Air foundation school system Gulshan-e-zeal pak campus

حج کا آسان اور مکمل طریقہ
8 ذی الحج حج کا پہلا دن (یوم الترویہ)
8 ذی الحج کی صبح غسل یا وضو کر کے، (اگر مکہ مکرمہ میں ہوں تو اپنے ہوٹل سے ہی) احرام پہن لیں۔ دو رکعت نمازِ نفل بحیثیتِ احرام پڑھیں، حج کی نیت کریں اور بلند آواز سے تلبیہ پڑھتے ہوئے مِنیٰ کے لیے روانہ ہوں۔
اگر انتظامی مجبوری یا اسانی کی خاطر خادمِ حجاج آپ کو 7 ذی الحج کی رات یا دن میں ہی مِنیٰ روانہ کر دیں، تو ۷ ذی الحج کو ہی اپنے ہوٹل سے غسل کر کے، احرام پہن کر، دو رکعت پڑھ کر حج کی نیت اور تلبیہ کے ساتھ روانہ ہو جائیں۔ اس میں کوئی حرج نہیں ہے۔
مِنیٰ میں نمازوں کے علاوہ کوئی خاص عمل فرض نہیں ہے۔ خوب آرام کریں، دوسرے حاجیوں کے ساتھ حج کے طریقے پر مذاکرہ کریں، استغفار اور ذکر و اذکار میں وقت گزاریں۔
نمازیں: 8 ذی الحج کو مِنیٰ میں پانچ نمازیں اپنے وقت پر جن کا قیام مکہ میں پندرہ دن سے کم ہو وہ قصر پڑھیں گے اور جن کا قیام پندرہ دن سے زائد ہے وہ مکمل ادا کریں گے
9 ذی الحج: حج کا دوسرا دن (یومِ عرفہ)
9 ذی الحج کے طلوعِ آفتاب کے بعد، تلبیہ اور ذکر و اذکار کرتے ہوئے میدانِ عرفات کے لیے روانہ ہوں۔
اگر انتظامی مجبوریاں ہوں اور آپ کو فجر سے پہلے (رات ہی میں) عرفات پہنچا دیا جائے، تو بھی کوئی حرج نہیں، حج ادا ہو جائے گا۔

ظہر و عصر کی نمازیں: ۹ ذی الحج کو ظہر اور عصر کی نمازیں مسجدِ نمرہ کے امام کی اقتدا میں ملا کر (جمع تقدیم) پڑھنا سنت ہے۔
لیکن وہاں جگہ ملنا بہت مشکل ہوجاتی ہے
اگر آپ مسجدِ نمرہ سے دور اپنے خیموں میں ہوں، تب آپ ظہر کی نماز اس کے وقت میں اور
عصر کی نماز اس کے وقت میں ہی ادا کریں جس کا پندرہ دن سے کم مکہ میں قیام ہوگا وہ سفر والی یعنی قصر ادا کرے۔

میدانِ عرفات کا خاص وظیفہ: زوال کے بعد، قبلہ رخ ہو کر درج ذیل تسبیحات ۱۰۰، ۱۰۰ مرتبہ پڑھنے کی بڑی فضیلت حدیث پاک سے ثابت ہے: چوتھا کلمہ: لَا إِلٰہَ إِلَّا اللہُ وَحْدَہُ لَا شَرِیکَ لَہُ، لَہُ الْمُلْکُ وَلَہُ الْحَمْدُ، وَہُوَ عَلٰی کُلِّ شَیْءٍ قَدِیرٌ (۱۰۰ مرتبہ)
سورہ اخلاص (۱۰۰ مرتبہ)
درود شریف (۱۰۰ مرتبہ)
قبولیتِ دعا کا وقت: زوال سے لے کر غروبِ آفتاب تک کا پورا وقت دعا کا ہے، لیکن خاص طور پر عصر سے مغرب تک کا وقت انتہائی فضیلت اور قبولیت کا ہے۔ اس وقت باوضو، قبلہ رخ کھڑے ہو کر خوب عاجزی سے دعائیں کریں۔ اگر تھک جائیں تو کچھ دیر بیٹھ جائیں، پھر کھڑے ہو کر دعا شروع کر دیں۔
مغفرتِ عامہ: عصر سے مغرب کے درمیان اللہ سبحانہ و تعالیٰ اپنے بندوں کی اس قدر کثرت سے مغفرت فرماتے ہیں کہ شیطان مٹی اٹھا کر اپنے سر میں ڈالتا ہے اور کہتا ہے: "ہائے! میری سالہا سال کی محنت ضائع ہو گئی"۔ لہذا خوب توبہ و استغفار کریں۔

