Tabeer Public School

تعبیر پبلک اسکول حیدرآباد کے زیر اہتمام خواتین اساتذہ کا ماہانہ تقریری اور مضمون نویسی کا مقابلہ منعقد ہوا جس کا موضوع " انبیاء کرام اور انکا مشن" تھا اس پروگرام میں مہمانان خصوصی حیدرآباد کی مشہور تعلیمی, ادبی اور سماجی شخصیات جناب مسرور بٹ, راشد انجم, اشفاق احمد قریشی اور محمد اسلم قریشی نے بھی شرکت کی. اس موقع پر اسکول پرنسپل محمد طاہر قریشی نے مہمانان گرامی کو خوش آمدید کہتے ہوئے کہا کہ تعبیر پبلک اسکول اپنے طلباء و طالبات کی بہتر تعلیم کے ساتھ ساتھ بہتر اخلاقی ودینی تربیت کا بھی اہتمام کرتا ہے اس مقصد کیلئے خواتین اساتذہ کی تعلیمی اور تدریسی صلاحیتوں کو بہتر سے بہتر بنانے کیلئے ان اساتذہ کے درمیان ماہانہ بنیاد پر مختلف موضوعات پر تقریری مقابلے کا اہتمام کیا جاتا ہے آج اس سلسلے میں مضمون نویسی کا مقابلہ کیا جارہا ہے تمام خواتین اساتذہ اپنا اپنا مضمون خود پژھ کر سنائیں گی اور مہمانان گرامی ججز کے کے فرائض انجام دیں گے اس موقع پر محترم مسرور بٹ نے اسکول انتظامیہ کو خراج تحسین پیش کرتے ہوئے کہا کہ تعبیر پبلک اسکول حیدرآباد کی یہ کاوش قابل ستائش اور قابل تقلید ہے محترم راشد انجم نے کہا کہ مجھے آج اساتذہ کے ساتھ پروگرام میں شرکت کرکے انتہائی خوشی ہورہی ہے قوموں کی ترقی میں اساتذہ کا کردار انتہائی اہمیت کا حامل ہوتا ہے محترم اشفاق قریشی نے بھی اسکول انتظامیہ اور پروگرام کی تعریف کی .تعبیر پبلک اسکول کے ڈائریکٹر محمد اسلم قریشی نے اختتامی خطاب میں کہا کہ اللہ تعالیٰ نے انسانوں کو علم کی دولت عطا کرکے اشرف المخلوقات کا درجہ عطا فرمایا اشرف المخلوقات ہونے کی حیثیت سے ہماری ذمہ داری ہے کہ ہم اللہ کی فرمانبرداری اور انسانی فلاح کیلئے اپنی زندگی وقف کریں اور تمام انبیاء کرام کا مشن بھی یہی تھا حضرت آدم علیہ السلام سے لے کر حضرت محمد مصطفیٰ صلی اللہ علیہ والہ وسلم تک تقریباً ایک لاکھ چوبیس ہزار انبیاء کرام کی تعلیمات, انسانوں کو اللہ کے راستے پر چل کر اللہ کی بندگی اور دنیاوی اور اخروی فلاح کے حصول کا راستہ اختیار کرنے کی ہدایت کرتی ہیں اللہ کے برگزیدہ پیغمبروں کی زندگیاں پاکیزہ اور صالح اعمال سے عبارت ہیں اور ہم خوش قسمت ہیں کہ ہم اس آخری نبی صلی اللہ علیہ والہ وسلم کی امت میں شامل ہیں جسے انسانوں نے صادق و امین اور اللہ رب العالمین نے رحمت اللعالمین کا خطاب دیا بحیثیت استاد ہمیں نائب رسول کا منصب حاصل ہے اور اس عظیم منصب کی لاج رکھتے ہوئے اپنی نسلوں کی تعلیم و تربیت کرنا ہماری ذمہ داری ہے. اللہ کریم ہمیں اس عظیم ذمہ داریاں نبھانے کی توفیق اور اہلیت عطا فرمائے آمین.آخر میں پوزیشنیں حاصل کرنے والی خواتین اساتذہ کو نقد انعامات دیئے گئے اول پوزیشن مس بشریٰ دوم پوزیشن مس مناہل اور سوم پوزیشن مس علشباہ نے حاصل کی مقابلے میں شریک دیگر اساتذہ میں مس فائزہ, مس طاہرہ, مس اقصٰی, مس حدیقہ اورمس زینب بھی شامل تھیں.