GCMHS NO.1 Hangu

بِسْمِ اللّٰہِ الرَّحْمٰنِ الرَّحِیْم
خوش آمدید! آپ کے دوسرے گھر میں 🏫
"گرمیوں کی چھٹیاں: ورثے کی حفاظت اور مستقبل کی تیاری"
از: ڈاکٹر ساجد الرحمٰن اورکزئی
وائس پرنسپل، جی سی ایم ایچ ایس نمبر 1 ہنگو
محترم اساتذہ کرام، پیارے طلبہ، والدین اور ہنگو کی معزز سول سوسائٹی!
السلام علیکم ورحمۃ اللہ وبرکاتہ
گرمیوں کی چھٹیاں ختم ہو رہی ہیں اور جی سی ایم ایچ ایس نمبر 1 ہنگو کے دروازے ایک بار پھر آپ کے استقبال کے لیے کھلنے جا رہے ہیں۔ یہ صرف ایک اسکول نہیں ہے، یہ آپ کا دوسرا گھر ہے۔
ہم نے اس موسمِ گرما میں کیا کیا؟
الحمدللہ! ہم نے اپنی 1935 کی تاریخی عمارت - ہائی پورشن کی بقاء اور بہتری کے لیے بھرپور کام کیا۔ معمولی مرمت، چھت کی مرمت اور نئے رنگ و روغن کے ذریعے ہم نے اپنے تقریباً 90 سالہ پرانے ورثے کو نئی زندگی بخشی ہے۔ یہ دیواریں صرف اینٹ اور سیمنٹ نہیں ہیں، یہ ہماری تاریخ ہیں۔ یہاں ہزاروں طلبہ نے تعلیم حاصل کی اور قوم کی خدمت کی۔
ہمیں کبھی یہ نہیں بھولنا چاہیے کہ ہم خود اسی اسکول کے فارغ التحصیل طلبہ اور اس کا حصہ ہیں۔ اس مادرِ علمی کے ساتھ ہمارا رشتہ صرف ایک ملازمت کا نہیں، بلکہ خون اور عقیدت کا ہے۔ ایک مقامی اور اسکول کے پرانے طالب علم ہونے کے ناطے، یہ ہمارا بنیادی فریضہ اور حق ہے کہ ہم اس کی تعلیم و تربیت اور نظم و ضبط (Academically and Discipline-wise) کا خصوصی خیال رکھیں۔
"قومیں اپنی تاریخ کی حفاظت سے ہی زندہ رہتی ہیں"
اضافی گرانٹ اور ترقیاتی عزم
اسکول کی اس تاریخی اور شاندار بحالی کے تسلسل کو جاری رکھنے کے لیے، ہم متعلقہ حکام سے خصوصی اضافی گرانٹ (Additional Grant) کے حصول کا پرزور مطالبہ کریں گے تاکہ اس مایہ ناز ادارے کی مکمل اور بہترین تعمیر و ترقی کے کام کو بغیر کسی تعطل کے آگے بڑھایا جا سکے۔ جی سی ایم ایچ ایس نمبر 1 ہنگو صرف ایک ادارہ نہیں، ہنگو کا ایک وقار اور شان ہے۔
آج سے تقریباً 50 سال پہلے، ہمارا ہنگو شہر "ماسٹرز کا شہر" یعنی تعلیم یافتہ لوگوں کا شہر کے طور پر پوری طرح معروف تھا۔ ان شاءاللہ، ہم مل کر اس شان کو بحال کریں گے اور ہنگو کو ایک بار پھر علم، توازن اور شاندار تعلیمی روایات کا امین — ایک مفکر اور علم و نور کا شہر (City of Knowledge) بنائیں گے۔
مستقبل کا عزم اور حوصلہ
یہ تمام کام ہمارے قابلِ احترام ڈی ای او ہنگو صاحب کی خصوصی ہدایات اور وژن کے تحت شروع کیے گئے۔ ان کا مقصد واضح ہے: جی سی ایم ایچ ایس نمبر 1 ہنگو کو خیبرپختونخوا کا ایک ماڈل تعلیمی ادارہ بنانا۔
ان شاءاللہ مستقبل قریب میں جب صوبائی وزیر اور سیکرٹری ایلیمنٹری اینڈ سیکنڈری ایجوکیشن، خیبرپختونخوا ہنگو کا دورہ کریں گے تو وہ ایک ایسا انسپائرنگ (Inspiring) اسکول دیکھیں گے جس پر پورے صوبے کو فخر ہوگا۔
آج راستے میں کچھ چیلنجز اور کوتاہیاں ضرور ہو سکتی ہیں، لیکن یاد رکھیے: ہم کبھی ہمت نہیں ہارتے۔ ہم نے عزم کر رکھا ہے کہ بتدریج اور آہستہ آہستہ تمام کوتاہیوں کو دور کر کے اس ادارے کو بلندیوں پر لے جائیں گے۔
خصوصی شکریہ
میں دل کی گہرائیوں سے شکریہ ادا کرتا ہوں:
* جناب شبیر آصف استاد باوجود تعطیلات کی دن رات محنت اور لگن کا۔
* ہنگو کی سول سوسائٹی کے معزز ممبران کا جنہوں نے قدم قدم پر ہماری حوصله افزائی کی۔
آپ سب کے تعاون سے یہ ثابت ہوا کہ جب ارادہ مضبوط ہو تو پرانی عمارتوں اور چیلنجز کو بھی ایک نئے اور شاندار مستقبل میں بدلا جا سکتا ہے۔
پیارے طلبہ کے نام پیغام
آؤ نئے جذبے، نئے عزم اور نئے خوابوں کے ساتھ اپنے اسکول واپس آؤ!
اسکول بوریت کی جگہ نہیں ہے؛ یہ کردار سازی کی جگہ ہے، قوموں کی تعمیر کا گہوارہ ہے۔ یہ آپ کا اسکول ہے، یہ آپ کا فخر ہے۔ آئیے مل کر اسے علم و اخلاق کا روشن مینار بنائیں۔
"آئیں دیواروں پر صرف رنگ نہ کریں،
اپنے مستقبل کو بھی روشن رنگوں سے سجائیں"
خوش آمدید جی سی ایم ایچ ایس نمبر 1 ہنگو!
خوش آمدید آپ کے دوسرے گھر میں!
پاکستان زندہ باد | ہنگو زندہ باد | جی سی ایم ایچ ایس نمبر 1 زندہ باد
ڈاکٹر ساجد الرحمٰن اورکزئی
Vice Principal
جی سی ایم ایچ ایس نمبر 1 ہنگو
اگست 2026

