Govt Degree College & P.G Center Latifabad No: 11 HYD Sindh

Head of Department, Professor Bhoj Raj Lohani, played a key role in guiding and supervising the students during the poster-making activity organized by the Math Department at Government Degree College & Postgraduate Center, Latifabad, in which the students participated with great enthusiasm.

یومِ کشمیر 5 فروری کے موقع پر گورنمنٹ ڈگری کالج اینڈ پوسٹ گریجویٹ سینٹر میں کیمسٹری ڈیپارٹمنٹ کے تعاون سے پودے لگائے گئے۔ اس اقدام کا مقصد کشمیری بھائیوں کے ساتھ یکجہتی کا اظہار کرنا تھا۔ پودے لگانا اس بات کی علامت ہے کہ ہم کشمیری عوام کی قربانیوں کو یاد رکھتے ہیں اور ان کے حقِ خودارادیت کی مکمل حمایت کرتے ہیں۔
اس موقع پر اس امر پر بھی زور دیا گیا کہ کشمیری بھائی کئی دہائیوں سے ظلم و جبر کا سامنا کر رہے ہیں، تاہم اس کے باوجود ان کا حوصلہ، صبر اور جدوجہد آج بھی قائم ہے۔ یومِ کشمیر ہر سال 5 فروری کو منایا جاتا ہے تاکہ دنیا کو یہ واضح پیغام دیا جا سکے کہ پاکستانی قوم کشمیری عوام کے ساتھ کھڑی ہے اور ان کی آزادی کی جدوجہد میں ان کے درد کو اپنا درد سمجھتی ہے۔
یہ سرگرمی امن، امید اور ایک بہتر مستقبل کی علامت ہے۔ اس موقع پر سینیئر اساتذہ اور طلبہ بھی موجود تھے، جنہوں نے کشمیری بھائیوں کے ساتھ اپنی غیر متزلزل یکجہتی کا اظہار کیا۔

گورنمنٹ ڈگری کالج و پوسٹ گریجویٹ سینٹر، لطیف آباد یونٹ 11 میں سپرنٹنڈنٹ محمد اکرم پٹھان کی ریٹائرمنٹ کے موقع پر ایک پُروقار الوداعی تقریب منعقد کی گئی، جس میں ریجنل ڈائریکٹر کالجز کی جانب سے پروفیسر آفتاب راجپوت، ایڈیشنل ڈائریکٹر (HR) نے خصوصی شرکت کی۔ ان کی موجودگی نے تقریب کو مزید وقار بخشا۔
تقریب کی میزبانی پروفیسر راؤ ناظم نے کی۔ تقریب کا آغاز تلاوتِ کلامِ پاک سے ہوا، جس کی سعادت قرت جمیل صاحب نے حاصل کی، جبکہ نعتِ رسولِ مقبول ﷺ پیش کرنے کا شرف جہانزیب خان حاصل ہوا۔
اس موقع پر کالج کی جانب سے محمد اکرم پٹھان کی طویل، مثالی اور مخلصانہ خدمات کے اعتراف میں انہیں لائف ٹائم اچیومنٹ ایوارڈ کے طور پر ایک یادگاری شیلڈ پیش کی گئی۔ یہ شیلڈ اسٹاف کی جانب سے پیش کی گئی، جبکہ پروفیسر آفتاب راجپوت نے محمد اکرم پٹھان کو پھولوں کا خوبصورت گلدستہ پیش کر کے ان کی خدمات کو سراہا۔
تقریب کے دوران دوستوں اور کولیگز کی جانب سے اکرم صاحب کو ہار پہنائے گئے، گلدستے اور تحائف پیش کیے گئے۔ شرکاء نے اکرم صاحب کے ساتھ گزارے گئے یادگار لمحات کو یاد کیا اور خوشگوار ماحول میں تقریب کو بھرپور انداز میں انجوائے کیا، ساتھ ہی ان کے لیے نیک تمناؤں اور مستقبل کی زندگی کے لیے دعا کا اظہار کیا۔
تقریب نہایت منظم، خوشگوار اور باوقار انداز میں منعقد ہوئی، جس میں کالج کے سینئر پروفیسرز پروفیسر مجیب اللہ منصوری، پروفیسر ریحان جعفری،پروفیسر بھوج راج لوہانہ، پروفیسر آصف ظہوری، پروفیسر عدنان فاروق، پروفیسر راؤ ناظم، پروفیسر شاہد ولی اور پروفیسر عبدالواحد گدی پڑھانی نے شرکت کی۔ اس کے علاوہ کالج کا تمام نان ٹیچنگ اسٹاف بھی بڑی تعداد میں موجود تھا، جنہوں نے محمد اکرم پٹھان کے لیے نیک خواہشات اور دعاؤں کا اظہار کیا۔ تقریب کا انعقاد ادارہ جاتی روایات، باہمی احترام اور محبت کے جذبے کے ساتھ کیا گیا۔