آءتعبیر پبلک اسکول حیدرآباد کے زیر اہتمام خواتین اساتذہ کا ماہانہ تقریری اور مضمون نویسی کا مقابلہ منعقد ہوا جس کا موضوع " انبیاء کرام اور انکا مشن" تھا اس پروگرام میں مہمانان خصوصی حیدرآباد کی مشہور تعلیمی, ادبی اور سماجی شخصیات جناب مسرور بٹ, راشد انجم, اشفاق احمد قریشی اور محمد اسلم قریشی نے بھی شرکت کی. اس موقع پر اسکول پرنسپل محمد طاہر قریشی نے مہمانان گرامی کو خوش آمدید کہتے ہوئے کہا کہ تعبیر پبلک اسکول اپنے طلباء و طالبات کی بہتر تعلیم کے ساتھ ساتھ بہتر اخلاقی ودینی تربیت کا بھی اہتمام کرتا ہے اس مقصد کیلئے خواتین اساتذہ کی تعلیمی اور تدریسی صلاحیتوں کو بہتر سے بہتر بنانے کیلئے ان اساتذہ کے درمیان ماہانہ بنیاد پر مختلف موضوعات پر تقریری مقابلے کا اہتمام کیا جاتا ہے آج اس سلسلے میں مضمون نویسی کا مقابلہ کیا جارہا ہے تمام خواتین اساتذہ اپنا اپنا مضمون خود پژھ کر سنائیں گی اور مہمانان گرامی ججز کے کے فرائض انجام دیں گے اس موقع پر محترم مسرور بٹ نے اسکول انتظامیہ کو خراج تحسین پیش کرتے ہوئے کہا کہ تعبیر پبلک اسکول حیدرآباد کی یہ کاوش قابل ستائش اور قابل تقلید ہے محترم راشد انجم نے کہا کہ مجھے آج اساتذہ کے ساتھ پروگرام میں شرکت کرکے انتہائی خوشی ہورہی ہے قوموں کی ترقی میں اساتذہ کا کردار انتہائی اہمیت کا حامل ہوتا ہے محترم اشفاق قریشی نے بھی اسکول انتظامیہ اور پروگرام کی تعریف کی .تعبیر پبلک اسکول کے ڈائریکٹر محمد اسلم قریشی نے اختتامی خطاب میں کہا کہ اللہ تعالیٰ نے انسانوں کو علم کی دولت عطا کرکے اشرف المخلوقات کا درجہ عطا فرمایا اشرف المخلوقات ہونے کی حیثیت سے ہماری ذمہ داری ہے کہ ہم اللہ کی فرمانبرداری اور انسانی فلاح کیلئے اپنی زندگی وقف کریں اور تمام انبیاء کرام کا مشن بھی یہی تھا حضرت آدم علیہ السلام سے لے کر حضرت محمد مصطفیٰ صلی اللہ علیہ والہ وسلم تک تقریباً ایک لاکھ چوبیس ہزار انبیاء کرام کی تعلیمات, انسانوں کو اللہ کے راستے پر چل کر اللہ کی بندگی اور دنیاوی اور اخروی فلاح کے حصول کا راستہ اختیار کرنے کی ہدایت کرتی ہیں اللہ کے برگزیدہ پیغمبروں کی زندگیاں پاکیزہ اور صالح اعمال سے عبارت ہیں اور ہم خوش قسمت ہیں کہ ہم اس آخری نبی صلی اللہ علیہ والہ وسلم کی امت میں شامل ہیں جسے انسانوں نے صادق و امین اور اللہ رب العالمین نے رحمت اللعالمین کا خطاب دیا بحیثیت استاد ہمیں نائب رسول کا منصب حاصل ہے اور اس عظیم منصب کی لاج رکھتے ہوئے اپنی نسلوں کی تعلیم و تربیت کرنا ہماری ذمہ داری ہے. اللہ کریم ہمیں اس عظیم ذمہ داریاں نبھانے کی توفیق اور اہلیت عطا فرمائے آمین.آخر میں پوزیشنیں حاصل کرنے والی خواتین اساتذہ کو نقد انعامات دیئے گئے اول پوزیشن مس بشریٰ دوم پوزیشن مس مناہل اور سوم پوزیشن مس علشباہ نے حاصل کی مقابلے میں شریک دیگر اساتذہ میں مس فائزہ, مس طاہرہ, مس اقصٰی, مس حدیقہ اورمس زینب بھی شامل تھیں.آئندہ ماہ کے لئے موضوع "پاکستان اور ہندوستان کے تعلقات "دیا گیا.