*سمر لرننگ اینڈ گرومنگ فیسٹیول 2026*
_"ہنگو سے ایبٹ آباد – علم کی پرواز، کردار کی تعمیر"_
*25 جولائی تا 29 جولائی 2026*

_بسم اللہ الرحمن الرحیم_

*الحمدللہ!*
ضلع ہنگو کے منتخب، باصلاحیت اور پرعزم طلبہ _سمر لرننگ اینڈ گرومنگ فیسٹیول 2026_ کے لیے بحفاظت ایبٹ آباد پہنچ چکے ہیں۔ یہاں ان کا شایانِ شان استقبال کیا گیا اور _قیام، خوراک، سیکیورٹی اور تعلیمی انتظامات_ کو مثالی انداز میں یقینی بنایا گیا ہے۔

*ہمارا عزم: ہنگو کے بچے کسی سے کم نہیں*
*"Students of Hangu are our Future"*
ہمیں یقین ہے کہ محنت، رہنمائی اور صحیح مواقع ملنے پر _ہنگو کے یہ بچے کیڈٹ کالجز اور صوبے و ملک کے بڑے اداروں سے بھی بہتر کارکردگی دکھا سکتے ہیں_۔ حتیٰ کہ عالمی سطح پر بھی اپنا نام روشن کر سکتے ہیں۔

اس فیسٹیول کا مقصد ہی یہی ہے کہ ہم اپنی نئی نسل کو _مزید grooming، مزید exposure اور مزید حوصلہ_ دیں۔

*5 روزہ پروگرام | مستقبل کی تعمیر کے 5 ستون | 25 تا 29 جولائی*

*1. Academic Excellence - علمی برتری*
ایبٹ آباد کی _یونیورسٹیوں، کالجز اور لائبریریوں_ کے دورے۔ تاکہ ہمارے بچے بڑے تعلیمی اداروں کا معیار دیکھیں اور اس سے بھی آگے جانے کا خواب دیکھیں۔

