Quaid Public High School Jahangirabad

یومِ تشکر: قائد پبلک ہائی سکول کا وطن کے محافظوں کو خراجِ تحسین

قائد پبلک ہائی سکول ٹیوب ویل ڈنگی، ہری پور میں یومِ تشکر کے پُروقار موقع پر ایک خصوصی تقریب کا انعقاد کیا گیا، جس میں پاک فوج، پاک فضائیہ اور پاک بحریہ کے جانبازوں کو خراجِ تحسین پیش کیا گیا۔

تقریب کا آغاز تلاوتِ قرآن پاک اور دعائے خیر سے ہوا، جس میں وطنِ عزیز کی ترقی، سلامتی اور افواجِ پاکستان کی کامیابی کے لیے دعا کی گئی۔
اس کے بعد ایک منٹ کی خاموشی اختیار کی گئی تاکہ ان عظیم شہداء کو یاد کیا جا سکے جنہوں نے مادرِ وطن کے لیے اپنی جانیں قربان کیں۔

پرچم کشائی کی روح پرور تقریب میں طلباء اور اساتذہ نے بھرپور جوش و جذبے کے ساتھ شرکت کی۔ پرچم لہرانے کے بعد قومی ترانہ بجایا گیا، جس کے دوران ہر فرد نے جذبۂ حب الوطنی سے سرشار ہو کر قومی یکجہتی کا مظاہرہ کیا۔

تقریب میں اساتذہ اور طلباء نے خصوصی تقاریر اور ملی نغمے پیش کیے جن میں افواجِ پاکستان کی قربانیوں، جرأت اور بہادری کو زبردست الفاظ میں خراجِ تحسین پیش کیا گیا۔

قائد پبلک ہائی سکول وطن کے محافظوں کے ساتھ اظہارِ یکجہتی کرتے ہوئے اس بات کا عزم دہراتا ہے کہ ہم ہمیشہ اپنے عظیم سپاہیوں کے ساتھ کھڑے ہیں، اور ان کی خدمات کو کبھی فراموش نہیں کریں گے۔

پاک فوج زندہ باد – پاکستان پائندہ باد

Position Holders
Class 7th

Position Holders
Class 6th

Position Holders
Class 5th

Position Holders
Class 4th

Position Holders
Class 3rd