ANNUAL PRIZE DISTRIBUTION CEREMONY
FOR CLASS PLAY GROUP TO KG 2025
TABEER PUBLIC SCHOOL HYDERABAD.

تعبیر پبلک اسکول حیدرآباد کے زیر اہتمام خواتین اساتذہ کا ماہانہ چوتھا تقریری مقابلہ منعقد ہوا جس کا عنوان "رمضان, قرآن اور پاکستان " تھا پروگرام کا آغاز کلام پاک سے ہوا ابتدائی گفتگو کرتے ہوئے ہوئے اسکول پرنسپل محمد طاہر قریشی نے کہا کہ ہمارے لئے خوشی اور اطمینان کی بات ہے کہ اس پروگرام کے انعقاد سے ہمارے اسکول کی خواتین اساتذہ کو اسائنمنٹ کے طور پر تقریری مقابلے کے لئے موضوع دیا جاتا ہے جسکی تیاری کے لیے اساتذہ میں مطالعہ کا شوق بڑھا ہے اور یہ پروگرام اساتذہ میں تعمیری سوچ کو پروان چڑھانے اور انکی قابلیت اور صلاحیتوں کو جلا بخشنے کیلئے ہے تاکہ وہ بہترین مطالعہ اور صلاحیت کے زریعے طلباء و طالبات کی تدریس اور تربیت کرسکیں. مس فائزہ نے خطاب کرتے ہوئے کہا کہ جس طرح اللہ تعالیٰ نے انسانوں کی ہدایت اور فلاح کیلئے اپنے آخری نبی صلی اللہ علیہ والہ وسلم پر قرآن پاک رمضان المبارک کے مہینے میں نازل فرمایا. بالکل اسی طرح پاکستان کا قیام بھی رمضان المبارک میں ہوا تاکہ اس ملک میں قرآن کےنظام کا نفاذ ہو. مس گل فاطمہ نے کہا کہ رمضان شھر اللہ یعنی اللہ کا مہینہ ہے اس لئے دوسرے مہینوں سے افضل ہے قرآن مجید کی تعلیمات پر عمل کرکے دونوں جہانوں میں کامیابی حاصل ہوتی ہے اور پاکستان کی تعمیر وترقی قرآن کے نظام کو اپنانے سے ہی ممکن ہے. مس طاہرہ :قرآن روحوں کی تازگی, دلوں کے سکون اور فلاح انسانیت کا منبع ہے رمضان کی برکات صرف سحریوں اور افطاریوں تک محدود نہیں بلکہ قرآن ہماری زندگیوں کا منشور ہونا چاہیے. مس حدیقہ : قرآن پاک رمضان میں آخری نبی صلی اللہ علیہ والہ وسلم پر اللہ کے آخری کلام کے طور پر نازل ہوا رمضان تقوی کے حصول کا مہینہ ہے اور تقویٰ پاکستانی مسلمانوں کی پہچان ہونا چاہیے. مس اقصی : اسلامی دنیا کے 57 ملکوں میں صرف پاکستان قرآن کے نظام کے نفاذ کے نعرے پر قائم ہوا اور قرآن کے نظام کے نفاذ میں ہی اس کی بقا ہے. مس زینب : رمضان وہ مہینہ ہے جس کا آغاز اللہ کی رحمتوں اور برکتوں کے ساتھ ہوتا ہے جبکہ اس مہینے میں قرآن پاک کا نزول قیامت تک سارے انسانوں کی رہنمائی کے لئے ہے . مس مناہل : پاکستان کی بنیاد لاالہ الا اللہ محمد رسول اللہ کے نظام کے قیام کے لئے رکھی گئی رمضان میں ہمارا ایمانی جذبہ بڑھ جاتا لیکن اس کے بعد یہ جوش و جذبہ کمزور کیوں ہو جاتا ہے کیا ہم مسلمان صرف رمضان تک کیلئے ہی ہیں؟ وہ زمانے میں معزز تھے مسلماں ہوکر اور ہم خوار ہوئے تارک قرآن ہوکر .اس موقع پر تعبیر پبلک اسکول حیدرآباد کے ڈائریکٹر محمد اسلم قریشی نے خواتین اساتذہ کو خراج تحسین پیش کیا اور کہا کہ آپ کی کارکردگی ہر پروگرام میں پہلے سے بہتر نظر آرہی ہے حقیقت یہ ہے کہ کہ رمضان, قرآن اور پاکستان میں ایک خاص ربط ہے اگر غور کریں کہ تحریک پاکستان کا بنیادی نعرہ تھا کہ" پاکستان کا مطلب کیا لا الہ الا اللہ پاکستان کا قانون کیا محمد رسول اللہ . مقصد یہ تھا کہ اے اللہ تو نے اگر پاکستان کی صورت میں ہمیں ایک آزاد وطن عطا فرمایا تو ہم اس میں قرآن کا قانون نافذ کریں گے .اللہ نے برصغیر کے مسلمانوں کونزول قرآن کے مہینے میں, نزول قرآن کی شب یعنی شب قدر کی مبارک ساعتوں میں ایک آزاد پاکستان کی نعمت عطا فرما دی یہ اتفاق نہیں بلکہ ایک غیبی اشارہ تھا لیکن آزادی کے بعد بد قسمتی سے ہم نے ابھی تک اللہ سے کیا ہوا وعدہ پورا نہیں کیا اور ایک آئیڈیل اسلامی پاکستان ابھی تک صرف تصوراتی اور خواب تک محدود ہے .حقیقت یہ ہے کہ پاکستان اور پاکستانیوں کی بقا اور فلاح صرف اور صرف حقیقی اسلامی اور فلاحی پاکستان میں ہی ہے اللہ تعالیٰ پاکستان کا اقتدار ان لوگوں کو عطا فرمائے جو اس ملک میں قرآن وسنت کا قانون نافذ کرنے میں مخلص ہیں آمین ۔ پروگرام کا اختتام دعا پر ہوا جسکے بعد شرکاء کی ریفرشمینٹ سے تواضع کی گئی.

تعبیر پبلک اسکول حیدرآباد میں خواتین اساتذہ کا ماہانہ تیسرا تقریری مقابلہ منعقد ہوا جس کا عنوان "قرآن اور سائنس " تھا آغاز مس زینب نے تلاوت کلام پاک سے کیا اسکول کے پرنسپل محمد طاہر قریشی نے شرکاء کا خیرمقدم کرتے ہوئے کہا کہ تعبیر پبلک اسکول اپنے اساتذہ کی علمی صلاحیتوں کو اجاگر کرنے کے لئے انکے لئے تعلیمی موضوعات پر تقریری مقابلوں کا انعقاد کرتا ہے آج اس سلسلے کا تیسرا تقریری مقابلہ منعقد کیا گیا ہے . اس موقع پر شرکاء کے تقریری اِقتباسات درج ذیل ہیں. مس فائزہ : قرآن اور سائنس دونوں ہی انسانی فلاح کیلئے ہیں, قرآن میں جو بات ساڑھے چودہ سو سال پہلے کہی گئی آج سائنس ان تمام باتوں کو سچ ثابت کر رہی ہے . مس گل فاطمہ : قرآن مجید اور سائنس میں گہری ہم آہنگی ہے قرآن میں اللہ کی نشانیاں بیان ہوئی ہیں اور سائنس ان کی نشاندہی کر رہی ہے. مس کنزہ قرآن کی آیات میں اسرار پوشیدہ ہیں اور سائنس انہیں دریافت کر رہی ہے. مس