*2. Leadership & Grooming - قیادت اور شخصیت سازی*
روزانہ _موٹیویشنل سیشنز، عوامی تقریر، ڈیبیٹ، انٹرویو سکلز اور ٹیم ورک_ ورکشاپس۔ تاکہ ہنگو کا ہر بچہ ایک confident لیڈر بنے۔

*3. Creative Innovation - تخلیقی اختراع*
_سائنس نمائش، آرٹ مقابلے، کوئز اور کھیل_۔ ہر بچے کو موقع کہ وہ اپنی صلاحیت منوائے اور ثابت کرے کہ ٹیلنٹ ہر جگہ ہوتا ہے۔

*4. Civic Responsibility - شہری شعور*
_سرکاری دفاتر اور اداروں_ کے دورے۔ نظم، قانون کی حکمرانی اور "خدمتِ خلق" کا عملی سبق۔

*5. Global Vision - عالمی سوچ*
کیمپ کے آخر میں ہر طالب علم "میرا ہنگو 2030" پر اپنا منصوبہ پیش کرے گا۔ ہم اپنے بچوں کو صوبائی، قومی اور عالمی سطح پر مقابلے کے لیے تیار کر رہے ہیں۔

*دل کی گہرائیوں سے خراجِ تحسین*

اس تاریخی اقدام کا تمام تر کریڈٹ:
1. *جناب شیراز خان صاحب*، _ڈسٹرکٹ ایجوکیشن آفیسر، ہنگو_ - آپ کے ویژن نے ہنگو کے بچوں کو پرواز دی۔
2. *ڈائریکٹر صاحب*، _Elementary & Secondary Education, خیبرپختونخوا_ - آپ کی سرپرستی قابلِ تحسین ہے۔
3. *جناب ڈپٹی کمشنر صاحب*، _ہنگو_ - آپ کے تعاون اور حوصلہ افزائی کا شکریہ۔
4. *تمام پرنسپل صاحبان، اساتذہ کرام اور کمیونٹی* - آپ سب اس کامیابی کے اصل ہیرو ہیں۔

*نئی نسلِ ہنگو کے لیے پیغام*

*عزیز طلبہ!*
_"کتابوں سے باہر کی دنیا ہی اصل یونیورسٹی ہے"_
یاد رکھو، تمہارے اندر وہ صلاحیت ہے کہ تم _کیڈٹ کالج، گورنمنٹ کالج اور ملک کے بڑے اداروں_ کے طلبہ سے مقابلہ کر سکو۔ بس ضرورت ہے محنت اور grooming کی۔
*تم صرف طالب علم نہیں، تم ہنگو کا مستقبل اور پاکستان کا فخر ہو۔*

*محترم اساتذہ!*
آپ کے ہاتھ میں قوم کا مستقبل ہے۔ ایک بچے کی grooming سے پوری نسل سنورتی ہے۔

*معز کمیونٹی!*
آئیے عہد کریں کہ ہم اپنے بچوں کو وہ مواقع دیں گے جن سے وہ صوبے، ملک اور دنیا میں ہنگو کا نام روشن کریں۔

*اختتامیہ:*
_"تعلیم ہی ترقی کی ضمانت ہے، اور کردار ہی قوموں کی پہچان ہے"_
اللہ تعالیٰ ہمارے بچوں کو کامیاب کرے اور ہنگو کو "علم کا ضلع" بنائے۔ آمین

*ڈاکٹر ساجد الرحمن اورکزئی*
وائس پرنسپل، GCMHS No.1 ہنگو

*"گرمیوں کی چھٹیاں: سیکھنے، سنورنے اور خدمت کا موسم"*
*"Summer Break: A Season to Learn, Grow & Serve"*

_A Guidance Message_
*By: Dr. Sajid Ur Rahman Orakzai*
*Vice Principal, GCMHS No.1 Hangu | Proud Alumnus*