مزدلفہ کی طرف روانگی: 9 ذی الحج کو غروبِ آفتاب کے بعد، مغرب کی نماز پڑھے بغیر مزدلفہ کے لیے روانہ ہوں (مِنیٰ سے مزدلفہ تقریباً 5 کلومیٹر ہے)۔ راستے میں مغرب کی نماز ہرگز نہ پڑھیں، اگر پڑھ لی تو مزدلفہ پہنچ کر اس کا اعادہ (دوبارہ پڑھنا) لازم ہوگا۔ اس رات مغرب قضا نہیں ہوتی، چاہے آپ رات ۲ یا ۳ بجے بھی مزدلفہ پہنچیں، نماز ادا ہی شمار ہوگی۔
مزدلفہ پہنچ کر ایک اذان اور ایک ہی اقامت کے ساتھ مغرب اور عشاء کی نمازیں ملا کر (جمع تاخیر) پڑھی جائیں گی۔ پہلے مغرب کے ۳ فرض، پھر عشاء کے 4 فرض پڑھیں۔
دونوں نمازیں اپنے تمام ارکان (بشمول سلام) کے ساتھ الگ الگ ہی پڑھی جاتی ہیں، بس انہیں ایک ہی وقت میں بغیر کسی طویل وقفے کے مسلسل پڑھا جاتا ہے۔

اس کے بعد مغرب کی سنتیں، پھر عشاء کی سنتیں اور وتر پڑھیں۔
مسافر قصر ادا کریں گے ۔

یہ رات بہت برکت والی ہے۔ نمازوں کے بعد آرام کریں اور اگر ہمت ہو تو رات کے آخری حصے میں تہجد ضرور پڑھیں۔

کنکریاں جمع کرنا: جمرات (شیطانوں) کو مارنے کے لیے مزدلفہ کے میدان سے کم از کم 70 کنکریاں (چنے کے دانے کے برابر) کسی پلاسٹک کی بوتل یا کپڑے کی تھیلی میں جمع کر لیں۔ کنکریاں ضرورت سے تھوڑی زائد جمع کریں تاکہ اگر کچھ گر جائیں تو پاس متبادل موجود ہو۔

10 ذی الحج: حج کا تیسرا دن (یوم النحر)
10 ذی الحج کو مزدلفہ میں نمازِ فجر اور وقوف (دعا) کے بعد، طلوعِ آفتاب سے پہلے یا بعد مِنیٰ کی طرف روانہ ہو جائیں آج صرف ایک (بڑے) شیطان یعنی "جمرہ عقبہ" کو 7 کنکریاں ماری جائیں گی۔
اس کے لیئے وضو
(ضروری) نہیں ہے، البتہ باوضو ہونا مستحب ہے۔ کنکری کا براہِ راست ستون پر لگنا لازمی نہیں ہے، اگر وہ ستون کے گرد بنے ہوئے بڑے حوض (دائرے) کے اندر گر جائے تو کنکری شمار ہو جائے گی۔ پہلی کنکری مارنے کے ساتھ ہی زبان سے تلبیہ پڑھنا بند کر دیں۔
رمی کا مسنون وقت 10 ذی الحج کو طلوعِ آفتاب سے زوال تک ہے۔ زوال سے غروبِ آفتاب تک بغیر کراہت جائز ہے۔ غروب کے بعد رات میں بھی ہجوم یا کمزوری کے باعث رمی کرنا بلا کراہت جائز ہے۔
سنت طریقہ یہ ہے کہ مِنیٰ آپ کے دائیں طرف، خانہ کعبہ بائیں طرف اور جمرہ عقبہ سامنے ہو۔
ایک وقت میں ایک کنکری دائیں ہاتھ کے انگوٹھے اور شہادت کی انگلی سے پکڑ کر پھینکیں اور ہر کنکری پر کہیں: بِسْمِ اللہِ، اَللہُ اَکْبَرُ۔ تفصیلی مستحب دعا: بِسْمِ اللہِ اَللہُ اَکْبَرُ، رَجْمًا لِلشَّیْطَانِ وَرِضًا لِلرَّحْمٰنِ، اَللّٰھُمَّ اجْعَلْہُ حَجًّا مَبْرُوْرًا وَذَنْبًا مَّغْفُوْرًا۔

10 ذی الحج کو درج ذیل تین کام اسی ترتیب سے کرنا : بڑے شیطان (جمرہ عقبہ) کو 7 کنکریاں مارنا۔
قربانی کرنا (حجِ قران اور تمتع کرنے والوں کے لیے شکرانے کی قربانی)۔

بال کٹوانا یا منڈوانا (حلق یا قصر)
(نوٹ: حنفی مسلک کے مطابق ترتیب خراب ہونے کی صورت میں دم لازم آتا ہے، جبکہ دیگر ائمہ کے ہاں دم لازم نہیں ہوتا)۔

احرام کھولنا: بال کٹوانے (حلق یا قصر) کے بعد آپ کا احرام کھل جائے گا اور آپ سلائی والے کپڑے پہن سکتے ہیں۔ اب بیوی کے علاوہ تمام ممنوعہ چیزیں حلال ہو جائیں گی۔

