Jamia Mehria Maqsoodia, Hyd

بزم ِعلم و فن جامعہ مہریہ مقصودیہ کے زیر اہتمام عظیم الشان
۔۔۔۔مکالمہ۔۔۔۔۔۔۔
بعنوان ۔۔۔۔
"سوشل میڈیا علم کے فروغ کا ذریعہ یا زوال کا سبب"

اپنے بچوں کو وہ دولت دیں جو کبھی ختم نہ ہو “علمِ دین “✨

آج کے پُرفتن دور میں اپنے بچوں کی صحیح رہنمائی اور مضبوط تربیت نہایت ضروری ہے۔
جامعہ مہریہ مقصودیہ میں قرآن و سنت کی تعلیم کے ساتھ بہترین اخلاق، ادب اور اسلامی اقدار سکھائی جاتی ہیں۔

👨‍🏫 ماہر اساتذہ کی نگرانی
🏫 محفوظ اور پُرسکون ماحول
🌙 دینی و اخلاقی تربیت کا بہترین انتظام

📖 داخلے جاری ہیں — محدود نشستیں!
اپنے بچوں کے دنیا و آخرت کے کامیاب مستقبل کے لیے آج ہی قدم اٹھائیں

📞 رابطہ:9377923 -0300| 03109377923
📍 کوہسار لطیف آباد، حیدرآباد

”

جامعہ مہریہ کا اسپورٹس ڈے اور سالانہ الوداعی تقریب۔۔۔۔۔۔۔
آج جامعہ مہریہ مقصودیہ میں ایک یادگار اور خوشگوار دن منایا گیا۔ صبح کا آغاز اسپورٹس ڈے کی پُرجوش سرگرمیوں سے ہوا۔ میدان میں طلبہ کا جوش و خروش دیدنی تھا۔ کہیں کرکٹ کا مقابلہ جاری تھا۔۔۔یہ دن صرف کھیل کا دن نہیں تھا بلکہ اس پیغام کا اظہار تھا کہ جامعہ مہریہ میں تعلیم کے ساتھ ساتھ جسمانی تربیت اور صحت مند سرگرمیوں کو بھی اہمیت دی جاتی ہے۔ کیونکہ مضبوط جسم ہی مضبوط ذہن کا ساتھ دیتا ہے، اور ایک متوازن طالب علم ہی قوم کا بہتر معمار بن سکتا ہے۔
طلبہ نے نہایت نظم و ضبط کے ساتھ کھیلوں میں حصہ لیا۔ ہارنے والے بھی مسکرا رہے تھے اور جیتنے والے بھی عاجزی کے ساتھ ایک دوسرے کو مبارکباد دے رہے تھے۔ یہ منظر اس بات کی دلیل تھا کہ یہاں کھیل بھی اخلاق اور تربیت کے دائرے میں رہ کر کھیلا جاتا ہے۔
رات کی الوداعی تقریب
رات کے وقت جامعہ کے سال کی الوداعی تقریب منعقد ہوئی جو محبت اخوت اور یادوں سے بھرپور تھی۔ اس تقریب میں ناظمِ اعلیٰ محترم علامہ طاہر محمود اعوان صاحب نے خصوصی شرکت فرمائی۔ آپ کی موجودگی نے محفل کو وقار اور سنجیدگی عطا کی۔
اسی طرح دیگر معزز اساتذہ کرام محترم علامہ اویس ناغڑ صاحب، محترم علامہ نور افسر صاحب، محترم علامہ حبیب احمد اعوان صاحب اور احقر نے بھی شرکت کی۔ تقریب کے دوران طلبہ کی جانب سے تاثرات پیش کیے گئے۔۔ کچھ نے اپنے اساتذہ کا شکریہ ادا کیا۔۔کچھ کی آنکھوں میں جدائی کی نمی بھی تھی۔ مگر یہ جدائی وقتی تھی، کیونکہ جامعہ کا رشتہ دلوں سے ہوتا ہے، عمارتوں سے نہیں۔
آج کا دن جامعہ مہریہ مقصودیہ کے لیے صرف ایک تقریب نہیں تھا بلکہ تربیت، محبت اور یادوں کا سنگم تھا۔ دن نے جسمانی توانائی دی اور رات نے روحانی وابستگی کو تازہ کیا۔
اللہ تعالیٰ اس ادارے کو دن دگنی رات چوگنی ترقی عطا فرمائے، اساتذہ کرام کو اخلاص اور صحت عطا فرمائے اور طلبہ کو علم و عمل کا سچا وارث بنائے۔ آمین۔
(
اس حسین محفل کی عکس بندی کے مناظر)

اے طلباءِ کرام!
سچ بتاؤ…
کیا آپ لوگ نے گھرجا کر کتاب کھولی؟
یا علم کو صرف درسگاہ تک محدود سمجھ لیا؟
یاد رکھو، جو طالب علم گھر میں مطالعہ نہیں کرتا، وہ علم سے نہیں، مجبوری سے پڑھتا ہے۔(آج کے لیکچر سے ایک اقتباس)

جامعہ کے ناظمِ اعلیٰ محترم علامہ "طاہر محمود اعوان صاحب"کی طرف سے طلبہ کے لیے فکری سوالات اور ان کے ذریعے تربیت۔۔۔۔۔۔