علشباہ : سائنس کی جڑیں قرآن کی تعلیمات سے جڑی نظر آتی ہیں. مس طاہرہ : قرآن ہمیں ایک اللہ کی بندگی سکھاتا ہے جو اس پوری کائنات کا خالق اور رب ہے اور سائنسی علوم جن سے ہم فائدہ اٹھارہے ہیں اسی کے عطا کردہ ہیں. مس اقصی : مذہب سائنس کے بغیر چل نہیں سکتا اور سائنس مذہب کے بغیر دیکھ نہیں سکتی. مس حدیقہ : اسلام اور سائنس کا چولی دامن کا ساتھ ہے اسلام نے دنیا کو بڑے بڑے مسلمان سائنس دان عطا کئے جنہوں نے سائنسی ترقی میں نمایاں کردار ادا کیا. مس مناہل : قرآن اور سائنس میں کوئی تضاد نہیں بلکہ اسلامی تہذیب نے سائنسی ترقی میں اہم کردار ادا کیا ہے جب سائنس اپنی ایجادات سے انسانوں کو حیران کرتی ہے تو قرآن سے جواب آتا ہے کہ" فباءی آلاء ربکما تکذبان. "اور "ان اللہ علی کل شییء" قدیر" تعبیر پبلک اسکول حیدرآباد کے ڈائریکٹر محمد اسلم قریشی نے اختتامی خطاب میں کہا کہ اللہ تعالیٰ نے انسان کو علم عطا فرما کر اشرف المخلوقات بنایا ہےقرآن پاک میں اللہ تعالیٰ نے ارشاد فرمایا ہے کہ اللہ کے نزدیک علم والے اور جاہل برابر نہیں. قرآن پاک سائنس ہی نہیں بلکہ تمام علوم کا سرچشمہ ہے اسلام سے قبل دنیا جہالت اور گمراہی میں بھٹک رہی تھی اللہ رب العالمین نے نبی کریم حضرت محمد مصطفی صلی اللہ علیہ والہ وسلم کو معلم انسانیت بنا کر بھیجا آپ صلی اللہ علیہ والہ وسلم نے قرآن کی تعلیمات کے زریعے دنیا کو علم وآگاہی, تہذیب و اخلاق اور فلاح انسانیت کا راستہ دکھایا اسلام کے دنیا میں ایک ہزار سالہ دور حکومت میں علمی اور سائنسی میدان میں ترقی ہوئی قدیم یونانی علمی سرمائے کو مسلمان سائنسدانوں نے ہی نئے سرے سے روشناس کرایا ان سائنسدانوں میں بو علی سینا, جابر بن حیان, الخوارزمی,ابن الہیثم اور البیرونی وغیرہ مشہور ہیں. عباسی دور حکومت میں یورپ کے طلبہ مسلمان اسکالروں سے حصولِ علم کرتے رہے اس زمانے میں بغداد اور اندلس سائنسی علوم کے مراکز ہوا کرتے تھے مسلمانوں کے سیاسی زوال کے بعد علمی سرمایہ یورپ منتقل ہوگیا آج بھی دنیا میں جدید سائنسی تحقیق اور ایجادات قرآن کی حقانیت کو ثابت کررہی ہیں آج ضرورت اس بات کی ہے کہ مسلمان طلباء و طالبات سائنس و ٹیکنالوجی کی تعلیم کے میدان میں ڈاکٹر عبدالقدیر خان کی طرح دنیا میں اپنا اور اپنی قوم کا نام روشن کریں. تقریب میں میڈم شمیم اسلم قریشی اور میڈم سمیہ طیب نے بھی شرکت کی تقریب کے اختتام پر شرکاء کی چائے اور ریفرشمینٹ سے تواضع کی گئی.