10 ذی الحج کو احرام اتارنے کے بعد مکہ مکرمہ جا کر حج کا فرض طواف (طوافِ زیارت) اور حج کی سعی کر لیں۔ اگر ہجوم یا تھکن کی وجہ سے ۱۰ تاریخ کو نہ کر سکیں تو ۱۱ یا ۱۲ ذی الحج کے غروبِ آفتاب سے پہلے پہلے تک طوافِ زیارت کرنا جائز ہے۔ اگر ۱۲ ذی الحج کے غروب کے بعد کیا تو (حنفی مسلک کے مطابق) دم واجب ہوگا۔ طوافِ زیارت کے بعد بیوی بھی حلال ہو جاتی ہے۔
11 ذی الحج: حج کا چوتھا دن
آج (۱۱ تاریخ کو) تینوں شیطانوں کو کنکریاں ماری جائیں گی۔ رمی کا وقت زوالِ آفتاب (دوپہر) کے بعد شروع ہوتا ہے اور اگلی صبح صادق تک رہتا ہے۔ (ہجوم سے بچنے کے لیے عصر یا مغرب کے بعد کا وقت زیادہ آسان رہتا ہے)۔
آج کی رمی کی ترتیب: جمرہ اولیٰ (چھوٹا شیطان): پہلے اسے ۷ کنکریاں ماریں، پھر تھوڑا آگے بڑھ کر ایک طرف قبلہ رخ کھڑے ہو کر ہاتھ اٹھا کر خوب دعائیں مانگیں۔ یہ قبولیت کا وقت ہے۔
جمرہ وسطیٰ (درمیانی شیطان): پھر اسے 7 کنکریاں ماریں اور اسی طرح ایک طرف ہٹ کر قبلہ رخ ہو کر خوب دعائیں مانگیں۔
جمرہ عقبہ (بڑا شیطان): آخر میں اسے 7 کنکریاں ماریں، لیکن اس کے بعد کھڑے ہو کر دعا نہ مانگیں (کیونکہ نبی کریم ﷺ سے یہاں دعا مانگنا ثابت نہیں)، بلکہ تلبیہ اور ذکر کرتے ہوئے واپس پلٹ جائیں۔

12 ذی الحج: حج کا پانچواں دن
آج کے اعمال: 12 ذی الحج کو بھی بالکل 11 ذی الحج کی طرح زوالِ آفتاب کے بعد تینوں شیطانوں کو اسی ترتیب سے ۷، ۷ کنکریاں ماریں۔

مِنیٰ سے رخصتی: رمی کرنے کے بعد اگر آپ مکہ مکرمہ جانا چاہیں تو جا سکتے ہیں، آپ کے حج کے ارکان مکمل ہو گئے۔

مِنیٰ سے رخصتی کا وقت 12 تاریخ کے غروبِ آفتاب تک ہے۔ اگر 12 تاریخ کا سورج مِنیٰ ہی میں غروب ہو جائے، تب بھی مکہ جانا جائز ہے، لیکن اگر 13 تاریخ کی صبح صادق مِنیٰ ہی میں ہو گئی، تو اب 13 تاریخ کی رمی کیے بغیر جانا گناہ ہوگا اور 13 کی رمی زوال کے بعد کر کے ہی مکہ روانہ ہونا پڑے گا۔

طوافِ وداع (آخری واجب)
تعارف و وقت: طوافِ وداع مکہ مکرمہ سے اپنے ملک یا مدینہ منورہ رخصت ہوتے وقت کیا جاتا ہے

یہ ہر آفاقی (باہر سے آنے والے) حاجی پر واجب ہے۔ اس کا وقت طوافِ زیارت کے بعد ہی سے شروع ہو جاتا ہے۔

حکم: اگر کوئی حاجی طوافِ زیارت کے بعد کوئی بھی نفلی طواف کر لے تو اس سے بھی طوافِ وداع ادا ہو جاتا ہے، لیکن افضل اور مسنون طریقہ یہی ہے کہ جب آپ مکہ مکرمہ کو بالکل الوداع کہہ رہے ہوں، تو عین رخصتی کے وقت ہی طوافِ وداع کیا جائے، اور اس سے پہلے تک مکہ میں قیام کے دوران کثرت سے نفلی طواف کیے جاتے رہیں۔ (خواتین کے لیے مخصوص ایام کی صورت میں یہ طواف معاف ہے اور ان پر کوئی دم نہیں ہوتا)۔

Little hands, big imaginations 🎨✨
Our preschool stars are exploring colors, expressing creativity, and turning their tiny ideas into beautiful masterpieces. Painting not only brings joy but also helps develop fine motor skills and confidence in young learners. 🌈🖌️

Grand Test of Urdu has been successfully conducted at the Primary Level.
Our young learners showcased their understanding, writing skills, and confidence with great enthusiasm. Such assessments play a vital role in strengthening concepts and evaluating academic progress. We appreciate the efforts of both students and teachers in making this assessment a success.

Computer assessment in progress 💻
Our students are being evaluated on their practical skills, digital understanding, and conceptual knowledge. Such assessments play a vital role in strengthening their confidence and preparing them for a technology-driven future! #

Our little students poured their love into beautiful handmade cards, each one filled with heartfelt emotions and innocence. 💖
They proudly take these cards home — a small tribute to the biggest blessing in their lives, their mothers. 🌸
A simple gesture, yet full of love, gratitude, and countless unspoken duas for the ones who mean everything. 🤍