السلام علیکم ورحمة الله وبركاته

معز والدین، قابلِ احترام اساتذہ، محنتی طلبہ اور باشعور کمیونٹی،

دنیا کی ترقی یافتہ قومیں اس لیے آگے ہیں کیونکہ وہاں تعلیم "چھٹیوں" کی محتاج نہیں۔ جاپان، کوریا، ترکی اور ملائیشیا میں بچے گرمیوں میں بھی *علم، ہنر اور کردار* کی تعمیر میں مصروف ہوتے ہیں۔
آج مقابلے کا دور ہے۔ جو قومیں رکیں، وہ پیچھے رہ گئیں۔

میں بحیثیت *وائس پرنسپل GCMHS No.1 ہنگو* اور بحیثیت *اس ادارے کے سابق طالبِ علم* کے، یہ بات پورے یقین سے کہتا ہوں کہ ہماری بنیاد یہی ادارہ ہے۔ اور اسی بنیاد پر ہم نے قوم کی خدمت کا عہد کیا ہے۔

یہ 2مہینے فیصلہ کریں گے کہ ہمارا بچہ "بوجھ" بنے گا یا "قوم کا اثاثہ"۔

*1. والدین کے لیے | The First University is Home*
آپ بچے کے پہلے استاد اور سب سے بڑے محافظ ہیں۔
- *تعلیمی تسلسل*: روزانہ قرآن مع ترجمہ + 1 کتاب + مضامین کی Revision لازمی کریں
- *مہارتیں*: Soft Skills سکھائیں - بول چال، وقت کی پابندی، ذمہ داری، ٹیم ورک، لیڈرشپ
- *نگرانی*: صحبت، سکرین ٹائم اور ماحول پر "محبت بھری مگر چوکس نظر" رکھیں

_یاد رکھیں: آج کی غفلت کل کا پچھتاوا ہے۔_

*2. اساتذہ کے لیے | Teachers: The Nation Builders*
ہم قوم کے معمار ہیں۔ چھٹیاں ہمارے اثر کو بڑھانے کا موقع ہیں۔
- Reading Challenges، آن لائن رہنمائی، اور Character Building پر زور دیں
- طلبہ کو "مقصد" دیں۔ وہ صرف نمبروں کے لیے نہیں، خدمت کے لیے پڑھ رہے ہیں
- والدین سے مسلسل رابطہ رکھیں۔ یہ مشترکہ ذمہ داری ہے

*3. طلبہ کے لیے | Students: Be The Change*
آپ کل کے ڈاکٹر، انجینئر، عالم، استاد اور لیڈر ہیں۔ فخر کریں کہ آپ GCMHS No.1 ہنگو جیسے تاریخی ادارے سے وابستہ ہیں۔
- اس وقت کو ضائع مت کریں۔ اسے *"Growth Semester"* بنائیں
- کوئی نئی Skill سیکھیں۔ کتاب کو اپنا دوست بنائیں۔ گھر والوں کی خدمت کریں
- _فارغ ذہن فتنے کا دروازہ ہے۔ مصروف ذہن ترقی کی سیڑھی۔_

*4. کمیونٹی کے لیے | Collective Responsibility*
مساجد، اسکول، مدارس اور نوجوان تنظیمیں مل کر Summer Academies اور Skill Camps کا اہتمام کریں۔
ہمیں ڈگری ہولڈر نہیں، *کردار والے انسان* چاہییں۔

---

*آخری بات:*
اگر آج ہم نے اپنے بچوں کو مقصد، علم اور اخلاق نہ دیا تو کل ہم ایسی نسل "raise" کر رہے ہوں گے جو نہ اپنے گھر کی ہوگی نہ قوم کی۔ اور اس کا جواب ہمیں دینا ہوگا۔

*آئیں عہد کریں:*
اس گرمی میں ہم اپنے بچوں کو "فارغ" نہیں رکھیں گے۔ ہم انہیں "مصروفِ تعمیر" رکھیں گے۔

کیونکہ *قوموں کا مستقبل کلاس روم سے نہیں، گھر سے بنتا ہے۔*
اور جو قومیں اپنی نسلوں پر سرمایہ کاری نہیں کرتیں، تاریخ انہیں معاف نہیں کرتی۔