تعبیر پبلک اسکول حیدرآباد کے زیر اہتمام خواتین اساتذہ کا ماہانہ دوسرا تقریری مقابلہ جسکا عنوان" نبی کریم حضرت محمد مصطفی صلی اللہ علیہ والہ وسلم بحیثیت معلم انسانیت "منعقد ہوا جس سے خطاب کرتے ہوئے مس طاہرہ نے کہا کہ معلم انسانیت حضور نبی کریم حضرت محمد مصطفی صلی اللہ علیہ والہ وسلم جس دور میں تشریف لائے وہ ظلم و جہالت کا دور تھا آپ نے انسانوں کو اپنے خالق اور معبود حقیقی کی پہچان کرائی ,مس حدیقہ نے کہا کہ حضور صلی اللہ علیہ والہ وسلم نے قرآن و سنت کی تعلیمات کے زریعے عرب کے بدوؤں کی زندگی میں عقائد اورشاندار تہذیب و اخلاق کا انقلاب برپا کیا , مس علشباہ نے کہا کہ نبی پاک نے انسانوں کی تعلیم کا آغاز غار حرا میں نازل ہونے والی وحی کےپہلے لفظ "اقراء" سے کیا اور اس تعلیم کی تکمیل حجۃ الوداع کے موقع پر 23 سال کے عرصے میں "الیوم اکملت لکم دینکم واتممت علیکم نعمتی ورضیت لکم الاسلام دینا" کی آخری وحی کے نزول کے ساتھ ہوئی. تاریخ انسانی میں حضرت محمد صلی اللہ علیہ والہ وسلم جیسا معلم کوئی دوسرا نہیں, مس گل فاطمہ نے خطاب کرتے ہوئے کہا کہ نبی پاک صلی اللہ علیہ والہ وسلم نے فرمایا کہ اللہ نے مجھے معلم بنا کر بھیجا ہے, غزوہ بدر کے کافر قیدیوں کو دس دس مسلمان بچوں کو پڑھنا لکھنا سکھانے کے عوض رہائی عطا فرمائی ,مس فائزہ نے اپنے خطاب میں کہا کہ اللہ نے حضور پاک صلی اللہ علیہ والہ وسلم کو قیامت تک کے لئے معلم انسانیت بنا کر بھیجا آپ نے کسی استاد یا درس گاہ سے تعلیم حاصل نہیں کی بلکہ آپ کی تعلیم براہ راست خود اللہ رب العالمین نے فرمائی آپ نے انسانوں کو گفتار کا غازی بننے کے ساتھ ساتھ کردار کا غازی بھی بنایا آپ پر ایمان لانے والے علم واخلاق, ہمدردی اور ایثار, عفوودرگزر, شجاعت وبہادری, عدل و انصاف کے لحاظ سے دنیا کے بہترین انسان قرار پائے, مس ثمرہ نے کہا کہ حضورصلی اللہ علیہ والہ وسلم نے فرمایا "علم کے راستے میں سفر کرنے والے کیلئے اللہ تعالٰی جنت کا راستہ آسان فرمادیتا ہے " مس اقصی نے کہا کہ حضور صلی اللہ علیہ والہ وسلم نے قرآن و سنت کی تعلیمات کے زریعے انسانوں کو دائمی فلاح وکامیابی کا راستہ دکھایا.آپ کی حیات طیبہ قیامت تک کے لئے تمام انسانوں کے لئے بہترین نمونہ حیات ہے ,مس مناہل نے اپنے خطاب میں کہا کہ حضرت آدم علیہ السلام ابو البشر حضرت محمد صلی اللہ علیہ والہ وسلم خیر البشر ہیں معلم انسانیت نے صحابہ کرام کی بڑی تعداد کو قرآن و سنت کے زریعے سے دنیا کے بہترین سیرت و کردار کے حامل انسان بنایا جسے غیر مسلم بھی تسلیم کرتے ہیں.