08/05/2026
معروف سیاسی و سماجی شخصیت ڈاکٹر سکندر حیات خان کی یاد میں ایک پُر وقار تعزیتی ریفرنس کا انعقاد سر سید ایجوکیشنل فاؤنڈیشن پریس کلب تحصیل حسن ابدال اور APPSCA کے اشتراک سے سرسید سکول ابدالین کیمپس کے مرکزی ہال میں کیا گیا۔ تقریب میں مختلف مکاتبِ فکر سے تعلق رکھنے والی اہم سیاسی و سماجی شخصیات, صحافیوں,اقلیتی برادری کے نمائندہ افراد اور شہریوں کی بڑی تعداد نے شرکت کی تقریب میں مرحوم ڈاکٹر سکندر حیات خان کے صاحبزادے سردار اختر حیات عرف ڈاکٹر جانی خان اور سردار ذوالفقار حیات خان نے خصوصی شرکت کی,انہوں نے اپنے خیالات کا اظہار کرتے ہوئے اپنے والد کی سماجی و فلاحی خدمات کو خراجِ عقیدت پیش کیا اس موقع پر APPSCA کے ضلعی صدر طاہر محمود درانی اور پروجیکٹ ڈایریکٹر سر سید ایجوکیشنل فاؤنڈیشن قاضی ظہور الحق نے اپنے ذیلی اداروں میں20 مستحق طلباء و طالبات کیلئے ڈاکٹر سکندر حیات خان سکالر شپ کا اعلان کرتے ہوئے کہا کہ اس عمل سے کا نام ہمیشہ زندہ رہے گا۔دیگر مقررین، جماعت اسلامی کے رہنما اقبال خان، خطیب مرکزی جامع مسجد علامہ خلیل الرحمان رضوی جمعیت علمائے اسلام کے رہنما مفتی تاج الدین ربانی، نون لیگ کے رہنماحاجی رفاقت علی برہانی۔ صدر پریس کلب سید ہاشم علی علوی، مسیحی رہنما پال گل، سابق کونسلر حاجی خضر محمود، جبکہ صدر APPSCA تحصیل حسن ابدال چوہدری وقار علی اعظم سمیت دیگر مقررین نے بھی خطاب کیامقررین نے ڈاکٹر سکندر حیات خان کی حسن ابدال اور گردو نواح کے لیے گراں قدر خدمات کو زبردست الفاظ میں خراج عقیدت پیش کیا اور کہا کہ مرحوم ایک مخلص، دیانتدار اور عوام دوست شخصیت کے مالک تھے، جنہوں نے اپنی زندگی فروغ تعلیم، فلاحِ انسانیت اور سماجی بہبود کے لیے وقف کر رکھی تھی۔ انہوں نے اس بات پر بھی زور دیا کہ ڈاکٹر سکندر حیات خان کی پاکستان پیپلز پارٹی کے ساتھ دیرینہ وابستگی، ان کی وفاداری اور سیاسی خدمات بھی نہایت قابلِ قدر ہیں، انہوں نے ہمیشہ پارٹی کے نظریے اور عوامی خدمت کے جذبے کو مقدم رکھا۔مقررین ڈاکٹر شاہد نواز اور ڈاکٹر اسد شاہ کا کہنا تھا کہ ہم نے ڈاکٹر سکندر حیات خان کی سماجی اور پروفیشنل زندگی سے بہت کچھ سیکھا ۔انہوں نے کہا کہ ڈاکٹر سکندر حیات خان کی وفات نہ صرف ان کے خاندان بلکہ پورے علاقے کے لیے ایک ناقابلِ تلافی نقصان ہے، جس کی کمی مدتوں محسوس کی جاتی رہے گی تقریب کے اختتام پر ڈاکٹر سکندر حیات خان کے صاحبزادے سردار ذوالفقار حیات خان نےتعزیتی ریفرنس کا اہتمام کرنے پر مذکورہ تینوں تنظیموں کے قائدین کا شکریہ ادا کیا۔اس موقع پر مرحوم کے لئے درجات کی بلندی کے لیے دعا کی گئی۔ شرکاء نے اس عزم کا اظہار بھی کیا کہ وہ ڈاکٹر سکندر حیات خان کے مشن کو جاری رکھتے ہوئے علاقے کی خدمت میں اپنا کردار ادا کرتے رہیں گے۔۔