والسلام
*ڈاکٹر ساجد الرحمن اورکزئی*
وائس پرنسپل
*GCMHS No.1 ہنگو*

انا للہ و انا الیہ راجعون
شیر اللّہ ایس ایس ٹی سکول ھذا کی والدہ وفات پا گئی ہیں۔ نماز جنازہ میروبک بانڈہ قبرستان میں سہ پہر 3 بجے ادا ہوگی۔

داخلے 2026-27*
*گورنمنٹ سینٹینیل ماڈل ہائی سکول نمبر 1 ہنگو | صد سالہ ورثہ*

*بسم الله الرحمن الرحيم*
_السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ_

🌟 *داخلے جاری ہیں 2026-27* 🌟
*"ایک صدی سے زائد کا درخشاں سفر — GCMHS No.1 ہنگو"*
_جہاں سے قوم کے معمار نکلے، جہاں سے تاریخ نے جنم لیا!_

*معزز والدین، اساتذۂ کرام اور ہونہار طلبہ!*

*یہ صرف سکول نہیں — "سینٹینیل ادارہ" ہے!*
*Centennial Institution* — جس کی علمی، دینی اور قومی خدمات کو *100 سال سے زائد* کا عرصہ بیت چکا ہے۔

*ہمیں فخر ہے کہ GCMHS No.1 ہنگو نے اس قوم کو نابغۂ روزگار شخصیات دیں:*

*طبی شعبہ:*
🩺 *پروفیسر ڈاکٹر محمد شعیب خان* — معروف آرتھوپیڈک سرجن اور _صدر، آل پاکستان آرتھوپیڈک ایسوسی ایشن_
🩺 *ڈاکٹر میانداد خان بنگش* — سینئر موسٹ معالج
🩺 *ڈاکٹر سید کوثر علی شاہ بنگش* — سینئر ڈاکٹر

*دفاع و قیادت:*
🎖️ *لیفٹیننٹ جنرل علی محمد جان اورکزئی* — _سابق کور کمانڈر 11 کور و گورنر خیبرپختونخوا_
🎖️ *لیفٹیننٹ جنرل عارف بنگش مرحوم* — _سابق گورنر خیبرپختونخوا_

*تعلیم و تحقیق:*
🎓 *پروفیسر ڈاکٹر قاسم جان خان* — _سابق عبوری کابینہ وزیر تعلیم، وائس چانسلر یونیورسٹی آف پشاور و قائداعظم یونیورسٹی اسلام آباد_ — ماہر ارضیات و سائنسدان
🎓 *پروفیسر محمد دین شاہ اورکزئی عرف پروفیسر ایم ڈی شاہ مرحوم* — _ریٹائرڈ پرنسپل گورنمنٹ ڈگری کالج ہنگو_
🎓 *محمد اقبال خان بنگش* — نامور ماہرِ تعلیم، اسی ادارے کے سابق سربراہ
🎓 *حسن جان خان مرحوم* — 1970 کی دہائی میں اسی ادارے کے سربراہ
🎓 *حاجی نیازبت خان صاحب* — سابق پرنسپل و ماہرِ تعلیم

*سول سروس و انجینئرنگ:*
🏛️ *محمد طاہر اورکزئی* — سینئر سول سرونٹ، _سابق سیکرٹری صحت، آبپاشی، سیاحت، لائیوسٹاک_ — جن کی خصوصی کاوش سے ہنگو اورکزئی میں چھوٹے ڈیمز کا جال بچھا
🏛️ *حضرت خان اورکزئی مرحوم* — _سابق ڈی سی ہنگو_
🏛️ *احمد خان اورکزئی* — ریٹائرڈ سینئر سول سرونٹ، _سابق ایگزیکٹو مجسٹریٹ کوہاٹ، اسسٹنٹ پولیٹیکل ایجنٹ باجوڑ، پولیٹیکل ایجنٹ جنوبی وزیرستان و خیبر ایجنسی_
⚙️ *انجینئر حسام الدین خان بنگش* — _وہ ماسٹر مائنڈ جنہوں نے تربیلا ڈیم کو بار بار کے خطرات کے بعد مستحکم بنانے کا آئیڈیا دیا_
🏛️ *بریگیڈیئر ریٹائرڈ منظور خان بنگش* — _ممبر پبلک سروس کمیشن KP و سابق چیئرمین پشاور بورڈ_

