Al HAFIZ Academy

حوصلہ شکنی کی بجائے حوصلہ افزائی کیجئے،
ہر شخص جینے کا حق رکھتا ہے۔۔۔

تاریخِ اسلام کا وہ درخشندہ باب جہاں حیا، سخاوت اور مظلومیت یکجا ہو کر عظمت کی معراج کو چھو لیتی ہیں۔ آپ کی شخصیت کا سب سے سحر انگیز وصف "حیا" تھا۔ایک ایسی خوشبو دار اور گہری حیا، جس کے تقدس کے سامنے زمین پر تاجدارِ کائنات ﷺ اپنے زانو ڈھانپ لیتے تو آسمانوں پر نوری ملائکہ اپنے پر سمیٹ لیتے۔ جب بھی نوخیز اسلامی ریاست پر معاشی تنگی کا کوئی کڑا وقت آیا،تو آپ کا دامنِ ثروت امتِ مسلمہ کے لیے سایہِ رحمت بن گیا۔ کبھی تپتے صحرا میں سسکتے شہر کے لیے شیریں پانی کا انتظام کر کے پیاسوں کو زندگی بخشی، تو کبھی بے سروساماں لشکر کی مکمل مالی کفالت کر کے اسلام کی ساکھ کو بچایا۔ اپنا مال اس بے نیازی سے لٹایا کہ زبانِ نبوت صل اللہ علیہ وسلم نے گواہی دی: "آج کے بعد عثمان رضہ۔ کا کوئی عمل اسے نقصان نہیں پہنچا سکتا۔ امتِ مسلمہ کو لسانی و لسانیاتی تفرقے سے بچا کر ایک حرف، ایک قرائت اور ایک ہی مَصحَف پر متحد کر دیا- جس نے اپنے خون سے خلافت کی لاج رکھی،
محصور رہے لیکن مدینہ منورہ میں اپنے دفاع میں کسی مسلمان کا ایک قطرہ خون بہانا گوارا نہ کیا اور
"فَسَیَکْفِیکَہُمُ اللّٰہُ کے آخری الفاظ کے ساتھ جامِ شہادت نوش فرمایا-
جی اس عظیم شخصیت کو تاریخ اسلام حضرت عثمان بن عفان رضی اللہ عنہ کے نام سے یاد کرتی ہے۔

غصے میں کیے گئے فیصلے اکثر زندگی کو برباد کر دیتے ہیں۔
جب ہم غصے میں آ کر بنا سوچے سمجھے کوئی قدم اٹھاتے ہیں، تو ایسا ہی ہوتا ہے جیسے بھیڑیا پرندے کو پکڑنے کے جوش میں خود کھائی میں گر جائے۔
زندگی میں کامیابی اور سکون تب ہی ممکن ہے جب ہم جذبات کو قابو میں رکھ کر صبر اور سمجھداری سے فیصلے کریں۔
*لمحوں کا غصہ، سالوں کی محنت ضائع کر سکتا ہے*۔

اللہ آپ کو یہاں تک اس لیے نہیں لایا کہ آپ مایوس ہو جائیں
آپ آج جس مقام پر کھڑے ہیں، وہاں آپ کو ایک مقصد کے تحت پہنچایا گیا ہے،
جب آپ نے اتنا صبر کیا، اتنی آزمائشیں برداشت کیں،
تو پھر اُس وقت کیوں ہار مانتے ہو جب صبر کا پھل ملنے والا ہوتا ہے؟
ہر بار یہ سوچنا کہ “اب کچھ نہیں ہوگا” صرف دل کی کمزوری ہے۔
یاد رکھو، اندھیری رات کے بعد ہی روشن صبح آتی ہے😇

اللہ کی محبت وہ سکون ہے جو ہر بےچینی کو ختم کر دیتا ہے۔
جس دل میں اللہ بستا ہو وہ کبھی تنہا نہیں ہوتا
دنیا کی ہر محبت بدل سکتی ہے، مگر اللہ کی محبت ہمیشہ قائم رہتی ہے

اللہ سے جڑنے اور اُس کی دوستی حاصل کرنے کا راستہ یہ ہے کہ انسان اپنے آپ کو اُس کی مرضی کے مطابق ڈھال لے۔

جب ہم کسی سے محبت کرتے ہیں تو آہستہ آہستہ اُس کی پسند کو اپنی پسند بنا لیتے ہیں، اُس جیسا بننے کی کوشش کرتے ہیں، اور وہی کرتے ہیں جو اُسے اچھا لگتا ہے
اسی طرح جب دل میں اللہ کی محبت پیدا ہوتی ہے تو بندہ بھی وہی کام کرنے لگتا ہے جو اللہ کو پسند ہیں اور اُن چیزوں سے بچنے لگتا ہے جو اللہ کو ناپسند ہیں۔