کسی بھی تعلیمی ادارے کی اصل روح صرف نصاب کی تکمیل نہیں ہوتی۔بلکہ طلبہ کی فکری اخلاقی اور عملی تربیت ہوتی ہے۔ جامعہ کے ناظمِ اعلیٰ کی طرف سے طلبہ سے مختلف نوعیت کے سوالات پوچھے گئے جو کہ دراصل اسی تربیتی عمل کا ایک اہم حصہ ہیں۔ یہ سوالات محض امتحانی یا معلوماتی نہیں ۔ بلکہ انسان کو اپنے باطن معاشرے اور ذمہ داریوں پر غور کرنے کی دعوت دینا ہے۔۔۔۔
پہلا سوال ۔۔۔۔
“الناس علیٰ دینِ ملوکِہم”
یعنی لوگ اپنے حکمرانوں کے دین اور طرزِ فکر پر ہوتے ہیں
یہ ایک سادہ جملہ نہیں بلکہ ایک گہرا فکری سوال ہے۔ اس کے ذریعے طلبہ کو یہ سوچنے پر مجبور کیا جاتا ہے کہ معاشرے کی اخلاقی حالت کیوں بگڑتی یا سنبھلتی ہے؟ کیا فرد مکمل طور پر معذور ہوتا ہے یا اس پر بھی ذمہ داری عائد ہوتی ہے؟
ناظمِ اعلیٰ دامت برکاتہم العالیہ نے جب ایسے سوالات طلبہ کے سامنے رکھے تو اس کا مقصد صرف بحث کروانا نہیں تھا بلکہ طلبہ کے اندر تنقیدی شعور، ذمہ داری کا احساس اور اصلاحِ نفس کا جذبہ پیدا کرنا ہے اور طالب علم کو یہ سمجھانا ہے کہ اگر حکمرانوں کا اثر عوام پر پڑتا ہے تو ایک عالم، ایک طالب علم اور ایک داعی کا اثر بھی معاشرے پر پڑتا ہے۔
یہ سوالات در اصل طلبہ کو یہ پیغام دیے رہے تھے کہ اصلاح کا آغاز ہمیشہ اوپر سے نہیں،بلکہ خود سے ہوتا ہے
علم کے ساتھ عمل اور کردار لازم ہے
اگر معاشرہ بگڑا ہوا ہے تو اس کی ذمہ داری صرف دوسروں پر ڈالنا درست نہیں یوں ناظمِ اعلیٰ دامت برکاتہم العالیہ کے یہ فکری سوالات دراصل ایک خاموش تربیتی نصاب ہیں جو طلبہ کو کتابوں سے آگے لے جا کر زندگی کی حقیقتوں سے جوڑ رہے ہیں یہی سوالات آگے چل کر ایک طالب علم کو محض عالم نہیں بلکہ باشعور، باکردار اور باعمل رہنما بناتے ہیں۔۔۔۔۔

سالانہ امتحان ۔۔۔
جامعہ مہریہ مقصودیہ۔۔۔۔۔
جامعہ کے ناظم اعلیٰ کی یہ سوچ کہ آج کے دور میں امتحان صرف نمبر لینے کا نام نہیں رہا۔
اکثر جگہوں پر یہ فقرہ فخر سے بولا جاتا ہے۔۔۔
“روایت چلی آرہی ہے سو ہم نے بھی لے لیا امتحان۔۔۔”مگر سوال یہ ہے کہ
کیا امتحان کا مقصد صرف کاغذ پُر کرنا ہے؟
یا ذہن کو پرکھنا صلاحیت کو نکھارنا اور طالب علم کی علمی صلاحیت کو جانچنا بھی؟
جامعہ مہریہ مقصودیہ میں اس سال امتحان ایک رسم نہیں بلکہ علمی قابلیت کو جانچنے کیلئے لئے جارہے ہیں اور وہ بھی "اورل"
یہاں اورل امتحان اس لیے لیا جا رہا ہے کہ طالبِ علم کی سمجھ بولے۔۔
اس کا علم خود اس کی زبان سے ظاہر ہو اور یہ واضح ہو جائے کہ اس نے صرف پڑھا ہی نہیں بلکہ سمجھا بھی ہے۔یہاں نقل کا سہارا نہیں بلکہ اعتماد کی بنیاد ہے۔
یہاں لکھوا کر پاس ہونے کا ہنر نہیں۔بلکہ بول کر ثابت کرنے کی جرات سکھائی جا رہی ہے ۔۔
اورل امتحان اس لیے نہیں کہ مشکل بڑھائی جائے۔۔بلکہ اس لیے کہ کل جب یہی طالب علم منبر پر ہومحراب میں کھڑا ہو
یا معاشرے کی رہنمائی کرے
تو اس کے الفاظ ادھار کے نہ ہوں۔
جامعہ مہریہ مقصودیہ وہ ادارہ ہے
جہاں امتحان لیا جاتا ہے۔۔
اور طالب علم تیار کیا جاتا ہے۔
یہی فرق ہے
رسمی کامیابی اور حقیقی قابلیت میں۔۔۔۔۔۔۔۔۔

الحمد للہ ❤