*سیاست و عوامی خدمت:*
🗳️ *حاجی خان افضل مرحوم* — _سابق ضلع ناظم ہنگو_
🗳️ *غنی الرحمان مرحوم* — _سابق صوبائی وزیر آبپاشی_
🗳️ *محترم فرید خان صاحب مرحوم* — _سابق MPA_
🗳️ *شاہ فیصل خان* — _سابق MPA_

*علماء و اساتذہ:*
📿 *مولانا مفتی محمد یونس قاسمی صاحب* و *مولانا خبر محمد*، امام مسجد دارالسلام تبلیغ مرکز ہنگو — _اسی سکول سے جماعت دہم فارغ التحصیل، جید عالمِ دین و مصلح_
✒️ *سمیع الدین استاد مرحوم* — قابلِ احترام معلم
✒️ *شریف استاد* — شاعر و مصنف
✒️ *عبدالجلال استاد مرحوم*
✒️ *ہمت اللہ استاد، محترم محمد رحمان استاد* — مبلغ و مصلح و داعی

*...اور ان کے علاوہ سیکڑوں ڈاکٹرز، انجینئرز، سائنسدان، اساتذہ، علماء، سیاستدان اور افسران* — جو ملک و بیرونِ ملک پاکستان کا نام روشن کر رہے ہیں۔

*📌 اہم نوٹ برائے تعلیمی مقصد:*
_یہ شخصیات بطور مثال کے طور پر ذکر کیے گئے ہیں۔ ہمارے لیے GCMHS No.1 ہنگو کے تمام( شخصیات) سابق طلبہ بلا کسی تفریق کے انتہائی قابلِ احترام ہیں۔ ہر (شخصیت )طالبعلم ہمارا فخر ہے، چاہے وہ کسی بھی شعبے میں خدمت انجام دے رہا ہو۔ یہ ادارہ سب کا ہے، اور سب اس ادارے کا سرمایہ ہیں۔_

*یہ سب "نمبر 1" کی صد سالہ روایت کا ثمر ہے!*

*اس ورثے کے امین ہیں:*
*پرنسپل جناب لعل باز خان صاحب* کی مدبرانہ قیادت، *وائس پرنسپل ڈاکٹر ساجد الرحمان اورکزئی صاحب* کی علمی سرپرستی، اور *تمام اساتذۂ کرام* کی بے مثال محنت۔

*GCMHS No.1 کا انتخاب کیوں؟*
کیونکہ یہاں *دینی و دنیاوی تعلیم کا حسین سنگم* ہے:
1. *دینی اساس:* قرآن، تجوید، ترجمہ، تفسیر، اسلامیات و اخلاقی تربیت
2. *جدید علوم:* سائنس، کمپیوٹر، ریاضی، جدید لیبز، کوالیفائیڈ اساتذہ
3. *شخصیت سازی:* کھیل، تقریر، قائدانہ تربیت، نظم و ضبط
4. *سہولیات:* مفت تعلیم، مفت کتب، کشادہ ماحول

*⚠️ اہم نوٹ: سکول کے نظم و ضبط پر سختی سے عمل — Zero Tolerance پالیسی*
*GCMHS No.1 میں نظم و ضبط ہماری پہچان ہے۔ والدین اور طلبہ متوجہ ہوں:*

*ضابطۂ اخلاق — چند اہم نکات:*
1. *یونیفارم:* مکمل، صاف ستھرا یونیفارم، جوتے پالش، بالوں کی مناسب کٹنگ لازمی ہے۔
2. *حاضری:* 90% حاضری کے بغیر امتحان میں بیٹھنے کی اجازت نہیں۔ بلا اطلاع غیر حاضری پر جرمانہ/اخراج۔
3. *موبائل فون:* سکول حدود میں مکمل پابندی۔ پکڑے جانے پر ضبط اور سخت کارروائی۔
4. *اخلاقیات:* اساتذہ کا احترام، نماز کی پابندی، گالی گلوچ، لڑائی جھگڑے پر *زیرو ٹالرنس*۔ فوری اخراج۔
5. *صفائی:* کلاس روم، سکول اور اپنے آپ کو صاف رکھنا ہر طالبعلم کی ذمہ داری ہے۔
6. *وقت کی پابندی:* اسمبلی اور کلاس میں تاخیر ناقابلِ برداشت ہے۔

