20/11/2025
🌟 گورنمنٹ ہائی اسکول 88/F میں محترم محمد ثاقب صاحب کے اعزاز میں شاندار الوداعی تقریب 🌟
گورنمنٹ ہائی اسکول 88/F میں جناب محمد ثاقب صاحب کے اعزاز میں ایک سادہ مگر باوقار الوداعی تقریب کا اہتمام کیا گیا۔ تقریباً 9 سال اس ادارے میں ذمہ داریاں نبھانے کے بعد اُن کی ٹرانسفر سرکاری امور کا حصہ ہے۔
2016 میں پہلی تقرری کے بعد سے لے کر 2025 تک، تقریباً نو سال تک ثاقب صاحب نے اس ادارے میں نہ صرف تدریسی خدمات انجام دیں بلکہ اپنی آئی ٹی کی مہارت سے اس سکول کو جدید دور کے تقاضوں سے ہم آہنگ کرنے میں تاریخی کردار ادا کیا۔
جناب محمد ثاقب صاحب نے:
💻 اسکول کا مکمل ڈیجیٹل انفراسٹرکچر تیار کیا
🌐 اسکول کا پیج، ویب سائٹ اور آن لائن سسٹم فعال کیا
📱 والدین کو بچوں کی ڈیلی حاضری، ماہانہ رزلٹ اور سالانہ نتائج تک رسائی ممکن بنائی
🔗 والدین اور سکول کے درمیان براہِ راست ربط کا جدید نظام قائم کیا
✨ اس تمام جدت نے نہ صرف سکول کو ممتاز کیا بلکہ علاقے کی تعلیمی ترقی میں بھی نمایاں کردار ادا کیا
اس میں کوئی شک نہیں کہ ثاقب صاحب کی خدمات اس ادارے کی تاریخ میں سنہری حروف سے لکھی جائیں گی۔
ان کا جانا یقیناً ایک بڑا خلا پیدا کرتا ہے—ایسا خلا جسے پُر کرنا وقت اور محنت دونوں کا تقاضا کرے گا۔
ٹرانسفر اور پوسٹنگ سروس کا حصہ تو ہیں، مگر کچھ شخصیات اپنی محنت اور کردار سے ادارے کا ایسا اثاثہ بن جاتی ہیں کہ ان کی رخصت دل کو بھاری کر دیتی ہے۔
ثاقب صاحب کی روانگی بھی انہی میں سے ایک ہے۔
ہماری دعا ہے کہ:
🤲 اللہ تعالیٰ ثاقب صاحب کے لیے نئے ادارے کو باعثِ خیر اور ان کی ذات کو اس ادارے کے لیے باعثِ برکت بنائے۔
🤲 وہ جہاں بھی جائیں کامیابیاں ان کے قدم چومتی رہیں۔
🤲 گورنمنٹ ہائی اسکول 88/F ہمیشہ ان کی خدمات، کردار اور محنت کو قدر کی نگاہ سے یاد رکھے گا۔
🌸 اللہ آپ کے لیے نئے سفر کو آسان فرمائے۔ آمین
تحریر : محمد نوید