اس موقع پر اسکول پرنسپل محمد طاہر قریشی نے کہا کہ تعبیر پبلک اسکول حیدرآباد میں اساتذہ کے درمیان تقریری مقابلہ اپنی نوعیت کا منفرد پروگرام اور دیگر تعلیمی اداروں کیلئے قابل تقلید مثال ہے اس کاوش کامقصد اساتذہ کی تعلیمی صلاحیتوں کو اجاگر کرنااور نکھارنا اور ان میں خوداعتمادی پیدا کرنا ہے تاکہ وہ طلباء و طالبات کو بہتر سے بہترین تعلیم دے سکیں اور تعبیر پبلک اسکول حیدرآباد کے طلباء و طالبات دوسرے تعلیمی اداروں کے مقابلے میں بہتر تعلیم کے ساتھ ساتھ بہتر اخلاقی تربیت کے حامل ہوں اور آگے چل کر وہ اچھے مسلمان اور معاشرے کے مفید شہری ثابت ہوں اسکول کے ڈائریکٹر محمد اسلم قریشی نے اختتامی خطاب کرتے ہوئے اسکول کے پرنسپل محمد طاہر قریشی اور خواتین اساتذہ کو خراج تحسین پیش کرتے ہوئے کہا کہ اساتذہ نے حضور نبی کریم حضرت محمد صلی اللہ علیہ والہ وسلم بحیثیت معلم انسانیت کے موضوع پر بہت شاندار انداز میں گفتگو کی ہے اللہ کریم آپ کے علم و عمل میں برکت عطا فرمائے آمین .حقیقت یہ ہے کہ معلم انسانیت حضرت محمد مصطفی صلی اللہ علیہ والہ وسلم اس دور میں تشریف لائے جب انسان جہالت اور اخلاقی انحطاط کی پستیوں میں تھا اور وہ اشرف المخلوقات کا منصب فراموش کر چکا تھاآپ نے اسلام کی اعلی وارفع تعلیمات کے زریعے اس کی اصلاح فرمائی اور اسے منصب انسانی کا بھولا ہوا سبق پڑھایا آپ نے اسلام کی تعلیمات کو تین مرحلوں میں مکمل کیا پہلے مرحلے میں انسانوں کے عقائد کو درست کیا اور انہیں بتایا کہ اللہ ایک ہے اور وہی انسانوں اور پوری کائنات کا خالق اور معبود حقیقی ہے اور اس کا کوئی شریک نہیں, اور ہم دنیاوی اعمال میں اس کے سامنے جوابدہ ہیں اور مرنے کے بعد آخرت کی زندگی میں تمام انسانوں کو دوبارہ زندہ کیا جائے گا اور ان سے انکے دنیاوی اعمال کا حساب لیا جائے گا اللہ کے فرمانبردار لوگ جنت کی عیش والی ہمیشہ کی زندگی پائیں گے جبکہ نافرمان اوربرے لوگوں کا ٹھکانا جہنم کی آگ میں ہوگا جو اللہ کے عذاب والی زندگی ہوگی, آپ صلی اللہ علیہ والہ وسلم نے دوسرے مرحلے میں انسانوں کی اخلاقیات کی اصلاح فرمائی اور انہیں صداقت, امانت, دیانت, شجاعت, صبروتحمل,عدل وانصاف, اتحادومحبت ,ہمدردی وایثار, عفوودرگزر کے اوصاف سکھائے آپ صلی اللہ علیہ والہ وسلم نے تیسرے مرحلے میں مدینہ میں اسلامی ریاست قائم فرمائی جسکی وسعت عرب وعجم تک پھیل گئی اور تمام دنیا کے انسان اسلام کی تعلیمات سے فیضیاب ہوگئے آپ صلی اللہ علیہ والہ وسلم قیامت تک کے انسانوں کے لئے نہ صرف معلم انسانیت بلک محسن انسانیت بھی ہیں آج بدقسمتی سے مسلمان اسلام کی عظیم الشان تعلیمات کے وارث ہونے کے باوجود ان تعلیمات پر پوری طرح عمل پیرا نہ ہونے کی وجہ سے مغلوب ہیں جبکہ اللہ کے رسول صلی اللہ علیہ والہ وسلم نے اور آپ کے بعد صحابہ کرام نے اسلام کو تمام دنیا میں غالب کیا تھا اس صورتحال کا حل علامہ اقبال نے اپنے شعر میں پیش کرتے ہوئے فرمایا ہے کہ "سبق پھر پڑھ صداقت کا امانت کا شجاعت کا لیا جائے گا تجھ سے کام دنیا کی امامت کا " تقریب کے آخر میں دعا کی گئی جس کے بعد شرکاء کی ریفرشمینٹ سے تواضع کی گئی.