*یاد رکھیں: نظم و ضبط ہی کامیابی کی کنجی ہے۔ GCMHS No.1 میں "نظم" پر کوئی سمجھوتہ نہیں۔*

*آج کا داخلہ، کل کی قیادت ہے!*
اگر آپ چاہتے ہیں کہ آپ کا بیٹا بھی *ڈاکٹر شعیب خان، جنرل علی محمد جان، پروفیسر ڈاکٹر قاسم جان، یا انجینئر حسام الدین خان* کی طرح قوم کا فخر بنے — تو *"نمبر 1"* آئیے۔

📢 *محدود نشستیں — صد سالہ قافلے میں شامل ہوں!*
📍 *گورنمنٹ سینٹینیل ماڈل ہائی سکول نمبر 1، ہنگو*

*ایک صدی کا اعتماد، آنے والی صدیوں کے لیے عہدِ وفا!*

_منجانب: انتظامیہ و جملہ سٹاف GCMHS No.1 ہنگو_


*اللہ تعالیٰ ادارے کو مزید عروج دے۔ آمین*

*خصوصی پیغام برائے طلبہ و والدین*.تعطيلات.
*GCMHS No.1 Hangu*

*پرنسپل: جناب لال باز خان صاحب*
*وائس پرنسپل: ڈاکٹر ساجد الرحمان اورکزئی صاحب*

عزیز طلبہ اور معز والدین!

گرمیوں کی چھٹیوں کا آغاز ہو چکا ہے۔ اس شدید گرمی اور تپتی دھوپ کے موسم میں سب سے پہلے *اپنی حفاظت یقینی بنائیں۔* دھوپ میں بلا ضرورت نہ نکلیں، پانی زیادہ پئیں اور محفوظ ماحول میں رہیں۔

*طلبہ کے نام پیغام:*
یہ چھٹیاں ضائع کرنے کے لیے نہیں، بلکہ خود کو سنوارنے کے لیے ہیں۔ *پڑھائی کو جاری رکھیں۔* سب سے اہم بات: *موبائل/فون پر اپنا قیمتی وقت ضائع نہ کریں۔* سکرولنگ میں گھنٹے ختم ہو جاتے ہیں، اور ہاتھ کچھ نہیں آتا۔

یاد رکھیں، *آپ خود بھی قوم کا مستقبل ہیں۔* قوم پر اور خود پر رحم کریں۔

اسکول کا امتحانی نظام بہت سخت اور شفاف ہے، جسے ہم بہت سراہتے ہیں۔ *امتحان میں نقل کا سوچنا بھی نہیں۔* نقل سے نہ کوئی قابل بنتا ہے اور نہ ہی یہ آپ کی اصل صلاحیت بنتی ہے۔ محنت کریں، ورنہ بعد میں صرف پچھتاوا ہاتھ آئے گا۔

*والدین کے نام پیغام:*
براہِ کرم اپنے بچوں پر خاص نظر رکھیں۔ ان کے موبائل کے استعمال، پڑھائی اور گرمی سے بچاؤ کو یقینی بنائیں۔

اللہ تعالیٰ آپ سب کو سلامت رکھے، *بابرکت اور محفوظ چھٹیاں گزریں۔ آمین*

* *
*"موبائل کو ٹائم پاس نہیں، پڑھائی کو ٹائم دیں۔ نقل سے صرف پچھتاوا ملتا ہے۔"*

*عزمِ نو کا سویرا*
*GCMHS نمبر 1 ہنگو — ضلع ہنگو کے غریب اور متوسط طبقات کا "کیڈٹ کالج"*

تعلیم وہ چراغ ہے جو نسلوں کے اندھیرے مٹا دیتا ہے۔ جب قیادت باکردار اور وژن واضح ہو، تو عام سکول بھی قوم کے مقدر بدل دیتے ہیں۔ آج GCMHS نمبر 1 ہنگو اسی عظیم تبدیلی کی دہلیز پر کھڑا ہے۔

