب کو پیچھے چھوڑ دینے کی صلاحیت بھی رکھتی ہیں ۔

30/07/2026

F.Sc Pre-Medical صرف ایک گروپ نہیں، بلکہ بے شمار شعبوں کے دروازے کھولنے والا راستہ ہے۔

اکثر طلبہ سمجھتے ہیں کہ Pre-Medical کا مطلب صرف ڈاکٹر بننا ہے، حالانکہ حقیقت اس سے کہیں زیادہ وسیع ہے۔ اگر آپ کو Biology پسند ہے اور آپ انسانی جسم، بیماریوں، تحقیق یا قدرتی علوم میں دلچسپی رکھتے ہیں، تو یہ گروپ آپ کے لیے بہترین بنیاد ثابت ہو سکتا ہے۔

اسی بنیاد پر آگے چل کر MBBS، BDS، DPT، Pharm-D، Nursing، Biotechnology، Microbiology، Nutrition، Agriculture، Veterinary Sciences، Medical Laboratory Technology اور لائف سائنسز کے درجنوں شعبوں میں تعلیم اور کیریئر کے مواقع موجود ہیں۔

صحیح گروپ کا انتخاب صرف دو سال کا فیصلہ نہیں ہوتا، بلکہ کئی مرتبہ یہی فیصلہ آنے والے کئی سالوں کی سمت متعین کرتا ہے۔

27/07/2026

🌿 گرین عیسیٰ خیل پروگرام – فیز 03 کا باقاعدہ آغاز 🌿

سرسبز، صاف اور ماحول دوست عیسیٰ خیل کے عزم کے ساتھ گورنمنٹ گریجویٹ کالج عیسیٰ خیل اور الفلاح یوتھ فاؤنڈیشن عیسیٰ خیل کے باہمی اشتراک سے گزشتہ تقریباً تین سال سے گرین عیسیٰ خیل پروگرام کامیابی سے جاری ہے، جس کے تحت ہر سال شجرکاری مہم کا انعقاد کیا جاتا ہے۔

اسی سلسلے میں 24 جولائی 2026 (بروز جمعہ) کو گرین عیسیٰ خیل پروگرام – فیز 03 کا باقاعدہ افتتاح پرنسپل گورنمنٹ گریجویٹ کالج عیسیٰ خیل اور اسسٹنٹ کمشنر عیسیٰ خیل، جناب خلیل احمد نے مشترکہ طور پر کیا۔

اس پروگرام کے تحت اب تک:
🌱 فیز 01: 80 پودے
🌱 فیز 02: کالج اور گورنمنٹ ہائی سکول کے سامنے 140 پودے
🌱 فیز 03: اب تک 30 پودے لگائے جا چکے ہیں، جبکہ شجرکاری مہم تاحال جاری ہے۔

اس کے علاوہ، اسی پروگرام کے تحت گورنمنٹ گریجویٹ کالج عیسیٰ خیل کے اندر بھی تقریباً 50 پودے لگائے جا چکے ہیں، جو طلبہ و طالبات کے لیے ایک سرسبز، خوبصورت اور صحت مند تعلیمی ماحول کی تشکیل میں اہم کردار ادا کر رہے ہیں۔

اب تک اس پروگرام کے تحت 300 سے زائد پودے لگائے جا چکے ہیں، اور یہ سفر ایک سرسبز، صاف ستھرے اور ماحول دوست عیسیٰ خیل کی جانب مسلسل جاری ہے۔

آئیں! ایک درخت لگائیں، ماحول بچائیں اور آنے والی نسلوں کے لیے سرسبز عیسیٰ خیل کی بنیاد مضبوط بنائیں۔ 🌳💚

26/07/2026

سکل سیکھنا چاہتے ہیں ؟
حکومت پنجاب کی طرف سے سرکاری کالجز میں میٹرک پاس کرنے والے طلبہ کے لیے ایک سکل بیسڈ پروگرام کا آغاز ہو چکا ہے۔ یہ طلبہ کے لیے اس لیے بھی بہت اچھا موقع ہے کہ اس میں سیمسٹر سسٹم کے تحت سکل سکھائی جائے گی اور امتحان لیا جائے گا۔ 2 سال کامیابی سے مکمل کرنے کے بعد آپ کے پاس ہنر بھی ہوگا اور سند بھی ۔ مزید معلومات کے لیے ابھی واٹس ایپ کریں ۔
03177491461

