08/09/2026
گورنمنٹ پرائمری اسکول کھولیاں بالا میں اپنی بہترین اور اخلاص بھری خدمات انجام دینے کے بعد، محکمے کی طرف سے ترقی پا کر گورنمنٹ ہائر سیکنڈری اسکول پنڈ ہاشم خان (ہری پور) میں سرٹیفائیڈ ٹیچر (سی ٹی) کے طور پر منتقل ہونے والے ہمارے نہایت ہی محترم اور محنتی ساتھی کو اسکول خاندان کی جانب سے دل کی گہرائیوں سے رخصتی اور اس نئے عہدے پر ترقی کی مبارکباد! 💐
کھولیاں بالا اسکول میں طلبہ کی تعلیم و تربیت، ان کی شخصیت کی تعمیر اور اسکول کی بہتری کے لیے آپ نے جس لگن، ایمانداری اور محنت سے کام کیا ہے، اسے ہمیشہ یاد رکھا جائے گا۔ آج جب ہم آپ کو پرجوش و پُرخلوص ماحول میں رخصت کر رہے ہیں، تو ہمیں پورا یقین ہے کہ آپ اپنے نئے ادارے میں بھی اسی جوش و خروش اور جذبے کے ساتھ تعلیم کی شمع روشن کرتے رہیں گے۔
آپ کی خوش مزاجی، بہترین کردار اور خدمات ہمارے لیے ہمیشہ ایک مثال رہیں گی۔ اللہ تعالی آپ کو اس نئے سفر میں ڈھیروں کامیابیاں عطا فرمائے اور مزید بلندیوں سے نوازے، آمين ۔۔۔