*پرنسپل لال باز خان اور وائس پرنسپل ڈاکٹر ساجد الرحمان اورکزئی نے مشترکہ عزم کا اعلان کیا ہے:*
*"ہم GCMHS نمبر 1 ہنگو کو ضلع ہنگو کے غریب اور متوسط طبقات کے بچوں کے لیے کیڈٹ کالج بنائیں گے!"*

یہ محض الفاظ نہیں، ہنگو کے ہر مزدور، کسان اور ملازم کے بچے کے لیے امید کا نیا سورج ہے۔

*ہمارا روڈمیپ — خواب سے حقیقت تک:*
1. *ٹیم ورک ہی طاقت ہے* – فرد نہیں، پوری فیکلٹی مل کر بچوں کا مستقبل سنوارے گی۔
2. *روزانہ نگرانی، زیرو غفلت* – ہر کلاس، ہر سبق، ہر بچہ روز چیک ہو گا۔
3. *ڈگری + ہنر = روزگار* – رٹے کی جگہ AI، روبوٹکس، ڈیجیٹل سکلز اور کردار سازی۔

*کیڈٹ کالج کیوں؟*
کیونکہ ڈسپلن، وقار اور اعلیٰ معیار صرف امیروں کا حق نہیں۔ اب *ضلع ہنگو کے متوسط طبقے کا بچہ* بھی اسی سرکاری سکول میں وہی تربیت، وہی اعتماد اور وہی مواقع پائے گا۔ اب غریب کا بیٹا بھی افسر بنے گا، اور بیٹی بھی سائنسدان۔

_إِنَّ اللَّهَ لَا يُضِيعُ أَجْرَ الْمُحْسِنِينَ_
"بے شک اللہ نیکی کرنے والوں کا اجر ضائع نہیں کرتا۔"

*ضلع ہنگو کے غیور والدین کے نام:*
اب شکوے کا وقت نہیں، بھروسے کا وقت ہے۔ GCMHS نمبر 1 ہنگو میں اب صرف گھنٹی نہیں بجے گی، یہاں *ہنگو کے غریب اور متوسط گھرانوں کے بچوں کی تقدیر بدلے گی۔*

آئیے، پرنسپل لال باز خان اور ڈاکٹر ساجد الرحمان اورکزئی کے اس مشن کا حصہ بنیں۔ یہ سکول بدلے گا تو ہنگو بدلے گا۔

*GCMHS نمبر 1 ہنگو: غریب کا خواب، متوسط طبقے کا فخر، ہنگو کا مستقبل۔*

* *

*GCMHS No.1 Hangu – Academic Vision Meeting*
*1st Muharram 1448 AH.*June 17 , 2026 ....

A pleasant and productive academic meeting was held between Honourable Principal Mr. Lal Baz Khan* and *Vice Principal Dr. Sajid Ur Rahman Orakzai

*1. Acknowledgment:* We extend heartfelt gratitude to our dedicated and cooperative staff – the real strength of our school. Special appreciation for the *fruitful Summer Camp results* that have set a strong academic foundation for the new session.

*2. Vision 2026-27:* To establish GCMHS No.1 as the most prestigious institution in District Hangu, achieving excellence in both _taleem_ and _tarbiyah_.

*3. Strategic Roadmap:*
- Capitalize on Summer Camp success to ensure academic results match our distinction in sports
- Launch *“Adopt a Class”* Every teacher to own a class like family
- Structured monthly tests, revival of co-curricular societies, and _Zero Hour_ for character building
- *Core Principle: “Our School, Our Home”* – fostering ownership, care, and pride

*حدیثِ نبوی ﷺ:*
_إِنَّ اللَّهَ يُحِبُّ إِذَا عَمِلَ أَحَدُكُمْ عَمَلًا أَنْ يُتْقِنَهُ_
_"بے شک اللہ پسند کرتا ہے کہ جب تم میں سے کوئی کام کرے تو اسے خوب مضبوطی اور احسن طریقے سے کرے۔"_

_افراد کے ہاتھوں میں ہے اقوام کی تقدیر_
_ہر فرد ہے ملت کے مقدر کا ستارا_

*Our Collective Commitment:*
_“Legacy is not inherited, it is built. With unity, planning, and the spirit of ownership, we will not just compete – we will lead, InshaAllah.”_

*GCMHS No.1 Hangu – Where Excellence Meets Character*