تعبیر پبلک اسکول حیدرآباد میں خواتین اساتذہ کے مابین تقریری مقابلہ منعقد کیا گیا جسکا موضوع تھا " ایک اچھے معلم کی خصوصیات اور ذمہ داریاں " اس مقابلے میں مس فائزہ نے کہا کہ تعلیم وتربیت تمام انبیاء کی سنت ہے, مس گل فاطمہ نے کہا کہ ہر معاشرے کو استاد کی ضرورت ہوتی ہے, مس کنزہ نے کہا کہ استاد معاشرے کا رول ماڈل ہوتا ہے, مس طاہرہ نے کہا کہ استاد جہالت کے اندھیروں میں روشنی کی طرف رہنمائی فراہم کرتا ہے, مس مسکان نے کہا کہ ایک اچھا استاد اچھا طالبعلم بھی ہوتا ہے اسے علم کی جستجو رہتی ہے, مس علشبا نے کہا کہ استاد شمع کی مانندہوتا ہے اور بچوں کا مستقبل استاد کے ہاتھوں میں ہوتا ہے, مس نمرہ نے کہا کہ استادایک جوہری بھی ہے جو پتھروں سے ہیرے تراشتا ہے اور اپنے طلباء کی تعلیم و تربیت کرکے انہیں معاشرے کے قیمتی افراد بناتا ہے, مس مناہل نے کہا کہ استاد وہ خوشبو ہے جو تعفن زدہ ذہنوں کو معطر کرتا ہے استاد بادشاہ گر اور قوم کا حقیقی معمار ہوتا ہے, اس موقع پر اسکول پرنسپل محمد طاہر قریشی نے کہا کہ تعبیر پبلک اسکول حیدرآباد میں طلباء و طالبات کے ساتھ ساتھ اساتذہ کی قابلیت اور صلاحیتوں کومہمیز دینے کے مواقع فراہم کئے جاتے ہیں تاکہ اسکول میں بہتر تعلیمی ماحول پیدا ہو سکے اور تعبیر پبلک اسکول دوسرے تعلیمی اداروں کیلئے قابل تقلید مثال بن سکے اسکول کے ڈائریکٹر محمد اسلم قریشی نے خطاب کرتے ہوئے تقریری مقابلے میں شریک خواتین اساتذہ کو خراج تحسین پیش کیا اور انکی شاندار کارکردگی کو سراہتے ہوئے کہا کہ اس طرح کے مقابلے اساتذہ کی حوصلہ افزائی اور ان کی خود اعتمادی اور صلاحیتوں میں اضافے کا سبب بنتے ہیں انہوں نے تعبیر پبلک اسکول حیدرآباد کے پرنسپل اور اساتذہ کو کامیاب پروگرام منعقد کرنے پر مبارکباد دی آخر میں اساتذہ اور مہمانوں کی ریفرشمینٹ سے تواضع کی گئی

Alhamdulillah !!!
Class rooms decoration of Tabeer Public School Hyderabad.

آج 13 اگست 2024 بروز منگل تعبیر پبلک اسکول حیدرآباد میں درس قرآن کا اہتمام کیا گیا جس میں پروفیسر رئیس احمد منصوری صدر تنظیم اساتذہ صوبہ سندھ نے شرکت کی اور درس قرآن دیا۔

MANGO DAY AND ONE DISH PARTY CELEBRATION IN TABEER PUBLIC SCHOOL HYDERABAD.

تعبیر پبلک اسکول حیدرآباد کی سالانہ تقریب تقسیم اسناد 2024 کے موقع پر مہمانان گرامی پروفیسر رئیس احمد منصوری صدر تنظیم اساتذہ صوبہ سندھ، عرفان احمد قائم خانی صدر جے آئی یوتھ حیدرآباد اور راحیل قریشی صدر بزم اطفال حیدرآباد نے طلباء و طالبات اور والدین سے خطاب کیا۔ بعد ازاں اول، دوم اور سوم آنے والے طلباء و طالبات میں انعامات تقسیم کیے۔

Admission are open

تعبیر پبلک اسکول حیدرآباد کی سالانہ تقریب تقسیم اسناد 2024 کے موقع پر اسکول کے ڈائریکٹر محمد اسلم قریشی نے طلباء و طالبات اور والدین سے خطاب کیا۔ بعد ازاں اول، دوم اور سوم آنے والےطلباء و طالبات میں انعامات تقسیم کئے۔

Admission are open