25/07/2026

گورنمنٹ گریجویٹ کالج عیسیٰ خیل اپنی تاریخ میں پہلی بار ڈپلومہ اِن انفارمیشن ٹیکنالوجی (DIT) کا آغاز کر رہا ہے۔
پہلے سیمسٹر میں درج ذیل مضامین پڑھائے جائیں گے:
انفارمیشن اینڈ کمیونیکیشن ٹیکنالوجی (ICT)
مائیکروسافٹ آفس کا تعارف
کمپیوٹر نیٹ ورکس
آپریٹنگ سسٹم
پروگرامنگ کا تعارف
جدید آئی ٹی تعلیم، عملی تربیت اور مستقبل کے تقاضوں سے ہم آہنگ مہارتیں حاصل کرنے کا بہترین موقع۔
داخلے جاری ہیں۔
مزید معلومات اور رجسٹریشن کے لیے واٹس ایپ کریں
03177491461

18/07/2026

یونیورسٹی میں مختلف BS پروگرامز کی صبح اور شام کی شفٹس کی فیس میں نمایاں فرق ہے۔ مثال کے طور پر BS English میں ریگولر داخلے کی فی سمسٹر فیس تقریباً 67,000 روپے جبکہ Self-Support پروگرام کی فیس تقریباً 1,10,000 روپے ہے۔

یہ بھی یاد رہے کہ ان پروگرامز میں داخلے کے لیے عموماً انٹرمیڈیٹ میں 1000 سے زائد نمبر درکار ہوتے ہیں تاکہ میرٹ پر داخلے کا امکان بن سکے۔

اس کے برعکس، پنجاب کے گورنمنٹ گریجویٹ کالجز یہی BS پروگرامز تقریباً 10,000 سے 15,000 روپے فی سمسٹر میں فراہم کر رہے ہیں۔ اس کے علاوہ، اپنے شہر میں تعلیم حاصل کرنے کی صورت میں طلبہ ہاسٹل، رہائش اور دیگر اضافی اخراجات سے بھی بچ سکتے ہیں، جس سے مجموعی طور پر لاکھوں روپے کی بچت ممکن ہوتی ہے۔

اعلیٰ تعلیم کا انتخاب کرتے وقت صرف ادارے کا نام نہیں بلکہ تعلیم کے معیار، اخراجات اور اپنی مالی استطاعت کو بھی ضرور مدنظر رکھیں۔

10/07/2026

گورنمنٹ گریجویٹ کالج عیسیٰ خیل

پرنسپل صاحب کی زیرِ صدارت آج گورنمنٹ گریجویٹ کالج عیسیٰ خیل میں تدریسی، غیر تدریسی اور کلاس فور ملازمین کا ایک اہم اجلاس منعقد ہوا۔ اجلاس میں فرسٹ ایئر داخلہ مہم 2026 کے حوالے سے تفصیلی مشاورت کی گئی۔

اجلاس کے دوران داخلہ مہم کو مؤثر اور کامیاب بنانے کے لیے مختلف تجاویز پر غور کیا گیا اور آئندہ کے لائحۂ عمل کو حتمی شکل دی گئی۔ اس موقع پر اس عزم کا اعادہ کیا گیا کہ تمام سٹاف ممبران اپنے اپنے علاقوں، محلوں اور دیہات میں گورنمنٹ گریجویٹ کالج عیسیٰ خیل کے تعلیمی مواقع اور داخلہ مہم کا پیغام عام کریں گے تاکہ زیادہ سے زیادہ طلبہ معیاری سرکاری تعلیم سے مستفید ہو سکیں۔

آئیں! روشن مستقبل کے لیے گورنمنٹ گریجویٹ کالج عیسیٰ خیل کا انتخاب کریں۔

09/07/2026

For Registration WhatsApp us at 03177491461